What are the opening hours?

Wednesday 4pm - 6pm Saturday 7pm - 9pm Sunday 8pm - 10pm

https://www.facebook.com/226411644857464/

Dr. Hamed Kadry Plastic Surgery Clinic عيادة أ.د حامد قدري لجراحات التجميل

Home
Egypt
Giza
Dr. Hamed Kadry Plastic Surgery Clinic عيادة أ.د حامد قدري لجراحات التجميل

أستاذ جراحة التجميل كلية الطب جامعة القاهرة
استشاري جراحة التجميل والاصلاح

02/01/2026

‎طول عمري مقتنع ان كل واحد فينا نسخة مميزة لا تتكرر و مش ممكن كلنا نكون شبه بعض و مش هينفع ان الترند Trend يحركنا
‎انا قاعد و مركز وسط مؤتمر عالمي فيه كل اباطرة جراحة تجميل الانف في العالم . و نقاش علي اعلي مستوي و كل واحد بيعرض تجربته و خبرته.
‎و في وسط كل ده انا محتفظ بشخصيتي و اهتماماتي 🤓

‎جرندايزر انطلق

I have always believed we should be a better version of ourselves and not just copies of a stereotype or a trend.

While attending one of the biggest Rhinoplasty conferences in the world, where the best of the best are showing their tips and tricks and sharing experiences.Yet in the middle of all this ,i m writing my remarks and handling the discussion in my own UNIQUE way
GO Grendizer #ترند

17/12/2025

Thank you to every woman who trusted me with their breast augmentation journey in
2025

Surgery is not just about results—it’s about safety, honesty, and responsibility.

Every patient received the same standard of care, attention, and follow-up—before and after surgery.

📍 Personalized planning
📍 Certified implants
📍 Transparent communication
📍 Natural looking results
📍 Long-term follow-up

There are no shortcuts in surgery
Trust is the real guarantee

05/12/2025

الاسبوع اللي فات كان من أهم الأسابيع في رحلتي مع جراحات تجميل الأنف. شاركت في مؤتمر وكورس مكثّف مع نخبة من أعظم جرّاحي الأنف على مستوى العالم—تجربة غنية ومُلهمة على كل المستويات.

على مدار ٣ أيام حضرت ١١ عملية تجميل أنف لأسماء عالمية كبيرة، وكل جرّاح كان بيشارك بخبرته، وأحدث التقنيات، وأدق التفاصيل اللي بتصنع الفرق في النتائج الطبيعية والمتناسقة.
النقاشات، تبادل الآراء، ومشاهدة الطرق الجراحية المختلفة كانت فرصة عظيمة لتطوير فلسفتي و نظرتي.

اللي أسعدني أكتر إن الكورس كان فيه مشاركة مصرية قوية ومشرّفة، وواحدة من العمليات كانت تحت إشراف جرّاح مصري، وده مصدر فخر لأي حد في المجال.

تجارب زي دي بتمكني من تقديم أفضل وأحدث تقنيات تجميل الأنف … لأن كل واحد يستحق نتيجة دقيقة، طبيعية، فريدة ومتناسقة مع ملامحه

31/08/2025

Nothing is like a child s thank you to brighten your day .You know deep inside it is genuine from their heart. المشكلة الوحيدة ان ده مفروض انا🤪 # #يلا محدش بياخد كل حاجة

14/05/2024

‎ايه السن المناسب لعملية تكبير الثدي؟
‎و هل في سن مناسب؟

‎- السن المناسب من كام سنة؟
‎- ⁠ممكن يتعمل قبل الجواز ولا يؤثر علي الرضاعة ؟
‎- ⁠هل في تقنية جديدة ممكن تحسن النتيجة ؟

‎تعالوا نشوف الفيديو سوا

‎ #حامدقدري #تكبيرالثدى

07/05/2024

لاحظنا مؤخرا على السوشيال ميديا بوستات بتسأل الشخص " انت شكل جسمك ايه ؟ أو بمعني اصح مناطق تركز الدهون عندك فين؟

الواقع ان تنسيق القوام مش اجراء واحد وثابت لما نحدد شكل الجسم ومش هيتم بنفس الطريقة والتقنية لكل سيدة أو رجل ، لأن المحددات الرئيسية لجراحة تنسيق القوام كتيرة منها :
- شكل الجسم نفسه زي الطول والنسبة بين الجزء العلوي والسفلي من الجسم
- توزيع الدهون في الجسم سواء زيادة او ناقصة في مناطق معينة
- مناطق تكتل الدهون العنيدة
- حالة الجلد
- عمر الحالة
- الحالة الصحية العامة للشخص

وعوامل تانية ليها دور في الخطة التي يضعها الجراح مع الحالة للوصول الي القوام الذي يرضى عنه الشخص، فمش لازم يكون شفط الدهون هو الاجراء المناسب ولكن قد يكون حقن الدهون هو أكثر مناسبة في بعض الحالات لتحقيق التناسق أو وضع حشوات سليكون .

جراح التجميل هو الشخص الوحيد القادر مع الحالة علي تحديد المناسب

02/05/2024

‎مع انتشار جراحات السمنة و التكميم بتزيد مخاوف الناس من حدوث الترهل في الجلد واجزاء من الجسم نفسه زي الوجه والصدر خاصة لو فقدان الوزن كان كبير او حالة الجلد قبل الجراحة مش جيدة ومتماسكة بدرجة كبيرة.

‎طيب هل نتراجع عن قرار التكميم؟
‎صعب لانه هام في عدد كبير من الحالات.
‎هل ممكن تساعد جراحة التجميل ؟
‎جراحات التجميل تعتبر جراحة تكميلية لعدد كبير من الحالات بعد جراحات السمنة لانها بتعتمد على التخلص من الجلد المترهل ورفع للصدر والوجه أيضا .

‎أيضا بعض الحالات بتحتاج حقن للدهون في مناطق معينة لان بعد التكميم بيحدث فقد ايضا للدهون من أماكن هامة زي الوجه والمؤخرة.

‎وطبعا الجراح بيراعي اخفاء الجروح قدر المستطاع بين ثنيات الجلد لان الهدف في النهاية هو قوام متناسق للمريض.
#تكميم #حامدقدري

18/04/2024

طول عمري منبهر بقدرات الستات. زي ما بيقولوا تعرف تعمل من الفسيخ شربات.، عندنا مانجو في البيت هتبوظ نعملها عصير.
بتعرف تتصرف في كل حاجة.

امبارح بعد يوم طويل من العمليات و بعدين العيادة لقيت صديقتنا العزيزة بتقولي انها بعد ٣ ايام من شفط دهون ٣٦٠ و شد بطن جراحي مصغر بسم الله ما شاء الله عايزة تخرج و مشكلتها في الدرنقة.

أنا باستغراب : لو انت كويسة ممكن تخرجي مفيش مشكلة بس هنسيب الدرنقة يومين كمان.

المريضة: يعني ممكن ؟
أنا: لو تقدري آه عادي .

لقيتها الصبح بعتالي الصور دي عشان توريني ازي عرفت تخبي الدرنقة و هتخرج عادي من غير لما اي حد يعرف انها عاملة عملية.

بهرج و بقول ننزل كتاب ابلة فضيلة (كيفية اخفاء الدرنقة في ٣ خطوات بسيطة)🤣

راحت عملت وصف تفصيلي بالصور و كمان في مانع التسريب Anti leak mechanism

شكرا على مشاركتك و موافقتك على نشر النظام الجديد للخروج بالدرنقة.

حقوق النشر محفوظة و هنعمل براءة اختراع كمان 🤣🤣

# حقوق_النشر_محفوظة #حامدقدري

14/04/2024

‏‎عيد سعيد
‏‎اجازة العيد كانت طويلة شوية و انا مش متعود على القعدة في البيت. قررت اني ممكن اشتري شوية حاجات بسيطة للتصوير و أجرب أصور بنفسي فيديوهات عن أكتر حاجات الناس بتبقي عايزة تعرفها لما تيجي العيادة.
‏‎الفريق اللي معايا كمان كانوا متعاونين جدا و نزلوا في العيد وقرروا يساعدوني.
‏‎التجربة كلها مش Professional وبسيطة و اتعملت بكاميرا موبيل بدون إضاءة معقدة و لا استوديو كلها كانت حاجات تلقائية.
‏‎ربنا يكون في عونكم🤣🤣 أنا صورت كل يوم في العيد وَهنزل الحاجات في أقرب فرصة.
‏‎لو عجبتكم الفكرة أو عندكم حاجة عايزين نتكلم فيها قولولنا و احنا ممكن نكرر الفكرة. #حامدقدري #تصویری

09/04/2024

عيد فطر سعيد و كحك لذيذ #كحك

05/04/2024

‎“ امتى تاخدي قرار حقن النانو فات؟”
‎دايما حقن النانو فات مرتبط بتحفيز الكولاجين وعلاج آثار التقدم في السن والتجاعيد وعلاج الهالات الغامقة تحت العين بمعنى تحسين حالة الجلد بصفة عامة واكسابه مظهر فيه نضارة وعمر أقل من العمر الحقيقي بسنوات.

‎لكن الحقيقة يوجد اسباب اخرى مهمة لحقن النانوفات لازم نركز عليها مثل:
‎- علاج آثار الحروق واللي بتسيب لون غامق واحيانا ملمس مختلف عن باقي الجلد لان النانوفات بيجدد الخلايا اللي مع السن او اسباب كتير بيحدث بطئ في تجددها بالاضافة انه بيحفز الكولاجين ودا كفيل ان الآثار تختفي.
‎- ⁠بيخفي الآثار اللي بتتركها حبوب الشباب من علامات وندبات لنفس سبب تجديد الخلاياوتحفيز الكولاجين.
‎- ⁠حقن الرقبة ومنطقة الديكولتيه والكفين واللي نتيجة عدم الاهتمام بيهم بيظهر عليهم علامات تقدم السن والارهاق بشكل اوضح من الوجه وبيكون العلاج السريع الاول هو حقن النانوفات. #حامدقدري

29/03/2024

إيه الفرق بين شفط دهون الذقن المزدوجة وشد الرقبة؟
- شفط دهون الرقبة بيكون في حالة وجود دهون بسيطة وحالة الجلد جيدة بحيث يساعد ارتداء رباط خاص بعد العملية في شد الجلد وتماسكه.
- ⁠جراحة شد الرقبة بتكون في حالة وجود دهون كثيرة او حالة الجلد غير جيدة او الاثنين معا. وفي هذه الحالة يتم شفط الدهون ثم قص الجلد الزائد لمنع ترهله.

الجراح هو الشخص الوحيد القادر علي تصنيف حجم الدهون وحالة الجلد واختيار الإجراء المناسب للتخلص من الذقن المزدوجة أو مايسمى باللغد.

• اعرفي أكتر عن حالتك لما تشرفينا في العيادة ✨

#تجميل

Address

عيادة: د. حامد قدري لجراحات التجميل
Giza

Opening Hours

Wednesday	4pm - 6pm
Saturday	7pm - 9pm
Sunday	8pm - 10pm

Telephone

201111966097

Website

facebook.com

Alerts

Be the first to know and let us send you an email when Dr. Hamed Kadry Plastic Surgery Clinic عيادة أ.د حامد قدري لجراحات التجميل posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Hamed Kadry Plastic Surgery Clinic عيادة أ.د حامد قدري لجراحات التجميل:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Giza?