20/04/2024
ليه صعب حد يتخن ؟!
ايه المشكلة يعني انك تاكل كتير سهلة ؟!
علشان نفهم ليه صعب لازم نفهم ان اللى بيتحكم ف شهيتنا عندنا كذا حاجة
الهرمونات
ف هرمون زي الانسولين والجريلين مثلاً هيحسسنا بالجوع وهرمون زي الليبتين هيحسسنا بالشبع
والهرمونات دي حالتنا الصحية ونوعية الاكل هي اللي بتتحكم فيها وهيكون ليها بوست منفصل
اما موضوعنا النهاردة هو حجم المعدة وعلاقتها بالوزن
موضوع حجم المعدة مرتبط شوية بدايت السعرات وبموضوع الالياف
ازاي يعني ؟!
يعني لو حجم معدتك كبير هتحتاجي اكل كتير يملاها علشان تبدأ تبعت لجسمك اشارة بإنه شبع ف هتاكلي كتير ووزنك يزيد.
علشان كدا عمليات التكميم بتقوم ع اننا نشيل جزء من المعدة ونصغرها فتتملى بسىرعة
او مثلا ناخد الياف كتير تملى المعدة وتشبعنا
ع الجانب الاخر لو معدتك صغيرة هتشبعى بسرعة وهتاكلى كميات قليلة
ف لو عايزين نزيد ف الوزن بنحاول نزود كميات الاكل بالتدريج علشان نوسع المعدة دي وتقدرى تاكلى اكتر
ف سواء بتخسي او بتزيدي الموضوع صعب وهيحتاج صبر ومجهود عالى ف مش علشان حاسة الموضوع صعب يبقى عندك مشكلة هو صعب فعلاً بس هما اللى بيحاولو يبسطوه ف متفقديش الامل المشكلة مش فيكي.
انا د هند عبدالغنى وانتوا معايا ف fit N' healthy
للاستفسار والمتابعة اتواصل معانا واتساب
1119696221
