دكتور سكر.

Home
Egypt
Giza
دكتور سكر.

تقديم استشارات خاصة بالأنظمة الغذائية لحالات السمنة و?

31/08/2025

الحل إيه؟

14/08/2025

ممكن يكون الوقت متأخر بس الطوارئ لا تحترم الوقت ولا تختار المناسب منه

سيبك من التعليق... واضح أنه فهم غلط 🤔

وخلينا نركز شوية 😂

الطبيعي......

هنأكل في الوجبة دي كذا وكذا وكذا

نبدأ نعرف الأنواع ونعرف كمية الكارب في الوجبة

معانا معامل الكارب من دكتورنا اللي بنتابع معه بانتظام

ويا ريت يكون متخصص سكر

نحسب جرعتنا صح

دي كده اسمها جرعة الأكل

لو قياس السكر قبل الوجبة مظبوط.. هناخد الجرعة دي فقط

قبل الوجبة بربع ساعة لو هنحقن أبيدرا أو نوفو رايبد
أو قبل الوجبة بنصف ساعة لو هنحقن أكت رايبد

(لو سكرنا عالي أو نازل.... هشرحها في التعليقات)

طيب ده التطور والتدرج الطبيعي للخطوات

نحسب كمية الكارب في الوجبة
حسب معامل الكارب... نحسب الجرعة

في حالتنا هنا.... العكس
أخدنا جرعة أنسولين سريع نوفو رايبد

نعمل إيه ك طواريء

أولاً الهدوء والسرعة

لو طبيبك معاك على الخط كلمه
لو مفيش فرصة... ده رقم الخاص ب دكتور سكر. 01066556648

نعمل إيه لو حقنا جرعة أنسولين سريع

نعكس

احنا هنا هنمشي بالعكس

جرعة كذا بتغطي كم جرام كارب

هنجيبها من معامل الكارب

بالتالي لو سكرنا مظبوط
هناكل كمية الكارب اللي تم حسابها على أد كمية الأنسولين اللي تم حقنها

طب لو الكمية كبيرة...... نأخد جزء ونتحرك لأقرب مستشفى أو مركز طبي يساعدنا بمحاليل جلوكوز وريدي

طب لو السكر نازل أو عالي

نازل..... دي طواريء والسرعة هنا مطلوبة

سكر نازل مع أنسولين لسه هيشتغل..... طواريء طواريء

لو درجة الوعي كويسة نبدأ نأخد سكريات فوراً

لو درجة الوعي مش كويسة.... نستعمل حقنة الجلوكاجون
لو مش متاحة.... ممنوع إعطاء أكل بالفم
ممكن نضع كمية سكر أبيض أو عسل صغيرة تحت اللسان أو داخل الشفتين

وبسرعة لأقرب مستشفى أو مركز طبي

طيب لو سكرنا عالي وتم حقن جرعة أنسولين سريع

نحسب جرعة التصحيح حسب معامل التصحيح

ونخصمها من الجرعة اللي تم حقنها

ونتابع القياسات كل ساعة

حتى تنتهي فترة عمل الأنسولين في جسمنا ودي معلومة مهمة جرعة

لو ساعتين فقط وده نادر الحدوث....
كده سكرنا مظبوط بعد الساعتين.... مش هناخد أي كارب

لو سكرنا نازل هناخد كمية الكارب المطلوبة للرفع على حسب معامل الرفع أو حسب قاعدة ال15

لو سكرنا عالي بعد الساعتين نسبة بسيطة.... أنصح بالمتابعة ولا نصحح

لو سكرنا عالي كثير.... نصحح حسب معامل التصحيح

طيب لو الأنسولين يستمر في جسمنا فترة طويلة أو نوع الأنسولين..... مائي زي أكت رايبد مثلاً

محتاجة شرح مفصل... خليها في التعليقات

لو تهت مني

دي الخلاصة

الطبيعي بنأخد جرعة أنسولين سريع قبل الأكل على حسب كمية الكارب في الوجبة ومعامل الكارب

الطوارئ زي حالتنا هنا
حقن جرعة أنسولين سريع بالخطأ
بنعمل العكس
بنأخد كمية الكارب التي تغطيها جرعة الأنسولين التي تم حقنها وبرده من معامل الكارب

لو في نقطة مش واضحة إسأل وهشرحها لحضرتك بالتفصيل

06/08/2025

نبدأ بتعريف التراكمي

ده تحليل دم بيتم في المعمل ودي نقطة مهمة عشان بعض الصيدليات والأطباء بيعرضوا أحياناً عمل تحليل سكر تراكمي سريع وليس في المعمل

ده مش دقيق ولا نعتمد عليه

المهم... التحليل ده مرتبط بنسبة الهيموجلوبين
ودي نقطة مهمة عشان كده بنطلب تحليل صورة دم كاملة كمان معه
ولو في مشكلة في نسبة الهيموجلوبين مش بنعتمد على السكر التراكمي

بالمناسبة له اسم تاني: الهيموجلوبين السكري

المهم أن التحليل ده بيعكس متوسط قياسات السكر خلال أخر ثلاثة شهور

(ثلاثة وليس ثلاث لأن العدد هنا بين ثلاث وتسعة بالتالي بيكون مخالف للمعدود) 😜

كده مش هتسفيد بشكل كبير لو عملته بعد شهر واحد بس

وغالباً مفيش طبيب متخصص بيطلبه إلا بعد ثلاثة شهور.

اللي يهمنا هنا كمان

باقي التاريخ المرضي

سكري نوع ثاني جديد ولا قديم؟
كم الوزن؟
نظام الأكل الحالي؟
تحاليل الغدة الدرقية ونسبة فيتامين د؟
الأدوية الحالية غير أدوية السكر والأمراض المصاحبة؟

طبعاً لو القياسات اليومية في الحدود الطبيعية أو قريب منها خلال أخر ثلاثة شهور هنلاقي التراكمي ممتاز جداً وممكن يكون تحت ال7

لو في نوبات هبوط ودي مستبعدة عشان نوع العلاج ده ممتازة ولا يسبب نوبات هبوط

اللي هو الميتفورمين واسمه التجاري جلوكوفاج

ولو في نوبات ارتفاع ودي بتحصل مع وجود التهابات أو تناول كمية كبيرة غير معتادة من الكارب أو غيره من الأسباب

ده ممكن يسبب ارتفاع التراكمي حتى لو كان لفترة أيام قليلة خاصةً لو متكرر

بشكل عام
التراكمي لا يغني عن القياسات اليومية

التراكمي جزء من التقييم

هسيب لحضرتك فيديو فيه شرح عن التراكمي في التعليقات

04/08/2025

عندنا مشكلة يا دكتور سكر.
وعايزين رأيك

مع حضرتك؟

أزاي يحصل هبوط ومع ذلك التراكمي عالي تسعة ولما بينزل بيوصل لثمانية مش بيقل عن كده؟

#ببساطة
السر في التفاصيل

احكي لي تفاصيل كاملة عن يوم معتاد
من أول ما نصحا من النوم وحتى نهاية اليوم

موعد النوم والاستيقاظ

قياسات قبل الوجبات وبعدها بساعتين
جرعات الأنسولين الخاص بالوجبات والقاعدي

قياس قبل النوم وعند الفجر وعند الاستيقاظ

29/07/2025

لا ده ولا ده

الحل... ببساطة نعالج السبب

السكر عالي وعمل التهاب أعصاب سكري.... نظبط السكر

الوزن زيادة وله تأثير سلبي علي العمود الفقري لدرجة غضروف.... ننزل الوزن ونأخد رأي دكتور عظام عمود فقري أو جراحة مخ وأعصاب

وهكذا...

نشوف السبب ونعالجه

بالمناسبة نقص فيتامين ب أحد الأسباب... لكن نادر جداً

بالتالي العلاج ليس في اللزقة ولا ميلجا

العلاج..... علاج السبب

15/07/2025

معلش يا دكتور سكر. هو كده كويس
تعالى نتناقش الأول

ده سكر صائم ولا بعد الأكل بساعتين ولا عشوائي ولا عند النوم ولا سكر الفجر
؟؟

دي الأوقات المهمة اللي بنحب حضرتك تقيس فيها وبنسميها القياسات اليومية

حضرتك سكري من متى؟
حضرتك معتمد على #أنسولين ولا أقراص
ولا نظام غذائيّ ورياضة

طيب هل في أعراض هبوط حالياً مع حضرتك؟

حضرتك متعود على القياسات دي
يعني متوسط السكر عند حضرتك في المعتاد قريب من الرقم ده

طيب هدف حضرتك في ضبط السكر كم؟

في مشاكل تانية معانا زي قدم سكري مثلاً؟

لو بتأخد أدوية زي أماريل وأخوته
هل وجبتك اليوم في الفطار زي المعتاد ولا قلت شوية في كمية الكارب
وهل بذلت مجهود بدني زيادة عن المعتاد؟

طيب لو بتأخد أنسولين
كم ساعة يستمر الأنسولين الخاص بالوجبة في جسمك؟

هل هو أنسولين سريع ولا مائي؟

بتاخد أنسولين قاعدي إيه؟
هل له وقت قمة؟

وغيرهم من الأسئلة المهمة قبل الرد على سؤال حضرتك وأقولك الرقم ده حلو ولا وحش

13/07/2025

أول تعليق كان: سكر منخفض.... بسرعة لازم ترفع السكر

تعليقي: ممتاز جداً
بس كرقم
لك لو عايز تقييم شامل صحيح..... محتاج تفاصيل كاملة.

13/07/2025

لما يكون التراكمي فوق ال10
مرة واتنين

مع فقدان كتلة عضلية

فكر في الأنسولين بقوة

لما تكون بدأت بدواء واحد ثم وصلت الآن لأربعة أنواع من الأدوية الفموية والسكر يومياً فوق ال200

فكر الأنسولين بس بقوة

لما يكون عندك سكر من فترة طويلة وماشي على نظام غذائيّ صح ومع ذلك السكر مش بينزل بشكل مُرضي

فكر في الأنسولين بقوة

لما السكر يكون علي لفترات طويلة وبدأت تعاني من مضاعفات السكري زي مشاكل شبكية العين أو اعتلال الكلى أوقدم سكري أو غيره

فكر في الأنسولين بقوة

الأنسولين من أفضل الوسائل للحفاظ على معدل الجلوكوز في الدم خاصةً لما تكون محتاج له

بلاش تخاف من #الأنسولين ولا تقلق منه

تعلم كيفية التعامل معه بشكل صحيح يمنع أو على الأقل يقلل المشاكل اللي ممكن تتعرض لها مع الأنسولين

طبعاً التقييم الشامل واللي جزء منه تقييم تغذوي..... مهم جداً قبل اتخاذ أي قرار يخص العلاج والنظام الغذائي ونظام الرياضة

بس يا ريت يكون تحت إشراف طبيب متخصص.

12/07/2025

صحح الخطأ إن وجد
وحاول تجاوب على السؤال

10/07/2025

سكري نوع ثاني مع نظام غذائيّ غير صحيح
مدخن شره لمدة ثلاثين عام ويزيد
ضغط دم مرتفع مع عدم اهتمام بالعلاج

وصلنا لقدم سكري صعب شويتين

بالكاد وافق يأخد أنسولين
السجائر تنازل عن علبة وأصر على علبة يعني عشييييين سوجارة بس في اليوم

وضعنا نظام غذائي
بدأنا نشرح كيفية التعامل مع الأنسولين

سمع كلامنا واهتم

لكن رفض رفض قاطع وبدون جدال أو نقاش

مش هوقف الحقن دي يعني مش هوقفها

أنا: على بركة الله
كمل يا أبويا كمل

09/07/2025

عندك سؤال عن السكر أو التغذية أو #الأنسولين؟

تعالى نتعلم مع بعض

08/07/2025

أنواع السكر متعددة
- سكر نوع ثاني وهو الأشهر والأكثر انتشاراً
- سكر نوع أول وعلاجنا هلا أنسولين من أول لحظة اكتشاف
- سكر حمل
وده أصبح موجود كثير لأسباب كثيرة سنناقشها قريباً

-أنواع أخرى
لا تمثل سوى نسبة بسيطة جداً

العلاج بيختلف من شخص لغيره
من نوم لنوع تاني
من وقت لأخر

عموماً مفيش حاجة اسمها علاج سكري لكل الأنواع
مفيش حاجة اسمها علاج لكل السكريين

لكن في قواعد ثابتة مهمة لازم نحترمها

مثلاً
مينفعش تظبط سكرك بدون نظام غذائي

حتى لو علاجك أنسولين

الحمد لله على نعمته
اللهم إني أسألك من فضلك الواسع.

Address

Giza
43518

Telephone

+201066556648

Website

https://www.youtube.com/c/دكتورسكر

Alerts

Be the first to know and let us send you an email when دكتور سكر. posts news and promotions. Your email address will not be used for any other purpose, and you can unsubscribe at any time.