What are the opening hours?

Monday 11am - 1am Tuesday 11am - 1am Wednesday 11am - 1am Thursday 11am - 1am Friday 11am - 1am Saturday 11am - 1am Sunday 11am - 1am

https://www.facebook.com/259124787464149/

صيدلية الايمان, صيدلية الإيمان الوراق الجيزة, Giza (2025)

27/04/2023

🌸
---؛؛؛---؛؛؛---؛؛؛---؛؛؛---؛؛؛؛---
دم في البول مشكلة خطيرة فيها لون البول بيتحول في الحالات الشديدة للون الوردي أو الأحمر؛
📍أشهر أسبابها الحصوات في المثانة البولية أو الحالب أو الكليتين.
📍عدوي الكليتين أو ترسب حصوات الكالسيوم.
📍تضخم البروستاتا عند الذكور وهي غدة بتحيط بمحري البول أسفل المثانة عند الرجل.
📍عدوي المسالك البولية والالتهابات الشديدة المتكررة خاصة عند مرضي السكري.
📍أنواع السرطانات المختلفة: سرطان الكلي، المثانة البولية أو البروستاتا.
📍بغض الأدوية زي: الأسبرين والهيبارين اللي بتحفز سيولة الدم.
📍الرجال بعد منتصف العمر بسبب مشاكل البروستاتا والنساء مع التقدم في العمر بسبب تكرار عدوي المهبل والتهابات المثانة والمسالك البولية.

26/04/2023

🌸
---؛؛؛--؛؛؛----؛؛؛--؛؛؛؛--؛؛؛---
📍السكر: السم الأبيض كلنا عارفين مخاطره علي صحة الجسم كترته بيتراكم في الكبد علي شكل دهون ويزود فرص الكبد الدهني.
📍المشروبات الغازية خطيرة للغاية علي صحة المريض فيها نسبة عالية من السكر وتراكم الدهون علي الكبد وزيادة وزن الجسم.
📍فرط الملح من الأطعمة والأشربة ضرر جدا علي صحة الجسم وبيسبب احتباس الماء والسوائل وبيرفع ضغط الدم وبيضر بصحة الكبد.
📍اللحوم الحمراء فيها نسبة عالية من البروتينات بتسبب مجهود كبير علي صحة الكبد والكليتين.
📍إدمان الكحول وما ينتج عنه من التليف الكبدي وزيادة فرصة التعرض لسرطان الكبد.
📍الأطعمة الجاهزة السريعة اللي كلها كوليسترول سئ ودهون ثلاثية.
📍أي أطعمة تحتوي علي الدقيق الأبيض زي المكرونة والبيتزا والخبز كله ده بيتحول لسكريات تسبب تراكم الدهون في الكبد وتحفيز مشكلة الكبد الدهني.

25/04/2023

🤔
----؛؛؛---؛؛؛---؛؛؛--؛؛؛----؛؛؛---؛؛؛---؛؛؛---
تحليل الكوليسترول والدهون الثلاثية من أهم التحاليل الدورية في الحالات التالية:
📍مرضي الضغط المرتفع لأن تراكم الدهون الضارة والكوليسترول السئ علي جدر الأوعية الدموية بيعمل تصلب شرايين ويرفع الضغط.
📍لو كنت من مدخنين السجائر خاصة التدخين بشراهة لأن من أضراره ارتفاع مستوي الكوليسترول في الدم.
📍مرضي السمنة المفرطة لأن الوزن الزائد بيكون ناتج عن تراكم الدهون الضارة وبالتالي زيادة فرص أمراض القلب بسبب الكوليسترول السئ.
📍الأشخاص اللي حياتهم كلها أكل جاهز أو تيك أواي ومقليات وزيوت أهم سبب لارتفاع الكوليسترول الضار في الجسم.
📍 مرضي السكر المرتفع لأن من مخاطره علي المدي البعيد مشاكل القلب.
📍في حالة وجود تاريخ مرضي من حدوث الجلطات الدموية، السكتات الدماغية أو ارتفاع الدهون الثلاثية والكوليسترول السئ في الدم.

24/04/2023

🥳
----؛؛؛---؛؛؛---؛؛؛---؛؛؛---؛؛---
داخلين علي الصيف ومهم تشرب ماء 🥲:
🔆رطب جسمك بالماء طول اليوم علي فترات متباعدة لا تقل عن 2.5 ل 3 لتر من الماء، قلة الماء خطر علي الكليتين.
🔆متشربش الماء مرة واحدة غلط جدا وبشكل مباشر الجسم هيدر البول وهيخفف الأملاح المهمة في الجسم رطب جسمك كل فترة وأنت قاعد.
🔆تناول الماء مش ساعة أما تعطش بس لا كل ساعة علي الأقل تناول كوب ماء كبير عشان تتجنب جفاف الجسم.
🔆لا تتناول الماء في زجاجات بلاستيك لأن دي ليها عدد مرات فقط مسموح خلالها باستخدام الزجاجة ثم التخلص منها اشتري زجاجات الزجاج.
🔆بلاش تناول ماء مثلج غلط جدا علي أسنانك ومعدتك وبيعمل صداع مهم يكون الماء بارد بس متحمل.

23/04/2023

🥳
----؛؛؛--؛؛؛---؛؛؛--؛؛؛---؛؛؛---؛؛---
كل عام وأنتم بخير، اطمأن علي صحتك بمجموعة هامة من التحاليل:
📍ملف الدهون الكاملة: كوليسترول سئ، دهون ثلاثية، كوليسترول نافع عشان تطمأن علي صحة القلب والأوعية الدموية بعد المحمر والمشمر في رمضان 👊
📍صورة الدم الكاملة: عشان تطمأن علي نسبة الهيموجلوبين، عدد كرات الدم الحمراء، كريات الدم البيضاء عشان المناعة.
📍تحاليل السكر الهامة: سكر تراكمي، سكر صائم وفاطر وعشوائي خاصة لمرضي السكري عشان نعدل الجرعات الدوائية تاني.
📍تحاليل البول والبراز: اطمأن علي صحة المسالك البولية خاصة لأي مريض بيعاني من الالتهابات وارتفاع نسبة الصديد والأملاح، علاج مشاكل القولون من الانتفاخات والديدان.
📍قيس ضغط الدم لمرضي الضغط المرتفع أو المنخفض وتابع مع الطبيب المختص لضبط مستوي ضغط الدم.

22/04/2023

🥲
---؛؛؛---؛؛؛---؛؛؛--؛؛؛؛---؛؛؛؛---؛؛؛؛؛---
🌸استبدل الأطعمة المبهرة واللي مليانة دهون وتوابل بالخضاروات الورقية والفواكه اللي كلها معادن وفيتامينات هامة وألياف عذائية.
🌸قسم الوجبات اليومية الرئيسية الثلاثة إلي 5 وجبات صغيرة بحيث تكون كل وجبة صحية متكاملة.
🌸خلي عندك يوميا موعد أساسي لممارسة الرياضة بانتظام لحرق الدهون الزائدة في الجسم حتي لو 20 دقيقة جري خفيف في المكان.
🌸احذر الأكلات مرتفعة السكر خاصة كحك وبسكويت العيد والشيكولاتات وتجنب الإفراط في المشروبات الغازية.
🌸قم باستبدال المشروبات الغازية والعصائر المعلبة ب عصير طبيعي قليل السكر.
🌸ظبط مواعيد نومك وتجنب السهر الطويل لأنه سبب مهم لزيادة الوزن، حافظ علي الأقل 7 ساعات للنوم في الليل.

21/04/2023

💙
---؛؛؛---؛؛؛---؛؛؛---؛؛؛---؛؛؛---؛؛؛---
💡إحنا لسه طالعين من صيام عود معدتك علي الأكل واحدة واحدة🥲
💡بلاش إفراط في الأكل الدسم اللي كله كوليسترول ودهون ثلاثية أو مقليات ودهون وزيوت عشان التلبك المعوي والانتفاخات.
💡دوق يا باشا كحك وبسكويت العيد دوق مش حط الصينية وتضرب كيلو ونرجع نشتكي من المعدة والمرارة عشان السمنة 🤣
💡حبايبنا بتوع الرنجة والفسيخ من مصدر ثقة وخد بالك بلاش تتقل أوي مع تناول الخضار والسلطة والبصل ويكون من مصدر ثقة وترطب جسمك بالماء.
💡ترمس العيد براحة عشان بيعمل مغص وإمساك، اضرب يا باشا بس باعتدال نبوس إيدك 🥲
💡احذر السكريات من الشيكولاتات والمشروبات الغازية المعدة هتشتكيكم إلي الله 😂.
💓الفكرة تناول اللي نفسك فيه بس بكميات معتدلة وعلي فترات عشان معدتك تتعود علي الفطار 🌸
💡

20/04/2023

.
---؛؛؛---؛؛؛----؛؛؛---؛؛؛؛----
🔆اهتم برجوع عادتك في النظام الغذائي بالتدريج بلاش تكبس مرة واحدة كده علي طول🤣
🔆اهتم بتقسيم وجباتك الغذائية وبينهم سناكس خفيفة عشان تحافظ علي صحة القولون.
🔆ترطيب متكامل لجسمك بالماء من 2 ل 3 لتر علي مدار اليوم.
🔆نظم روتين نومك تاني وحافظ علي النوم الصحي من 6 ل 8 ساعات بالليل.
🔆تجنب تناول الطعام الغذائي غير الصحي اللي كله دهون ثلاثية وكوليسترول سئ وتناول الطعام الصحي اللي كله فيتامينات ومعادن.
🔆حافظ علي الألياف العذائية الطبيعية من الخضروات الورقية والفواكه لتجنب الإمساك وترطيب الجسم.
🔆اهتم بممارسة التمارين الرياضية بانتظام لحرق الدهون الزائدة عن حاجة الجسم.
🔆بلاش تدخل بقلب جامد في الكحك والبكسويت أو الترمس عشان الإمساك🥲

19/04/2023

.
----؛؛؛---؛؛؛---؛؛؛---؛؛؛؛---؛؛؛---؛؛؛؛-----
🌸عود نفسك علي الصيام كل فترة مفيد جدا وصحي للجسم، أهم فائدة بيطهر الجسم من كل السموم وسبحان الله بالأدلة العلم أثبت أهمية الصيام المتقطع.
🌸الاستيقاظ باكر في الفجر لأن وقت كله بركة صلي الفجر ومارس أي رياضة بعد الصلاة تحفز الدورة الدموية في جسمك.
🌸حافظ علي تناول التمر وجبة عذائية صحية متكاملة ويمد الجسم بالطاقة والحيوية.
🌸قسم الوجبات الغذائية علي مدار اليوم وسناكس خفيفة بين الوجبات بلاش إفراط في تناول الوجبة مرة واحدة.
🌸ترطيب متكامل للجسم بالماء والسوائل علي مدار اليوم لتطهير الجسم من السموم وتجنب الجفاف.
🌸اتحكم في أعصابك وبلاش غضب ولا توتر لصحتك النفسية.

18/04/2023

.
---؛؛؛---؛؛؛---؛؛؛---؛؛؛--؛؛؛---؛؛---
أكبر غلطة إقتران فكر الناس عن شهر رمضان بكثر الحلويات والسكريات 🥲:
💡أول مشكلة بتطلع من رمضان وزنك زايد جدا خاصة عشاق الحلويات جدا يعني.
💡ارتفاع سكر الدم لو أنت بالفعل مريض سكر أو زيادة مقاومة الأنسولين في جسمك لو سليم ووزنك كبير.
💡الهبوط الشديد خاصة اللي بينفرد بطبق الحلويات مع نفسه لأن كل الدم بيتجه بشكل كبير ناحية الجهاز الهضمي عشان الهضم بيقل وصوله للمخ.
💡الدوخة والدوار وهبوط ضغط الدم خاصة اللي بيأكل من هنا ويجري ينام.
💡أضرار كبيرة علي صحة الجهاز الهضمي وزيادة فرصة التعرض للإمساك الشديد والتلبك المعوي بسبب كثرة السكريات.
💡تسوس الأسنان واضطراب سكر الدم وضعف الجهاز المناعي.

17/04/2023

💓
---؛؛؛---؛؛؛--؛؛؛--؛؛؛---؛؛؛---
طبعا من أهم النصائح علي مائدة الإفطار تبدأها ببضع تمرات بما لها من فوائد قيمة:
🔆التمر مصدر سريع للطاقة وبالتالي يمد الجسم بالسكر سريع الامتصاص مع بداية الفطار.
🔆ابدأ فطارك ب 3 تمرات كعدد متوسط يمد جسمك بالجلوكوز المسئول عن انتعاش طاقة الجسم بسرعة كبيرة بعد طول مدة الصيام.
🔆التمر مصدر هام للألياف الغذائية الطبيعية وعشان كده هيجنبك الإمساك وهي مشكلة شائعة في رمضان.
🔆التمر بلبن مشروب رمضاني من الدرجة الأولي كله فيتامينات ومعادن وطعم ملوش حلو.
🔆التمر فيه مضادات أكسدة قوية تطهر جسمك من الملوثات وتدعم مناعتك.
🔆بس خد بالك فيه نسبة عالية من السكريات لازم الحذر مع مرضي السكري عشان متزودش فيه وكذلك بيزود الوزن، مهم تعتدل في تناوله🤠
💕

16/04/2023

.
---؛؛؛---؛؛؛---؛؛؛---؛؛؛---؛؛؛---؛؛؛---
🔆الألياف الغذائية موجودة بشكل رئيسيي في الخضار خاصة الخضار الورقي والفواكه.
🔆نصيحة مهمة مع الصيام تناول ألياف عذائية مبدئيا عشان تمنع حدوث الإمساك اللي يعتبر واحدة من أشهر مشاكل الصيام بسبب الجفاف.
🔆تناول الألياف الغذائية ليها دور مهم في تنظيم حركة الأمعاء ومنع الإمساك وتجنب الانتفاخات والغازات.
🔆مصدر مهم لترطيب الجسم عن طريق الحصول منها علي الماء خاصة من الخضار الورقي مثل: الجرجير، الخس أو الفواكه مثل الحمضيات.
🔆مهم تركز علي تناول الألياف من الخضار أو السلطة أو الفواكه قبل وجبة الفطار مش بعده عشان تمنع الانتفاخات والغازات وكمان تسد الشهية للي ماشي علي نظام غذائي.
🔆مهم تركز علي الألياف من السلطة أو خيار لوحده علي وجبة السحور لإمداد الجسم بالماء ومنع العطش.

صيدلية الايمان

27/04/2023

26/04/2023

25/04/2023

24/04/2023

23/04/2023

22/04/2023

21/04/2023

20/04/2023

19/04/2023

18/04/2023

17/04/2023

16/04/2023

Address

Opening Hours

Telephone

Website

Alerts

Contact The Practice

Shortcuts

Share

Category

Monday	11am - 1am
Tuesday	11am - 1am
Wednesday	11am - 1am
Thursday	11am - 1am
Friday	11am - 1am
Saturday	11am - 1am
Sunday	11am - 1am