https://www.facebook.com/265208006675510/

Coach Esraa Al-Awaidi, Giza (2025)

17/08/2025

المشكلة مش في الموقف اللي حصل..
المشكلة إن دماغك بتعمل Replay للمشهد 100 مرة وتعيش الألم من جديد!

وللاسف عقلنا مش بيميز إذا كانت الفكرة حقيقية بتحصل دلوقتي ولا مجرد ذكرى أو سيناريو في دماغك..
عشان كده بتحس إنك بتعيش الموقف من الأول وكأنه لسه حاصل.

الـ Overthinking بيخلي مخك يفتكر تفاصيل صغيرة جدًا وكأنها لسه بتحصل دلوقتي..
وده السبب إنك تحس بتعب نفسي وجسدي بعد موقف عدي اساسا وخلص.

لازم تبدأ تلاحظ إنك مش الفكرة نفسها… إنت الشخص اللي بيشوف الفكرة وهي بتيجي وتروح.
لما تفصل نفسك عنها هتعرف تتحكم أكتر في عقلك بدل ما هو اللي يتحكم فيك.

تقدر تفتكر دلوقتي إيه أكتر موقف دماغك فضلت تعيده 100 مرة؟

16/08/2025

عمرك سألت نفسك… ليه موقف صغير جدًا من سنين يفضل عالق في دماغك وكأنه لسه حصَل؟ 🤔

السبب حاجة اسمها Emotional Memory Imprint.
المخ بيربط أي تجربة قوية بانفعال (خوف – فرحة – حزن)، ويخزنها في جزء اسمه Amygdala.
عشان كده تفتكر كلمة جارحة من 10 سنين وتنسى تفاصيل يوم عادي من امبارح.

ولو فكرتوا في فيلم Inside Out 2، هتفتكروا إزاي المشاعر كانت بتخزن لحظات صغيرة وتحوّلها لذكريات أساسية Core Memories.
ده بالظبط اللي بيحصل في دماغنا: موقف بسيط + شعور قوي = ذكرى بتفضل محفورة.

المخ ساعات ما بيفرقش بين التجربة الحقيقية والتخيل العميق لها.
يعني لو فضلت تعيد replay لموقف سلبي… هو بيتخزن كأنه بيتكرر تاني! وده سبب إن القلق بيستنزفنا.

إزاي نستفيد؟

بدل replay للأحداث المؤذية → نعيد صياغتها بعقلنا (Reframing).

ونخلق لحظات إيجابية قوية مرتبطة بإحساس، موسيقى، صورة… فتتحول لذكريات حلوة محفورة جوانا.

شاركنا بقا وقولنا ايه أكتر مشهد من Inside Out حسيت إنه بيعكس حياتك بجد؟ أو إيه ذكرى صغيرة جدًا لسه عايشة معاك لحد النهاردة؟ ❤️

✨ ولو حابب تعرف إزاي تقدر تعيد صياغة المواقف المؤذية وتخلق لحظات إيجابية قوية تخليها محفورة جواك… استنى البوست الجاي. 👏🏻

#وعي #فكر #إيجابية

15/08/2025

إحنا السبب في انحدار السوشيال ميديا… مش هما!
عارفين ليه؟
لأن المشكلة مش في الناس اللي بتطلع تعمل محتوى تافه… المشكلة فينا إحنا اللي بنتفرج وبنعلّي الريتش من غير ما نحس.

أنت بمجرد ما تفتح الفيديو وتكمل مشاهدته، حتى لو علشان “تضحك” أو “تنتقد”، أنت كده بتبعته لألف غيرك يشوفه.
ولو علّقت وأنت متعصب أو بتشتم؟ أنت رفعت قيمته أكتر.

خوارزميات السوشيال ميديا ما بتميزش المحتوى الجيد من السيئ… هي بتشوف مين بيتفاعل أكتر، وتعرضه لناس أكتر. حتى الكومنت السلبي بيترجم عند الخوارزمية إنه "اهتمام".
يعني كل مرة تتفاعل مع حاجة ما تستاهلش… أنت بتموّل انتشارها مجانًا!

صنّاع المحتوى التافه عارفين يستفزوك إزاي:

أسلوب كلام غريب.

أفكار متطرفة.

مشاهد تصدمك أو تثير فضولك.

والموضوع مش بس أفراد، في شركات تسويق (إلا من رحم ربي) بتبني خططها على الإحصائيات دي:
الفضايح جابت مشاهدات؟ يلا على الفضايح.
التفاهة كسرت الدنيا؟ يلا على التفاهة.

الحل مش سهل، لكنه بسيط:
ابدأ بنفسك.
راقب وقتك، قوّي إرادتك، وامنع نفسك من دعم أي محتوى هابط، حتى لو بكلمة نقد.
وقتها هنرتقي كلنا لوعي وفكر وثقافة تليق بينا. 🌿

#تسويق #وعي #خوارزميات #ثقافة

14/08/2025

في جزء منك أنت مش شايفة !

في علم النفس فيه أداة اسمها Johari Window، بتقسم شخصيتك لـ 4 مناطق:

1️⃣ المنطقة المفتوحة: إنتَ والناس عارفينها عنك (شخصيتك الظاهرة).
2️⃣ المنطقة العمياء: الناس شايفاها عنك… وإنتَ مش واخد بالك.
3️⃣ المنطقة الخفية: إنتَ عارفها عن نفسك… ومخبيها عن الناس.
4️⃣ المنطقة المجهولة: ولا إنتَ ولا الناس تعرفوها — ودي اللي بتكتشفها مع التجارب.

💡 السر الحقيقي للتطور إنك تقلل "المنطقة العمياء" عن طريق طلب Feedback، وتستكشف "المجهولة" عن طريق التجارب والمغامرات الجديدة.

اسأل نفسك النهاردة:

إيه الحاجة اللي ممكن الناس شايفها فيّ وأنا مش شايفها؟

إيه الجزء اللي لسه مخبيه عن العالم؟

التغيير الحقيقي بيبدأ لما تسمح لنفسك تشوف صورتك من زوايا جديدة. 🌱

13/08/2025

"مش كل تراجع في البزنس معناه خسارة… أحيانًا بيكون خطوة للوراء علشان تاخد قوة وتنط لقدام. 🚀

📌 نصائح سريعة وقت ما تحس إن البزنس واقف:

1. راجع أهدافك — ممكن تكون اتغيرت وانت مش واخد بالك.

2. شوف لو المشكله فيك أنت — أحيانًا الحل جاي من حتة انت مكنتش متوقعها وان العيب يبقي اسلوبك وشخصيتك لازم تبقي بتطور من نفسك داخليا وتحسن من نمط تفكيرك.

3. حلّل أرقامك — الأرقام بتحكي القصة الحقيقية بعيد عن الإحساس.

4. جرّب حاجة صغيرة جديدة — الابتكار مش دايمًا مشروع ضخم، ممكن فكرة بسيطة تغيّر المسار.

كل أزمة فيها فرصة… المهم تكون مستعد تشوفها." 🌿

#تحفيز #إلهام #نجاح

12/08/2025

يمكن مش حاسس بقيمة الخطوات الصغيرة اللي بتعملها كل يوم…
لكن بعد فترة هتبص ورا، وتكتشف إن كل خطوة منهم كانت بتقربك أكتر من حلمك.
استمر… حتى لو الطريق بطيء. 🌱"

#نجاح #إلهام #تحفيز

12/08/2025

زي ما في صحة جسدية بنهتم بيها ولو في حاجة تعبتنا بنروح نكشف ونعمل إشاعة وتحاليل ونعالج اي مرض أو ألم ، زي ما في صحة نفسية بنحتاج ضروري نهتم بيها لأنها ممكن تسبب مشكلات حياتية كتير وتوقف طرق كتير كنا ماشينها أو عايزين نمشي فيها وكمان ممكن تسبب ألآم جسدية ملهاش علاج غير بتحسين المشكلات النفسية..

مع بعض هتوصل لهدفك و هتحل المشكلات اللي ممكن تواجهك أو تقف قدامك واللي بسببها ممكن تعطل حاجات كتير ف حياتك مع أن الدنيا أبسط بكتير مما تتخيل ومفيش مشكلة ملهاش حل وكل ده من خلال رحلة بنمشيها سوا بتبقي أنت بطلها وتحل كل ده بنفسك بتبقي رحلة قصيرة جدا ولكن أثرها كبير جداا في حياتك وبتبدأ بفصلة جديدة ف حكايتك 💪🏻

وهو ده دور اللايف كوتش.

#إلهام #تحفيز #وعي

12/08/2025

زي ما بيكون عندنا أهداف شخصية بنحلم نوصلها، في كمان أهداف مهنية أو مشروع أو فريق عمل بنتمناه ينجح ويتطور.
البزنس كوتشينج هو المساحة اللي بنقف فيها مع بعض ونشوف فين إحنا دلوقتي، وإيه الخطوات اللي هنمشيها علشان نوصل لأهدافنا الكبيرة.

دوري إني أساعدك كصاحب بيزنس أو كمدير فريق إنك تحدد رؤيتك بوضوح، تبني استراتيجيات عملية، وتشتغل على تطوير أداء فريقك بأسلوب يخلي مكان الشغل مش بس منتج… لكن كمان مكان مريح، دافئ، ويشبه العيلة، علشان كل واحد يحس بالانتماء ويقدم أفضل ما عنده.

سوا، هنشتغل على تطوير عملك وتحقيق نمو مستدام، وفي نفس الوقت نحافظ على جو مليان ثقة، ودعم، وتعاون. 🤝

وده هو دور البزنس كوتش.

#كوتشينج #تحفيز #إلهام

22/05/2025

في نوعين من بيئة العمل :

النوع الأول : بيئة عمل سوية فيها ناس متعاونة متحابة وبتحاول قدر الإمكان أنها تطور من نفسها وتشجع من بداخلها على التطوير أيضاً وفيها نوع من التقدير المعنوى من إدارة العمل على جهدك المبذول ودى مع الوقت بتلاقي نفسك للأفضل.

النوع الثانى : بيئة عمل سامة فيها ناس بتنافق بعضها من أجل مسايرة الأمور بس هم في الحقيقة مش طايقين بعض ودى بقى هاتحولك لمريض زيهم مع الوقت، ودى نوعية إدارة العمل اللى بتحاول تقلل من مجهودك علشان ترضى بالقليل.

عموماً بيئة العمل زى بيئة الأسرة بالضبط، وبتأثر بشكل كبير على شخصية صاحبها أما تجعل منك شخصية سوية أو تجعل منك شخصية غير سوية.

21/05/2025

كله بيأدي الي جلد الذات وعدم قبول النفس

أهم الأسباب اللي بتؤدي الي جلد الذات

1- طريقة التربية
2- السعي للكمال

1- التربية
هي أصل المشاكل النفسية وبيرجع جلد الذات لأشهر طريقة خاطئة للتربية أسمها helicopter parenting يعني أنك طيارة هليكوبتر فوق دماغ أولادك بتحاصرهم بشكل مستمر .. في فرق كبير بين معرفة الطفل الفرق بين الصح والغلط ومحاولة تجنب الأخطاء وبين أنه يرفض احتمالية وقوع الخطأ أصلا ف لما تضغط علي الطفل وتأنبة بشكل مستمر بيتحول الأمر عنده من أنه يرفض الخطأ أنه يرفض نفسة أصلاً..

2- السعي للكمال perfectionism "الكمالية"
الانسان في سعية للكمال لازم يتقبل أنه ضعيف وعارف أنه ناقص ومش هيكتمل أبدا الكمال للَّه وحده وأحنا مش ملائكة ولازم في نفس الوقت أنه ميخليش الكمالية دي تؤدي أنك تتضر بشكل كبير ف حياتك .. والكمالية بتظهر في أشكال مختلفة يعني مثلا "كمالية الآخرين انك تشوف اللي حواليك لازم يجتهدوا ويبقوا احسن حاجة" و "كمالية انك انت نفسك تسعي لإرضاء الآخرين " وهكذا..

طب إزاي أعالج ده واعزز ثقتي بنفسي ؟
تعالي اقولك يعني أصلا أعزز ثقتي بنفسي
معناها أنك تساعد في زيادة الثقة في قدراتك وقدرتك على التعامل مع التحديات وتحقيق النجاح..

اذا محتاجين نعرف ما هي الاستراتيجيات اللي بتساعد في التعزيز ومعرفة الذات ؟

1. قبول وتقدير ذاتك:
اقبل نفسك بما أنت عليه، وتقبل أخطائك وإيجابياتك.
قم بالاعتراف بقيمتك الشخصية وقدراتك واعتقد أن لديك القدرة على التطور والنمو.

2. تحدي الأفكار السلبية:
كن حذرا من الأفكار السلبية والتحديات الذاتية مثل "أنا لا أستطيع" أو "أنا لست جيدًا بما فيه الكفاية".
حاول تحويل تلك الأفكار إلى أفكار إيجابية ومحفزة مثل "أنا قادر على تحقيق النجاح" أو "أنا قادر على التعلم والتطور".

3. تعلم وتطوير مهاراتك:
قم بتحسين مهاراتك في المجالات التي تهتم بها وتعمل على تطويرها.
كلما زادت مهاراتك ومعرفتك، زادت ثقتك بنفسك.

4. تعزيز النمط الحيوي:
اعتن بصحتك العامة من خلال ممارسة الرياضة بانتظام وتناول الطعام الصحي والحصول على قسط كافٍ من النوم.
الاهتمام بنمط حياة صحي يساهم في رفع مستوى الطاقة والتركيز وبالتالي يؤثر إيجابيا على ثقتك بالنفس.

5. تعلم من النجاحات السابقة:
قم بمراجعة وتذكر النجاحات التي حققتها في الماضي، وتذكر التحديات التي تغلبت عليها.
استخدم هذه الذكريات كدعم وتذكير بقدراتك وقوتك الشخصية.

6. امنح نفسك التقدير والمكافأة:
قم بتقدير الجهود التي تبذلها ومكافأة نفسك عند تحقيق أهدافك.
قد تكون المكافآت صغيرة مثل تناول وجبة لذيذة أو إعطاء نفسك وقتا للاسترخاء والاستمتاع بالهوايات التي تحبها.

7. تواصل مع الآخرين:
قم ببناء علاقات إيجابية مع الآخرين وتواصل معهم بشكل فعال.
الدعم الاجتماعي والتعاون مع الآخرين يمكن أن يعززان ثقتك بنفسك ويعطيانك دعما إضافيا في رحلتك للثقة بالنفس.

8. تحدي الخوف والمخاوف:
حاول تحدي المواقف التي تسبب لك الخوف والقلق.
قم بتحقيق تدريجي لتلك المواقف واكتشاف أنك قادر على التغلب عليها.
كلما تحدثت عن الخوف وتحديته زادت ثقتك في قدرتك على التعامل مع التحديات.

9. تحدي الاتهامات الذاتية:
تجنب الانتقاد اللاحق والاتهامات السلبية لنفسك عند وقوع الأخطاء.
بدلاً من ذلك اعتبر الأخطاء فرصة للتعلم والنمو وحاول أن تكون لطيفا ومتفهما تجاه نفسك تماما كما تكون تجاه الآخرين.

10. انشر الإيجابية:
قم بتغيير نمط التفكير السلبي إلى إيجابي.
ابحث عن جوانب إيجابية في حياتك وتركيزك عليها.
قم بإعادة تأكيد إنجازاتك ومواهبك وقدراتك بشكل منتظم.

11. تحدى الحواجز الشخصية:
حدد العوامل التي تعيق ثقتك بالنفس وحاول التغلب عليها.
قد يكون ذلك من خلال اكتشاف الأسباب العميقة للقلق أو الشك والعمل على تجاوزها.

12. اهتم بمظهرك الشخصي:
العناية بمظهرك الشخصي والمظهر الجيد يمكن أن يؤثر إيجابيا على ثقتك بالنفس.
اختر ملابس تجعلك تشعر بالثقة والراحة واهتم بالنظافة الشخصية والعناية بنفسك.

13. تحدث بصوت عال وواضح:
عندما تتحدث مع الآخرين حاول التحدث بصوت عال وواضح وبثقة.
التعبير عن أفكارك وآرائك بوضوح يعزز ثقتك بنفسك ويساهم في إقناع الآخرين.

14. امتنع عن المقارنة:
تجنب مقارنة نفسك بالآخرين فالمقارنة المستمرة يمكن أن تقلل من ثقتك بنفسك.
اعترف بأن لديك قدراتك ومميزاتك الفريدة وابحث عن الفرص لتطويرها والتألق فيها.

15. احرص على التحفيز الذاتي:
قم بتحفيز نفسك باستمرار وتذكير نفسك بالأهداف التي تريد تحقيقها.
قم بإنشاء قائمة بالإنجات الي تحصلت عليها

16. تحدي الاتجاهات السلبية الدائمة:
تجاهل الأصوات السلبية الداخلية والتركيز على التفكير الإيجابي والتحفيز.
قم بتغيير الأفكار السلبية إلى أفكار إيجابية وتفاؤلية.

17. احتضان التحديات:
قم بتحدي نفسك وخوض تحديات جديدة.
قد تكتشف أنك تمتلك قدرات أكبر مما كنت تعتقد.
كلما تجاوزت التحديات زادت ثقتك بنفسك.

18. احترام الذات:
قدر نفسك واحترم قيمتك الشخصية.
اعتبر نفسك مهما وقيما وضع نفسك في مكانة عالية.
قم بتحقيق احتياجاتك ورغباتك بصورة صحية.

19. تواصل مع الداعمين:
ابحث عن أشخاص يدعمونك ويشجعونك في حياتك.
قد يكونون أصدقاء أو أفراد عائلة أو مدربين أو منظمات دعم ذاتي.
الحصول على الدعم والمشاركة في مجتمعات داعمة يعزز ثقتك بنفسك.

20. امنح نفسك الوقت للراحة والاسترخاء:
قم بتخصيص وقت لنفسك للاسترخاء والاستجمام.
امنح نفسك فرصة للتجديد واستعادة الطاقة الإيجابية.

تذكر أن بناء الثقة بالنفس يستغرق الوقت والجهد.
حاول بتطبيق هذه النصائح بانتظام وكن صبورا مع نفسك.
بالتدريج ستلاحظ زيادة في ثقتك بنفسك وقدرتك على تحقيق النجاح.

08/02/2025

هل الجواز في مصر شراكة حقيقية ولا مسؤولية بتقع على الست لوحدها؟

مسؤولية البيت:

في معظم البيوت المصرية، حتى لو الزوجة بتشتغل، فالمسؤولية الأكبر في البيت بتقع عليها. المجتمع بيشوف إن الست "ربة البيت" بالفطرة، وبالتالي عليها إدارة كل التفاصيل اليومية، زي:

الطبخ والتنظيف: حتى لو عندها شغل طويل، الناس هتتوقع إنها ترجع تطبخ وتجهز الأكل، وأي تقصير في ده ممكن يقابل بانتقادات.

ترتيب البيت: مهما كان الزوج فوضوي، المسؤولية الأساسية بتكون عليها إنها تخلي البيت مرتب ونظيف.

رعاية الأولاد: هي المسؤولة عن مذاكرتهم، لبسهم، تربيتهم، احتياجاتهم النفسية والعاطفية، ولو حصل أي مشكلة، غالبًا اللوم هيكون عليها.

الزيارات العائلية والمناسبات: برضه عليها تنسيق العلاقات العائلية، وافتعال الود مع أهل الزوج وإدارة كل حاجة خاصة بالزيارات والتجمعات.

المشكلة هنا إن المجتمع مش بيشوف إن ده مجهود حقيقي، وبيعتبره شيء بديهي، رغم إنه استنزاف بدني ونفسي رهيب.

---

التوفيق بين الشغل والبيت:

الست في مصر بتعيش معادلة صعبة جدًا:

لو قررت تشتغل، لازم تكون ناجحة وتحقق طموحها، لكن برضه تكون "ست بيت شاطرة"، وإلا هتتقال جملة "الشغل ملهيها عن بيتها".

لو فضلت في البيت وقررت تتفرغ له، برضه ممكن تتقال جملة "انتي بتعملي إيه طول اليوم؟" وكأن شغل البيت مش مجهود حقيقي.

الست اللي بتشتغل بتواجه ضغط رهيب، لأنها مش بس بتشتغل 8-10 ساعات، لكنها بترجع تكمل شغل في البيت، بدون أي تقدير، وغالبًا بدون مساعدة حقيقية من الزوج. وفي بعض الحالات، لو قصّرت في أي جانب، هتلاقي الزوج أو الأهل بيقولوا لها:

"مش شغلك الأساسي إنك تشتغلي، شغلك الأساسي هو بيتك".

"امتى هتلاقي وقت لأولادك؟".

وفي نفس الوقت، لو قررت تسيب شغلها عشان تتفرغ للبيت، ممكن تفقد استقلالها المادي وتحس إنها مضطرة تعتمد على جوزها بالكامل، وده ممكن يسبب لها إحساس بعدم الأمان.

---

توقعات الراجل:

للأسف، بعض الرجالة في مصر عندهم توقعات غير واقعية عن دور الست في الجواز. بيشوفوا إن دورهم الأساسي هو توفير الفلوس، والباقي كله مسئولية الست. التوقعات دي بتكون كالتالي:

"أنا بصرف على البيت، يبقى أنتِ اللي تهتمي بكل حاجة تانية".

"مش معقول أساعدك في التنضيف أو الطبيخ، ده مش شغل الراجل".

"لو قصّرتي في حاجة يبقى إنتي غلطانة، حتى لو أنا مش موجود في حياتك فعليًا".

"لازم تبقي مهتمة بنفسك ومظهرك، بس من غير ما تتعبي أو تطلبي وقت راحة".

المشكلة إن الرجالة في مصر اتربوا على فكرة إن الحنان والاحتواء والعاطفة مش جزء أساسي من دورهم، وإن الست هي اللي لازم تتحمل عبء العلاقة. وده بيخلي بعض الستات تحس إنها في علاقة غير متوازنة، بتدي أكتر بكتير مما بتاخد.

الخلاصة؟
الست المصرية بتواجه تحدي كبير جدًا في الجواز، وبتلاقي نفسها مضطرة تتعامل مع ضغط الشغل، وضغط البيت، وضغط التوقعات المجتمعية. ولو ما لقتش شريك متفاهم بيساعدها ويدعمها نفسيًا، الجواز ممكن يتحول من مصدر أمان، لمصدر تعب مستمر واستنزاف.

15/07/2024

تفتكر في انسان يقدر يوصل للنضج الكامل ؟ 🫤

النضج الكامل ببتطلب مجموعة من المهارات الحياتية واللي بتساعد على التكيف مع التحديات والمسؤوليات المختلفة في الحياة..

طب مهارات زي ايه ؟ 🤔

1. القدرة على التفكير النقدي: القدرة على تقييم المواقف والمعلومات بشكل منطقي ومنظم، واتخاذ القرارات المناسبة.

2. التواصل الفعال: القدرة على التعبير عن الأفكار والمشاعر بوضوح وصراحة، وفهم تواصل الآخرين.

3. إدارة الوقت: القدرة على تنظيم الوقت وإدارته بشكل فعال لتحقيق الأهداف والالتزامات اليومية.

4. المرونة والتكيف: القدرة على التأقلم مع التغيرات والتحديات، والتكيف مع الظروف المختلفة بطريقة إيجابية.

5. القدرة على حل المشكلات: القدرة على التعامل مع المشكلات المعقدة والبحث عن حلول فعالة وإيجابية.

6. الاستقلالية والمسؤولية: القدرة على تولي المسؤولية عن قراراتهم وأفعالهم، وتحمل المسؤولية عن نتائجها.

7. التعلم المستمر: القدرة على الاستمرار في التعلم وتطوير المهارات والمعرفة على مر الحياة.

8. التعاون والعمل الجماعي: القدرة على العمل بشكل فعال ضمن فريق، والتعاون مع الآخرين لتحقيق أهداف مشتركة.

9. القدرة على إدارة الضغوط: القدرة على التعامل مع الضغوط النفسية والعمل تحت ضغوط متغيرة بطريقة موجهة نحو الحلول.

10. التفكير الإيجابي والنمو الشخصي: القدرة على التفكير بشكل إيجابي ورؤية الفرص في الصعوبات، والسعي نحو النمو الشخصي المستمر.

وخلي بالك أن تطوير المهارات دي كلها بتساعدك على بناء حياة مستقلة ومواجهة التحديات بثقة ونجاح.👌🏻

Coach Esraa Al-Awaidi

17/08/2025

16/08/2025

15/08/2025

14/08/2025

13/08/2025

12/08/2025

12/08/2025

12/08/2025

22/05/2025

21/05/2025

08/02/2025

15/07/2024

Address

Telephone

Website

Alerts

Contact The Practice

Shortcuts

Share

Category