Dr. Dina Shawky ibclc- د. دينا شوقي

21/03/2026

كل يوم و انتي الحضن الدافي و اهم و اعظم مصدر للحنان و الآمان لأفضل مستقبل لطفلك..
#عيدالأم #الأم #رضاعة #مصر

20/03/2026

🥳 عيد سعيد!
▪️متخليش ترتيبات العيد تشغلك عن رضاعة طفلك ⚠️
احياناً كتير انشغالك بتوضيبات العيد او تجهيزات السفر او حتى بالقاعدة مع الاقارب و الاصحاب يخليكي غصب عنك تطولي الفترة بين رضعات طفلك،،،
حاولي انك تحافظي على الرضاعة او التشفيط كل ٢-٣ ساعات لتفادي الاحتقان.
(✋🏼متنسيش تخلي معاكي ساتر الرضاعة breastfeeding cover او الشفاط breast pump عشان يسهل عليكي الخروج/السفر).

▪️اختاري ملابس تكون مريحة و واسعة،
عشان تسهل عليكي الرضاعة بره البيت و بلاش ملابس ضيقة لانها ممكن تسبب انسداد في قنوات اللبن و تزود الاحتقان!

▪️اهتمي ان اكلك يكون وجبات صغيرة و متكررة small frequent meals عشان متحسيش بضعف او دوخة او هبوط.
اشربي مياه كتير و سوايل
قللي سكريات و قهوة او منبهات لانها هتزود احساسك بالعطش و الدوخة و ممكن تسبب مغص و ارق للطفل!

▪️في كل مرة رضاعة اتأكدي ان إلتقام طفلك صحيح،
احياناً الاستعجال او تشتت الطفل بيأثر على صحة الالتقام >> يسببلك آلم شديد، تشققات او إلتهاب!
في الحالة دي الافضل انك ترضعي طفلك في مكان هادي لتقليل تشتته.

▪️الإجهاد و التوتر في ايام العيد و الخروجات و العزومات ليه تأثير قوي على إدرار اللبن و بيزود فرصة حدوث إلتهاب بالثدي!
حاولي ترتاحي في نص اليوم او تنامي حتى لو فترة قصيرة عشان تقدري تستمتعي بأجازة العيد.
⚠️ لو حسيتي في اي وقت بأعراض احتقان او اي آلم >> ابدأي في خطوات العلاج:
اعملي كمادات باردة على الثدي بورق الكرنب.
دلكي الثدي جيداً
ثم كمادات دافية قبل الرضاعة او التعصير اليدوي hand expression .
لو في آلم شديد ممكن تاخدي مُسكن باراسيتامول paracetamol لحين زيارة استشاري الرضاعة الطبيعية في اقرب وقت.
‼️العيد مناسبة سعيدة و ايامه فرحة و الاستمتاع بيه سُنه،، لكن دايماً بشوف في العيادة توابع الانشغال بترتيبات العيد ازاي بتأثر على الأم و رضاعتها ! 😔

حافظي على الخطوات دي عشان تستمتعي بالعيد و الرضاعة 🥳
📩 اعملي save للبوست ده عشان ترجعي ليه كل عيد او اجازة.
📤 ابعتيه لكل أم بترضع و نفسها تخرج و تتفسح في العيد من غير ما تأثر على صحتها او رضاعة طفلها ♥️
♣️ كورس "دليل الرضاعة الطبيعية " هيفيدك بكل المعلومات إلي محتاجاها عن الرضاعة الطبيعية من يوم الولادة و لحد الفطام..
🔗 اللينك في الكومنتات
——————————————————————
👩🏻‍⚕️ عناوين عيادات د. دينا شوقي و ارقام التليفون للحجز >> 🔗اللينك في الكومنتات
——————————————————————

20/03/2026

كل سنة و انتم طيبييييييييين 🎊
عيد سعيد ✨

#عيدالفطرالمبارك

13/03/2026

⁨ ⁨ 🎯 5 حاجات لو معملتيهاش من الفطار للسحور… متصوميش!!

1️⃣المياه: اشربي مياه بكميات كافية، تقريباً ٨-١٠ كوب.
⚠️لازم تقسمي كمية المياه بين المغرب للفجر (يعني كل ساعة كوب او ٢) و متشربيش كله مرة واحدة!
(ملحوظة: الاعشاب و عصير الفاكهة الفريش ممكن يتحسب من كمية السوائل اليومية).

2️⃣تاكلي من ٢-٣ سناك بين الفطار و السحور.
احرصي ان وجباتك تتكون من:
•بروتين: مثل: فراخ، لحم، سمك، بقول، جبنة قريش، زبادي، مشرووم، حمص،……
•نشويات معقدة: مثل: شوفان، ارز بني، حبوب كاملة،…..
•خضروات: طازجة، مطبوخة، خضروات ورقية.
•ألياف: ضرورية جداً عشان تتجنبي الإمساك.

3️⃣استبدلي الحلويات بالفاكهة عشان تتجنبي العطش و السعرات الحرارية الزائدة.

4️⃣احرصي انك تاخدي فيتامينات بانتظام في رمضان: فيتامين د، زنك، اوميجا ٣ + حديد و كالسيوم لو عندك نقص في التحاليل!

power pumping5️⃣: اعملي جلسة و لو حتى مرة واحدة بين الفطار والسحور.
هي عبارة عن جلسة تشفيط غير عادية هدفها زيادة انتاج اللبن،
مدة الجلسة تقريباً ساعة كاملة،، و تختلف الطريقة حسب نوع جهاز الشفاط الخاص بيكي سواء كان فردي single او مزدوج double.
📩 اعملي save للبوست ده عشان ترجعي ليه كل ما تحبي تصومي اثناء فترة الرضاعة.
📤 ابعتيه لكل أم بترضع و بتفكر تصوم عشان تستفيد و تحافظ على إدرار اللبن مع الصيام.
‼️طبعاً قرار صيامك لازم يكون بالاتفاق مع استشاري الرضاعة الطبيعية الخاص بيكي،،
و بعد ما تكوني عارفة كويس العلامات إلي ممكن تظهر عليكي او على طفلك تقول ان الصيام اثر على ادرار اللبن و لازم تفطري!!
📝 اكتبيلي في الكومنتات صومتي ولا لأ و إدرار اللبن اخباره ايه 🧐
♣️ كورس "دليل الرضاعة الطبيعية " هيفيدك بكل المعلومات إلي محتاجاها عن الرضاعة الطبيعية من يوم الولادة و لحد الفطام..
🔗 اللينك في الكومنتات
——————————————————————————
👩🏻‍⚕️د. دينا شوقي … عناوين العيادات و ارقام التليفون للحجز >> 🔗اللينك في الكومنتات
——————————————————————————-

🌙⁩⁩

17/11/2025

💜
💜

… ١٧ نوفمبر 📆

💜 الطفل الخديج/المُبتسر هو الذي يولد قبل الاسبوع ٣٧ من تاريخ الحمل.

💜 ١ من ١٠ اطفال يولد خديج/مُبتسر.

💜 قد يُصاحب هذا الطفل بعض المشكلات الصحية/الطبية التي قد تجعله يحتاج إلى البقاء في الحضّانة NICU لفترة.

💜 الرضاعة الطبيعية هي افضل شيء تقدر الأم تُقدمه لطفلها الخديج/المُبتسر في هذه الفترة.

💜 يحتوي لبن الأم على البروتينات التي تمد الطفل بالسُعرات الحرارية و المعادن و أيضاً على الأجسام المناعية ، المضادات الحيوية ، الهرمونات و غيرها من المكونات التي تساعد الطفل على اكتمال نموه و تعزيز مناعته و حمايته من الأمراض (مثل: الالتهاب المعوي القولوني Necrotizing Enterocolitis) و تُلبي إحتياجاته العُمرية.

💜 أُم الطفل الخديج/المُبتسر تحتاج إلي الدعم النفسي و المساعدة خاصةً إذا ما انفصلت عن طفلها أثناء تواجده بالحضّانة.

💜 و ايضاً تحتاج للتوعية و التثقيف بأهمية إرضاع طفلها و فوائد لبن الأم للطفل في هذه المرحلة.

💜 و ايضاً تحتاج للتثقيف و المساعدة على بدئ الرضاعة الطبيعية، معرفة كيفية المحافظة على إدرار اللبن و زيادته، التشفيط او التعصير اليدوي، حفظ اللبن و تخزينه، وضع الطفل "الجلد للجلد" skin to skin، وضعيات الرضاعة المختلفة، إلتقام الطفل للحلمة بشكل سليم.

💜 كما انها تحتاج لمعرفة كيفية التصرف إذا ما واجهتها بعض الصعوبات مثل: بقاء الطفل في الحضّانة لفترة طويلة ، عدم قدرة الطفل على إلتقام الحلمة poor/difficult latch، ضعف عضلات فك الطفل weak suckling، الطفل ينام بسهولة او سريعاً على الثدي أثناء الرضاعة…… و هكذا.

🤱🏻إستشاري الرضاعة الطبيعية يُقدم كل الدعم و المساعدة للأم اثناء هذه الفترة كي تحصل الأم و الطفل رحلة رضاعة طبيعية ناجحة و صحة طفل جيدة 💜💜
‎ #الأم #الرضاعة #أمومة #مصر #الخديج

🤱🏻 عيادة د. دينا شوقي 🤱🏻
لطب الرضاعة الطبيعية و تغذية الأطفال

د/ دينا شوقي
إستشاري الدولي الرضاعة الطبيعية (IBCLC)
و أخصائي تغذية الأطفال

عضو الجمعية المصرية لإستشاري الرضاعة الطبيعية (ELCA)
عضو الجمعية العربية للتغذية الإكلينيكية في الأطفال (ASPCN)
عضو الجمعية المصرية الطبية لدراسة السمنة (EMASO)

🔹 بعيادات Health Clinic
٢٠ش الكوثر (آخر جامعة الدول العربية)- الدور ٦- المهندسين

▫️يوم السبت: ١م - ٣م
▫️يوم الاربعاء: ٨م - ١٠:٣٠م

📍لوكاشين: https://maps.app.goo.gl/HegptdhmrKva59wX6?g_st=ic

📞 01066225794 — 0237491840
———————————————————————

🔹 بمستشفى تبارك٦اكتوبر
٦اكتوبر- نهاية الشارع الفاصل بين مسجد الحصري و مكتبة الجامعة - مركز السفراء - خلف الفيروز(1)

▫️يوم الثلاثاء: ٧:٣٠م - ٩:٣٠م

📍لوكاشين: https://goo.gl/maps/RS9YnffpH6MLuZAa6

📞 0238372188 - 01110502763 - 01032264622
———————————————————————

🔹 بعيادات Seeds Clinics
سوديك ويست، البولجن، مبنى ٤، الدور الارضي -الشيخ زايد

▫️يوم السبت: ٧:٣٠م - ١٠م
▫️يوم الاثنين: ٨م - ١٠م

📍لوكاشين: https://maps.app.goo.gl/sXVZ6zWjCpDfXWw48?g_st=com.google.maps.preview.copy

📞 0238653700 - 01090358888 - 01090659999
———————————————————————

🟪 اكونت الانستجرام:
‏https://www.instagram.com/dr.dinashawky/

🟦 صفحة الفيسبوك:
https://www.facebook.com/dr.dinashawky.ibclc/
———————————————————————

01/11/2025

⁨ الرضاعة طبيعية — رابط مقدس ♾️
الحضارة الفرعونية القديمة أقدم الحضارات إلي عرفتها البشرية و اكثرها تقدماً في مُختلف العلوم ،، كانوا بيقدسوا الرضاعة الطبيعية لاهميتها و كمان كانت الأم المُرضع بتحظى باحترام و تقدير شديد.
بالنسبة للمصريين القدماء، كانت الرضاعة الطبيعية أكثر من مجرد وسيلة للبقاء على قيد الحياة، بل كانت حبًا إلهيًا ينتقل من الأم إلى طفلها
# 🇪🇬دكتورة_دينا_شوقي #مصر
⁩

10/10/2025

اليوم العالمي للصحة النفسية 🤍
world mental health day 💚🤍

01/09/2025

لو الأم محتاجة تاخد دواء اثناء فترة الرضاعة الطبيعية ،،
هل لازم توقف رضاعة ؟؟
#الرضاعةالطبيعية #امومة #اطفال

10/08/2025

هل يحتاج الرضيع للماء في الجو الحار !! 🥵💧
🔗 لينك فيديو امتى الطفل الرضيع يشرب مياه في اول كومنت ⬇️
#اطفال

05/08/2025

✨ بعض الدراسات اثبتت ان نسبة كبيرة من الامهات إدرار اللبن عندهم في الثدي اليمين ازيد من الشمال! 🤷🏻‍♀️
قوليلي في الكومنتات انتي بتحسي ان الإدرار عندك ازيد في اليمين ولا الشمال ؟؟؟ 😅
🔗 لينك كورس "دليل الرضاعة الطبيعية " في اول كومنت ⬇️
📍 عناوين العيادات و ارقام التلفونات في البايو.. للحجز و الاستعلام.
رضاعة طبيعية.. أمومه.. اطفال..

04/08/2025

Re-post 🔄

03/08/2025

اعرفي الصح ✅
في كتير معلومات او مفاهيم مغلوطة عن الرضاعة الطبيعية…

⬅️ في البوست ده هتعرفي الصح و تفيدي نفسك و طفلك 🤱🏻💜