https://www.facebook.com/314259755874962/

Marwa fouad - مروه فؤاد, Giza (2025)

12/09/2025

قبل ما تتجوزوا
إتناقشوا فالتوقعات من الجواز
إتناقشوا فالمصاريف والتوقعات المالية، والاقساط، والديون ،
إتناقشوا فالدين و المعتقدات ،
إتناقشوا فالمسؤوليات والواجبات مين عليه ايه ،
إتناقشوا في طريقة اللبس الـ بيرتاح فيها كل واحد وحتي طريقة الأكل ،
إتناقشوا في صدمات الطفولة،
إتناقشوا في ازاي هتتعاملوا مع الطفل اللي جاي والطرق التربوية ،
إتناقشوا في شغلكوا واحلامكوا ومخاوفكوا
إتناقشوا بصراحة في عيوبكوا الـ مش هتعرفوا تغيروها وعيوبكوا اللي تقدروا تغيروها
إتناقشوا واتفقوا واتخانقوا في أي حاجة وكل حاجة تيجي في بالكوا قبل ما تتجوزوا
عشان مفيش جواز ناجح بيفضل بالسنين من غير تفاهم ❤ ...

عشان الحب لوحده عمره ما كان كفاية! ✨

10/09/2025

أبناؤكم ليسوا نسخًا مكررة عنكم، بل هم أرواح لها بصمتها الخاصة.👌💙

04/09/2025

عدوك الحقيقي مش برّا.. عدوك ساكن جواك

للأسف إنت طول عمرك هتلاقيك فاكر إن اللي بيوقعك هو الناس، الظروف، الحظ، البيئة، الزمن...
بس الحقيقة المؤلمة؟
اللي بيكسرك فعلًا... مش برّه.
اللي بيكسرك هو اللي جواك.
اللي بيهدد كيانك هو انت، النسخة المهزوزة منك.

العدو الحقيقي مش اللي بيضايقك
العدو هو اللي بيكسل يصحى،
اللي بيهرب من الشغل،
اللي بيفضل يتفرج عالنجاح من بعيد،
ويقول "أنا كنت أقدر أكون كده."

العدو الحقيقي جواك…
وبيلبس كل يوم وشّ جديد.

وتعاّل أقولك مين هما الـ 10 أعداء اللي ساكنين جواك،
ومش هتتغير غير لما تهزمهم:

1. النسخة الضعيفة منك

اللي كل شوية تقولك: "مش دلوقتي، بكرة، ارتاح شوية"
اللي تخاف، وتبرر، وتستسلم قبل ما تبدأ
لو فضلت تديها أكل وراحة، دايمًا هتجوعك نجاح.

2. أفكارك السامة

كل فكرة بتقول "أنا مش قدها"،
كل صوت داخلي بيحبطك…
ده مش رأي، ده سِم.
فغذي عقلك بالحق، مش بالهروب.

3. شهواتك

ش**ة الراحة، الفلوس، الظهور، الأكل، العلاقات...
لو ماعرفتش تتحكم في نفسك،
هتفضل عبد ليها، حتى وانت لابس أغلى لبس.

4. مخاوفك

الخوف مش عدوك…
الخوف اختبار، يا تكسره يا تتهزم
خوفك مش هيروح، بس لازم تتعلم تتحرك معاه
مش تقعد تستناه يختفي.

5. غرورك

كل ما تبص لنفسك كأنك وصلت…
كل ما بعدت أكتر
أكتر ناس بيضيعوا… هم اللي فاكرين نفسهم فاهمين كل حاجة.

6. كسلك

ده مش تعب جسدي…
ده هروب نفسي
كل دقيقة بتأجل فيها خطوة،
أنت بتأخر نفسك شهور لقدّام.

7. ضعف إرادتك

الناس بتكمل مش لأنها مرتاحة…
بتكمل لأنها قررت
النجاح محتاج رجولة حقيقية…
مش عضلات، إرادة.

8. قلة تقديرك لنفسك

لو ما شفتش قيمتك، الناس مش هتشوفها
حب ذاتك مش غرور…
حب ذاتك هو احترام لنِعمة ربنا فيك.

9. تعلّقك بالماضي

اللي حصل خلاص خلص
مشكلتك مش في الوجع اللي فات…
مشكلتك إنك لسه شايله على ضهرك كل ما تتحرك خطوة.

10. التبرير

أكتر عادة بتقتل أي إنسان…
مش الظروف اللي صعبة،
أنت اللي كل شوية بتحط عذر جديد وتنام جنبه.

طيب والحل بيكون ساعتها إيه؟

لازم تقف قدّام المراية، وتبص لنفسك بصّة صدق
وتسألها: "هل أنا كده راضي؟"
لو الإجابة لأ… يبقى مفيش وقت تهدره وابدأ التغيير من اللحظة دي، مش لازم تعمل حاجات ضخمة
كفاية إنك تقول "لأ" للعدو اللي جواك من أول مرة.

عشان اللي جوّاك لو اتظبط، الدنيا كلها هتتظبط.💚

03/09/2025

فى بودكاست بيتكلم عن احتياجات الشخص عشان يحس بالأمان في العلاقة :
بدأ بجملة لدكتور أحمد خالد توفيق لخصت كل حاجة "لا تختارنى لأننى الشخص المُناسب أو لأننى الخيار الأفضل، أريد أن أكون الشخص الذى تُصر عليه رغم كل السوء الذى تراه فيه" وفسّر المعنى وقال :
‏"عشان الشخص يحس بالأمان لازم يحس إنك حبيته بكل حالاته مش حبيته لمجرد إنك مُنبهر به فترة وبس، عشان يحس بالأمان خليه يحب نفسه ويشوفها دايمًا حلوة حتى في الوقت اللي هو مش طايق نفسه فيه ..
متستهونش بزعله ولا تركنه على الرف حسسه دايمًا إن هو الإختيار الأول والأخير الإختيار اللي بتتمناه بقالك كتير وخلاص لقيته وقتها بس بيحس إنه نفسه يفرد جناحاته ويطير من فرحته ..
عشان تحسس اللي قدامك بالأمان خليك حنيّن معاه .. حنين فى خصامك وزعلك وكلامك بلاش تقسى مهما حصل، القسوة بتخوّف وبتبني حواجز جواه بتخليه يرجع كل خطوة خدها هو مطمّن .. عشان يحس بالأمان متسبوش لدماغه وأفكاره مهما حصل". ♥️

03/09/2025

"في لحظة ما… ممكن تبقى ضهر لحد مكسور.. أو نور لحد تايه✨️
ممكن بكلمه حانية تنقذ إنسان من سقوط طويل ..عمال يهد فيه الشعور بالذنب وتأنيب الضمير
يمكن لمسة رحمة صغيرة منك تغير عمر كامل لغيرك… وما تعرفش إنها في نفس الوقت بتنقذك إنت من قسوة الدنيا." 🌿
"أجمل ما تتركه في قلوب الآخرين … شعور إنك كنت سند في لحظة ضعف..💚

02/09/2025

المجر9ح من عائلته لا يشفي ابدا 💔

المشهد بالنهار شقه في الدور الثالث شبابيكها كلها مفتوحه يبقا احنا كنا في الصيف والطفل عنده ١٢ او ١٣ سنه واخته عندها يمكن ١٥ سنه

المشهد بدأ بحد بيجري بيخش المطبخ علشان يجيب سـ ـkـيـنه علشان يضـ ـrب امي ده "ابويا "للاسف ..

والبيت كان مفتح وانا واختي بتصـ ـرخ جامد وامي بتجري ولابسه قمـ ـيص نـ9م خفيف وفي ضـ ـجه جامده في البيت وبيختفي..

المشهد ايه اللي حصل مش عارف طيب ايه سبب الخنـ!قه بردو معرفش

طيب هل في حد طلع من الجيران ؟مش فاكر .. الصوت كان واصل للعماره كلها لان لبيت كله مفتح

ليه ابويا كان عاوز يعمل كده في امي ،، انا بردو معرفش ..

طيب هو انا شوفته كتير في البيت ؟؟ لا ابدا قليل جدا جدا

والمشهد ده اول مابيخلص في دماغي بيردني لمشهد تاني في شقه تانيه عيشنا فيها سنين عماره ٥ ادوار احنا الدور الاول قه كده زي الجحر صغيره حدا جدا الحمام فيها كان متر في متر والمطبخ متر وعشرين ملوش باب وابويا نقلنا من الشقه دي للشقه الاولي اللي حكيت عنها علشان يتخـ ـلص مننا ونبعد عنه علشان كان عنده عماره في نفس الشارع ده هو مكنش عايش معانا فقال ينقلنا بقا,, بس المشاهد دي مبتروحش من بالي ودايما فاكرها

انا مش عارف ليه المشاهد دي بتطـ!ردني وليه مش قادر انساها ..
يمكن علشان لازم الاب يفكر من قبل مايتجوز في عياله اللي ممكن يجيبهم في يوم من الايام ولكن كل المشاهد دي اكتر من انها ضـ ـرتني فهي فادتني كتير في حياتي

🎙️مذكرات محمود سعد

02/09/2025

ليه الجواز أصبح فخ بدل ما يكون أمان؟! (أسباب كتير هتخضك)

زمان مكنش الجواز حلم.
كان يدوب بيت صغير على "القدّ"، بس مليان حب ودفا.
دلوقتي؟ بقى شبه صفقة، أو "فخ" محبوك كويس غرضه المنفعه…
وللأسف، كتير بيقعوا فيه، وبيطلعوا مش بس بخسارة… لا، أحيانًا بكسرة في القلب، وفي النفس، وفي الروح.

طيب ليه؟ إيه اللي حصل لكل ده؟

١. لأن أغلب الناس بيدخلوا الجواز وهما مش جاهزين

مش جاهزين نفسيًا، ولا عقليًا، ولا حتى دينيًا.
والشاب بيهرب من الوحدة، والبنت عايزة تهرب من أهلها…
الواحد بيتجوز عشان "سنّه كبر"، وواحدة عايزة تتصور بالفستان الأبيض وخلاص.
مش بالإقتناع، مش بالوِد، مش سكن…
فطبيعي يكون المصير حرب يومية مش عشرة.

مفيش زواج ناجح من غير نُضج. قبل ما تفكر، اسأل نفسك:
هل أنا صالح أكون أمان لحد؟
هل أنا جاهز أشيل مسوؤلية أسرة؟ ولا مش عايز ابقي وحيد؟

٢. لأن الناس بقوا بيتجوزوا الشخص الغلط... وبعدين يحاولوا يغيّروه وهما عارفين إنه مش مناسب!

مشكلتك إنك اخترت حد مش شبهك في القيم، في الطموح،
في طريقة التفكير…

بس بتختاره عشان شكله عجبك، أو عشان اتعودت عليه، فقررت تكمل يمكن في يوم يتغير.
وبعد الجواز؟ بتقعد تحاول "تعدل" عليه… واللي بيحاول يتغيّر، لطباع مش شبهه بيتكسر.

والحل؟ اختار صح. مش اللي بيشدّك، اللي يشيلك.
اللي تبني معاه مشاعر وبيت، مش بالتمثيل وشدّ وجذب.

٣. لأن الجواز بقى مسابقة علي مين الأقوى!

مين يقدر يوجع التاني أكتر، مين يردّ أقل، مين يعاند أكتر…
ونسينا إن الجواز مش حلبة مصارعة.
اللي بيحب مش بيكسب… اللي بيحب "يساند"، "يسامح"، "يكمّل".

فلو كل واحد ركز إنه يكون أحن وأصدق، أحسن مع الوقت، مش لازم يكون الأذكى والأقوى، هتبقى البيوت جنة مش نار.

٤. لأن السوشيال ميديا بوّظت التوقّعات!

الناس بقت عايشة في مقاطع وهمية عن "الكابل المثالي"،
وبيحكموا على جوازهم الحقيقي بمقارنات مزيفة.
فتفضل الزوجة تبص لجوزها وتقول: "أنت مش زيهم!"
ويفضل الزوج يحس إن مراته مش شبه اللي بيشوفها
علي الإنستجرام "مفلترة 24 ساعة".

والحل ؟ اقفل السوشيال ميديا وقت الخلافات… وارجع بص
في عين شريكك، مش في شاشة موبايلك.

٥. لأن فيه أزمة في معنى "الرجولة" و"الأنوثة".

وإتكلمنا كتير إن الراجل بقى مستحي يقول إنه محتاج حضن.
والست بقت مستحيل تقول إنها بتحب تتدلع وتتسند.
كل واحد بيحاول يمثل دور مش بتاعه.
وفي وسط التزييف ده، ضاع معنى السكن، والرحمة، والمودة.

لازم تكونوا على طبيعتكم.
الست مش ضعيفة لما تحتاج راجل تتقوي بيه، والراجل مش ناقص لو إحتاج حب وسكن وأمان من مراته.

وفي النهاية...

الزواج ميثاق عظيم مش لعنة… هو عقد لقلوبكم علي بعضها.
مش لازم يكون دايمًا جنة، لكن ميكونش علطول نار.
مش لازم يكون كل يوم فيلم رومانسي، بس لازم يكون "أمان".

الجواز مفيهوش وصفة سحرية.
لكن فيه نُضج… فيه تفاهم… فيه إنك تتقي ربنا، لو نيتك سليمة.

وفكّر قبل ما تمد إيدك... هل إنت بتبني بيت؟ ولا بتحفر حفرة؟

27/08/2025

" لا لم نخلق فى هذه الحياة عبثًا.✨️.
حاشانا أن يكون وجودنا عبثا .. والسعى دا جزء منا مش رفاهيه .. ده سبب وجودنا بالحياه ."

فاللهم اجعل لوجودنا اثرا طيبا نافعا🙏

27/08/2025

لو مشوفتش حاجة حلوة النهارده.
تكريم هايدي.
في وسط كل اللي بنشوفه على السوشيال ميديا من بلطجة وسوء تربية، تيجي هايدي في لقطة عفوية تهز السوشيال ميديا وتصحي جوانا إحساس إن لسه الدنيا بخير ولسه في ناس بتعرف تربي.

يمكن أهل هايدي مش أغنى ولا أكثر علم من ناس كتير في المجتمع، لكن قدروا يزرعوا فيها قيم عظيمة: الصدق، حب الخير، وتقديم الغير على النفس.
طفلة صغيرة رجعت لنا الأمل إن التربية لسه بتعمل فرق.

#هايدي #القدوة #الأخلاق #

24/08/2025

ابنك مش هيطلع نسخة منك... لكنه هيطلع نسخة من تربيتك!"
التربية مش رفاهية.. هي أساس الشخصية ومستقبل طفلك ⚠️
لو التربية بالنسبة لك مجرد أوامر وعقاب.. لازم تعيدي حساباتك!
الورشة دي هتغير فكرتك عن التربية 180 درجة وهتفتح لك باب لفهم علمي ونفسي عميق عن طفلك.

📌 في الورشه دى هنتعرف مع بعض على:
✅ مراحل الطفولة وأسرار كل مرحلة
✅ الطرق الصحيحة للتربية بدون عنف أو دلع
✅ يعني إيه تربية إيجابية وليه هي مش رفاهية
✅ يعني إيه تربية نفسية في بيئة سوية؟
✅ الفرق بين الطفل العادي والطفل غير العادي
✅ العناد الطبيعي والمرضي… وإزاي تفرقي بينهم.
✅ إزاي تتعاملي في كل مرحلة من مراحل طفلك..

التربية علم وفن… والورك شوب دي هتكون أول خطوة ليكى في إنك تربي طفل سوي نفسيًا وشخصية قوية.👨‍👩‍👧👨‍👩‍👦‍👦

مستنياكم فى workspace بأكتوبر
كل الماميز اللى فأكتوبر مستنياكم 💛

📅 التاريخ: [الثلاثاء الموافق ٢٦ /٨
الوقت : ٧ : ل ٩
المكان

https://maps.app.goo.gl/G9V7iiLJwFjmez2y5

الورشه :مجانيه
الفورم فى أول كومنت 👇

11/08/2025

الأم المتسلطة - عندما تلبس قناع الضعف ؛ وتخوض معركة السيطرة بأسم البرّ ..؟! ف علم النفس تُعرف "بالأم النرجسية" بأنها النموذج الأكثر تعقيداً وذكاءً في السيطرة العاطفية ، هي لا تصرخ ، لا تُجبر ، لا تهدد علناً بل تُتقن فن التلاعب الهادئ والمموّه ، خاصة بإبنها الذكر الذي تزرع فيه مشاعر الولاء الأعمى والذنب العاطفي منذ الطفولة ..!🤷‍
كيف تفعل ذلك ..؟
تغليف السيطرة بغطاء الحب .. الأم المتسلطة لا تقول "أفعل ما أريد" بل تقول "أفعل ما يجعلك ابناً باراً ".. البرّ يصبح سلاحاً ناعماً يغرق فيه الأبن بين الذنب والتقصير ؛ حتى يربط سعادتها بخضوعه الكامل ..!
- اللعب على وتر "أنا مظلومة"..! تصوّر نفسها دائماً كضحية ، تلمّح بأنها وحيدة ، تبكي أمامه دون مبرر واضح ، وتتحدث عن تضحياتها وإهماله لها ..! تلمّح أن زوجتة أخذته منها ..!
#النتيجة :- يتحول الأبن من زوج ناضج إلى طفل مذنب ؛ يعتقد أن عليه أن "يعوّض" أمه عما فعلته به الحياة حتى لو كان الثمن زوجتة وحياتة الزوجية ..!
•- التشويش التدريجي على صورة الزوجة هذا من أخطر الأساليب النفسية :- لا تهاجم الزوجة مباشرة بل تُبث الشكوك "أصبحت بارداً منذ أن تزوجت" ألم تلاحظ إنها تتغير ؟ أنا لا أتدخل لكنني خائفة عليك ، وبمرور الوقت تشوه صورة الزوجة في ذهنه دون أن يدرك : ما عاد يشعر بالأمان معها يفقد ثقته بها دون سبب منطقي ، يتحول الحنان إلى جفاء ، والقرب إلى بعد ، والكلمات الجميلة إلى صمت أو إنتقاد .
•- إقصاء الآخرين والسيطرة الكاملة بهدوء ودهاء تُبعد كل من يشكل تهديداً على نفوذها زوجة الأبن ، أصدقاءة المقربين وحتى أقاربه الذين يذكرونه بحقيقتة ..!
•- هذا ما يسميه علماء النفس : التحكم بالدوائر العاطفية ، وهي
حالة يعيش فيها الأبن داخل فقاعة أمه يراها المظلومة الصادقة الطاهرة والباقي مشوشون مزيفون أو أنانيون .
••- كيف يشعر الزوج بعد ذلك ؟ ف البداية :- يعتقد أنه يرى الحقيقة يشعر بالإنزعاج من زوجتة ، يظن إنها تغيرت ، بينما الحقيقة أن عدسة عينه تغيّرت بفعل تأثير خارجي خفي ..! ثم لاحقاً تبدأ الأسئلة الصامتة لماذا لم أعد أرتاح قربها ؟ ، متى بدأت علاقتنا تبهت ؟ لماذا أصبحت أمي مرجعيتي بدلاً من قلبي حين يفقد الحب والونس ويفقد الشغف قد يفهم ولو متأخراً ، أنه لم يكن يحب "أمه فقط" بل كان عبداً لصورتها في داخله دون أن يدري ..!؟👌

06/08/2025

" التعايش مع شخص نرجسي لفترة طويلة كفيل يصيبك
بـ اضطرابات نفسية مختلفة ..

الشخص النرجسي عنده قدرة رهيبة على هز ثقتك بـ نفسك لأنه بارع في التقليل من شأنك وكسب رضائك بـ حيل وطرق نفسية وعاطفية مختلفة ووضعك في زون - العطاء المفرط - لكسب رضائه

الشخص النرجسي بارع في قلب الترابيزة وتحويل مجرى أخطائه لأخطائك، يقدر يحسسك بـالذنب لـمجرد انك بتشتكي من تصرفاته المُزعجة، ويقدر يصنع مبرارات لـ أخطائه والقاء اللوم عليك حتى يفقدك القدرة على عتابه على العكس هترضى بـ تصرفاته المؤذية لأنك ببساطة هتقتنع انك تستحق الآذى

الشخص النرجسي عنده قدرة على تحويل متطلباته الشخصية لـ حقوق عليك لا يمكن رفضها والا هتتحول لـ شخص سيء لا يقدر الحب، أو أناني لا يفكر إلا في إرضاء نفسه، أو يقرر معاقبتك بـ الهجر المؤقت أو الصمت، فـ لتتجنب طرق العقاب القاسية هتخضع ببساطة لكل أوامره وطلباته

الشخصي النرجسي يتبع سياسة السيطرة في العلاقات، لذلك بيصنع هالة حوالين الضحية يجبرها بشكل أو بأخر بالأبتعاد عن الجميع، التشكيك فيهم والتقليل من شأنهم، والسخرية من نجاح أو رأي أي شخص أخر قريب من ضحيته خوف من تأثيرهم على ضحيته

الشخص النرجسي دايمًا عنده شعور الأستحقاقية في العلاقة، لا يقدم الأهتمام المطلوب لكنه يستحق كل الأهتمام، لا يضع للوفاء أعتبارًا لكنه يستحق كل الوفاء والأخلاص، لا يضع لك خطة لاستمرار العلاقة لكن حقه عليك الاستمرار

الشخص النرجسي حقه يهجرك لأسباب تخصه، حقه يقسى عليك لأنه مضغوط، حقه يعرف مبرارات لكل تصرفاتك، حقه يتجاهلك لأنه مشغول، حقه يقلل منك لأنه عايزك أفضل، معترض؟ أنت مش بتقدر ضغوطاته، أنت مش بتتحمله في نوبات غضبه، أنت بتكذب عليه، أنت مش بتقدر مشاغله، أنت مش بتتقبل النقد

الشخص النرجسي بيحب التفرد وكونك محتاج وممتن لوجوده طوال الوقت، بتقدر كل اللي بيقدمه ولو بسيط ومش ضروري تنتظر منه تقدير عطائك، هو عنده عالم مكون من عائلته وأصدقائه وعلاقاته لكن أنت مجبر تلخص وجودك في وجوده وإلا تبقى شخص غير وفي للعلاقة

الشخص النرجسي لا يتفق مع التسامح إلا فيما يخص أخطائه، أزعل وأضايق لكن أنت لازم تسامحني وإلا يببقى قلبك اسـ.ـود ومش بتسامح ومش بتحبه، طيب لو الموضوع العكس؟ حقه ياخد وقته في الزعل والضيق ومن حين لأخر يفكرك بـما فعلته، وأنت مجبر تقدم قربان المصالحة لأطول فترة ممكنة

الشخص النرجسي لذته في التقليل والاستخفاف بـ أحلام ومشاعر الأخرين، لكن إياك متنبهرش بخطواته وأنجازاته ولو كانت أقل من العادية، وأحذر تحاول التخفيف من مشاعره بطريقة عادية وإلا هتبقى بتستهر وبتستخف بها

الشخص النرجسي لو أذنب وأخطأ فـ هو ذنب المجتمع والعالم والحياة القاسية ومفيش مانع التحايل على الشرع فيما يخص أفعاله لكن أحذر أن تتبع نفس النهج لـ مصحلتك أولاً ولأن قناع الفضيلة والشرف هيكون من نصيبه في مواجهتك

التعايش مع شخص نرجسي سواء كان أب / أم / أخ / صديق / شريك حياة / علاقة عملية واحدة من أسوأ الشخصيات اللي ممكن تقابلها في حياتك، علاقة سامة من الدرجة الأولى، أسرعهم لـ نقل الاضطرابات النفسية لـ شخصيتك، في الغالب لا تشعر بـ الأضرار التي أصابت شخصيتك من شعور بـ جلد الذات، فقدان الثقة بالنفس، التقليل الدائم من نفسك والسخرية من مشاعرك، وفقدان الطاقة على اتخاذ أي خطوة جديدة، والشك الدائم والقلق طوال الوقت، والتفكير السلبي المستمر، والرغبة في البقاء في غرفتك طوال الوقت، وعدم القدرة على المناقشة وطلب حقوقك والاعتراض على أبسط الأشياء التي تزعجك، الكسل واليأس والعجز، كل هذه الصفات والسلوكيات التي تطرأ على شخصيتك، لن ترآها ولن تشعر بها إلا بعد أنهاء العلاقة فـ من البداية مجرد ما تلمح صفة من صفات الشخص النرجسي، أهجر وأبتعد وإلا سيكلفك النجاة منه مجهود عظيم وقد لا تنجو سالمًا منه .."

Marwa fouad - مروه فؤاد

12/09/2025

10/09/2025

04/09/2025

03/09/2025

03/09/2025

02/09/2025

02/09/2025

27/08/2025

27/08/2025

24/08/2025

11/08/2025

06/08/2025

Address

Website

Alerts

Shortcuts

Share

Category