عيادة طب الاطفال وحديثي الولاده د. محمد سليمان - Kids Care Clinic

  • Home
  • Egypt
  • Giza
  • عيادة طب الاطفال وحديثي الولاده د. محمد سليمان - Kids Care Clinic

عيادة طب الاطفال وحديثي الولاده د. محمد سليمان - Kids Care Clinic إستشاري طب الاطفال وحديثي الولاده

Pediatric & Neonat consultant

-كل ما يخص طب الاطفال وحديثي الولاده من تساؤلات واستفسارات من الاب والام

- متابعة ما بعد الولادة

- متابعة الأطفال الأصحاء

- متابعة تطور الطفل الذهنى و الحركى بما يتناسب مع مرحلته العمرية

- متابعة التغذية و النمو

- متابعة الأمراض المزمنة

- الرضاعة الطبيعية

-هدفنا هو تحسين صحة ورفاهية الأطفال من خلال تقديم مجموعة شاملة من خدمات الرعاية الصحية المتميزة والالتزام بأعلى مستويات الرعاية ال

طبية.

-الكشف على الاطفال من سن يوم لسن 18 سنه

-متابعة النمو العقلي والجسدي للاطفال

-يوجد جهاز استنشاق بخار

-برامج تغذيه متخصصه للمراحل العمريه المختلفه للطفل

-متوفر جميع التطعيمات للاطفال

-خصم خاص لحراس العقارات والحالات الانسانيه

-مواعيد العياده:
يوميا من ١٠ صباحا حتى ١٠ مساء
الجمعه من ١ ظهرا ل ٣ عصرا

للحجز و الاستفسارات
رقم العيادة : 01153829833
طوارئ واتساب : 01115879434

08/12/2025

🥶⛈️❄️

📍 دليل الحرارة عند الأطفال من سن يوم حتى 18 سنة🌡️ ما هي الحرارة؟ارتفاع درجة الحرارة ليس مرضاً، بل علامة على أن الجسم ي...
02/12/2025

📍 دليل الحرارة عند الأطفال من سن يوم حتى 18 سنة

🌡️ ما هي الحرارة؟
ارتفاع درجة الحرارة ليس مرضاً، بل علامة على أن الجسم يقاوم عدوى أو التهاب.
المدى الطبيعي: 36.5 – 37.5°C
يُعتبر الطفل مصاباً بحمى عند وصول الحرارة إلى 38°C أو أكثر بقياس دقيق.

---

🔍 طرق قياس الحرارة حسب العمر

▪ حديثو الولادة حتى 3 شهور:
– الأفضل: قياس شرجي لأنه الأكثر دقة.

▪ من 3 شهور حتى 3 سنوات:
– شرجي أو تحت الإبط.
– قياس الأذن دقته متوسطة قبل سنتين.

▪ من 3 سنوات حتى 18 سنة:
– تحت الإبط، الفم، الأذن أو الجبهة.
– الأهم هو استخدام الجهاز بطريقة صحيحة.

⚠️ تنبيه:
قياس الحرارة بعد شرب مشروبات ساخنة أو باردة يعطي قراءة خاطئة.

---

🚨 علامات الخطر التي تستوجب التوجه للطوارئ فوراً

طفل أقل من 3 شهور وحرارته 38°C أو أعلى.

تشنجات أو فقدان وعي.

صعوبة تنفس أو نهجان واضح.

خمول شديد أو عدم استجابة.

طفح جلدي لا يختفي عند الضغط عليه.

رفض الرضاعة تماماً عند الرضّع.

قيء مستمر أو علامات جفاف.

صداع شديد أو ألم بالرقبة.

---

🧪 ارتفاع الحرارة عند حديثي الولادة (0–3 شهور)

هذه الفئة تُعد حالة طبية خاصة:
أي حرارة 38 أو أكثر تستلزم فحصاً عاجلاً، وقد يحتاج الطفل فحوصات دم وبول وربما ملاحظة بالمستشفى.
لا يُعطى خافض حرارة بدون تقييم طبي.

---

💊 الجرعات الصحيحة لخافضات الحرارة

▪ باراسيتامول (Paracetamol):
– جرعة: 10–15 mg/kg
– كل 6 ساعات
– الحد الأقصى: 4 جرعات يومياً.

▪ بروفين (Ibuprofen):
– جرعة: 10 mg/kg
– كل 8 ساعات
– يُستخدم فقط فوق 6 شهور.

❌ يمنع استخدام الأسبرين تماماً للأطفال.

---

🏠 كيفية التعامل مع الحرارة في المنزل

✔️ الإجراءات الصحيحة:

إعطاء خافض حرارة بالجرعة المناسبة.

زيادة السوائل.

ملابس خفيفة وتهوية جيدة.

متابعة الحرارة كل 4 ساعات.

❌ ما يجب تجنبه:

كمادات مثلجة أو خل.

جرعات عشوائية.

خلط خافضين بدون سبب طبي.

الكورتيزون بدون وصف طبي.

---

💉 حرارة ما بعد التطعيمات

من الطبيعي حدوث ارتفاع بسيط بالحرارة لمدة 24–48 ساعة بعد التطعيم.
يُعالج بخافض حرارة مناسب.
إذا استمرت الحرارة أكثر من يومين أو كانت عالية جداً، يجب مراجعة الطبيب.

---

🔄 الحمى المتكررة عند الأطفال

الأسباب المحتملة:

عدوى فيروسية متكررة (شائع جداً).

التهابات لوز أو جيوب أنفية.

التهابات بول.

نقص مناعة نادر.

أنيميا أو نقص عناصر غذائية.

المتابعة مطلوبة لو الحرارة تتكرر أكثر من مرة أسبوعياً أو الطفل يفقد وزناً.

---

🦷 هل التسنين يسبب حرارة؟

التسنين لا يسبب حرارة أعلى من 38°C.
لو الحرارة أعلى… السبب عدوى وليس التسنين.

---

❓ أسئلة شائعة

▪ هل الحرارة نفسها خطيرة؟
الخطر في سبب الحرارة وليس الحرارة نفسها.

▪ هل كل حرارة تحتاج كشف؟
لو الطفل حالته جيدة، ويستجيب للخافض، ويشرب كويس… يمكن المتابعة في المنزل.
أما حديثو الولادة أو وجود علامات خطر فالتقييم الطبي ضروري.

02/12/2025

👶💙 في مركز تبارك… ثقة الأهالي سببها فريق طبي هو الأقوى في مصر

ومن ضمن فريقنا المميز: د/ محمد سليمان
أخصائي طب الأطفال وحديثي الولادة والمبتسرين

د/ محمد سليمان بيقدّم لطفلك:

متابعة دقيقة من أول يوم ميلاد

رعاية متخصصة للمبتسرين

تشخيص سريع وعلاج فعّال للحالات الطارئة

متابعة النمو والتغذية

إدارة الصفرا ومشاكل الرضاعة

متابعة التطعيمات والإرشادات الوقائية

🌟 خبرة – دقة – واهتمام حقيقي… علشان صحة طفلك عندنا أولوية.

تحديث مهم بخصوص متحور كورونا الجديد (نيمبوس – NB.1.8.1)في الفترة الأخيرة ظهر متحور جديد لفيروس كورونا يُدعى نيمبوس، والب...
23/11/2025

تحديث مهم بخصوص متحور كورونا الجديد (نيمبوس – NB.1.8.1)
في الفترة الأخيرة ظهر متحور جديد لفيروس كورونا يُدعى نيمبوس، والبيانات الحالية بتوضح الآتي:

– نيمبوس من عائلة أوميكرون، وبيتميز بسرعة انتشار أعلى، لكن من غير أي دليل إنه أشد خطورة.
– الأعراض عند الأطفال بسيطة إلى متوسطة في أغلب الحالات: رشح، وحرارة، كحة، احتقان.
– مفيش أعراض جديدة مميزة عن باقي سلالات أوميكرون.
– اللقاحات ما زالت بتوفر حماية كويسة من المضاعفات الشديدة.
– المتابعة مطلوبة في حالات: صعوبة التنفس، الجفاف، الخمول الشديد، رفض الأكل أو الرضاعة، أو استمرار الحرارة أكتر من 72 ساعة.

الخلاصة:
المتحور سريع الانتشار لكن مش أخطر من اللي قبله. الهدوء، المتابعة، والرعاية السليمة أهم من أي خوف أو تهويل.

---









#كورونا

🩺 الكحة عند الأطفال.. أسبابها، الأكل المناسب، والمهيّجات اللي لازم نتجنبها! 🤧الكحة مش دايمًا حاجة تخوف. دي رد فعل طبيعي ...
27/10/2025

🩺 الكحة عند الأطفال.. أسبابها، الأكل المناسب، والمهيّجات اللي لازم نتجنبها! 🤧

الكحة مش دايمًا حاجة تخوف. دي رد فعل طبيعي من الجسم علشان يطرد البلغم أو أي مهيّج داخل مجرى التنفس.
لكن لما الكحة تطول أو تزيد بالليل، لازم نعرف السبب الحقيقي ونعالجه صح.

---

🌿 أنواع وأسباب الكحة الشائعة:

1️⃣ كحة جافة (ناشفة):
من التهاب الحلق أو الحساسية أو الجو الجاف.

2️⃣ كحة ببلغم:
بتحصل في النزلات الشعبية أو بعد البرد.

3️⃣ كحة ليلية:
ممكن تكون بسبب حساسية صدر، ارتجاع، أو نزول إفرازات من الأنف للحلق (اللي بنسميه Post Nasal Discharge).

---

👃 يعني إيه Post Nasal Discharge؟
هي إفرازات بتنزل من الأنف على الحلق بدل ما تخرج لبرا. بتحصل لما الطفل يكون عنده برد مزمن أو لحمية أو حساسية أنف.
النتيجة؟
الطفل يفضل يكح بالليل أو أول ما يصحى الصبح، خصوصًا وهو نايم على ضهره.

🩹 التعامل معها:

نعالج السبب الأساسي (اللحمية أو الحساسية).

نرفع راس الطفل شوية أثناء النوم.

ممكن نستخدم بخاخات أنف مضادة للحساسية بوصف الطبيب.

ممنوع ندي دواء كحة قبل ما نعرف السبب.

---

💨 المهيّجات اللي تزود الكحة:
🚫 دخان السجائر أو الشيشة.
🚫 روائح البخور والعطور والمعطرات القوية.
🚫 الغبار وتراب الشارع.
🚫 بخاخات التنظيف والكلور.
🚫 التكييف البارد فترات طويلة.

---

🍎 الأكل والمشروبات وقت الكحة:

✅ المسموح:

شوربة خضار أو فراخ دافئة.

عسل نقي بعد عمر سنة.

اللبن الدافئ من غير سكر.

فواكه فيها فيتامين C (جوافة – كيوي – برتقال بس لو الحلق مش ملتهب).

مشروبات دافئة زي النعناع واليانسون.

🚫 الممنوع:

العصائر الجاهزة والمياه الغازية.

الأكلات المقلية والدسمة.

الشوكولاتة والحلويات الكتير.

الآيس كريم أو الحاجات الباردة جدًا.

البرتقال والليمون لو الحلق ملتهب (علشان الستريك أسيد بيهيّج الحلق).

---

🌿 سؤال مهم من كل أم:
"ينفع أبدأ بشراب كحة عشبي زي منتجات ورق اللبلاب؟"

الجواب:
🟢 ممكن في الحالات البسيطة جدًا، لما تكون الكحة بعد دور برد خفيف أو فيها بلغم بسيط، بشرط:

عمر الطفل فوق سنتين.

مفيش صفير أو نهجان أو حرارة.

نستخدمه 3 لـ 5 أيام فقط لو مفيش تحسن نراجع الطبيب.

🟡 لكن مهم تعرفي إنه مش علاج سببي، هو بيريّح ومساعد،
إنما التشخيص والعلاج الحقيقي لازم يكون عند الطبيب، لأن سبب الكحة ممكن يختلف من طفل لطفل.

---

💬 نصائح من د. محمد سليمان:

الكحة مش كلها محتاجة دواء. أهم حاجة نعرف السبب.

خلي الطفل يشرب مياه كتير.

هوّي الأوضة وابعدي الطفل عن أي مدخنين.

لو الكحة مصحوبة بصفير أو نهجان، لازم فحص.

🧸 صحت ولادنا مش موضوع صدفة.. دي مسؤولية واهتمام ❤️


#الكحة

أنا حاسس بحصار نفسي رهيب يا جيهان…ليه يا أنور؟ (الأم) مش عايزة تلبّس الولد تقيل عشان "هو حرّان بطبعه"ورافضة البروفين وال...
06/10/2025

أنا حاسس بحصار نفسي رهيب يا جيهان…
ليه يا أنور؟

(الأم) مش عايزة تلبّس الولد تقيل عشان "هو حرّان بطبعه"
ورافضة البروفين والباراسيتامول عشان "الحاجات دي بتبوّظ المناعة"
ومش عايزة بخاخة لأن "أنا ابني ما بدخلش حاجة في مناخيره"
ومش هتدي مضاد حيوي حتى لو حالته سائت، وتقولك "إحنا بنعالج طبيعي"
ومش مؤمنة بالتطعيمات وتقول "مناعته حلوة والحمد لله"
وجوزها رافض الكشف ويقول "برد عادي وهيخف لوحده"

طب ما تسيبيه يلبس ويدفى يا أنور؟
ده هيبقى أول دور برد في الشتا يا جيهان!

🏊‍♂️✨ حمام السباحة وصحة أذن الطفل – نصيحة طبية مهمة من عيادة د. محمد سليمان: ✨🏊‍♀️> ✅ بعد السباحة، جفف أذن الطفل بلطف با...
11/07/2025

🏊‍♂️✨ حمام السباحة وصحة أذن الطفل – نصيحة طبية مهمة من عيادة د. محمد سليمان: ✨🏊‍♀️

> ✅ بعد السباحة، جفف أذن الطفل بلطف باستخدام منشفة قطنية ناعمة فقط.
❌ تجنّب تمامًا استخدام أعواد القطن داخل قناة الأذن… لأنها ممكن تدفع المياه أو الشمع للداخل وتسبب التهاب.
🔍 ظهور إفرازات، حكة أو ألم يستدعي استشارة الطبيب فورًا… لا تنتظر حتى تزيد الأعراض.
🎵 وتذكر دائمًا: أذن سليمة = صيف هادئ من غير صريخ! 😅

---

🌞🩺👂

📌 ما يُقال عن الطفل، يصبح صوتًا داخليًا يعيش معه 🧠❤️👶 الأطفال يسمعون أكثر مما نتخيل…حتى لو ما ردوش، بيخزنوا كل كلمة في أ...
27/06/2025

📌 ما يُقال عن الطفل، يصبح صوتًا داخليًا يعيش معه 🧠❤️

👶 الأطفال يسمعون أكثر مما نتخيل…
حتى لو ما ردوش، بيخزنوا كل كلمة في أعماقهم.

❌ لما تقول له:

"إنت غبي" → هو يصدق

"إنت عيّيتنا" → هو يشعر بالذنب

"إنت مش زي فلان" → هو يفقد ثقته بنفسه

✅ لكن لما تقول له:

"أنا شايفك بتتطور"

"أنا فخور بيك حتى لو غلطت"

"أنا موجود علشان أساعدك"

✨ الطفل لا يكبر بجسمه فقط…
الطفل يكبر بالكلمات التي قيلت له عن نفسه.

🎯 خلي صوتك يكون هو الضمير اللي يعيش جواه في المستقبل.

---

👨‍⚕️ د. محمد سليمان
استشاري طب الأطفال وحديثي الولادة

---

🔖





"5 أسباب شائعة للقيء عند الأطفال 👶🤢"> 🤢 الطفل بيرجع؟مش دايمًا السبب حاجة خطيرة، لكن لازم نعرف الأسباب المحتملة:1. 👶 ارتج...
25/06/2025

"5 أسباب شائعة للقيء عند الأطفال 👶🤢"

> 🤢 الطفل بيرجع؟
مش دايمًا السبب حاجة خطيرة، لكن لازم نعرف الأسباب المحتملة:

1. 👶 ارتجاع معده طبيعي (خصوصًا في الرضع)

2. 🍕 أكل فاسد أو غير مناسب لعمر الطفل

3. 🤒 عدوى فيروسية (زي النزلة المعوية)

4. 🚗 دوار الحركة (في العربية أو المواصلات)

5. 😣 انسداد معوي أو أسباب مرضية أخرى (نادرة بس مهمة)

⚠️ القيء المتكرر أو المصحوب بجفاف، حرارة أو كسل لازم يتشاف فورًا.

👨‍⚕️ د. محمد سليمان
استشاري طب الأطفال وحديثي الولادة

📌 اعمل شير… ممكن تكون بتنقذ بيها أم محتارة دلوقتي!





🦷 سؤال بيتكرر كل يومين تقريبًا في العيادة:> "يا دكتور… إبني عنده حرارة وهو بيطلّع سنان… هل التسنين يسبب سخونة؟ 🤒🦷"👇 خلين...
25/06/2025

🦷 سؤال بيتكرر كل يومين تقريبًا في العيادة:

> "يا دكتور… إبني عنده حرارة وهو بيطلّع سنان… هل التسنين يسبب سخونة؟ 🤒🦷"

👇 خليني أقولك: ✅ ممكن التسنين يعمل شوية ارتفاع خفيف في درجة الحرارة (لحد 37.8 مثلًا). ❌ لكن لو الحرارة 38 أو أكتر، غالبًا فيه سبب تاني محتاج متابعة!

🎯 دايمًا خليكِ متابعة طفلك كويس، ولو مش مطمئنة… اسألي طبيبك.

📌 شاركي البوست مع أي ماما لسه فريش في موضوع التسنين ❤️



#التسنين

كورونا والفيروسات المعويه زى Noro virus والروتا وكمان ال salmonella في الاطفال وكمان الكبار منتشر جدا في شكل نزله معو...
25/06/2025

كورونا والفيروسات المعويه زى Noro virus والروتا وكمان ال salmonella في الاطفال وكمان الكبار منتشر جدا في شكل نزله معويه (( اسهال ترجيع سخونه فقدان شهيه (الاعراض مجتمعه او متفرقه))

*الفيروسات تنتشر مع دخول الصيف وكمان بينتقلوا عن طريق المياه الملوثة والفواكه خاصة الفراولةوالخوخ والخضروات الورقية.
الاعراض
أعراض عامة : تكسير بالجسم ، حرارة عالية .
أعراض جهاز هضمي : الم شديد بالبطن و خاصة المعدة لدرجة انهم سموه Stomach Bug مع احساس سيء و قيء مع إسهال شديد مدد طويله وتأخر فى الاستجابه للعلاج

المشكله ان الاطفال بيدخلوا في جفاف بسرعه ..
ارجوكم محلول الجفاف الفموي ببطء فورا المعد مسبقا الافضل طعما
Hero ORS
Pedialyte

ولو الطفل بيرجع منه او رافضه تماما يبقي لازم محاليل ورديه .
وطبعا يا جماعه الطفل اللى بيرجع ممكن ياخد حقنه زى
Danset 4mg
ياخد ١ سم لكل ١٣ كيلو وبعدها لا شيء بالفم لمده نص ساعه
مجرد لما هيشرب مياه هيرجع تانى
فقط اى سائل يتاخد بالفم فقط محلول الجفاف
نوقف الإسهال من خلال
Nanozoxide susp
او Nitazode

بكتريا نافعه

Enterogermia amp
Lacteole forte
Linex sachet
زنك
Zinc origin syrup
ودول مهمين عشان نحمى نفسنا من انسداد الشهيه اللى بعد النزله

واخيرا افتكروا كويس
#الاسهال
*بيقف تدريجيا.
*مفيش علاج ولا حقنه بتوقف الاسهال مرة واحدة.
*افضل حاجة تسرع ايقافه محلول الجفاف و الزنك وعلاج السبب اللي في الغالب بيكون فيروس معوي وده ملوش علاج خاص به.
*لو بتقدري تعوضي بمحلول الجفاف متقلقيش.
#القيء
*الطفل اللي بنشكشكه بحقن الترجيع اللي بيرجع اكل و شرب مش بيرجع الدوا.
*حقنه الترجيع لو محدش بيعرف يدي حقن لها بديل لاصقة اوندالنز ٤ مجم لكل ٢٠ كيلو ونصها لكل ١٠ كيلو وممكن تكررها كل ٨ ساعات.
*القيء الحاد من غير اسهال ممكن يكون التهاب بالمعدة او عدوى او لا قدر الله سكر نوع أول وبدايه غيبوبة كيتونية ، لازم فحص شامل وتاريخ مرضي لاعراض السكري زي فقدان للوزن ، تبول لا ارادي ، شرب الماء بشراهة، حمام بول كثير.
*الترجيع و الاسهال ممكن يكون تسمم طعام فلازم نسال على الأكل اخر يومين.

وربنا الحافظ والشافي
😔😔😔
العلاج يعطى بعد استشاره الطبيب
حفظ الله أطفالكم
لا تنسوني من صالح دعائكم




#قيء











Address

مركز تبارك للأطفال/٤٢ أ شارع ٥أ البوابة الاولى/حدائق الاهرام
Giza
12572

Opening Hours

Monday 3pm - 7pm
Tuesday 3pm - 7pm
Wednesday 3pm - 11:59pm
Thursday 10am - 3pm
Friday 7pm - 11pm
Saturday 10am - 7pm

Telephone

+201153829833

Website

Alerts

Be the first to know and let us send you an email when عيادة طب الاطفال وحديثي الولاده د. محمد سليمان - Kids Care Clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة طب الاطفال وحديثي الولاده د. محمد سليمان - Kids Care Clinic:

Shortcuts

Share

Category