Speech therapist Heba Eid

19/11/2024

17/10/2024

#معلومةيومية

14/07/2024

ايه هو ADHD?👇🏻🤔
ايه هي الاعراض ممكن تكون عند طفل يشخص ADHD?🤔👇🏻

هو إضطراب نقص الانتباه وفرط الحركة ببساطة
اعرف منين ان ابني ممكن يكون عنده ADHD حضرتك لازم تلاحظي علي الاقل ٦ من الاعراض الي هقولك عليها دي👌

بس الاول في شرط مهم قبل منعرف ايه هي الاعراض محتاجين نعرف ايه السن المناسب لظهور الاعراض دي ..
لازم تكون ظهرت قبل ١٢ سنة علي الاقل مش بعد كده .

ايه هي بقي الاعراض 🤔:
*انه يكون مندفع في تصرفاته .
*مش بيعرف يحافظ علي انتباهه في القراءة او انت بتكلمه.

*غالباً كأنه مش سامعك وانت بتكلمه، عقله ديماً في مكان تاني.

*مش بيعرف يركز في نشاط محدد او شئ واحد عقله مشغول بكل حاجه حواليه.

*ديماً مش بيعرف يتبع التعليمات وغالباً بيعمل الاجب غلط او الاعمال المنزليه البسيطه جداً.

*نشاطه علي طول زايد جدا وكثير الملل من كل حاجه هتلاقيه بيتحرك حتي وهو علي الكرسي.

*مزاجه ديماً عصبي وعنيف ويميل للعب بعنف والتكسير.

*مش بيعرف يخطط لشئ ينوي فعله ابداً.

*مش بيعرف يتعامل مع المواقف الضاغطه مش بيتحمل الضغط يعني.

واخيراً لو لاحظتي اي عمت الاعراض دي لازم تتوجي الي الاخصائيى النفسي لتشخيص الطفل وهو لو ثبت تشخيصه هيتم تحويله لأخصائي لتنميه المهارات وتعديل السلوك او العكس.
#معلومةيومية

04/07/2024

#معلومةيومية
مشكلة مص الاصبع لدي الاطفال؟ وايه الحل👇🤔

المص بشكل عام هو مجرد سلوك طبيعي كأن يكون وسيلة لعب مثلا او ردة فعل طبيعية عندما يجوع الطفل وليس مرضاً.

يبدأ مص الأصابع عندما يكون الطفل جنينا في بطن أمه وليس بعد الولادة.
يستمر بشكل آلي وطبيعي لمدة 6 أشهر ويبدأ يقل تدريجيا في عمر ستة أشهر ولكنه قد لا يتوقف تماما في كل الأطفال.

اولاً لازم نعرف ان مص الاصابع زي ما هو سلوك طبيعي هو ممكن يأذي الطفل ويأثر علي شكل فكه. او ممكن تبقي عادة ملازمة ليه طول الوقت وقتها هتبقي حاجة مزعجة جداً.

طيب ايه الحل بقي؟؟ وقتها نلجأ للعضاضات وده طبعاً لاهميتها لاشباع الطفل للرغبته في العض او مص شئ وده نوعمن العلاج اسمه العلاج بالغمر.
ايه هو العلاج بالغمر ده؟ اننا نغمر الطفل بالسلوك يصبح متاح ومعتاد حتي يمل من الطفل ويبدأ بالأهتمام اشياء جديدة.

02/07/2024

امتي الطفل يقول اول كلمه ؟؟🗣️
ايه العمر المناسب لجملة علي الاقل من ٣ كلمات؟؟👇🏻👇🏻
من سن (١٠:٩) شهور اول كلمة وغالباً هتبقي بابا 😅
طيب امتي يبقي عنده جملة من ٣ كلمات؟🤔🤔
في قبل الجملة دي كذا حاجة اولها زيادة المفردات عند الطفل اولاً عند عمر سنة تكون حصيلته في الكلمات ١٥ كلمة اقل شئ .
عند عمر (سنتين) تبقي حصيلة الطفل حوالي (٢٥٠:٢٠٠)كلمة.
وبعدها يبدأ التدريب علي جملة من ٣ كلمات عند سن (٣) سنوات مع زيادة مفرداته حتي (٥٠٠٠:٣٠٠٠) كلمة.
#معلومةيومية

02/07/2024

امتى نبدأ في جلسات تخاطب مع طفلك؟ 👇🏻👇🏻👇🏻

بنبدأ جلسات التخاطب أول ما الطفل يكون مستعد ودة راجع للتشخيص.

سن (18 شهر ) يعتبر أنسب سن نبدأ في جلسات التخاطب وممكن نبدأ قبل كدة لو الطفل عنده الإستعداد.

لو الطفل مش مستعد بس انتي كأم شايفة إنه متأخر عن اللي في سنه في الحالة دي لازم تستشيري اخصائي تخاطب وهنا اخصائي التخاطب بيحدد الطفل متأخر ولا مش متأخر.
#معلومةيومية