صيدلية د.عبدالرحمن همام

  • Home
  • صيدلية د.عبدالرحمن همام

صيدلية د.عبدالرحمن همام صيدلية د.عبدالرحمن ؛ خدمة طبية متكاملة -صحتك تهمنا- (خبراء في الصحه والجمال ) A pharmacy / drugstore serving the community humanely.

في ظل العدوي الفيروسيه ودور الكحه اللي ماشي حافظ علي صحة الجهاز التنفسي لطفلك مع ايفي نيستيم شراب ممتاز من ٤ سنوات ل ٦ س...
27/11/2025

في ظل العدوي الفيروسيه ودور الكحه اللي ماشي حافظ علي صحة الجهاز التنفسي لطفلك مع ايفي نيستيم شراب ممتاز من ٤ سنوات ل ٦ سنوات بندي ٢.٥ سم مرتين يوميا و من ٦ الي ١٢ سنه بندي ،٥ سم مرتين يوميا

متوفر انسولين ميكستارد فيال المستورد
20/11/2025

متوفر انسولين ميكستارد فيال المستورد

بص يا برنس كل اللي مطلوب منك تفتح موبايلك تصور الروشته أو الدوا اللي انت عاوزه وتبعته علي الواتساب بتاعنا وهتاخد احلي خص...
20/11/2025

بص يا برنس كل اللي مطلوب منك تفتح موبايلك تصور الروشته أو الدوا اللي انت عاوزه وتبعته علي الواتساب بتاعنا وهتاخد احلي خصم ومتابعه لأي مرض عن طريق تلقي استشارتكم اليوميه سلام

عروض صيدلية الدكتور عبدالرحمن همام لا تنتهي ادويه السكر عندنا عليها خصم خاص يلا انت مستني ايه
13/11/2025

عروض صيدلية الدكتور عبدالرحمن همام لا تنتهي ادويه السكر عندنا عليها خصم خاص يلا انت مستني ايه

معلومه مهمه جدا رقم ١: يعتبر بتسأل عليها يوميا هل المضاد الحيوي الشراب بعد ما يتحل بميه بيبوظ بعد فتره قد ايه داخل الثلا...
30/10/2025

معلومه مهمه جدا رقم ١:
يعتبر بتسأل عليها يوميا هل المضاد الحيوي الشراب بعد ما يتحل بميه بيبوظ بعد فتره قد ايه داخل الثلاجه ؟
الاجابه : اي مضاد حيوي بودره بعد ما نحله بميه نستخدمه في خلال اسبوع فقط مش اكثر ويكون لازم داخل الثلاجه ولما نطلعه لازم يترج جيدا ونتأكد أنه أصبح طبقه.واحده مش فاصل دمتم بصحه. عافيه صيدلية الدكتور عبدالرحمن همام تهتم بصحتكم

لا يُنصح بتناول أوميغا 3 مع الأسبرين إلا بعد استشارة الطبيب، لأن كلاهما له تأثير مضاد للصفائح الدموية، مما قد يزيد من خط...
24/10/2025

لا يُنصح بتناول أوميغا 3 مع الأسبرين إلا بعد استشارة الطبيب، لأن كلاهما له تأثير مضاد للصفائح الدموية، مما قد يزيد من خطر النزيف. يوصى بتناول الأوميغا 3 من مصادر غذائية مثل الأسماك بدلاً من المكملات الغذائية عند تناول الأسبرين.

معدل الزنك الطبيعي للرجال البالغين هو حوالي 11 ملليجرام يوميًا للكمية الموصى بها من الزنك. أما في الدم، فإن النسبة الطبي...
17/10/2025

معدل الزنك الطبيعي للرجال البالغين هو حوالي 11 ملليجرام يوميًا للكمية الموصى بها من الزنك. أما في الدم، فإن النسبة الطبيعية تتراوح تقريبًا بين 60 و
120 ميكروغرام/ديسيلتر.
الآثار الجانبية: قد يسبب الإفراط في تناول الزنك
آثارًا جانبية مثل مشاكل في المعدة، أو الغثيان، أو تقليل امتصاص النحاس.

مصادر طبيعية:
يمكن الحصول على الزنك من مصادر طبيعية مثل اللحوم والمأكولات البحرية والبقوليات والمكسرات والبذور.

مكونات زنكترون كبسول zinctron capsoule
تحتوى كبسولات زنكترون على:

الزنك بتركيز 11 ملجم
النحاس بتركيز 0.9 ملجم
أسكوربات الكالسيوم بتركيز 107 ملجم ( تعادل 75 ملجم من فيتامين سي )
فيتامين ب 6 بتركيز 1.625 ملجم
الحمضيات بيوفلافونويدس بتركيز 150 ملجم

17/10/2025

السلام عليكم ورحمه الله وبركاته ديه صفحة الصيدليه وان شاء الله تنشر معلومات طبيه ودوائيه مهمه

07/10/2025

فيه نوع من الأسئلة بقيت حافظه من كتر ما بتتكرر 😂
"دكتور، عندك أوميجا 3؟"
بس ولا مرة لقيت حد سألني: "أختار أنهي نوع وليه؟"
الكل عارف إنها “حاجة مفيدة”... بس محدش عارف مفيدة لإيه بالظبط!
فخليني أقولك ازاي تختارها صح... مش بس تاخدها وخلاص.

مبدأياً كده مش أي كبسولة مكتوب عليها “Omega-3” تبقى زي التانية،
ولا كل نوع غالي يبقى أحسن.
الفرق الحقيقي بيكون في التركيز، والنقاوة، والمصدر.

لو بصّيت على أغلب منتجات الاوميجا٣، هتلاقي دايمًا مكتوب EPA وDHA —
دول العنصرين اللي فيهم الفايدة.
بس خد بالك، الرقم الكبير اللي مكتوب عالعلبة (زي 1000 مجم) مش هو المهم،
اللي يهم هو مجموع الـEPA + DHA.
لو المجموع أقل من 600 مجم في الكبسولة يبقى تركيز ضعيف،
لكن لو فوق 600، يبقى كده النوع كويس فعلاً.

وبرضه لازم تبص على المصدر.
اختار نوع مكتوب عليه “Purified” أو “Mercury-Free”،
لأن الزيوت اللي جاية من أسماك كبيرة ممكن يكون فيها زئبق أو شوائب.
الأنواع اللي معمولة من أسماك صغيرة زي الساردين أو الأنشوجة بتبقى أنضف وأنقى،
وفيه كمان أنواع نباتية معمولة من الطحالب، مناسبة للنباتيين ومفيهاش أي زئبق خالص.

السؤال بقى اللي بيخطر في بال الكل:
أنا أختار النوع على أساس إيه؟
ببساطة… الهدف هو اللي بيحدد.
لو بتدور على حاجة للقلب أو المفاصل أو الدهون الثلاثية ← اختار نوع فيه EPA أعلى.
ولو هدفك التركيز، الذاكرة، العينين أو الحمل ← يبقى النوع اللي فيه DHA أعلى.
يعني مش أي نوع وخلاص، كل غرض وليه النسبة اللي تناسبه.

وبرضه لازم تعرف إن الأوميجا 3 مش علاج فوري.
هي مكمل بيشتغل مع الوقت.
الجرعة الطبيعية بتكون من 1000 لـ2000 مجم يوميًا (من مجموع EPA + DHA)،
وبيتاخد بعد الأكل — ويفضل بعد وجبة فيها دهون بسيطة عشان الامتصاص يبقى أحسن.
والنتيجة الحقيقية بتبان بعد 3 لـ6 شهور من الالتزام.

وطبعًا لو بتاخد أدوية سيولة أو ضغط أو كوليسترول،
خلي الدكتور أو الصيدلي يعرف إنك بتاخد أوميجا 3 علشان الجرعات تتظبط ومفيش تداخل يحصل.

ولو هتعمل تحليل كوليسترول أو دهون، قول للدكتور إنك بتاخد أوميجا 3،
عشان ساعات بتأثر على النتيجة، وده طبيعي جدًا.

وبرضه اللي ناس كتير مش واخدة بالها منه إن الأوميجا 3 مش بس للقلب أو المفاصل،
هي بتظبط حاجات كتير في الجسم من غير ما نحس.
معظم أكلنا فيه أوميجا 6 كتير (من المقليات والأكل الجاهز)،
وده بيخلي الجسم دايمًا في حالة التهابية.
الأوميجا 3 بتيجي توازن الكفّة دي،
فتقلل الالتهابات وتحسّن المود، والنوم، والمفاصل، والقلب، وحتى البشرة.

ولو بتتمرن، فهتفيدك جدًا لأنها بتقلل الالتهابات بعد التمرين وبتسرّع الاستشفاء العضلي،
وكمان الدراسات أثبتت إنها ممكن تقلل الدهون الثلاثية بنسبة 20–30٪ مع الاستمرار،
بس طبعًا بجرعة أعلى وتحت إشراف طبي.

خد بالك برضه من العلامات اللي تقولك إن النوع اللي معاك مش تمام:
لو الكبسولة ريحتها سمك قوي أو الزيت بيرجع بعد الأكل،
ده معناه إن الجودة ضعيفة أو الزيت متأكسد.
الأنواع النضيفة بيكون الزيت فيها نقي، من غير ريحة ولا طعم مزعج.
واحفظها دايمًا في مكان بارد، ويفضل التلاجة لو الجو حر،
علشان الزيت مايبوظش ويتأكسد.

وفيه تفصيلة صغيرة بتفرق جدًا في الامتصاص:
لو مكتوب على العبوة اللي مظنش موجود منها في مصر “Triglyceride” أو “Re-esterified triglyceride”،
ده الشكل اللي بيتام امتصاصه أحسن من “Ethyl Ester” اللي بعض الشركات بتستخدمه عشان السعر.

أما عن المصادر، فالأفضل دايمًا الأسماك الباردة زي السالمون والساردين والأنشوجة —
دول أغنى وأنضف مصادر طبيعية للـEPA والـDHA.
وبالنسبة للسيدات بعد الأربعين، الأوميجا 3 بتفرق جدًا في ترطيب البشرة،
وتنظيم الدهون اللي بتحمي القلب، وكمان في تحسين المزاج.

---

الخلاصة؟
الأوميجا 3 فعلاً مكمل مهم،
بس الفرق بين اللي بيستفيد منها واللي بيضيع فلوسه هو “طريقة اختياره”.
اقرأ المكونات، شوف التركيز، افهم الغرض، واختار اللي يناسبك أنت.
وساعتها هتحس بالفرق فعلًا… في طاقتك ومودك ونومك وحتى جلدك.

🙋‍♂️ وبالمناسبة... أنا متعمد هنا ماقولش أي أسماء تجارية،
علشان تختار بنفسك النوع اللي يناسبك بعد ما فهمت الصورة كاملة 💛

ليمتلس أوميجا 3 مكمل غذائي من إنتاج شركة إيفا فارما، ويتميز بتركيزاته العالية من الأحماض الدهنية أوميجا-3 (EPA و DHA) مع...
07/10/2025

ليمتلس أوميجا 3 مكمل غذائي من إنتاج شركة إيفا فارما، ويتميز بتركيزاته العالية من الأحماض الدهنية أوميجا-3 (EPA و DHA) مع إضافة فيتامين D3، ويوفر فوائد لصحة القلب من خلال تقليل الكوليسترول والدهون الثلاثية، يدعم صحة الدماغ والذاكرة، يقلل الالتهابات في المفاصل، ويعزز صحة العين والبشرة والجهاز المناعي.
تركيبة المنتج
زيت السمك: مصدر غني بأحماض أوميجا-3 (EPA و DHA).
فيتامين د3: يساعد على امتصاص الأوميجا-3 في الجسم.
الفوائد الرئيسية لليمتلس أوميجا 3
دعم صحة القلب: يساعد في خفض الكوليسترول الضار والدهون الثلاثية، ويقلل خطر الإصابة بأمراض القلب والأوعية الدموية.
تعزيز وظائف الدماغ: يدعم الذاكرة والتركيز، وقد يساعد في تحسين المزاج والحالة الذهنية.
تخفيف الالتهابات: يقلل الالتهابات المزمنة في الجسم وله خصائص تساعد في تخفيف آلام والتهاب المفاصل والروماتيزم.
صحة العين: يساعد فيتامين D DHA (حمض الدوكوساهيكسانويك) في الحفاظ على صحة شبكية العين.
دعم المناعة وصحة الجلد: يقوي الجهاز المناعي، ويساعد في ترطيب الجلد وتقليل الجفاف والحكة.
تعزيز الخصوبة: يعزز حركة وعدد الحيوانات المنوية لدى الرجال.
كيفية الاستخدام
يُؤخذ 1-2 كبسولة يوميًا.
يُفضل تناول الكبسولات مع وجبة الطعام لضمان أفضل امتصاص.
ملاحظات هامة
ليمتلس أوميجا 3 هو مكمل غذائي ولا يعتبر بديلاً عن نظام غذائي متوازن أو أسلوب حياة صحي.
يجب استشارة الطبيب قبل استخدامه، خاصة في حالات الحمل أو الرضاعة أو عند تناول أدوية أخرى.

06/10/2025

صلي الله علي محمد صلي الله عليه وسلم

عرض اليوم فقط الاتنين ب ٩٠ جنيه فقط بدلا من ١٠٠ جنيه ضد غلاء الأسعار بفضل الله
03/10/2025

عرض اليوم فقط الاتنين ب ٩٠ جنيه فقط بدلا من ١٠٠ جنيه ضد غلاء الأسعار بفضل الله

Address

7 Street Elkarnak

12623

Telephone

+201006137757

Website

Alerts

Be the first to know and let us send you an email when صيدلية د.عبدالرحمن همام posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to صيدلية د.عبدالرحمن همام:

Shortcuts

  • Want your practice to be the top-listed Clinic?

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram