Clinical toxicology clinic

12/12/2022

سخان الغاز بيقتل في ثواني

11/12/2022

https://fb.watch/hlOW2dD0sy/
سخان الغاز ما بيخنقش حد

24/10/2022

لو عضك كلب أو قطة....تاخد مصل السعار ولا لأ؟

02/05/2022

بخلاف بعض الأعراض الجانبية.....حقن التخسيس saxenda (حقنة واحدة يوميا) أو wegovy-ozempic (حقنة مرة أسبوعيا) أمان للتخسيس بشرط ما يكونش فيه تاريخ مرضي لسرطان الغدة الدرقية
وما بيعملوش هبوط للسكر
وينصح استخدامهم و بموافقة منظمة الصحة العالمية لمرضى السمنة ..بالذات لو فيه ضغط او سكر كمان
و أخيرا ...إلى الأن نتائج الحقنة الأسبوعية في التخسيس أفضل من الحقنة اليومية لإنقاص الوزن

23/04/2022

معلش سؤالين مبدئيا قبل ما نشرح كل طرق تبطيل السجاير:
١- ازاي حاولت تبطل دخان قبل كده (لوحدك ولا اخدت ادوية تساعدك) و بطلت قد ايه؟
٢- ايه افضل وجبات اللي تعرفها او تسمع عنها ممكن تساعد علي تقليل احتياج للسجاير في فترة التبطيل؟

23/04/2022

"تبطيل السجاير مش صعب"
صعب طبعا لو قعدت تقول لنفسك ده إرادة بس من غير اي مساعدة
وفي نفس الوقت فيه علاجات كتير موجودة بتساعد علي التبطيل.
ايوه فيه علاجات فعالة جدا و بتخلي مشوار التبطيل ده سهل جدا جدا جدا
بس للأسف مش كل علاج ينفع مع كل الناس
عادي جدا ان واحد يجرب علاج و يفشل معاه و يغير للتاني يلاقي الموضوع سهل جدا
عشان كده لازم نفهم انواع العلاج و ايه المناسب لكل واحد و هنعمل ايه واحنا بنبطل
عشان ما تخسرش المحاولة علي الفاضي مع انك لو كنت اخترت الدوا المناسبة ليك كنت بطلت بكل سهولة.....
طبعا عشان نبقي عارفين اللي بطل السجاير بطل بطريقة من دول:
١-لوحده من غير دوا (ودي نسبة قليلة عالميا...يمكن كبيرة في مصر عشان نقص الأدوية)
٢- الشامبكس
٣- الwellbutarin
٤- بدائل النيكوتين (حاجات كتير و لكن مش منها ابدا الفيب)
و هنتكلم عن كل واحد فيهم بالتفصيل يناسب مين و مايناسبش مين و تأثيرة و احساس الدوا
بس اهم حاجة لازم نعرف ان الافضل بكتير نستخدم دوا يساعدنا

30/12/2021

السبب الحقيقي اللي يخلي سخان الغاز مميت

شرح سبب وفاة ناس نتيجة الأختناق بغاز ثاني أكسيد الكريونوازاي نأمن نفسنا

03/06/2021

هل المشكلة هنا في انهم اخطأوا. و لا في فكرة محاسبتهم ولا في سجنهم؟
موضوع اخطأوا او لأ؛ اعتقد محدش من حقه يفتي فيه الا القاضي اللي سمع من الدفاع و من كل الناس و اخد رأي خبراء و كدة، الموضوع مش سبهللة دي قضية و ليها استئناف و درجات و كدة. ده مش وكيل نيابة شكل الدكتور معجبوش قام حبسه احتياطي. ديه قضية و قاضي و مستشارين و محامين وورق و ليلة كبيرة كدة.
انا بتكلم دلوقتي عن محاسبة الاطباء عن المضاعفات الطبية.
اولا انا مش تخصصي بس اللي فهمته ان لو كان فيه اجراءات اتعملت كان ممكن الطفلة ما تتعميش او تتحسن حالتها علي الاقل. فلو كان كده فطبعا طبعا لازم يتحاسبوا. مش عشان دخلوها الحضانة والبنت عاشت يبقي نشكر الدكاترة. لا معلش البنت دخلت الحضانة في الخاص و العام بفلوس البنت او بفلوس الدولة. و البنت عاشت عشان الدكتور نفذ التعليمات الطبية اللي درسها اللي بسببها أخد فلوس. فهي عاشت بسبب ان ربنا عايزلها كده. مش عشان الدكتور و لا عشان الحضانة. الدكتور بينفذ اللي مدرب عليه و بياخد عليه اجر و نفس الكلام الممرض و غيرهم. اللي بيدخل قريبه المستشفي الخاص بيدفع تمن جهاز الحضانة المتقدم و تمن الكهرباء و اجر الطبيب و التمريض بخبراتهم بتدريباتهم. وبالنسبة لمستشفيات الحكومة نفس الشئ بس اللي دافعاه الحكومة بأجر رمزي.
الدكتور ما عملش اعجاز لا مؤاخذة. احنا ما بنعملش اعجاز.
الكلام ده ممكن يزعل بعض الزملاء الاطباء بس للأسف هي دي الحقيقة.
ده ما يمنعش الاحساس بالشكر و الامتنان للطبيب اللي بيهتم اكتر. او اللي ادي عمله بكفائة.
او طبعا الشكر و الامتنان لكتير من الاطباء اللي بيدفعوا من جيبهم عشان يجيبوا نواقص او يقعدوا بعد شيفتهم او ينزلوا من بيتهم عشان مريض محتاج.
بس الطبيب لا يحيي المرضي ولا يشفيهم. اللي بيعمله بينفذ اللي اتعلمه و لو عمل غير كده يكون مهمل و لازم يتحاسب.
ولو مش كده كان ممكن الطبيب يتحاسب لو المريض مات لأي سبب بدون وجود اي اخطاء طبية.
معلش الدكاترة هيزعلوا مني
بس اي دكتور منهم لو راح كشف لابنه عند دكتور و اداله دوا و نسي يقوله يعمل تحليل معين كان ممكن يحسن حالته و حالته اتدهورت جامد بعدها كان هيزعل
هيزعل جدا كمان و ممكن يدعي عليه و ممكن كمان يشتكيه.
طب هو مش المفروض نشكر الدكاترة لان الاطفال دول كان preterm ناقصي النمو و غالبا بيموتوا.
ايه
الدكاترة ما احيوهمش... لا خالص.. والا كان المفروض يعيشوا الطفلين مش واحد يموت.
الدكاترة فقط عملوا اللي عليهم باخلاص
عملوا اللي درسوه. عملوه بكل حرفية.
مع اختلاف المثال و الاهمية. هو لما اروح لمهندس و يعملي عمارة و بعد ستة شهور يقع جزء منها اقوله معلش مش هفكر اسألك انت غلطت ولا لأ لانك انت بنيت العمارة الجميلة ديه المفروض ما تتحاسبش علي الجزء الصغير اللي وقع
او عشان نبقي قريبين لو مقاول تبرع للفقراء بعمارات لله ووقعت واحدة عليهم هنقول لا يشكر مش كفاية انه اتبرع.
لا مفيش حاجة اسمها لا لمحاسبة الاطباء
المشكلة عندي هنا انهم لا يحاسبوا بالحبس
كل الاخطاء الطبية في اغلب انحاء العالم تحاسب بالتعويض
وده برضه هيزعل ناس تانية
ازاي يضرني او يموتني و اطالب بالتعويض المالي بس بلا محاسبة
لا حضرتك شغلانة الطب زي ما قلنا قابلة للخطأ
وده في كل انحاء العالم و علي فكرة بنسبة عالية... جدا
لاسباب كتير
اسباب في المريض لان ربنا خلقنا مش زي بعض
و اسباب في الدكتور لانه بيشوف حالات كتير و كل حالة بيحللها و يفكر فيها و ياخد فيها قرار.
الموضوع صعب و قابل للخطأ وده معترف بيه في كل انحاء العالم.
وإلا نجيب آلات تعمل كده و هيبقي برضه فيه خطأ لاختلاف البني ادمين.
لأ لازم نعرف ان فيه جزء كبير من المضاعفات او الوفيات في المستشفيات كان ممكن تجنبها preventable و انا نفسي شفت منها كتير جدا جدا بطبيعة وظيفة الجودة.

وبرضه الكلام ده مش قصدي منه عدم سجن بعض الاخطاء. زي مثلا انه يقول انه دكتور و هو لأ. او انه يقول انه جراح وهو لأ.
الخطأ الطبي هو عدم تنفيذ ما هو موصي باتباعه للحالة في الوقت المطلوب بشكل صحيح
طب لو العيان حصله مضاعفات متوقعة للمرض... شئ طبيعي و ممكن يحصل و ده اساسا لايعاقب عليه الطبيب طالما اتبع الخطة العلاجة الموصي بها للحالة بشكل صحيح و في الوقت المطلوب. وحط تحت الجملة ديه 100 خط.
يعني مثلا عيان خرج من العمليات و التوصيات الطبية بتقول يقعد تحت الملاحظة 48 ساعة لانه ممكن ينزف. لو الدكتور قعده في المستشفي و نزف و تعاملوا طبيا معاه بكل الطرق لكن مات ديه مضاعفات متوقعة و لا يعاقب عليها الدكتور. اما لو الدكتور مشاه بدري من المستشفي او سابه في غرفة و ما بصش عليه طول اليومين و العيان نزف و مات فهنا فيه خطأ طبي طبعا و الدكتور يحاسب عليه.
نرجع لموضوعنا، قضية سجن 16 طبيب
الاعتراض هنا علي حكم سجن اطباء لوجود خطأ طبي في كل العالم يتوجب التعويض و المحاسبة و مش السجن
ناس هتزعل و لكن ده الصح، اشمعنا مثلا المهندس ممكن يتحاسب بالسجن. لأن المهندس عنده و قت يخطط و يراجع (مش بيبني 10 عمارات في ساعتين). ثانيا خطأه ممكن يشوفه و يتداركه ( قبل ما العمارة تسكن) ثالثا المفروض لو خطأ مش جسيم و مش مقصود برضه يحاسب بالتعويض.
وهنا نقدر بس نقول
مش لا لمحاسبة الاطباء
ولا لا لسجن الاطباء
لكن لا لحكم السجن في الاخطاء الطبية
ولكن نعم لقانون اخطاء المهن الطبية
ولكن نعم للتأمين ضد مخاطر المهنة

21/04/2018

https://www.youtube.com/watch?v=43kj_V7M5hM

اشترك في القناة: http://bit.ly/AlhadasElyoumYT نتمنى لكم مشاهدة طيبة وممتعة علي قناه الحدث اليوم عبر تردد: 11823 (رأسي) 27500 على نايل سات تابعنا علي مواقع ا...

21/04/2018

01/12/2017

بمناسبة دخول فصل الشتاء: رجاء الأنتباه