24/05/2026
الجدات
❤ دول نعمة من ربنا
♥️ قواعد الجدات الأربعون 👇
1️⃣ الجدات هم اول حد بيأكل البيبى محشى...معروفه 😅
2️⃣ مهما كانت مامتك حازمة معاكى زمان...بتلاقيها متسامحه جدا مع اى خطأ إبنك بيعمله....تحسى إنها اقتنعت بالتربية الإيجابيه فجاه! 😅 طب و الشبشب راح فين يا حاجه 🙈😄
3️⃣ الجدات هم كنز الحكايات....حتى لو جبتى ابله فضيلة نفسها تحكى لبنتك حدوته....عمرها ما حتكون زى تيته ♥️
4️⃣ اكتر واحدة شايفه ان الواد خاسس و ممقوت هى جدته....بتبقى لسه راجعه من عند الدكتور و مبسوطه جدا ان وزنه هايل على منحنى النمو....بس ما تقدريش تردى تقولى الولد مش خاسس يا ماما ..علشان حنتشتم احنا و المنحنى و ال CDC اللى عملته 😄
5️⃣ الأحفاد بتخليكى تكتشفى جانب لذيذ و طفولى جدا فى مامتك....زحمة الحياه كانت كبتاه....
6️⃣ بنتحايل على العيال ياكلوا اللحمة فى البيت.....بيروحوا لتيته يقولوا " الله....انا عمرى ما اكلت لحمة" 😅
7️⃣ بتنيمى البيبى بالعافيه و فى ساعتين، و بتبقى قافلة كل الانوار، و الاصوات....بيروح لجدته....تحطه على حجرها قدام التليفزيون و فى ايدها المقوار علشان تكمل المحشى....و تكلمك ٣ دقايق بس.... تلاقيه نااااام 😄
عندهم تعويذه سحريه بيقروها على العيال! و بتخلى شكلك وحش جدا قدام نفسك 🙈🤣
8️⃣ قبل الولادة بتبقى معتمده ان ماما عارفه اجابات كل الاسئلة....بعد الولاده بتكتشفى ان ماما ناسيه كل حاجه ..... و كل مراحل نمو الطفل اتلخصت عندها فى قصتين تلاته ليكى و انتى صغيره.....و طبعا بيبقوا قصص تكسف 😅
9️⃣ الجدات دايما شايفة ان لبس الولد خفيف و حيبرد....حتى لو لبس الدولاب كله...😅
🔟 تربية الاسبوع كله بتبوظ يوم الجمعة عند تيته...معروفه! 🙈😅
أحلى ذكريات فى حياتك عيشتها فى حضن جدتك....منتهى الأمان و الحب الغير مشروط......الحمد لله ان اولادنا جاتلهم نفس الفرصه دى ♥️ ربنا يحفظ تيته و جدو و يبارك فى صحتهم ♥️
