02/12/2025
نظام غذائى و حمية صحية لدهون المبيض
ثانيه واحده قبل ما نبدا الورق والقلم ونكتب فيها هناكل تفاحه الصبح والغدا هيكون ثمره فاكهه ونقطتين طبيخ مع ٣ جرام بروتين
اسمعي الكلام المهم جدا جدا اللي لازم نصلح بيه مفهومنا الفتره اللي جايه
اولا ما فيش حاجه في الدنيا اسمها دهون بتيجي وتتكون على المبيض يعني ايه الكلام ده ؟ بصى اللى فى الصورة دا شكل المبيض من احد المناظير يعني احنا شغالين بالمنظار وفاتحين البطن وشايفين المبايض بعينينا بكاميرا المظار و ده شكل مبيض طبيعي ده مش المكان اللي بيتكون فيه دهون الدهون بتتكون في مناطق معينه المناطق دي قابله لتكوين الدهون زي ما يسمى به منديل البطن او الاومنتم omentum اللي بيكون ما بين الامعاء مثلا
او الدهون بتتكون تحت طبقه الجلد في جدار البطن نفسه لكن ما شفناش دهون بتتكون على المبيض الكلمه دي نقدر نقول عليها خطا شائع خير من صحيح مهجور يعني ايه الكلام ده يعني فكره ان يكون في دهون على المبيض نقولها بمعنى ثاني ان يكون في اكياس على المبيض او تكتلات على المبيض هذه التكتلات ما بتكونش تكتلات دهنيه ولكنها داخله تحت نفس المنظور ونفس الفهم اللي احنا بنتكلم فيه لما نقول دهون على المبيض يعني في حاجه متجمعه في مكان غير صحيح على سطح المبيض او بجوار المبيض وبالتالي هتؤدي الى تقليل من حجمه ومقاساته او من كفاءته وقدرته على العمل والانتاج
انتاج ايه بقى مبيض بينتج ايه برافو عليك بينتج البويضات
وبالتالي هناكد اننا مهتمين جدا اننا نعرف انواع التجمعات او التكتلات اللي ممكن تظهر على سطح المبيض
الانواع دي تعالي كده نفنطها مع بعض:
هذه التكتلات قد تكون تكتلات مائيه يعني تكتلات عباره عن كيس وجواه محتوى المحتوى ده ممكن يفضى او تكون تكتلات صلبه يعني ايه يعني ممكن تكون ورم ليفي يجي على المبيض شفناه حصل طيب ممكن تكون كيس شيكولاته هو ده نقدر نحطه مع التكتلات اللي عباره عن كيس وبداخله كونتنت ولكن احيانا بتكون متجمده لدرجه انها بتكون كتل ممكن يكون عباره عن ما يسمى بالكيس العجائبي اللي هو كيس كده متخيله لما بنفتحه بنلاقي فيه حاجات عجيبه جدا ممكن نلاقي فيه اسنان ممكن نلاقي فيه ودن ممكن نلاقي فيه صباع ممكن نلاقي فيه شعر ممكن نلاقي فيه حاجات عجيبه جدا جدا وهذا الكيس اسمه ديرمويد dermoid cyst
اذا دي الامور الشائعه الكيس اللي بيكون عباره عن جدار وبداخله محتوى هذا المحتوى ممكن يكون محتوى بسيط جدا جدا لدرجه ان المحتوى ده بيكون محتوى مائي وبنسميه كيس بسيط حتى شفتي الوصف اهو كيس بسيط او ممكن يكون هذا المحتوى محتوى مائي ولكنه عاكر بدأ يكون فيه تعكيره او في مواد اخرى غير الميه ممكن دم مثلا نسميها كيس معقد كمان كتسميه اشمل
وهنا بنطمنك ان كل واحد من دول ليه طريقه علاج .. لا وثانيه واحده ده مش كده وبس ده كل واحد من دول ممكن يحصل الحمل وهو موجود !!!
للدرجه دي اه والله لدرجه ان في حالات احنا بنولّدهم والكيس ده موجود فتخيلي احنا بنتكلم عن امور بهذه البساطه فما تخليش حد يضخم لك شيء مش ضخم حاجه بسيطه ما تستاهلش منك كل هذا القلق والتوتر ولكن لازم يتم تشخيصها واخذ قرار مناسب عليها
هل احنا محتاجين ولا مش محتاجين نتحرك في هذه الخطوه هل ده امر يستدعي تدخل طبي حتمي وسريع وحرج ولا امر عادي جدا وممكن نتركه حتى ونشيله كمان اثناء الولاده لما تحملى بإذن الله ولو ولدت طبيعي مش محتاجين حتى اننا نشيله وهنسيبه ونتابعه ونتابع حجمه وتطوراته فقط
القرار ده هيكون قرار وحيد للاطباء مش لشات جى بي تي ولا لاي مؤسسه ذكاء اصطناعي موجوده في العالم القرار قرار بيتبني على عوامل طبيه كثيره جدا
الف سلامه عليك يا بطله مهما كان اللي بتعدي بيه صدقيني صدقيني كلمه اتعلمتها من حد من حالاتي الجميلات وهي بتقول والله ربنا قادر ان يعطينا اكثر مما نستحق خليها دايما في بالك وادعيه وانت كلك يقين وما تنسيش انت مش لوحدك في الرحله احنا معاكي في الطريق دايما .. طبيبتي
