مركز د. حسن جعفر لصحة المرأة - Dr. Hassan Gaafar Women Health Center

26/04/2026

✨ لأول مرة… بدون جراحة واستئصال!

يعلن مركز دكتور حسن جعفر لصحة المرأة عن بدء علاج حالات التغدد الرحمي والأورام الليفية باستخدام أحدث تقنيات الميكروويف الجراحي 🔬

✔️ بدون استئصال الرحم
✔️ تدخل بسيط ونتائج فعالة
✔️ عودة سريعة للحياة الطبيعية

لو بتعاني من أعراض زي الألم، النزيف الغزير أو تأخر الحمل… دلوقتي في حل متطور وآمن 👩‍⚕️

📍 العنوان: 30 شارع مراد – الجيزة
📞 للحجز والاستفسار: 01096884814

احجزي استشارتك الآن وابدئي خطوة جديدة نحو صحة أ #صحةالمرأة

25/04/2026

مين بيكتب فيتامينات بعد الولاده، دكتور النساء و لا دكتور الاطفال ؟ #حامل

21/04/2026

اهميه الاوميجا ٣ للحامل #حمل #حامل

20/04/2026

مبارح حصل معايا موقف كده حبيت أشاركه معاكم، خصوصاً عشان دايماً بنكتب عن النجاحات وقدرتنا في تشخيص الحالات الصعبة، والحمد لله ده حقيقي. لكن برضو لازم نفتكر إن في حاجات ممكن تعدي علينا من غير ما ناخد بالنا منها، وربنا هو اللي بيسهل الأمور بفضله وبفضل تعاون الفريق.

اللي حصل إن كان عندنا قيصريه لحالة مشيمه متقدمة ، وكنت مستبعد إن يكون فيه التصاق. عملت سونار أكتر من مرة، وعلى الرغم من خبرتي في الموضوع ده مكانش واضح ان في التصاق ، بس برضه كنا حاجزين كيس دم احتياطي، وده كان من فضل ربنا. فتحنا الحالة وعملنا القيصرية، و لكن لقينا جرء من المشيمة ملتصق بالرحم في الجزء الجانبي والخلفي، وما كانش باين في السونار.

الحمد لله إن دكتور معتز الشربيني كان معايا، و بمكن معتز من اشطر الناس في الحالات الجراحية الصعبه وفريق التخدير بقياده دكتور محمد حسين كان متمكن جداً، قدر يحافظ على ضغط المريضة، وجبنا كيس دم إضافي. حتى دكتور عبدالله موسى كان جاهز كدعم لو احتجنا أي إجراء إضافي، وجه في أقل من ساعة رغم إنه ساكن بعيد.

عدت الحالة على خير، والحمد لله نقلنا كيس الدم والضغط كان تمام، والرحم اتحافظ عليه.

الفكرة اللي عايز أقولها إن أي حد ممكن يغلط في تشخيص، بس المهم يكون في احتياطات وتجهيزات.

مش لازم نكتب بس النجاحات، لكن كمان اللحظات اللي تعلمنا فيها حاجة، عشان الناس تعرف إن الكمال لله وحده

اكيد هراجع صور السونار تاني و اشوف الحته المستخبيه دي كانت فين !!؟؟

بشكر جدا دكتور معتز الشربيني ، عضو العصابه و شريك الجرائم كلها و الاخ الحقيقي

و دكتور عبد الله موسي الجدع و دكتور مصطفى عضو الفريق الحونيور

و دكتور محمد حسين الحميل

و ميس هدي طبعا و ميس مارسيل و كل طاقم العمل بمستشفى الندي و بنك الدم

و ربنا يتوب علينا بقي و نشتغل في كشك وزد صغير كده كفايه 🤣🌺

19/04/2026

من طرابلس - لبيبا

زوجه استاذ بشير قدمت للمركز مخصوص عشان حصل لها ١١ مره اجهاض في اشهر الحمل الوسطي

هما عندهم ٣ بنات و نفسهم ف ولد جميل

و بقالهم ١٥ سنه من بعد اخر بنت حصل فيهم ال ١١ اجهاض

نظريات كتير و حكاوي كتير ، منها ضعف عنق الرحم و اسباب وراثيه و مناعيه

ربنا اكرمنا و حطينا بروتوكول علاجي اثناء الحمل و رجعوا ليبيا و كنا متابعين معاهم شهر بشهر الحاله عن طريق الرسائل

و اخيرا و الحمدلله استاذ بشير بعتلي رساله صوتيه جميله من طرابلس امس، ان ربنا رزقه بولد و الحمدلله و طلب مني كتابه الحدوته الحلوه دي عشان الناس تفرح في ليبيا

الف الف مبروك لعائله بشير الجميله و محدش بفقد الامل في ربنا ابدا

18/04/2026

لما الدكتور يتقمص دور الحالة الي بيعالجها 😳 #حمل #حامل

16/04/2026

ما تحاولش تبقي ناصح علي الدكتور #حمل #حامل

15/04/2026

جنين عاش ٨ شهور بدون رحم داخل تجويف البطن
معجزه حقيقيه
الحمدلله الذي وفقنا لانقاذ الام و الجنين

فضلا من الله و توفيقه

#حمل #معجزه

نجح فريق طبي في إنقاذ حياة أم وجنينها بعد رحلة حمل خارجة عن المألوف حيث قضى الجنين شهوره الثمانية داخل تجويف بطن الأم وليس داخل الرحم إذ أن احتمالية حدوث مثل هذه الحا...

13/04/2026

هل ممكن جنين يعيش خارج الرحم في تجويف البطن
Abdominal pregnancy
لحد ما يوصل الشهر الثامن؟

طبعا معظمنا هيقول مستحيل

بس الاجابه هي ممكن

عملنا حاله وصل فيها الحمل الي الشهر الثامن مع وجود الجنين داخل تجويف البطن بدون كيس سائل حواليه ووجود مشيمه ملتصقه و دي الي ساعدت علي عدم حدوث انفصال المشيمه وقت حدوث الانفجار الصامت للرحم و خروج كيس الحمل من جرح القيصرية في الرحم

المريضه بحاله ممتازه بفضل الله و المولود بحاله جيده وزنه ١٩٠٠ و لا يوجد به اي عيوب خلقيه

حاله من ١٢ حاله مسجله علي مستوي العالم، و تستحق الاهتمام الاعلامي

ووثقتا كل المعلومات الخاصة بها بهدف النشر العلمي

الفضل الاول في تشخيص الحاله هو الدكتور طارق صبري استشاري النساء والتوليد لانه هو من قام بمناظرة الحاله و قام بتحويلها لينا

فريقنا الجراحي الطبي المميز الذي ساهم في انقاذ الحاله بتوفيق من الله
My Life Clinics عيادات ماي لايف للحمل الحرج و المشيمه المتقدمه و الملتصقه

دكتور عبد الله موسي
دكتور معتز الشربيني
دكتور نصر سيف
و دكتور محمد خالد الشيخه

و كل طاقم العمل

الحمدلله علي فضله و نعمته

دي تاني حاله اشوفها في ٢٥ سنه و اتمني ما اشوفش الحالات دي كتير

06/04/2026

بيبي بيفتح عينيه في السونار الرباعي في الشهر الصامن #حمل #حامل #الحمل

05/04/2026

الأورام الليفية المتعدده من الحالات الصعبه، خاصه لو كان مطلوب الحفاظ علي الرحم بهدف حدوث حمل بإذن الله

عشان ده بيخليك محتاج تقلل عدد الفتحات فب عضله الرحم

تحاول ما تفتحش تجويف الرحم اذا امكن

تقلل حدوث الالتصاقات ( مع ان في عوامل اخري في الموضوع خارجه عن اراده الجراح)

تبعد عن الانابيب عشان ما تتقفلش

و قبل كل ده توفيق ربنا و ارادته

ما تقلقيش من العمليات دي لانها احيانا بتكون ضرورية لحدوث حمل

توكلي علي الله و اختازي الطبيب المختص و هو هياخد كل الاحتياطات و ان شاءالله كله يمشي زي الفل

02/04/2026

❤️❤️❤️