20/07/2020
1-الموز
ممكن نبدأه من الشهر السادس و بيعتبر مصدر غني بالطاقة و بالألياف و الكربوهيدرات و فيتامين C هنقدمه مهروس و متخفف بلبن الأُم او لبن صناعي
2-الشوفان
ممكن نبدأه من الشهر السادس و يعتبر وجبةإفطار هايلة و قيمة بتساعد على زيادة الوزن و بتعالج الإمساك ...كمان الشوفان غني بالحديد و الزنك و الفسفور ... بنقدمه الأول زي بيوريه متخفف
3- البطاطس و البطاطا
بنبداها في السادس و كمان ممكن بدري عن السادس لإنها من اسهل الوجبات في الهضم و أقلها تسبباً في الحساسية ... دا غير قيمتها الغذائية العالية
4- الزبادي السادة كامل الدسم
يعتبر وجبة غنية بالدهون و المعادن و الكالسيوم ... و بالإضافة لإنه بيزود الوزن كمان بيقوي مناعة الطفل و نقدر نستخدمه أثناء النزلات المعوية لإنه سهل الهضم
5- العدس و العدس بجبة (الأسود)
ممكن نقدمهم من الشهر الثامن ويعتبروا من الوجبات سهلة الهضم و اللي بتزود الوزن و غنية بالحديد والكالسيوم و البروتين والالياف
ممكن نقدمهم في الأول مسلوقين و مهروسين -كل نوع لوحده- و ممكن بعد كده نسلقهم مع انواع مختلفة من الخضار زي البطاطس و الطماطم و الجزر و نهرسهم ... بعد السنة ممكن نقدملهم شوربة العدس بتاعتنا و كشري العدس و الكشري المصري
6-الزبدة و السمن البلدي
ممكن نقدمها من الشهر الثامن و مسموحلنا بمعلقه صغيرة يوميا ممكن نضيفها على البيوريه او شوربة الخضار أو أي اكل هتقدمي للبيبي و طبعاً الكمية بتزيد بعد كده...ليهم قيمة غذائية عالية و من أكتر الحاجات اللي بتزود الوزن لأحتوائهم على نسبة عالية من الدهون
7-بيوريه التفاح والكمثرى والخوخ
ممكن نقدمهم للأطفال ناقصي الوزن من بعد الشهر السادس بدون إضافة سكر و الأعتماد فقط على السكر الموجود في الفاكهة عشان ما نعملش عسر هضم للبيبي و تخمِّر في المعدة..
الأنواع دي من الفاكهة غنية بالحديد وفيتامين C و بتفتح شهية الطفل للأكل و الرضاعة
8-البزلاء
من الشهر السادس و بيعتبر من الخضروات عالية القيمة الغذائية لأحتوائها على الألياف و فيتامين A
و الماغنيسيوم
و ممكن نقدمها ك بيوريه او مع شوربة الخضار
9- البيض
يعتبر إختيار جيد لنمو و تطور الجهاز العصبي لإحتوائه على مادة الكولين...كمان بيعتبر مصدر غني بالدهون المشبعة و البروتين وفيتامين A
10-الدجاج
بنقدمه مرة أسبوعيا عشان نسبة الكوليستيرول عالية
ويعتبر من الأغذية المهمة لزيادة الوزن و لذيذة في نفس الوقت
11-الأسماك
بنبدأها عند الشهر الثامن ...غنية بالأحماض الأمينية و الأوميجا 3 و فيتامين D و مهمة جداً لنمو و تطور الجهاز العصبي و زيادة الوزن و ممكن نقدمها على الأقل ٣مرات في الأسبوع
12-اللحوم الحمراء
مهمة جداً لنمو عضلات الطفل و ممكن نقدمها مرة واحدة في الأسبوع
13-الجبن
ممكن نبدأ في الشهر الثامن تعتبر غنية بالكالسيوم و لذيذة و بتزود الوزن
منقول للافاده
شير عشان الكل يستفاد
