العلاج النفسي Psychotherapy

16/10/2024

صباح الخير
مهما تحس انك محبط و تعبان و مضايق و مهموم و دماغك مشغوله بالمستقبل سيبها علي ربنا و شوف خططه ليك شكلها ايه
مش مطلوب مننا غير الثقه في تدبير الله ثم السعي فقط.

07/01/2024

جربت تحكي مع حد من غير ما يحكم عليك؟
او يقولك ازاي تعمل كدة؟ ازاي تغلطى الغلطة دي ؟
وازاى وازاي
لو عايز تتكلم مع حد من غير ما يحصل كل دة
ابعتلنا

13/08/2021

عشان بيجيلنا اسئلة كتير علي رسايل الصفحة
هنعمل جروب خاص بالمساندة النفسية والأسرية وهيبقا في متخصصين بيجاوبوا علي كل الاسئلة وكمان هيبقا في اوقات للحوار والمناقشة وتبادل الخبرات
تحبوا يكون منفصل "رجال او سيدات " لا عام يشمل الجميع ؟

اكتبولنا في التعليقات اذا كنتم مهتمين

26/11/2020

“آدم رجع البيت وهو بيعيط ومرضاش يقول ماله.. ومع الوقت بدأ ينسحب وينعزل عننا وعن الناس.. بقيت أحس إنه خايف، وبيرفض يقعد مع أي حد لوحده.. ماكانش بيعرف ينام بالليل من الكوابيس.. مابقاش عايز يروح تمارينه.. مستواه الدراسي اتدهور.. بدأت ألاحظه بيتصرف معايا تصرفات جنسية مش مفهومة.. مابقاش نشيط زي الأول وبقى بيمشي وضهره محني”

“بعد ما فكرت في السلوكيات دي، وقريت على الإنترنت، قررت إني أتكلم معاه وأفهم، وبعد محاولات كتير اكتشفت إن آدم اتعرض للتحرش من عاملة في المدرسة!”

الاعتداء الجنسي Sexual abuse هو أي فعل يجبر الطفل على المشاركة في أنشطة جنسية، وبتكون من علامات تعرض طفلك للاعتداء الجنسي: الخوف والهروب، ظهور سلوكيات جديدة في شخصيته، رفضه الكامل إنه يروح مكان معين أو مع أشخاص معينة.

والدراسات وضحت إن واحد من بين كل 10 أطفال بيتعرض للاعتداء الجنسي قبل ما يتم 18 سنة، ومن بين الأشخاص اللي اتحرشوا بأطفال عمرهم أقل من 6 سنين، كان 50% منهم من أفراد العيلة، الطفل لو ماقدرش يتعالج ويتخطى التجربة دي، بيكون معرض إنه يختبر نفس الإساءة الجسدية في المستقبل، ومابيقدرش يكوِّن علاقات اجتماعية سوية، والأسوأ إنه بيكون عنده ميول انتحارية عالية.

إزاي تحمي طفلك من الاعتداء الجنسي؟
عشان تحمي طفلك من الإساءة دي وآثارها، مهم تركزي إنتي وأسرتك مع الطفل، وتعلموه شوية حاجات مهمة:

مهم جدا كأب وأم تخلقوا أمان ومساحة كلام بينكم وبين الطفل، بحيث يكون عنده الشجاعة ويكون قادر يتكلم معاكم، ويحكي لكم كل حاجة بدون خوف من أي ردود فعل منكم بعد كلامه، لإن طريقة تعاملكم معاه في اللحظة دي، هتفرق معاه طول حياته.

الجأوا لجلسات المشورة، لأن آثار الاعتداء الجنسي ممكن تستمر مدى حياته، ولكن مع حصوله على العلاج الصح، يقدر يتخطاها.
علمي طفلك إن الجسم فيه مناطق اسمها “المناطق الخاصة”، وإنها خاصة لأنه مش مسموح لأي شخص إنه يلمسها ولا يشوفها.
علميه إزاي وإمتى يقول “لا”، وإن طبيعي جدا يقول للناس اللي أكبر منه إنهم يبعدوا عنه، لو حس إنهم بيقربوا من جسمه بشكل غير طبيعي، علميه إنه يكون عنده مساحته الشخصية.
ماتجبريهوش يسلم على حد غصب عنه، لو حسيتي منه إنه مش مرتاح.
ماتهملوش رعاية وحماية طفلكم اللي بتبدأ من البيت.
Copied


#هنسمعك

10/11/2020

من السهل على الإنسان أن يغضب لكن ما ليس سهلا هو أن يتوجه الغضب نحو الشخص المناسب بالدرجة المناسبة و فى الوقت المناسب و بالطريقة المناسبة.

ارسطو.

07/11/2020

‏"يظنّ الناس أن توأم الروح، هو من يتلاءم معك تمامًا، وهذا ما ينشده الجميع، لكن توأم الروح الحقيقي مرآة؛ إنّه من يُريك كل ما يشدّك للوراء، من يُبصرك بنفسك لتغير حياتك، وهو على الأرجح أهم شخص ستلتقي به؛ لأنّه يهدمُ أسوارك ويصفعك بقوة كي تفيق".

إليزابيث غيلبيرت

25/09/2020

جلسة مجانية
مين محتاجها ؟

دلوقتي ولفترة محدودة بنقدملك جلسة كوتشينج مجانية !
جلسات تساعدك في حياتك الشخصية والمهنية
أونلاين او اوفلاين..

يعني وأنت في مكانك هتتواصل معانا وتبدأ جلستك في سرية وخصوصية تامة..
من أي مكان وفي الميعاد اللي يناسبك مع إتاحة اختيار الجلسة صوت وصورة أو صوت بس..

او في احدى الاماكن اللي بنستقبل فيها الجلسات

متوفر حالياً الجلسات التالية:

- استشارات حياتية للتغلب علي التحديات المختلفة

- استشارات شخصية أو قبل الارتباط أو أثناء الخطوبة أو زوجية وأسرية

- استشارات مهنية "اكتشاف الشغف والمواهب ، بناء المسار الوظيفي الناجح ، الترقية والتطوير المهني ، تغيير المسار الوظيفي .. الخ"

للاستفسار والحجز عن طريق الواتساب
01204580444

01/08/2020

طول ما انت بتتعامل مع البشر علي انهم آلهة وما بتغلطش هتفضل تعبان ومش مرتاح في علاقاتك وهتشوف اغلب الناس وحشين او مالهمش أمان

واللي لازم تكون عارفه واللي هيفضل موجود سواء اقتنعت بيه او لا

هو ان كل اللي علي الارض بشر وهيفضلوا يغلطوا لاخر لحظة في حياتهم

وان تعاملك مع الناس مش هيتحسن غير لما تقبلهم زي ماهم بدون ما تحس حتي انهم محتاجين يتغيروا

وان اللي فعلا محتاج يتغير هي نظرتك وتفسيرك لكل سلوكياتهم اللي اغلبها هي اصلا من الفلاتر اللي موجودة عندك وبتشوف من خلالها الاحداث والشخصيات

وان الحدود لو كانت كبيرة هتضرك انت اكتر واحد ولو كانت صغيرة برضو هتضرك اكتر واحد

الحدود الصحية والآمنة بتبدأ من جواك مش من مجرد تقليل او زيادة معاملات وممارسات مع الناس

الخلاصة
عشان علاقاتك تتحسن :
- نضف الفلاتر بتاعتك انت اولا
- اقبل واقتنع ان مافيش ملايكة علي الأرض وانت نفسك مش مثالي ومش كامل وبتاذي ناس حتي لو من غير ما تحس
- ابني حدود صحية مبنية علي اساس سليم مش مجرد عادات وتقاليد او خبرات سابقة مش مظبوطة
- اقتنع ان بدون ثقة في الاخرين مافيش علاقة ناجحة

#يتبع

23/07/2020

بمناسبة اننا عدينا ٥٠٠٠ متابع
هنعمل ٥ جلسات اون لاين مجانا
اعمل شير للصفحة
اكتب تعليق علي البوست
ابعتلنا اسمك وبلدك علي الرسايل
وهنختار ٥ من الكومنتات ونبعتلهم

اهم حاجة عايزين نوصل ١٠٠٠ تعليق

21/05/2020

‏خوفك الزائد على الأشياء أن تنكسر، قد يكسرك أنت ويُبقيها