15/11/2025
ناس كتير سألتني: " إزاي نقدر ناخد الفيتامينات اللي جسمنا محتاجها؟"🤔
💭 هقولكم الطريقة اللي تخلّيكم تاخدوا كل الفيتامينات اللي محتاجينها من الأكل الطبيعي، من غير ما تدفعوا فلوس في مكملات ممكن تكون ملهاش لازمة أو حتى تضرّكم.
💭و الطريقة بسيطة جدًا: ناخد كل المكملات بتاعتنا من أكلنا.
قسمتلكم الفيتامينات الأساسية ومصادرها 👇
🧠 فيتامين A
مهم للنمو، المناعة، والإنجاب، وكمان ضروري جدًا لمرضى الغدة الدرقية.
📍 المصدر: طبق كبدة صغير مرة واحدة في الأسبوع كفاية جدًا، لأن 300 جم كبدة بيدّينا حوالي 1000% من احتياجنا الأسبوعي.
وده كفاية لأن الفيتامين ده ذائب في الدهون وبيفضل في الجسم فترة طويلة.
⚡ فيتامينات B بأنواعها
مهمة للأعصاب، الحرق، النوم، العضلات، المزاج، الشعر والبشرة.
📍 المصدر: نفس طبق الكبدة اللي في الأسبوع بيوفّر:
B2 بنسبة 300% من الاحتياج اليومي
B12 بنسبة 3000%
B7 (البيوتين) بنسبة 139%
بالإضافة لكده، خُد معلقة خميرة غذائية يوم بعد يوم لزيادة دعم فيتامينات B.
🍊 فيتامين C
أساسي للمناعة، الأوعية الدموية، البشرة والشعر.
📍 المصدر: فلفلية واحدة في اليوم بتكفيك اكتر 100% من احتياجك اليومي.
☀️ فيتامين D
مهم جدًا للحرق، المناعة، الهرمونات، الغدد، الحالة النفسية والنوم.
📍 المصدر: المفروض من الشمس، لكن عشان أغلبنا عنده ضعف امتصاص، الأفضل تاخد فيتامين D liquid drops من الصيدلية مرة في الأسبوع.
✨ فيتامين E
مضاد أكسدة قوي، بيساعد في حماية الخلايا، تقوية المناعة، الحفاظ على البشرة، وتأخير التجاعيد والشيخوخة.
📍 المصدر: معلقة زيت جنين القمح يوم بعد يوم (يعني 3 مرات في الأسبوع) بتكفيك احتياجك من فيتامين E.
🥚 فيتامين K
ضروري لامتصاص فيتامين D، وكمان لصحة القلب والعظام وتنظيم سيولة الدم.
📍 المصدر: شريحة جبنة شيدر أو بيضة واحدة يوميًا، ومعاهم شوية كرنب حتى لو مرة في الأسبوع (زي في المحشي).
كده ببساطة، تكون خدت كل الفيتامينات اللي جسمك محتاجها من الأكل من غير ما تصرف ولا مليم 💪
لو إنت كمان مش بتحب تعتمد على المكملات الصناعية
QTD ✔️
