https://www.facebook.com/1574043866252586/

د.أحمد شميس ـ كلمتين في العظم, Heliopolis (2026)

11/04/2025

سوف يتم غلق هذه الصفحة قريبا
إذا كنت ترغب في استمرار المتابعة، رجاء عمل متابعة للحساب الشخصي د.أحمد شميس 👇
https://www.facebook.com/dr.shemais1

12/10/2024

الآن على يوتيوب
اللينك في الكومنتات
اتفرج وقول رأيك بصراحة.. بس برضه اعمل لايك في الفيديو واشترك في القناة علشان متحرمش نفسك من المتعة القادمة 😁
واعمل شير على الفيس أو الواتساب علشان متحرمش غيرك 😄

07/10/2022

الدكتور بطبعه لازم يكون شكاك وإلا فيه حالات هتعدي من بين إيديه من غير ما تتشخص، ولازم كمان في بعض الأحيان يتوقع الأسوأ لنفس السبب. لكنه في نفس الوقت لازم يقدر يتحكم في الصفتين دول علشان يقدر يفلتر الحالات ويفرق بين الأعراض العادية والأعراض المقلقة عند المريض بتاعه علشان ميطلبش تحاليل أو آشعات مكلفة على الفاضي بحجة أنه شكاك ومتوقع الأسوأ، وفي نفس الوقت يطلب اللي شايفه فعلاً ضروري حتى لو كان مكلف.
من أسبوعين زارني في العيادة الأستاذ (م) شاب في الثلاثينات بيشتغل في وظيفة مرهقة وبيشتكي من ألم مستمر من كام شهر في مفصلي الفخذ، مفيش شيء غير اعتيادي في الفحص أوي باستثناء أنه فعلاً بيتألم! بس لمبة الشك نورت في عقلي فجأة،، وعلى الرغم إن كل مريض يدخل عندي لازم يجاوب في الأول على أسئلة بتتعالج من أي حاجة؟ بتاخد أي أدوية لأي حاحة؟ إلا أنه مجابش سيرة عن الموضوع لأنه فعلا حالياً مش بيتعالج من أي حاجة ولا بياخد أي أدوية!! بس لما ربنا كرمني واللمبة نورت سألته السؤال اللي كان فارق في التشخيص.. السؤال اللي محدش سألهوله قبل كده وبسببه هو بيتألم من شهور على الرغم أنه كشف كذا مرة وأخد علاج.. السؤال هو أخدت كورتيزون قبل كده؟؟ والإجابة كانت صادمة.. "أيوة يا دكتور أنا أخدت كورتيزون قبل كده ومشيت عليه لمدة ٨ شهور كمان بس ده كان من فترة.. الدكاترة كانوا شاكين إن عندي (...) "مرض مناعي" بس مطلعش عندي الحمد لله ووقفت الكورتيزون".
الإجابة دي كانت كافية جداً بالنسبة لي، طلبت رنين مغناطيسي على مفصلي الفخذ والأسوأ اللي كنت متوقعه لقيته، الأستاذ (م) بيعاني من مرض(النخر اللاوعائي لمفصل الفخذ).. مرض نادر بيصيب ٦ من الألف في المائة (يعني ٦ أشخاص من كل مئة ألف) لكن من أهم أسبابه العلاج بالكورتيزون وبالأخص لفترات طويلة. المرض الحمد لله كان في مرحلة مبكرة لدرجة أنه في المرحلة دي يظهر في الرنين فقط ولا يظهر في الأشعة العادية وعلشان كده طلبتله رنين مغناطيسي مباشرة. المرض ممكن نبقى نتكلم عنه بعدين لكن هو -من اسمه- حرفياً بينخر مفصل الفخذ وبيسبب فيه خشونة شديدة جداً في خلال شهور -المدة بتختلف من مريض لآخر- وبتكون النتيجة الحتمية له هو استبدال مفصل الفخذ بمفصل صناعي وده شيء سيء جداً لمريض شاب زي الأستاذ (م) بنلجأ له فقط كخيار أخير لو تم تدمير المفصل، لكن من فضل ربنا علينا إن تشخيص الأستاذ (م) تم في مرحلة مبكرة وده أعطى له الفرصة في حل جراحي آخر وهو ما يسمى بجراحة تثقيب رأس عظمة الفخذ (الصورة المرفقة) حل جراحي صحيح لكن بدون الدخول في تفاصيله هو حل أهون كثيراً من جراحة تغيير المفصل، له مفعول سحري على الألم الرهيب اللي بيكون موجود وبيختفي مباشرةً بعد الجراحة، الجراحة بتتم عن طريق فتحة لا تتعدى السنتيمتر الواحد، والأهم من كل ده أنه بيأخر اللجوء لجراحة استبدال المفصل لمدة قد تمتد لسنوات.. سنوات الأستاذ (م) يقدر يعيش فيها حياته ويمارس وظيفته ويعول أسرته بدون ألم وبدون اللجوء لجراحة كبيرة زي جراحة استبدال مفصل الفخذ بمفصل صناعي.

طيب إيه الغرض من البوست ده؟؟
بعد دعواتكم للأستاذ (م) بالشفاء التام إن شاء الله...
١) احترم شكواك، ومتستهينش بيها.. خصوصاً لو بتشتكي لفترة طويلة.
٢) لو أخدت كورتيزون لأسابيع أو أكثر لأي سبب، حتى لو من فترة طويلة، يبقى النقطة رقم ١ تخصك أكتر من أي حد!
٣) روح للدكتور اللي بيحترم شكواك! الدكتور اللي تحس أنه شايفك بتأڤور أو بتدلع روح لغيره!
٤) من حقك، بل أبسط حقوقك، إن الدكتور يبلغك بتشخيص لمشكلتك، الدكتور اللي يقولك إنت عندك شوية التهابات في العضم أو زي ما بسمع أحياناً روماتيزم في العضم.. برضه روح لغيره!

عافانا الله وإياكم وشفى مرضانا جميعاً.

05/10/2022

سبتمبر الخمس نجوم ⭐⭐⭐⭐⭐
قالوا عنا في سبتمبر ❤️❤️ (افتح الصور لقراءة التعليقات) 🥰

Address

Heliopolis

Telephone

+201119930550

Website

facebook.com

Alerts

Be the first to know and let us send you an email when د.أحمد شميس ـ كلمتين في العظم posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د.أحمد شميس ـ كلمتين في العظم:

د.أحمد شميس ـ كلمتين في العظم