دكتور شريف حسين استشاري القلب والقسطرة

17/05/2026

بثبوت رؤية هلال شهر ذي الحجة اليوم، يكون : 🤍🌙غدًا الاثنين 18 مايو 2026م أول أيام شهر ذي الحجة.
- يوم عرفة: الثلاثاء 26 مايو 2026م.
- أول أيام عيد الأضحى المبارك: الأربعاء 27 مايو 2026م.
دار الإفتاء المصرية

17/05/2026

🌙في زحمة الدنيا…
ربنا بيدّينا أيام
كأنها فرصة جديدة للقلب قبل العمر 🤍

العشر الأوائل من ذي الحجة
مش أيام عادية…
دي الأيام اللي أقسم بيها ربنا في القرآن:
﴿وَالْفَجْرِ • وَلَيَالٍ عَشْرٍ﴾
وكثير من أهل العلم قالوا إنها عشر ذي الحجة.

والنبي ﷺ قال:
"ما من أيام العمل الصالح فيها أحب إلى الله من هذه الأيام" ✨

تخيل…
دعوة منك ممكن تكون أقرب للإجابة
استغفار صغير يمسح ذنب كبير
ركعتين في هدوء الليل
ممكن يغيّروا حاجات كتير جواك وانت مش واخد بالك.

الأيام دي
لكل قلب تعبان
لكل حد شايل هم
لكل شخص نفسه يبدأ من جديد
لكل روح نفسها تتطمن 🤍

🌿
صوم يوم عرفة لغير الحاج
يكفّر ذنوب سنة فاتت وسنة جاية بإذن الله.
وفي الأيام دي
التكبير، الصدقة، الدعاء، صلة الرحم، الصلاة، والاستغفار
كلهم أعمال عظيمة عند ربنا.

يمكن انت شايف نفسك مقصر…
بس ربنا شايف محاولاتك.
شايف دمعتك اللي محدش شافها
وشايف الدعوة اللي قولتها من قلبك وانت مكسور.

متفوتش الأيام دي في القلق والزعل والخناقات…
قرب من ربنا حتى لو بخطوة بسيطة.
يمكن الخطوة دي تكون سبب نجاة قلبك وسلام روحك 🤲🏻

رددوا كتير:
🤍 سبحان الله وبحمده
🤍 لا إله إلا الله
🤍 لا حول ولا قوة إلا بالله
🤍 اللهم اغفر لنا وارحمنا واجبر خواطرنا

اللهم بلغنا العشر المباركة
وأصلح قلوبنا
واكتب لنا فيها دعوة لا تُرد 🤍

17/05/2026

#القسطره بتفتح الطريق…
بس اللي بيحافظ عليه مفتوح هو اختياراتك انت بعد كده.

القسطره شالت العائق…
إنما الاستمرار على نفس العادات القديمة؟
يبقى كإنك بترجع تبني العائق بإيدك.

🥗 الأكل الصح؟
مش ديكور… ده اللي بيحمي الشريان فعلاً.
قلّل الملح، ابعد عن المقليات والدهون، وخلي طبقك مليان خضار، فاكهه، سمك، ومعلقة زيت زيتون محترمة.

🏃‍♂️ الحركة؟
20–30 دقيقة مشي في اليوم… دي مش نصيحة، دي ضرورة.
والسجاير؟
أقصر طريق إنك تهد اللي القسطره لسه بنته.

💊 الأدوية؟
جرعاتها مش للعب… لا تقلل ولا تزود ولا توقف من دماغك.
انت كده بتحمي الشريان من غير ما تحس.

باختصار:
القسطره بتنقذك مرة…
بس اللي بينقذ قلبك كل يوم فعلاً هو أسلوب حياتك.

17/05/2026

" فإذا رأيتم الكرب يشتد فأعلم أن ف*ج الله قريب "

17/05/2026

الأعراض دي لو جتلك اليومين دول خصوصا في الجو ده ..اوعي تعديها ❌️🚫🚨

17/05/2026

في الحر… مريض الضغط مش محتاج “يستحمل”
محتاج يفهم إن جسمه بيحاول ينجو ☀️💔

الحر الشديد ممكن يعمل هبوط مفاجئ، دوخة، خفقان، إرهاق، جفاف…
وأحيانًا يرفع الضغط عند بعض الناس بسبب فقدان السوائل والتوتر الحراري على الجسم.

وعشان كده
التعامل الصح مع الصيف مش رفاهية… ده حماية لقلبك ❤️

🚨 لو عندك ضغط عالي… اعمل دول طول الصيف:

🥤 ١- اشرب مياه حتى لو مش عطشان
العطش مش دايمًا مؤشر كفاية…
الجسم ممكن يكون بدأ يجف فعلًا قبل ما تحس.
قسم المياه على مدار اليوم، خصوصًا بعد الخروج أو التعرق.

🧂 ٢- قلل الملح “المستخبي”
مش بس ملح الأكل…
اللانشون، الشيبسي، المخللات، الرنجة، الصوصات، والوجبات السريعة كلها قنابل صوديوم ترفع الضغط وتحبس السوائل.

☀️ ٣- بلاش تنزل وقت الذروة
من ١٢ الظهر لـ٤ العصر… الشمس بتكون في قمة قسوتها.
ولو مضطر تنزل:
👒 غطا للرأس
🕶️ نظارة شمس
💧 زجاجة مياه
👕 لبس قطني فاتح

🛌 ٤- النوم مهم أكتر مما تتخيل
السهر مع الحر بيزود التوتر الداخلي والخفقان ويرفع الضغط عند ناس كتير.
جسمك محتاج يهدى عشان قلبك يعرف يرتاح.

🚬 ٥- التدخين + الحر = ضغط على القلب مضاعف
الحر أصلاً بيرهق الدورة الدموية…
فما بالك مع السجائر أو الشيشة؟!

☕ ٦- خفف الكافيين والمشروبات السكرية
المشروبات الغازية والطاقة والقهوة بكميات كبيرة ممكن تزود الجفاف والخفقان عند بعض المرضى.

🥗 ٧- اختار أكلك بذكاء
خلي أكلك أخف:
الخضار، الزبادي، الفاكهة، السلطات، الأكل المشوي
وابعد عن الدهون الثقيلة والأكل الدسم خصوصًا بالليل.

🚶 ٨- الحركة مهمة… لكن بعقل
المشي مفيد جدًا للضغط، لكن مش تحت الشمس الحارقة.
أفضل وقت: بعد المغرب أو الصبح بدري.

💊 ٩- اوعى توقف علاج الضغط من نفسك
حتى لو الضغط “بقى حلو”
في ناس بتوقف العلاج في الصيف بسبب هبوط بسيط… وده ممكن يسبب مشاكل أخطر بعد كده.
أي تعديل لازم يكون تحت إشراف طبي.

⚠️ ١٠- اطلب المساعدة فورًا لو حصل:
▪️ دوخة شديدة
▪️ زغللة
▪️ ألم صدر
▪️ ضيق نفس
▪️ تورم مفاجئ
▪️ إغماء أو ضعف شديد

ولو حاسس إن الضغط بقى متقلب، أو الأعراض زادت مع الحر… متأجلش الاطمئنان والكشف، لأن المتابعة بدري بتفرق جدًا في راحة القلب وسلامته 🌿



#الصيف

17/05/2026

من العرق في الصيف لانه بيعرضك للجفاف وبيخليك تفقد أملاح كتير مهمه لعضلات جسمك زي الماغنسيوم والبوتاسيوم عشان كده مهم جدا نشرب ميه كويس ونعوض الأملاح المفقوده بالأكل المناسب

17/05/2026

وجع السمانة اللي يظهر أول ما تمشي…
ويختفي لما تقف؟
ده مش دايمًا “شد عضلي”
ولا تعب عادي
ولا السن هو السبب زي ما ناس كتير فاكرة…

أحيانًا الوجع ده بيكون رسالة واضحة من الشرايين ⚠️

القصة ببساطة…
وانت ماشي 🏃‍♂️
عضلة السمانة بتحتاج دم وأكسجين أكتر

لكن لو شرايين الساق فيها ضيق أو ضعف في التروية…
الدم ما يوصلش كفاية
فتبدأ العضلة “تشتكي” على هيئة وجع أو حرقان أو شد مؤلم

تقف شوية؟
الوجع يهدى 👌

تمشي تاني؟
يرجع من جديد…
نفس السيناريو كل مرة

وده اللي بنسميه:
Claudication
يعني نقص تروية العضلة مع المجهود

👨‍👩‍👦‍👦 مين أكتر ناس معرضة لكده؟
• مرضى السكر
• المدخنين
• مرضى الضغط
• أصحاب الكوليسترول العالي
• اللي حركتهم قليلة لفترات طويلة

🚨 والخطورة هنا…
إن المشكلة مش في الرجل بس

أحيانًا شرايين الساق بتكون أول إنذار
إن في مشكلة بالشرايين في الجسم كله

ولما نهمل الأعراض…
المسافة اللي تقدر تمشيها تقل
والوجع يزيد
والتروية تضعف أكتر مع الوقت

علشان كده…
متتعودش على الوجع
ومتقولش “هتروح لوحدها”

✅️ الفحص بدري بيفرق جدًا:
• دوبلر على شرايين الساق
• سكر وكوليسترول
• تنظيم المشي بطريقة علاجية
• وأحيانًا بعض الحالات بتحتاج تدخل أو قسطرة شرايين الساق

❤️
وجع السمانة مع المشي…
مش وجع عادي يتسكت عليه

وفي أوقات كتير
كشف بسيط وتشخيص مظبوط
بيخلينا نلحق الشريان بدري…
وده أهم بكتير من العلاج بعد ما الحالة تتعب


استشاري القلب والقسطرة

16/05/2026

مش كل الناس هتقابلك بنفس نقاء قلبك… وفي ناس ممكن تفسر طيبتك ضعف، وصدقك سذاجة، واهتمامك على حسب مزاجها ومصلحتها ..علشان كده… خليك طيب، لكن متبقاش مستباح. ساعد، لكن حط حدود. سامح، لكن متنساش الدرس ..ومتستناش التقدير من كل حد، لان في ناس مهما تعمل معاها… مش هتشوف غير اللي جواها هي ..ومع الوقت هتكتشف إن النضج الحقيقي مش إن قلبك يقسى بعد الخذلان… لكن إنك تعرف تحافظ على قلبك نضيف، وفي نفس الوقت تعرف مين يستحق قربك فعلًا

16/05/2026

❤️

اوعي تزعلي جوزك… خصوصًا لو مريض سكر 🥺

مش كل وجع قلب بييجي بصوت عالي… وفي ناس كتير عندها السكر، جسمها ساعات “ماينبههاش” بالطريقة المعتادة.

ممكن ميحسش بذ/بحة واضحة… ولا ألم شديد في الصدر… ولا حتى يعرف إن قلبه مرهق 💔

كل اللي يحسه: وجع بسيط في المعدة… حرقان غريب… تقل في الكتف… نهجان مع مجهود بسيط… عرق مفاجئ… أو تعب مش مفهوم.

والمشكلة إن بعض مرضى السكر ممكن تعدي عليهم أعراض مهمة جدًا وهم فاكرينها “حاجة بسيطة”…

علشان كده… بلاش زعل وضغط عصبي على مريض السكر 🙏 الكلمة القاسية ساعات بتوجع القلب فعلًا… والتوتر والعصبية ممكن يضغطوا على القلب والسكر مع بعض.

ولو مريض السكر حس بأي ألم حتى لو بسيط في الصدر أو المعدة أو الكتف… خصوصًا مع الحركة أو المجهود… يبقى الأفضل نطمن بدري عند دكتور قلب 🫀 لأن الاطمئنان بدري بيفرق كتير جدًا.

ربنا يحفظ قلوبكم من كل تعب… ويرزق كل بيت راحة وطمأنينة وعافية ❤️


#السكر

16/05/2026