21/08/2025
اتخانق بس صح ..👌🏻
عمرك سألت نفسك ليه أغلب الخناقات بتكبر وتتحول لحاجة تانية خالص؟
ببساطة... عشان بنرد على الكلمة، مش على الإحساس اللي وراها.
اللي بيزعق مش دايمًا بيكرهك...
ممكن يكون خايف، أو موجوع، أو حاسس إنه مش مسموع.
بس إحنا بنسمع الزعيق... وننسى نحس باللي وراه.
الذكي مش اللي يرد أسرع،
ولا اللي يكسب الكلام،
ولا اللي يطلع هو الصح في الآخر...
الذكي بجد هو اللي يعرف إمتى يتكلم، وإمتى يسكت،
وإزاي يسمع اللي ما اتقالش!
الخناقات هتحصل... ده طبيعي،
بس الذكاء العاطفي هو اللي هيخليك تعرف تديرها من غير ما تخسر نفسك أو اللي قدامك.
