د / أمير المصري - عيادة التغذية العلاجية - Dr Amir Elmasry

25/02/2026

مواعيد عيادة ابوكبير خلال شهر رمضان
الخميس فقط من الساعة ١٢ ل ٤
كل عام و انتم بخير

18/02/2026

كل سنة و انتوا طيبين
متواجد النهاردة إن شاء الله فى عيادة ابوكبير من الساعة ٢ ل ٦ ..
اللي عايز يلحق نفسه فى رمضان
آخر فرصة النهاردة

و اللي مش هيقدر يشرفني
التواصل على رقم
011 07834321
ممكن نتابع اونلاين خلال شهر رمضان

16/02/2026

خطوة على الطريق الصحيح
كفاية عك فى صحة الناس

⭕️ نقابة الأطباء تُثمن قرار وزارة الصحة بشأن تنظيم عمل فرق التغذية العلاجية بالمستشفيات

=======================

ثمنت النقابة العامة للأطباء ما ورد بكتاب مساعد وزير الصحة لشؤون الطب للعلاجي، ورئيس الإدارة المركزية للشؤون العلاجية، بشأن تفعيل وتنظيم عمل فرق التغذية العلاجية السريرية داخل المستشفيات، والذي جاء ردا على الاستفسارات الواردة من الجهات الصحية المختلفة، مؤكدة أهمية الالتزام بالبروتوكولات العلاجية المنظمة للتغذية العلاجية السريرية والصادرة عن المجلس الصحي المصري.

وأكدت النقابة أن ما تضمنه الكتاب من إسناد رئاسة فريق التغذية العلاجية للطبيب البشري أخصائي التغذية الإكلينيكية، يأتي اتساقا مع الامتيازات الإكلينيكية المقررة، والدور العلمي والمهني للطبيب البشري في مناظرة المرضى وتقييم حالاتهم الصحية بمختلف أقسام المستشفى، ووضع الخطط العلاجية والإشراف على تنفيذها، إلى جانب تحديد ووصف برامج التغذية العلاجية المناسبة لكل حاله بما يضمن تحقيق أعلى مستويات الأمان والجودة في الرعاية الصحية.

وشددت النقابة على أهمية التكامل بين أعضاء الفريق الطبي، مشيرة إلى دور الصيدلي الإكلينيكي في معاونة الطبيب وفقا للاختصاصات والامتيازات الإكلينيكية المنظمة لذلك وكذلك أخصائي التغذية المؤهل لتخطيط الوجبات وتقديم التثقيف الغذائي للمرضى بما يسهم في رفع كفاءة الخدمات الطبية المقدمة للمرضى.
وجددت النقابة العامة للأطباء تأكيدها على دعم العمل الجماعي وروح الفريق داخل المنظومة الصحية، في إطار احترام الاختصاصات المهنية لكل عضو من أعضاء الفريق الطبي، وبما يحقق مصلحة المريض ويعزز جودة الخدمات الصحية المقدمة للمواطنين.

==================================
👈 لمتابعة اخبار الاطباء لحظة بلحظه برجاء الانضمام الي
🔸 لمتابعة قناة الواتس الرسمية بنقابة الاطباء من خلال الرابط التالي:
https://bit.ly/3QAaXcc
🔸 لمتابعة القناة الرسمية لنقابة أطباء مصر علي تيلجرام من خلال الرابط التالي :
https://telegram.org/faq_premium?setln=ar
🔸لمتابعة البودكاست(القناة الرسمية علي مسنجر الفيس بوك) لنقابة أطباء مصر علي من خلال الرابط التالي
https://m.me/j/AbbBFy5Ck3RijRPV/
🔸لمتابعة الحساب الرسمي لنقابة أطباء مصر علي منصة الانستجرام من خلال الرابط التالي:
www.instagram.com/egyptian_medical_syndicate
🔸 لمتابعة الحساب الرسمي علي تويتر من خلال الرابط التالي:
https://twitter.com/egy_med_syn
🔸 لمتابعة القناة الرسمية لنقابة أطباء مصر علي منصة يوتيوب من خلال الرابط التالي :
https://www.youtube.com/
🔸 لمتابعة القناة الرسمية لنقابة أطباء مصر علي منصة "Threads"من خلال الرابط التالي :
https://www.threads.com/

15/02/2026

إيه رأيك ناكل براحتنا فى رمضان و نبقى نخس بعد العيد ؟
اصل مش منطقي تبقى السفرة عليها محشي و بط و رقاق و انت تفطر تونة و سلطة علشان عامل دايت !
طب إيه رأيك لو خليتك تاكل من أكل البيت كله و تخس برضه ؟
مش يبقى أحسن ؟
و كمان تتعلم ازاى تحافظ على صحتك و وزنك فى المستقبل علشان مش كل كام شهر تخس شوية و تزيدهم تاني ..

انا عارف ان المشاوير في رمضان بتبقى رخمة و اليوم قصير .. و انا نفسي مابنزلش العيادة الا يوم في الأسبوع ..

تقدر دلوقتي تبدأ مشوار الحياه الصحية و انت في مكانك
011 07834321

07/02/2026

ميزان مطبخ ..
مهم يكون فى بيتك لو عايز تعرف مكونات وجباتك و تتحكم فيها
فى السوق المصري أنواع كتير و سعره رخيص بالنسبة لأهميته .. بيبدأ من ١٠٠ جنيه

06/02/2026

إنت بتعمل دايت ليه ؟ إيه أهم و أسرع نتيجة محتاجها ؟
صحتك تتحسن ؟ ولا شكل جسمك يتظبط ؟ ولا هيوزنوك فى الشغل و لو الوزن زاد عن رقم معين هتترفد ؟
الاحتمال الثالث ده هو السبب الوحيد المقبول اللي ممكن علشانه تيجي تقول لى انا عايز وزني يكون ٧٥ خلال شهرين .. بصرف النظر هينفع ولا لأ بس ممكن نتكلم و نحاول ..

ماعدا ذلك .. العلم بيقول إنى اخسسك من ٥ ل ١٠% من وزنك الاصلي فى اول شهر و توصل من ١٥ ل ٢٠% فى ٣ شهور .. ليه الأرقام دي ؟

علشان الزملاء فى الدول المتقدمة بيعملوا أبحاث و تجارب على مدار سنين .. و لقوا ان معدل النزول لو زاد عن نسبة معينة بيبدأ الجسم يفقد من الكتلة العضلية .. هتلاقي الميزان بينزل و تتبسط بس المشكلة هتحصل قدام .. لما تبطل و تزيد تاني .. العضلات اللي راحت هيرجع مكانها دهون .. و كل ما تكرر التجربة هتفقد عضلات أكتر و تتكون دهون أكتر ..
سواء ده حصل عن طريق دايت قاسي لفترة طويلة أو حقن سد الشهية أو عمليات التكميم بدون نظام غذائي ينظم معدل النزول و يحافظ على العضلات ..

و على فكرة .. المعلومة المنتشرة إن كل ما تزود بروتين فى الأكل و تقلل نشويات ف انت كده بتحافظ على العضلات و تخسر دهون .. غلط .. ايوة زي ما بقول لك كده
غلط
اللي هيحصل إن البروتين ده الجسم هياخده يحرقه و يطلع منه طاقة يعيش بيها .. و هتلاقيه بيقول لك :

31/01/2026

أكيد كلنا قابلنا إعلان زي ده

و للأسف فيه ناس بتتخدع خصوصا لما يكتبوا : مسجل بوزارة الصحة
و كلهم بلا استثناء بيخدعوك

اى دوا حقيقي بيبقى له شركة منتجة و بتوزع إنتاجها فى الصيدليات .. مينفعش اى تاجر يروح شركة أدوية يشتري منهم و يبيع بنفسه ..
عمرك ماهتلاقي صفحة بتبيع مضاد حيوي مثلا ..
او مركز طبي يقول لك و انت خارج اشتري دوا القلب من الريسبشن .. أصله مش موجود غير عندنا

كل اللي بيتباع على الإنترنت من كبسولات و اعشاب و حقن و نقط هى منتجات مجهولة المصدر .. انت بتشتريها و انت مش عارف جواها ايه ولا متصنعة فين ولا إمتى ..
ولا اللي بيبيعهالك عارف ..

القصة كلها شوية بضاعة و تاجر بيصرفها .. ممكن تلاقي نفس الحقن دى بتتباع فى صفحة تانية على انها لخشونة المفاصل .. و في مركز تجميل بتتباع لتطويل الشعر .. و هتلاقي زبونها

26/01/2026

تحذير هام

26/01/2026

رمضان مش شهر زيادة وزن ❌️
ولا شهر حرمان ❌️

تقدر تاكل اللي بتحبه لكن بنظام
يعني ممكن أفطر محشي و بط؟ 🦆
طبعاً ممكن .. و تخس كمان
أو ع الأقل ماتزيدش

قدامنا ٣ أسابيع نظبط فيهم
علشان تدخل رمضان وإنت مسيطر .. مش متلخبط

🎯 عرض قبل رمضان : فرع مصر الجديدة - بجوار كلية البنات

لو بدأت معانا حتى لو كشف مرة واحدة
من ٢٧ يناير لـ ١٧ فبراير

ليك شهر متابعة أونلاين مجاناً طوال رمضان 🎈
مع الدكتور مباشرة
وخطة معمولة مخصوص للصيام ولنظام حياتك
⏳ الأماكن محدودة

إحجز دلوقتي وما تأجلش صحتك لبعد العيد

📅 الثلاثاء من كل أسبوع
📱 011 07834321

25/01/2026

ناس كتير بعتولي مستغربين ازاى بقول ان فى رمضان ممكن ناكل محشي و بط و نخس ؟

خد المثال البسيط ده :

وجبة ١ :
٢٥ محشي ورق عنب = ٤٠٠ سعر
معلقة كبيرة سمنة للطبخ = ١٣٥ سعر
٢٠٠ جرام لحم ضاني بدون عظم = ٥٠٠ سعر
طبق سلاطة = ٤٠ سعر
٢٠٠ جرام فاكهة = ١٢٠ سعر
الإجمالي : ١٢٠٠ سعر + وجبة مُشبِعة غنية بالبروتين و الألياف و الدهون الصحية

وجبة ٢ :
١٠٠ جرام بطاطس شيبس = ٥٥٠ سعر
٣٣٠ مل مشروب غازي = ١٥٠ سعر
١٠٠ جرام بسكوت ويفر = ٥٠٠ سعر
الإجمالي : ١٢٠٠ سعر + وجبة غير مُشبِعة غنية بالسكر و الدهون المصنعة و الدقيق الأبيض

⚠️ باقي اسبوعين على رمضان .. لسة عندك فرصة تصلح صحتك بدون حرمان

🟢 حسب ستايل حياتك بنعمل نظام بإسمك مخصوص ليك يساعدك تاكل اللي بتحبه و تحافظ على وزنك و صحتك ✅️

العنوان 📍
مصر الجديدة - بجوار كلية البنات
الثلاثاء من كل أسبوع
011 07834321

18/01/2026

رمضان مش شهر زيادة وزن ❌️
ومش شهر حرمان ❌️

تقدر تاكل اللي بتحبه وتخس
أو على الأقل ما تزيدش
يعني ممكن أفطر محشي و بط؟ 🦆
طبعاً ممكن
وهخس؟
آه والمفاجأة إن مش دول سبب زيادة الوزن

قدامنا 30 يوم نظبط فيهم
علشان تدخل رمضان وإنت مسيطر، مش متلخبط

🎯 عرض قبل رمضان : فرع مصر الجديدة - بجوار كلية البنات

لو بدأت معانا من 20 يناير لـ 17 فبراير
هتاخد شهر متابعة أونلاين مجاناً طوال رمضان 🎈
مع الدكتور مباشرة
وخطة معمولة مخصوص للصيام ولنظام حياتك
⏳ الأماكن محدودة

إحجز دلوقتي وما تأجلش صحتك لبعد العيد

📅 الثلاثاء من كل أسبوع
📱 011 07834321

09/01/2026

حلو ان الدراسة دي اتنشرت علشان الناس تصدق ان الحقن مش بتزود الحرق ولا حتى بتحافظ عليه .. بتقلله ..و ده مش تأثير مباشر للحقن لكنه نتيجه لفقد الكتلة أثناء فترة نزول الوزن بسبب التركيز على سرعة النزول و الدعاية المبالغ فيها .. و العيان بيفرح إنه مبياكلش و يكتشف فى النهاية إنه دمر جسمه ..

اللي عايز يستخدم حقن :

١- لازم قبلها يعمل اشعة و فحوصات للغدة الدرقية
٢- لازم يستخدم الحقن الأصلية مش الكوكتيل اللي بيتباع بالجرعة
٣- لازم يتابع مع طبيب تغذية طول فترة استخدام الحقن .. و لو اللي كاتبها مثلا دكتور السكر يبقى تتابع مع الاتنين ..

المشكلة اللي بتقابلنا مع الحقن و يعد العمليات إننا ازاى نحافظ ان الجسم يفقد دهون و يحافظ على العضلات .. الموضوع مش نزول رقم و خلاص ..

بلاش تجري ورا الدعاية اللي بتوهمك انك هتاخد الحقنة و تاكل اللي يعجبك .. و الا فى الآخر هتزعل .. و هتجيب ناس تزعل