21/08/2025
هااااام جدا للأطباء وغير الأطباء 🚨🚨
من درر مرور استاذنا الدكتور محمد الألفي
وخليني أقول البوست دا بالعربي عشان هو مهم جداً لكل الناس مش فقط للأطباء
شاب 30سنه في قمة شبابه ونشاطه وحيويته مفيش اي تاريخ مرضي ليه ولا اتحجز في مستشفى قبل كده مره
واحده كده لقي نفس عنده سخونيه عاليه (High grade fever)
ولا تستجيب استجابه كامله لخوافض الحراره راح كشف وخد مضاد حيوي وخوافض حراره وتمام مفيش مشاكل
المريض يوم بعد يوم مفيش استجابه بل لاحظ وجود اصفرار في عينيه وجلده وكمان البول عنده بقي غامق
(Pt developed Jaundice and dark urine)
المريض جاله صفرا ودي قد تكون علامة لفشل في وظائف الكبد
المريض تعبه بيزيد ومبيقلش رغم الأدويه اللي بياخدها المريض بقي عنده إجهاد شديد
(Marked fatigue and asthenia)
وبدأ يحصله صعوبه في التنفس مش مع المجهود لا دا في وضع الراحة
(Patient developed dyspnea at rest )
مصادفة أحد الأطباء المتميزين الصراحه شافه قاله انت عندك صفرا مينفعش يتسكت عليها طلب منه تحليل صفرا طلع عنده
Direct hyperbilirubinemia
Total bilirubin 10
Direct 9
يعني عنده صفرا عاليه وماشيه مع صفراء انسداديه يعني صفرا بسبب انسداد القنوات المراريه
Obstructive jaundice
فخده المستشفى عشان يجهزه لعمل منظار علي القنوات المراريه وطبعا الخطوه اللي قبل المنظار نعمل اشعه زي رنين مغناطيسي للقنوات المراريه أو نعمل سونار نشوف القنوات المراريه ايه بالظبط اللي عاملها انسداد حصوات مثلا ولا اي
اتعمل السونار طلع كويسcompletely free
الله اي في إيه ؟
مفيش انسداد في القنوات المراريه امال اي معلي الصفرا دي كده
جم يعلموا باقي التحاليل طلع العيان معاه فشل حاد في وظائف الكلي كرياتين وصل 5
Acute Kidney Injury
بيعملوا صورة دم العيان طلع معاه انيميا هيموجلوبين علي سبعه
العيان مبقاش قادر ياخد نفسه والاكسجين بتاعه بدأ يقل يعيني فشل في جهاز التنفس وحرارته عاليه
يعني كده العيان اللي عنده 30 سنه و مكانش بيشتكي من أي حاجه
مره واحد بقي عنده
سخونيه عاليه وفشل في وظائف الكبد والكلي والتنفس
High grade fever,AKI, Acute hepatic dysfunction, Acute respiratory dysfunction.
تاني دا كله في مريض 30سنه مشتكاش من اي حاجه قبل كده
طبعاً وقتها كلمونا عشان كدا المريض محتاج رعايه فوريه
لما شوفنا المريض كان معاه
Sever respiratory distress RR:40, sever sweating, tachycardic, severely agitated,shocked no audible blood pressure.
طبعاً المريض اتحط علي جهاز تنفس صناعي غير نافذ عن طريق الماسك مستريحش عليه المريض بدأ يكح والكحه بقي يطلع فيها دم كمان يعني داخليه في hemoptysis
والصفرا عماله تزيد وصلت ل 30
Total bilirubin 30
اي الpresentation العجيب دا
الشخص اللي كان كويس جدا وفي كامل عافيته تتدهور صحته في خلال كام يوم لعند ما يبقي عنده فشل في جميع أجهزة وأعضاء جسمه فشل في الكبد والكلي والتنفس والجهاز الدوري
في إيه ؟! اي اللي يعمل كده يعني
لما بلغنا الدكتور الالفي بالحاله في وقتها علي طول قالنا علي تعليمات نحفظ بيها حياة المريض الأول في الحاله الحرجه دي وبدأ
يعرف منا ويسألنا عن التاريخ المرضي للمريض عشان نفهم السبب
هل اخد أدويه معينه قريب ؟
لا
هل اتعرض لسموم أو مبيدات حشريه ؟
لا
هل كان عنده التهاب رئوي مثلا وبيكح باستمرار أو كان عنده مشاكل غدد اي حاجه حصلتله قريب طيب ؟
لا
يعني كل التعب دا في الكام يوم دول ؟
أينعم
اي دا اللي يجي يعمل كل دا في أيام معدودة دا
طاب يبني هل في اتعرض للشمس في فترة الحر الشديده اللي عدت دي ؟
هنا روحنا سألنا المريض قال نعم اتعرض للشمس طلع المريض سافر من بلده للقاهره علي موتوسيكل في عز الحر يعني سافر اكتر من ثلاث ساعات في ذروة الحر المريض نفسه قال يومها لما وصلت البيت بعد السفر حسيت كاني جسمي متكسر مئة حته
هنا الدكتور الالفي خد بالك يبني
Sever Heat Stroke must be considered here
ضربة شمس شديده جدا أثرت على جميع أعضاء الجسم لدرجة بقي عنده
Multiorgan failure
طبعاً حاولنا بكل الطرق نساعد المريض لكنه اتحط علي جهاز التنفس الصناعى ولم يمكث في الرعايه بضع ساعات حتي توفاه الله
يبقي شاب 30سنه في عز شبابه مبيشتكيش من أي حاجه في خلال أيام توفاه الله
كارثة ضربة الشمس أنها تدمر مركز التحكم في درجة حرارة الجسم في منطقة الهيبوثالاماس في المخ
Hear regulatory center
وظيفة المركز دا هو عدم السماح بارتفاع حرارة الجسم لأنها لو ارتفعت هتبقي كارثة علي الجسم فطول عمر الإنسان المركز دا بيكبح جماح هذه الحراره كالحارس يكبحها فيمنع ظهورها تخيل انت بقي تجيب حارس يحبس حد في زنزانه لأكثر من 30سنه اللي هو سن الشباب اللي مات وتيجي انت مره واحده تدمرله الحارس دا اللي هو مركز التحكم بحرارة الجسم الحارس بتاعه تقوم الحراره تَفِرُّ كهارب مكث طوال عمره أسيراً يعني تفر فرارا الأسير زي ما استاذنا قال
تقوم طالعه الحراره ولا تنزلش لدرجة تدخلك في
cytokine storm
وتدخلك في
acute multi organ failure وليس Dysfunction حتي
أنا تعمدت اقول البوست دا بالعربي عشان يكون موجه لغير الأطباء قبل الأطباء
لغير الأطباء عشان الجو الصعب اللي احنا فيه والحراه العاليه ابعد عن الشمس حط حاجه فوق راسك لو لازم تتعرض للشمس احمي رأسك برد راسك علي طول تجنب الشمس علي قد ما تقدر
وموجه للأطباء:عشان ننبه رجاء الاهتمام بالتاريخ المرضي يعني دا لو تم الاخد باعتبار أنه ضربة شمس من الاول ممكن الوضع كان يكون مختلف وقتها لو اتعالج صح من الأول
مأساه حقيقه شكل الشاب نفسه وهو يصارع الموت ومش قادر ياخد نفسه مع الكحه بدم لما عملناله مقطعيه علي الصدر طلع فيها Diffuse bilateral infiltration
يعني غالباً كان دخل في intra alveolar hemorrhage نزيف في الرئه يعني العيان بيغرق حرفياً في دمه
طبعاً خير وفاته نزل كصاعقه علي أهله وزوجته وأولاده وعلي بلدته كلها رحمه الله وغفر له وأسكنه فسيح جناته
محمد السيد حسونه
