16/07/2025
أولادنا الصغار المبتسرين اللي اتولدوا بدري عن معادهم في ٣٢ أسبوع من الحمل أو أقل ، اللي وزنهم أقل من ١.٥ كيلو، لازم يفحصهم طبيب العيون المتخصص عند سن شهر، ليه؟
تعالوا نحكي…
الشبكية في الطفل المولود بدري نقدر نقسمها لجزئين… الجزء الوسطاني المسؤول عن حدة الابصار … و ده مش بيكون فيه مشكلة، كل المشاكل ليها علاقة بالأجزاء الطرفية من الشبكية اللي مش واصلها دم لسه… عدم وصول الدم للأجزاء دي ممكن يتسبب في حدوث نزيف و تليفات و انفصال شبكي يؤثر على الأجزاء السليمة و يؤدي للعمى لا قدر الله 😢
طيب نعمل ايه؟
نهتم بفحص الطفل عند طبيب العيون المتخصص عند سن شهر، عشان يتطمن على وصول الاوعية الدموية لأطراف الشبكية، و يتدخل في الوقت المناسب، سواء بالحقن أو الليزر .
و ده يغير حياة الطفل اللي لسه في أول خطواتها 😊
عيون الصغار تستاهل مننا كل الاهتمام
د أسماء شعيب
عينك في عينينا و نظرك حرفتنا
للحجز و الاستعلام
015 01309662
