12/07/2025
أسوأ حاجة ممكن نعملها لو بنعمل دايت إننا نبقى في حالة جوع شديد، وده لعدة أسباب:
السبب الأولاني: الجوع الشديد بيقلل معدلات الحرق؛ لأن الجسم بيعتقد إنك في مجاعة، وبيبدأ يقلل مستويات الحرق بتاعته علشان يحافظ على الطاقة بتاعتك.
رقم اتنين: الجوع بيزود هرمونات التوتر اللي هو الكورتيزول، والكورتيزول في حد ذاته لو زاد بشكل غير طبيعي، بيعمل مقاومة إنسولين ويوقف الحرق.
رقم تلاتة: الجوع الشديد وقلة الأكل بتكسر من الكتلة العضلية، ودي مشكلة كبيرة؛ لأنه بيؤدي إلى وهن العضلات، وده في الآخر بيقلل معدلات الحرق، وبيسبب الإصابة بمقاومة الإنسولين، وبيخليك ترجع تتخن بعد فترة.
رقم أربعة: الجوع الشديد بيعمل نوبات شراهة للأكل اللي بنسميها “البنج إيتنج”، يعني لو فضلت جعان مدة طويلة، وليكن 20 ساعة، بتيجي بعدها نوبة جوع شديدة، فتاكل كميات أكل ضخمة جدًا. والحركة دي بنسميها “بنج إيتنج” أو “نهم الأكل”.
رقم خمسة: الجوع الشديد بيقلل الأداء والتركيز والطاقة، ودي سلبية كبيرة هتخليك مش عارف تكمل في الدايت.
رقم ستة: الجوع الشديد فعلًا ممكن ينزل وزن أول أسبوعين، لكن مش أي نزول وزن بيكون نزول صحي. النزول ده غالبًا بيكون نزول كتلة عضلية، وجسمك بيتصفى من الميه اللي فيه
علشان كده دايما بنركز على التوازن. وان الجوع يبقى جوع بسيط، طبيعي, محتمل وبشكل صحي و اختار دايمًا الدايت اللي يحافظ على صحتك، مش اللي يهدك ويكسرك
د عصام طاحون استشاري التغذية
