28/02/2026
الخميرة - للتخسيس ولا زيادة وزن و ممنوعه لمين! 🧐
يا ترى إيه الفرق بين الخميرة الفورية و الخميرة البيرة و الخميرة اللى بتتباع على هيئة أقراص فى الصيدلية؟
طيب هل فعلا الخميرة بتنفخ الوش ولو أنا وزنى زايد مينفعش ناخدها كمكمل غذائى؟ و مين ممنوع ياخدها؟
قبل ما نبدأ بفكر حضرتك ان المحتوى المفيد بيكمل و يستمر بالمتابعة الفعالة تعليق حضرتك و مشاركتك بيوصل الكلام لاكتر عدد من الناس ❤
الخميرة هى فطر أحادى الخلية بيستهلك نوع من انواع السكريات اللى موجودة فى العجينة بينتج غاز ثانى أكسيد الكربون و دا اللى بيخلى العجينة تتضاعف و تنفش معاك
الخميرة البيرة بتكون على هيئة قوالب أو بتتقطع قطع و تتباع و دى محتواها عالى من المية عشان كده ممكن تفسد بسرعة و صلاحيتها قليلة عشان كده الافضل تتحفظ فى الفريزر لما بتستخدمها بتدوبها فى كوب ماء بمعلقة سكر عشان تنشط معاك
الخميرة الفورية من اسمها فطر نشط و حي مش محتاج تنشيط ممكن تستخدمه علطول فى العجينة أو ممكن تتأكد منه برضه زى الخميرة البيرة و لو حطيتها فى كوب ماء بسكر و طلعت الفقعات يبقى كده تمام سليمة طبعا الخميرة الفورية أعلى كفاءة من البيرة عشان بتنتج غاز ثاني أكسيد الكربون أكتر ومش بتحتاج تنشيط
أقراص الخميرة بيكون هو هو نفس الفطر و لكن فى الصورة الخاملة أو نقول ميت بس بالفوايد بتاعته مش هيعملنا غازات ولا انتفاخات
الخميرة كنز فوايد علاجية قولنا ايه فى الكنز دا؟ اقولك ايه ولا ايه 😁 بتعرف تعد لحد كام طيب 😅
تحتوي على فيتامينات ب المركب خصوصًا B1، B2، B3، B5، B6، B9 اللي بتدعم الأعصاب والطاقة والمزاج ..كتير ناس بياخدوها كمكمل طبيعي ضد الإرهاق العام أو بعد مجهود كبير و مفيش أحسن من أيام رمضان
مصدر جيد لـ الكروميوم يعنى بتحسن من مقاومة الانسولين
تنفع لأى حد بيخس أو مريض السكر كمان موجود فيها السيلينيوم يعنى هتحسن من خمول الغدة الدرقية و رفع مستويات الطاقة فى الجسم
الدور مهم فى تحسين عملية الهضم تحتوي على مركبات زي بيتا جلوكان (Beta-Glucan) نوع من الألياف الذائبة غذاء لبكتيريا الأمعاء
أنهى نوع ينفع ناخده كمكمل غذائى طبعا أقراص الخميرة من الصيدلية و ممكن الخميرة البيرة اللى ع هيئة قوالب تنفع للعجين و تنفع كمكمل غذائى بس الأفضل طبعا الأقراص
تنفع للتخسيس و لزيادة الوزن لأنها مكمل غذائى مفيد فى الحالتين..
بتنفخ الوش أو تنفشه ، معلومة مغلوطة آوى عن الخميرة ..حضرتك مش عجينة عشان تعمل كده 😂 لكن زى أى غذاء فى الدنيا صحى ومليان مغذيات أكيد لما هناكله وشنا هيبقى آروق و فى أحسن أحواله خاصة فيتامين ب المركب و الزنك تنشيط الجهاز العصبي و المزاج و صحة الجلد ❤
مين مفروض يتجنبها أو يستشير طبيب المعالج في الحالات دي مرضى النقرس (لأنها غنية بالبيورينات) اللي عندهم حساسية من الخمائر ..مرضى المناعة الضعيفة جدًا.
الخميرة بتحتوى على مادة Tyramine لما حد بياخد
MAO inhibitor دوا مضاد اكتئاب
و يأخد خميرة كمكمل غذائى ممكن يحصل ارتفاع شديد مفاجئ لضغط الدم عشان كده مرضى الاكتئاب اللي بياخدوا أدوية معينة لازم استشارة الطبيب المختص
اخيرا بعض مرضى الصداع النصفي ممكن يحسّوا إن الأكل العالي في التيرامين بيحفّز النوبة ، لكن ده مش عند كل الناس.
المادة دى موجودة فين كمان الجبن المعتقة، بعض المخللات، اللحوم المدخنة، الخميرة
بحبكم فى الله و يا رب اكون قدرت افيد حضرتك بمعلومة و بس كده ❤
