Dr : Rahma sami elsanosy

15/01/2026

تعلن هيئة الدواء المصرية عن إصدار قائمة بأهم الادويه المستورده التي تم توطين مثائل مصريه لها بعد إلغاء تسجيلها او وقف استيرادها
للاطلاع على القائمة و البدائل المصريه المتاحه
ستجدها في الصور المرفقه في التعليقات

12/01/2026

ليه "الخبز الصحي" مش هو الحل لعلاج مقاومة الإنسولين؟ 🧬

لازم نفصل بين شقين في التعامل مع الحبوب دي:

1️⃣ الشق الأول: راحة الجهاز الهضمي (الجلوتين) صحيح، لما بنمنع القمح والشعير عشان الجلوتين والبروتينات اللي فيهم، الناس اللي بتعاني من القولون، والنفخة، وسوء الهضم بترتاح جداً. وده تأثير مباشر وملموس.

2️⃣ الشق الثاني والأهم: التأثير الأيضي (مستوى السكر في الدم) وهنا مربط الفرس..

إحنا مش بنقطع الحبوب دي بس عشان الجلوتين.

المشكلة الحقيقية للي بيعاني من (مقاومة إنسولين، سكر نوع تاني، دهون كبد، أو سمنة) هي إن الحبوب دي -حتى لو كاملة- بتتحول في النهاية لـ "سكر" في الدم.

💡 وهنا لازم نفرق بين "أكل صحي" و "أكل علاجي":

الحبوب الكاملة ممكن تكون "خيار صحي" لشخص سليم معندوش مشاكل أيضية..

بتحافظ على حالته. لكن لما تكون في رحلة تشافي وعلاج لخلل موجود بالفعل (زي دهون الكبد أو مقاومة الإنسولين)،

كلمة "صحي" لوحدها مش كفاية. الجسم محتاج يقلل محفزات الإنسولين لأقصى درجة عشان يبدأ يعالج نفسه ويحرق الدهون المتخزنة.

استمرارك في تناول نشويات (حتى لو شوفان أو شعير) بيخليك محلك سر.. الحالة مش بتزيد سوء، لكن كمان مش بتتعالج.

📉 الحل الجذري:

عشان توصل للتعافي التام، المعادلة واضحة: قطع تام للمصادر النشوية دي + صيام متقطع = خفض مستويات الإنسولين والسماح للجسم بإصلاح الضرر المتراكم على مدار السنين.

✅ البدائل المتاحة (منخفضة المؤشر الجلايسيمي): لو ضروري وجود بديل للخبز، بنلجأ لبدائل معتمدة على الدهون والألياف مش النشويات:

خبز دقيق اللوز.

خبز جوز الهند.

خبز السمسم.

خبز بذور الكتان (مع مراعاة الحالة الهرمونية للسيدات).

الصحة الوظيفية بتبدأ لما نفهم جسمنا شغال ازاي من جوه، مش بس بناكل إيه.

04/09/2025

تعرف إن في حاجات بسيطة جدًا ممكن تزود صحتك ومناعتك … أو تقللها بشكل ملحوظ جدا ؟!
المفاجأة !
" معظمنا عارفها… بس مش بيعملها "

"تخيل إن جسمك زي عربية غالية جدًا… بتسوقها طول عمرك.
لو غيرت الزيت، اهتميت بالعجلات، واتبعت تعليمات الصيانة → العربية هتعيش وتخدمك.
لكن لو أهملت؟ هتبدأ المشاكل وحدة ورا التانية… صداع، خمول، زيادة وزن، مشاكل قلب.

النهاردة هقولك 3 عادات صغيرة هتغير حياتك:
1️⃣ نام 7–8 ساعات يوميًا: النوم مش رفاهية، ده إعادة شحن كاملة لكل خلية في جسمك.
2️⃣ اشرب مياه كفاية:
لان الجفاف يعني تركيزك بينهار.
3️⃣ امشي 30 دقيقة يوميًا: الحركة دي مش بس للوزن… دي وقاية من 40 مرض مزمن!

والأجمل؟ لو ركزت في الثلاث خطوات دول، مناعتك هتزيد، شكلك هيبان أصغر، ومودك هيبقى أحسن.

09/08/2025

30/07/2025

كان الرسول اذا ضاقت دنياه يقول ،
يا حي يا قيوم برحمتك استغيت اصلح
لي شاني كله و لا تكلني الى نفسي طرفه عين

30/09/2024

أشهر منتجات التخسيس الآمنه 🏃‍♀️

26/09/2024