20/10/2025
لما تيجي تدي حقنة Clexane (كليكسان) تحت الجلد 💉
هل لازم تفضّي فقاعَة الهوا اللي جوا الحقنة؟ 🤔
==========================
✅ الإجــــابة العلمية:
لأ ✋ ما تفضّهاش
الفقاعة الصغيرة اللي في الحقنة مقصودة من الشركة علشان تمنع تسرب أي كمية من الدواء،
وتضمن إن المريض ياخد الجرعة كاملة 💊
==========================
🔴 الطريقة الصحيحة للحقن:
1️⃣ اغسل إيدك كويس ونظّف مكان الحقن بمسحة كحول وسيبها تنشف.
2️⃣ اختار مكان حوالي 5 سم بعيد عن السُّرّة على الجنبين (يمين أو شمال).
3️⃣ اعمل طية جلد كويسة (Pinch) علشان تدخل في الطبقة الدهنية.
4️⃣ ادخل الإبرة بزاوية 90° — إلا لو المريض نحيف جدًا يبقى 45°.
5️⃣ اضغط المكبس لحد الآخر وسيب الفقاعة تدخل عادي.
6️⃣ بعد ما تخلص، اعمل ضغطة بسيطة مكان الحقن من غير ما تفرك الجلد (ممنوع الـRub) علشان ما تعملش كدمات أو نزيف.
7️⃣ تخلّص من الحقنة في حاوية الحادّات (Sharps Box) بأمان.
🔴 نصيحة مهمة:
لو المريض لاحظ كدمات كبيرة أو نزيف غير طبيعي → لازم يبلغ الطبيب فورًا.
==========================
📚 المصادر العلمية:
NHS (UK) – How to use enoxaparin safely
Mayo Clinic – Enoxaparin injection technique
Lovenox Official Patient Guide – Manufacturer leaflet
==========================
خليك دايمًا دقيق في كل خطوة… لأن التفاصيل الصغيرة بتفرّق جدًا في أمان المريض 💪
