Dr Amira Emam kids clinic عياده د.اميره امام للاطفال

18/12/2025

18/12/2025

--------(الكحه عند الاطفال)----------
-اكثر الأعراض انتشارا
--------( ايه موضوع الكحه ده؟!
وايه أسبابها؟!
ازاي نعالجها؟!
اولاا لازم نعرف أن الكحه عرض وليست مرض
-يعني هي علامه لمرض يجب علاج السبب وبالتالي الكحه تروح
----- الكحه دي ايه أسبابها ؟!
١- العدوي الفيروسية:
اشهر اسباب الكحه عند الاطفال
منتشرة جدا اليومين دول
مثل نزلات البرد والانفلونزا
٢- العدوي البكتيرية
٣- الحساسية والربو:
الغبار- حبوب اللقاح -الدخان
٤- التهاب الجهاز التنفسي:
-الجيوب الأنفية
-التهاب اللوزتين
-التهاب القصبه الهوائية
- الالتهاب الرئوي
٥- ارتجاع المرئ
ارتجاع حامض المعده الي المري:-
٦- الاجسام الغريبه :-
-استنشاق شئ غريب أثناء اللعب
٧- السعال الديكي وده قل بسبب التطعيمات
دي معظم الأسباب الي تخلي الطفل يكح
امتي نقلق من الكحه ؟!

١- لو كحه مع صعوبة في التنفس
او سرعه في النفس أو زرقه
٢- او كحه مصحوبة ببلغم مدمم
٣- اي كحه ولو بسيطة في طفل أقل من سنه
٤- الكحه النباحيه
٥- كحه معها نهجان
٦- كحه تستمر أكثر من أسبوعين
٧- كحه مصحوبة بحرارة عاليه
--علاج الكحه ايه؟!
ذي ما قلنا الكحه علامه لمرض
نعالج السبب الكحه حتروح بالتدريج
لو الكحه بسيطة:
-استنشاق بخار
-سوائل دافئه كثير
----طيب لو الكحه شديدة:
يبقي لازم الكشف ونعرف هي كحه جافه أو ببلغم،:
-نعالج السبب
-مهدي للسعال حسب الوزن والعمر ونوع الكحه
-خافض الحرارة أو مصحوبة بحرارة
-مشروبات دافئة
-جلوس الطفل شبه جالس
-الكحه المصاحبة لنزلات البرد بتطول شويه حتي لو غيرت الدكتور او غيرت الادويه
معا لصحة افضل لاطفالنا
#دكتورةـاميرةـامام
#استشاريـطبـالاطفال
#الغردقهـالدهارـ امام شركه بيع المصنوعات فوق مطعم جاد الدور الثاني للحجز 010 29193559

18/12/2025

مع ادوار البرد المنتشرة اليومين دول بنشوف حالات كتير

طفل غالبا فى سن المدرسة من 3 ل 14 سنة يجي يكشف بسخونيه و يتشخص عدوى فيروسية غالبا انفلونزا وياخد علاج ويمشي
بعد اربع خمس ايام تلاقي الطفل بيشتكي من رجليه ؟
بس الشكوي هنا مبتبقاش الالام في المفاصل
بتبقي في عضلات الرجل فى السمانة زي شد العضل كده بالظبط و ساعات مبيقدرش يمشى من الالم او يعرج او يمشى على اطراف الاصابع
مع اعطاء مسكن و راحة و سوايل
الدنيا بتتحسن خلال 3 ايام غالبا والطفل بيبقي تمام

ده عبارة عن التهاب فى العضلات بتسببه بعض الفيروسات و اشهرها الانفلونزا A و B و غيرها من الفيروسات المنتشره

طبعا لازم الطبيب المعالج يشوف الطفل و يفحصه خاصة الفحص العصبى و يتأكد من التشخيص و يستبعد امراض تانية اكثر خطورة متشابهة ف الاعراض

معا لصحه افضل لاطفالنا
#دكتورةـاميرةـامام
استشاري طب الاطفال
الغردقه ـالدهارـ امام شركه بيع المصنوعات فوق مطعم جاد -الدور الثاني للحجز والاستعلام 01029193559

11/12/2025

---(الالتهاب الفيروسي المتتشر )-
---------( كلمتين من الاخر)------
١- احنا في ذروه الدور اليومين دول
٢- الحالات زادت بشكل ملحوظ
٣- الحالات بتتطور بسرعه وخصوصا في الأطفال الرضع
٤- حالات الرضع بتحتاج متابعه ورعاية من الاول وكل ماكان الفحص مبكر كان النتيجة احسن
٥- للمره المليون علشان خاطري
الدور ده ما ينفعش فيه غير انك تكشف علي ابنك بسرعه
٦- الكحه بتطول العيب مش في الدواء أو الدكتور هو الدور ده كده
٧- الأطفال الي :ـ
-بتنهج
-بترجع
-صعوبة التنفس
-الصدر طالع نازل
-رافض الرضاعه
الاعراض دي لازم يروح المستشفى
٨- الحرارة بترتفع بالليل الي ٣٩ ويحصل رعشه وتشنجات
٩- الدور ده فيروسي بلاش مضاد حيوي في الأول لأنه ملوش دور في العلاج

----- الوقايه :-
اهم شئ هو حماية الطفل من الاصابه :-
١-بلاش الاختلاط مع المصابين
-بلاش بوس الرضع ماتتركش ابنك مبوسه الرايح والي جاي وبعدين تقول هو تعبان ليه
٣-بلاش الخروجات في الأماكن المغلقة المزدحمة
٤-بلاش التغير المفاجئ في درجه الحراره من دافئ لبرد ومن برد لدافي
٥- غسل اليدين بالماء والصابون باستمرار
٦- الجو برد ابنك يلبس كويس ويكون مدفي كويس وراسه ورجله متغطين
الدور صعب وخصوصا في الأطفال الرضع
Copied
معا لصحة افضل لاطفالنا
#دكتورةـاميرةـامام
#استشاريـطبـالاطفال
الغردقه الدهار امام شركه بيع المصنوعات فوق مطعم جاد الدور الثاني للحجز و الاستعلام 010 29193559

29/11/2025

دور البرد المنتشر حاليا شديد ومش سايب كبير ولا صغير أطفال كتير بتتحجز اليومين دول

⛔️ملحوظ ارتفاع شديد في درجات حراره الأطفال المصابين و درجه الحراره بتوصل أربعين في حالات كتير ومش بتنزل بسهوله وتستمر من
3ل5ايام

⛔️الكحه المصاحبه للدور كحه شديده و الطفل مش بينام الليل من شده الكحه.

⛔️الدور المنتشر مصحوب بإسهال في بعض الحالات و ترجيع في حالات أخرى و أحيانا الاتنين مع بعض و أطفال بتدخل في جفاف بالذات مع اللبس التقيل اللي الامهات ملبساه للأطفال.ومابياخدوش سوائل كافيه

⛔️اطفال كتير بتشتكي من صداع

⛔️ اطفال بتشتكي من آلام في المفاصل والعضلات ولدرجه إن في اطفال مش بتقدر تمشي من الم وتشنج عضلات رجليها

⚠️ايه اللي المفروض نعمله عشان نحافظ على أطفالنا؟؟

✅لو طفلك في حضانه و حضرتك أم متفرغه مش بتشتغلي خلي طفلك فالبيت جنبك الشهر ده.

✅لو عندك طفل مريض الفتره دي خليه فالبيت و ما يروحش الحضانه او المدرسه. لحد ما يخفف

✅لو طفلك عنده كحه مصحوبه بسخونه ماتستنيش و اكشفي على طول.
✅لو طفلك اقل من 6شهور وظهر عنده اي اعراض اكشفيله علطول لان الدور بيتطور بسرعه وممكن لاقدر الله يوصل لضيق في التنفس والتهاب رئوي

✅ بلاش تجري علي الصيدليات و تأخذوا حقن البرد و ادويه الكحه بدون كشف بتضر اكتر ما بتنفع و لو نفعت هتنفع مؤقتا و الطفل هيتعب من جديد.

معا لصحة افضل لاطفالنا
#دكتورةـاميرةـامام
#استشاريـطبـالاطفال
#الغردقهـالدهارـ
امام شركه بيع المصنوعات فوق مطعم جاد الدور الثاني
للحجز 010 29193559