Dr Ayman AbdelAziz ENT Clinic

Dr Ayman AbdelAziz ENT Clinic الأستاذ الدكتور
أيمن عبد العزيز الشهالي
دكتوراة واستش?

تشخيص وعلاج أمراض الأنف والأذن والحنجرة بالمنظار.
علاج أمراض السمع والاتزان.
علاج أمراض الشخير وتوقف التنفس.
استخراج الأجسام الغريبة من الأنف والأذن والحنجرة والمريء.
إجراء جميع عمليات الأنف والأذن والحنجرة.

الغردقة / الدهار، ش النصر مول سيفن ستارز فوق اسبينيز الدور الثالث وحدة 120

09/11/2024

حشرة داخل الأذن..🕷🕷

فضلت ماشيه🕷 داخل الأذن ..ماشيه🕷 داخل الأذن و متجهه مباشرة لطبلة الأذن...
●● بس سبحان الله شمع وقشرة الأذن أعاقة وأخرت الحشره من الوصول للطبلة واضحة في الفيديو..

اديني عقلك 🤣🤣🤣🤣

● ● المفروض اول حاجه نعملها في البيت نضع أي نوع قطره للاذن موجوده وبكميه كبيره عشان الحشرة تبطل حركة و تختنق وتموت....
●● وبعدين نروح لدكتور الانف والاذن عشان يخرج الحشره ، مش نسيبها ماشيه🕷🕷 ماشيه بتتفسح 🤣🤣🤣🤣

18/09/2024

● طفله رضيعه عمرها سنه ، ( بلعت) حلق دهب عملها ( انسداد في المرئ )😱😱 ..
● بما إني دكتور ودان ، آخر حاجه كنت عارفها ان الحلق بيتلبس في الودن.🤔🤔
●● انما يجيلي أب و أم معاهم بنتهم الرضيعه عاملين لها ( اشعه) وتكون المفاجأه إني ألآقي الحلق في مرئ الطفله😨😨😡😡.
● البنت كانت بترجع ومش عارفه ترضع وعندها ظوغطه متكرره مما يدل على انسداد المرئ.
● والمفروض إني كدكتور أستخرج الحلق من مرئ الطفله بواسطة منظار المرئ الصلب تحت مخدر كلي..بس الطفله عمرها سنه وكل حاجه فيها صغيره وضيقه🥺🥺. لا حول ولا قوة إلا بالله.
●● الحمد لله عملت لها عملية منظار المرئ الصلب واستخرجت الحلق من مرئ الطفله بعد ساعه من المحاولات،الحلق طلع بس بعد ماطلع روحي😤.
●بنقول للمره المليون لكل أب وكل أم نبعد الحاجات الصغيره عن متناول الاطفال😡😡.
● ياريت نعمل لايك وشير للبوست في الصفحات عشان الناس تتعظ.
● في أول تعليق صور هتعجبكم.

●●دا إسمه ناسور في الأذن..هوا فيه حاجه اسمها ناسور في الاذن يادكتور..؟؟؟؟؟؟!!!!!!● أيوه ياسيدي ، فيه ناسور في الاذن ، و...
17/09/2024

●●دا إسمه ناسور في الأذن..هوا فيه حاجه اسمها ناسور في الاذن يادكتور..؟؟؟؟؟؟!!!!!!
● أيوه ياسيدي ، فيه ناسور في الاذن ، ولا بتحسب الناسور لازم يكون في (....)😊😊، او ناسور ( عصعصي) بس😛😛.
●● الناسور أمام الأذن أو الناسور الصيواني هو مشكله خلقيه جينيه يظهر كفتحه او ثقب صغير امام صيوان الأذن وله كيس وقنوات داخليه ، يخرج من هذا الثقب افرازات ثقيله ذات رائحه كريهه ومع الالتهاب يتحول إلى خراج متكرر يحتوي علي صديد يؤدي إلى تشوه صيوان الأذن أو يؤثر علي الغده النكفية.
●● علاجه: - عملية جراحية تجميلية لاستئصال الكيس الداخلي والناسور ، بعد آخذ علاجات الالتهابات قبل العمليه..
●● ويلزم على جراح الانف والأذن المتخصص ذو الخبرة المحافظة علي العصب السابع والغده النكفيه واستئصال جزء من صيوان الأذن لضمان عدم تكوين الناسور مرة أخرى.
●● للتوضيح وللعلم :- ناس كتير جدا بيتولدوا عندهم ناسور بالاذنين وحتى مايعرفوش ايه ده، المهم احنا مش بنعمل اي عمليه اذا كان الناسور مش بيلتهب او مش بيعمل خراج .

04/07/2024

●● طفل بلع عملة معدنية (جنيه معدني ) أدى إلى انسداد مرئ الطفل..
●● انسداد المرئ يمنع الطفل من البلع مع الترجيع المستمر، ولو استقر مكانه يؤدي الى التهابات بالمرئ او عمل قرحة به أو التصاقات وربما ثقب بالمرئ..
●● يتم استخراج العملة المعدنيه (الجنيه المعدني) بواسطة منظار المرئ الصلب تحت مخدر كلي ..
●●● للاسف منظار المرئ الصلب لا يوجد في معظم المستشفيات ولذلك قمت بتوفيره لمثل هذه الحالات..
●● لابد من توعية الاطفال عدم ادخال وإبعاد الاجسام الغريبه عن الفم نهائيا .

23/05/2024

●● إختناق طفل سنتين بقطعة كيك..
●● في الفيديو ده أنا مش طالع في أسانسير إحدى ناطحات السحاب أو برج خليفه ...

●● دا منظار للقصبه الهوائيه لطفل عمره سنتين..كانت داخله في قصبته الهوائيه قطعة كيك كانت سبب في إختناقه وكانت هتؤدي لوفاته..
● تم استخراج قطعة الكيك بالمنظار ودي من أدق وأصعب عمليات تخصص الانف والأذن والحنجرة ...
●● من خلال المنظار بنشوف فيه انقسام القصبه الهوائيه إلى قصبه هوائيه يسرى وقصبه هوائيه يمنى.. وبنلاحظ نبض عضلة القلب لأن القلب مجاور ولاذق في القصبه الهوائيه ..
● وريتكم حاجه فينا وبداخلنا كلنا..قولوا سبحان الله.

05/05/2024

●● أمراض الحنجره والأحبال الصوتيه مرتبطه بالعادات السيئه :-
(١) كالتدخين ( السجائر والشيشه وما شابه).
(٢) شرب الخمور والكحوليات.
(٣) الزعيق:- علو الصوت أو الاستخدام الخاطئ للصوت.

● أمراض الحنجره والأحبال الصوتيه مثل ( خشونة الأحبال الصوتيه أو تكوين حبيبات أو لحميات بهما أو تكوين أورام حميده او سرطانيه بالحنجره) .

●● الاعراض: تغير وضعف الصوت وخشونته مع ضيق بالتنفس واختناق وألم بالحنجره قد يمتد للاذن.
●التشخيص :-عمل منظار حنجري بمخدر موضعي بالعياده..
●● العلاج :-عمل عملية منظار مباشر للحنجره واستئصال التورم وأخذ عينه لتحليل نوعية الورم..

02/05/2024

●● عظمة فراخ شامورت راشقه في زور (حلْق) سيده ( زي الحربه).

● فلاش باك..
●● دخلت السيده غرفة الكشف متألمه جدا ومنزعجه..* قالت إلحقني يادكتور انا واكله فراخ شامورت..
** قلت ..يابختك يا حاجه هوا فيه حد لاقي فراخ اليومين دول..
* قالت..فيه عضمة فراخ واقفه في زوري هتموتني يا دكتور..🥵🥵🥵**
قلت : يابختك يا حاجه..🤨🤨

* قالت : على ايه بس انا هموت😡😡😡

** قلت : عشان جيتي تكشفي عندي..😛😛

● بفحص المنظار لقيت العضمه واقفه وراشقه زي الحربه في حلق السيده..🙆‍♂️🙆‍♂️دي بتتكلم بجد 😑
● الحمد لله شيلت لها العضمه بالمنظار بالعياده ببنج موضعي ..
●● المهم من القصه دي اننا ماننساش ان الفراخ حتى لو شامورت بيبقا فيها عضم🤣🤣🤣🤣 معلومه كنت بحسب ان الناس كلها عارفاها🤦‍♂️🤦‍♂️..
●● مع كل الاحترام لاخواتنا الشراقوه اللي بيقولوا ..الفراخ ما إيلها وراك..😜😜😜😜😜.
● في اول تعليق فيديو استخراج العضمه بالمنظار في العياده..

30/04/2024

●● سيدة فقدت كل وظائف الأنف الأساسية إلا وظيفه واحده فقط..ما السبب؟؟!!!!!

●● هذه السيده تعاني من لحميات وزوائد عنقوديه بالانف والجيوب الأنفية هذه اللحميات أفقدت السيده كل وظائف الأنف الأساسيه فاضل بس ان الانف عضو جمالي وشكل بالوجه..

●● ما هي الوظائف الأساسية للأنف؟؟ (١ )مجرى وممر للهواء (مسدود تماما عند السيده) _ (٢)تعمل الانف كفلتر لتنقية الهواء من الملوثات والجراثيم (أصلا مافيش هوا داخل بانف السيدة عشان يتفلتر ،كل الهواء داخل من فم السيده مباشرة)_(٣) الشم(فُقِد تماما عندها ) (٤) عضو جمالي بالوجه ).

●● أجريت لهذه السيده عملية منظار للانف والجيوب الأنفية..ولله الحمد رجعت لها كل وظائف الأنف.. وتم شفاءها تماما..
●● في أول تعليق فيديو بعد اسبوع من العمليه، يظهر فيه تجويف الأنف بالكامل حتى الفتحه الخلفيه للانف ومن خلالها نرى البلعوم الانفي .

●● ( الحمد لله إن ربنا طول في عمري عشان اعمل العمليه دي ليك ) 🙏🙏..دي كانت اخر جمله قلتها للعيان ده بعد ما رجع من بنج الع...
18/04/2024

●● ( الحمد لله إن ربنا طول في عمري عشان اعمل العمليه دي ليك ) 🙏🙏..دي كانت اخر جمله قلتها للعيان ده بعد ما رجع من بنج العمليه ..

●● فلاش باك 😇😇..انا عرفت العيان ده من أربع سنين ، كل سنه كان بيجي العياده مره..
● البداية في سنة ٢٠٢١ دخل عليا غرفة الكشف وهوا بيسلم عليا ، قلت له الورم اللي في رقبتك ده من امته؟ ؟ وسايبه ليه كده؟؟ رد عليا وقال يا دكتور مش انا اللي هكشف ، دي بنتي😡😡 ..قلت في نفسي، يمكن مشكلة البنت اكبر من الورم بتاعه..سألته هي بتشتكي من إيه؟ ؟قالي دور برد وكحه !!! 😏😏 قلت له طيب أكشف عليك مجاني لأن الورم في الرقبه مش حلو..قالي انا معايا فلوس وبشتغل شغله مرموقه..وبعدين الورم ده عندي من سنة ٢٠٠٠ ..قلت له من ٢١ سنه وسايبه كل ده🙆‍♂️🙆‍♂️، هوا اكيد ورم حميد بس أي ورم حميد ممكن يقلب بورم خبيث حتى لو بنسبة 1%🤔🤔 ..قال لي اااه عارف🤗🤗..معرفتش أرد وحطيت جذمه في بوقي وسكت🤐🤐🤐..

● مَرَّة الأيام وجالي سنة ٢٠٢٢ بعد ماسلم عليا قالي انا جيتلك من سنه،، قلت له فاكرك كويس🤔🤔، بس ليه الاهمال ده تقعد سنه على ماتيجي تكشف؟؟؟!!! رد عليا وقال يادكتور مش انا اللي هكشف دا ابني😡😡..قلت له بيشتكي من إيه..قالي دور برد و( كحه )...قلت انا (....) 🤫🤫في سري.. اللي بيقرا البوست ممكن يحط الكلمه اللي تعجبه بين القوسين..
● مَرَّة الأيام وجالي سنة ٢٠٢٣ ..قلت له اكيد مش انته اللي هتكشف قالي لأ..قلت يبقا المدام ..قالي صح 👍👍..قلت له دور برد وكحه صح..قالي برافووو عليك صح الصح👍👍.🤦‍♂️🤦‍♂️.قلت له ماتكشف قالي لأ😡😡..قلت له طيب ممكن تعمل على رقبتك أشعه مقطعيه علي الرقبه...قلت يمكن رقبته مش بتنكشف على دكاتره😊😊.. والمضحك في الموضوع انه ديما لابس تيشيرتات وفاتح الزراير زي ميكون فرحان باظهار ورم الرقبه ده؟؟!!🙋‍♂️🙋‍♂️🤣🤣🤣

● مَرَّة الأيام وجالي سنة ٢٠٢٤ مع ابنه من كام يوم ..قلت له ماشاء الله كِبِّر اهووه..قالي ايوه يادكتور دا خلص الجامعه💪..قلت له انا بتكلم على الورم😜😜 الورم كبر ..قلت له هااه ابنك عنده دور برد وكحه بردوو ..قالي لأ دا أنا اللي هكشف يادكتور🤭🤭 ..قلت له انته مش محتاج كشف انته محتاج عمليه من سنة ٢٠٠٠..قالي موافق💪💪..استغربت تحول موقفه😱😱..قلت له إيه اللي غير موقفك ..رد وقال اصل دكاترة الاشعه قالوا ان الورم كبير..قلت له هوا انته كنت شايف الورم اللي عمره ٢٤ سنة في المرايا حباية شباب ولا إيه؟ ؟ 😤😤قالي وكمان عشان ارتحتلك يادكتور😍😍 ..قلت له ارتحتلي بعد أربع سنين، كان نفسي اقوله بس انا اتجوزت ومعايا أيْهَّم عنده اربع سنين دلوقت... لا تعليق🤦‍♂️🤦‍♂️..
●● المهم عملت له العمليه الحمد لله وربنا طول في عمري ●● وعلى فكره عندي عيانين انف بقالهم ١٥ سنه لسه بيفكروا يعملوا عملية الأنف🙆‍♂️🙆‍♂️ وعندي عيانين اذن بقالهم ٢٥ سنه لسه بيفكروا بردووو🙆‍♂️🙆‍♂️..
●●المعلومه هنا إن الورم حتى لو حميد ..للاسف ممكن يتغير لورم خبيث مع مرور الزمن..واكيد الاهتمام بي الورم أهم من دور البرد والكحه..

18/03/2024

● ممكن حد يحاول يخنقك من حنجرتك واكيد هتحاول تتخلص منه ..صح؟؟؟
● طب افرض إن الخنقه دي جات من الحنجره نفسها يعني من جواك !!!!..زي تورم الحنجره أو لحمية ونتوئات الأحبال الصوتيه هتحاول تتخلص منها ازاي؟!!!
● هنا اهمية الوقايه والمحافظه علي سلامة الحنجره والأحبال الصوتيه ، بإنك متعليش صوتك ومتزعقش ولا تشرب سجاير ولا شيشه ولو فيه عندك مشكله في المخاط النازل من الانف والجيوب الانفيه علي الحنجره يتعالج ، ولو فيه ارتجاع بالمرئ يتعالج..

●● الأعراض...لحمية وتورم الاحبال الصوتيه هتبدأ تعملك خشونه وبحه بالصوت ، ولما تكبر اللحميه في الحجم تبدأ تخنقك مع المجهود و بعدين وانته مرتاح ، حتى لو نايم..وللاسف مع الإهمال ممكن تتغير لورم سرطاني بالحنجره..
● التشخيص بيكون عن طريق عمل منظار للحنجره وللأحبال الصوتية في العياده وبدون ألم..
● ● العلاج : عمليه منظار للحنجره عن طريق الفم لاستئصال التورم واللحميه بواسطة الآلات الدقيقه للمنظار الحنجري.. وبيخرج المريض بعدها من المستشفى بعد حوالي ساعتين بس، معافى ان شاء الله.

12/03/2024

●● بذرة يوسفي داخل أذن طفل..
● فعلا الأطفال مش مضمونين في تصرفاتهم..
● يعني بنقول وننصح الأهل إنهم يبعدوا الحاجات الصغيرة عن متناول الأطفال..
●● بس المره دي الأهل هيعملوا إيه هيزرعوا او يجيبوا ( يوسفي من غير بذر ) ازاي 🤣🤣🤣..
●ياريت نعرف الأطفال إن الأذن بنسمع بيها مش باسكت زباله😤😤..

09/03/2024

●● خرزه داخل أنف البنت الصغيره دي..
●● التعامل الصح إن ماحدش من الأهل يحاول يشيلها ويقول دي قريبه...كمان التعامل الصح مانروحش لدكتور مش متخصص عشان يشيلها ..
●● لأن ببساطه كل جسم غريب ليه الآلة المخصوصه لشيله ..( يعني نُعْطِي العيش لخَبَّازه)..
●● لازم نعرف إن أحسن محاوله، لشيل الجسم الغريب ، هيا أول محاوله ، قبل ما يحصل نزيف أو الطفل يخاف أو تدخل اكتر أو يحصل تورم حواليها ..
●● النصيحه التانيه نبعد كل الحاجات الصغيره عن متناول الأطفال..

Address

Hurghada
84517

Opening Hours

Monday 12pm - 4pm
6pm - 10pm
Tuesday 12pm - 4pm
6pm - 10pm
Wednesday 12pm - 4pm
6pm - 10pm
Thursday 12pm - 4pm
6pm - 10pm
Friday 12pm - 4pm
6pm - 10pm
Saturday 12pm - 4pm
6pm - 10pm
Sunday 12pm - 4pm
6pm - 10pm

Telephone

+201211602627

Website

Alerts

Be the first to know and let us send you an email when Dr Ayman AbdelAziz ENT Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Dr Ayman AbdelAziz ENT Clinic

✅ الأستاذ الدكتور ✅ أيمن عبد العزيز الشهالي ✅ دكتوراة واستشاري جراحة ومناظير الأنف والأذن والحنجرة ✅ أستاذ بكلية الطب - جامعة الأزهر 🔵 تشخيص وعلاج أمراض الأنف والأذن والحنجرة بالمنظار. 🔵 علاج أمراض السمع والاتزان. 🔵 علاج أمراض الشخير وتوقف التنفس. 🔵 استخراج الأجسام الغريبة من الأنف والأذن والحنجرة والمريء. 🔵 إجراء جميع عمليات الأنف والأذن والحنجرة. ✴️ الغردقة / الدهار، ش النصر مول سيفن ستارز أعلى اسبينيس الدور الثالث وحدة 120 ✴️ يوميا من الساعة 12 - 4 مساءً ومن الساعة 6 - 10 مساءً ✴️ العيادة 01211602627 الكشف بحجز مسبق