عياده د. نيفين لطفي للأطفال وحديثي الولاده Dr. Nevein Lotfy clinic

23/01/2026

🫁 الالتهاب الرئوي عند الأطفال
(Pneumonia)
الالتهاب الرئوي هو عدوى بتصيب الرئة، وبيكون شائع نسبيًا عند الأطفال، خصوصًا في فترات البرد وتغيير الجو.
🔹 الأعراض اللي تاخد بالِك منها:
كحة مستمرة أو شديدة
صعوبة أو سرعة في التنفس
ارتفاع درجة الحرارة
خمول أو قلة نشاط
فقدان الشهية
صوت صفير أو نهجان أثناء التنفس
في الرضع: ضعف الرضاعة أو بكاء غير معتاد
🔹 أسبابه إيه؟
فيروسات (وهي الأكثر شيوعًا)
بكتيريا
أحيانًا بعد نزلات البرد أو الإنفلونزا لو ما اتعالجتش صح
🔹 هل كل التهاب رئوي محتاج مضاد حيوي؟ ❌ لا
لو السبب فيروسي، العلاج بيكون داعم فقط
✔️ المضاد الحيوي يُستخدم فقط لو السبب بكتيري وتحت إشراف طبي
🔹 إمتى لازم نكشف فورًا؟ 🚨 لو في:
صعوبة واضحة في التنفس
زرقة في الشفايف أو الأظافر
ارتفاع حرارة مستمر
خمول شديد
طفل أقل من سنتين بأعراض تنفسية قوية
🔹 الوقاية مهمة جدًا: ✔️ الالتزام بالتطعيمات💢 وخاصه تطعيم المكورات الرئويه 💢
✔️ غسل الأيدي باستمرار
✔️ تجنب الاختلاط بأطفال مرضى
✔️ عدم التعرض لدخان السجائر
📍 التشخيص والعلاج المبكر بيمنع المضاعفات ويطمنك على طفلك ❤️
لو في أي أعراض مقلقة، الكشف بدري هو الأمان.
عيادة د. نيفين لطفي للأطفال
رعاية واطمئنان لطفلك
دمتم سالمين انتم وأطفالكم 👶💙 ✨

28/11/2025

دور الانفلونزا الموسميه اللي ماشي اليومين دول معاه سخونه شديده ممكن توصل لل٤٠.. كحه جافه ممكن تقعد لأسبوعين.. وجع في الجسم وممكن الطفل يقول مش قادر أقف على رجلي من كتر وجع جسمه.. همدان وفقدان شهيه ولا عاوز ياكل ولا يشرب... ممكن ترجيع وممكن اسهال.. وممكن يشتكي بصداع كمان..برغم ان الدور فيروسي بس ممكن ييجي معاه مضاعفات بكتيريه وممكن يحتاج مضاد حيوي.. لذلك كل حاله لها خطه علاج مختلفه تبعا للحاله نفسها.. ممكن السخونه تقف وممكن ترجع تاني وكذلك الكحه كل دي اعراض الدور.. الانفلونزا بتيجي كل سنه مش جديده بس المره دي جايه شديده شويه بتاخد وقتها وبتخف..نفحصه عند طبيب وناخد علاجنا ونريحه في البيت بدون اختلاط مع اطفال تانيه مع سوايل وخوافض.. الدور رخم وبيطول شويه بس بيخف بأمر
الله..دمتم سالمين انتم وأطفالكم
❤️❤️❤️

24/11/2025

الدور المنتشر اليومين دول كذا فيروس كان موجود سابقا بس الاوسع انتشارا هو الانفلونزا الموسميه.. بيعمل حراره ممكن توصل لل٤٠ مع همدان وتكسيربالجسم .. .ممكن ترجيع وممكن اسهال كمان.. و.كحه رخمه جداا جداا . ندى خوافض للحراره مانديش مضاد حيوي نهائي الا لو دكتور فحصنا واتاكد نا ان فيه التهاب بكتيري.. سوايل وراحه في البيت.. يفضل طبعا ناخد تطعيم الانفلونزا كل سنه في بدايه الشتا لان نسبه حمايته كويسه للادوار دي
اي طفل عنده مشاكل قلب او حساسيه او مناعه او عمره اقل من سنه لازم فحص طبيب لو اخد الدور عشان مايطورش.. دمتم سالمين انتم وأطفالكم ❤️❤️❤️

23/11/2025

هااام💢💢💢💢

✋👣 متلازمة اليد والقدم والفم (Hand, Foot & Mouth Disease)

فيروس شائع جدًا بين الأطفال… ومالوش علاقة نهائيًا بالحيوانات زي ما ناس فاكرة.

📌 الأعراض الأساسية:

حرارة

تقرحات مؤلمة في الفم

طفح أو حبوب على اليدين والقدمين وأحيانًا منطقة الحفاض

قلة الشهية وضيقة من الأكل بسبب ألم الفم

📌 هل هي خطيرة؟

غالبًا خفيفة وبتخف خلال 5–7 أيام… أهم حاجة نمنع الجفاف ونقلل ألم الطفل.

📌 العلاج:

✔ خافض حرارة (باراسيتامول / بروفين حسب السن والوزن)
✔ سوائل كتير
✔ أكل طري وسهل البلع
✔ دهانات موضعية للطفح لو في حكة

❌ مفيش مضاد حيوي لأنه فيروس.
❌ ممنوع نخزّ الحبوب.

📌 إمتى أروح للطبيب فورًا؟

جفاف (قلة بول، خمول، بكاء بدون دموع)

حرارة عالية مستمرة

الطفل مش قادر يشرب

طفح شديد جدًا أو انتشار سريع

📌 كيف نمنع العدوى؟

غسل اليدين باستمرار

تعقيم الألعاب

تجنب حضانة/مدرسة أول ٥ أيام من الأعراض
نتجنب الاختلاااط🙏🙏🙏
دمتم سالمين انتم وأطفالكم .

21/11/2025

مهم

👈👈تطعيم الانفلونزا الموسمية
🌸مصل الانفلوانزا
. Influvac 2025/2026

🤔 يعنى انا لو اخدت المصل ده مش هتجيلى انفلونزا؟
* المصل ضد الانفلونزا الفيروسية هيوفرلك 5 حاجات باذن الله :
1️⃣ حماية ٨٠٪ من الانفلونزا الفيروسية الموسمية.
2️⃣ بيقلل حدة الأعراض.
3️⃣ يقصر مدة الأعراض.
4️⃣ بيمنع المضاعفات.
5️⃣هيحمي الرئه بتاعتك جدا عشان ماتكونش ضعيفه وعرضه للإصابة بأي فيروس متحور

🤔 طيب هو مين اللى لازم يأخذه ؟؟
كلنا بلا استئناء لازم نأخذه ، و خصوصا اننا محتاجين مناعة قوية علشان نحصن نفسنا من اى دور انفلونزا ممكن يجيلنا
بس لو حبيت اوجه كلامى لناس بعينها :
1️⃣ الاطفال ثم الاطفال ثم الاطفال
و خصوصا ان المدارس علي الابواب .
2️⃣ مرضى حساسية الصدر
لإن دور الإنفلونزا والبرد من المثيرات اللي ممكن تدخله في ازمة تنفسية لا قدر الله.
3️⃣ مرضى الجيوب الانفية.
4️⃣ ذو المناعة الضعيفة ، اللى مع اى دور برد بيحصلهم مشاكل كتير.
5️⃣ كبار السن.
6️⃣ الحوامل بس يُفضل بعد الثلاثة اشهر الاولى.
7️⃣ المرضعات.

🤔 المفروض يتاخد إمتى ؟
يُفضل إعطاءه قبل دخول فصل الشتاء *اول ما يتوفر علي حسب توصيات منظمة الصحه العالمية* لعام ٢٠٢٥-٢٠٢٦
عشان مفعوله يبدأ يظهر عند بداية موسم البرد

ولا يُنصح بإعطاءه أثناء أدوار البرد .

🤔طيب ايه هى الجرعة ؟ وهل ينفع لكل الأعمار؟
1️⃣ ينفع لكل الاعمار من ٦ شهور
بياخذ المصل كله
بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر

2️⃣ 9 سنين فيما فوق
بياخذ المصل مرة واحدة فقط
🌸المصل يُعطى فى عضلة الكتف بعمق او تحت الجلد

وتأكد دائما ان الوقايه خير من العلاج✨

21/11/2025

وجود فيروس غامض ب ي م وت الاطفال اشاعه ليس لها اساس من الصحه. معظم العدوي فيروسات معروفه و متكرره.. اي طفل مريض يكشف وياخد علاجه ويمنع من الاختلاط لحد مايخف..بطلوا اثاره ذعر على الفاضي.. كل ام تقعد ابنها العيان في البيت لحد مايخف .

21/11/2025

صباح الخير
انا بطبيعتي مش بحب اكتب بوستات طبيه على صفحتي.. دي بتتكتب على صفحه العياده بس.. لكن لقيت الموضوع خارج عن السيطره فعلا.. وناس اصدقاء عندي وغيرهم بيكتبوا فيروس م م ي ت والعيال ب ت م وت ومحدش بيتكلم وغيره.. وناس من أصدقاء عندي بيبعتلي أوضح وارد.. ياجماعه للي مش عارفني انا استشاري أطفال وحديثي الولاده ورئيس قسم الاطفال في مستشفي الغردقه العام.. ورئيس قسم الاطفال في مستشفى الحميات
بشتغل في المهنه دي بقالي ٢٧ سنه
اولا.. الطبيعي لو ده فيروس م مي ت ان حالات الوفاه داخل المستشفيات تزيد لا قدر الله وده ماحصلش
ثانيا فيروسات اليومين دول هي فيروسات كل سنه مفيش جديد
ثالثا لو لا قدر الله فيه وباء اول ناس هتحس بيه وتعرف الاطباء ووزاره الصحه وهتنوه عنه
رابعا.. ربنا يرحم اي طفل توفاه الله بس ده مش معناه ان فيه قاتل غامض وفيروس غامض بي م وت العيال.. اكيد كل الزملاء أطباء الاطفال بيشوفوا يوميا حالات كتير وكذلك المستشفيات لو فيه وباء غامض كانت نسب الوفيات عليت بين الاطفال
خامسا.. معظم التهابات الاطفال اليومين دول فيروسيه محتاجه راحه وعلاج وعدم اختلاط.. ونبطل ناخد ادويه ومضادات حيويه بدون فحص طبيب الله يبارك لكم.. مع احترامي الشديد لزملائي الصيادله
الصيدليه مكان محترم وموثوق لصرف الادويه وليست لتشخيص الأمراض وعلاجها.
سادسا.. احنا الشعب الوحيد اللي بيهبد في الادويه والاقي العيان داخل عيادتي واخد تشكيله ادويه ومضادات حيويه لالتهاب فيروسي اصلا من الأساس والعيل متبهدل واسوأ
سابعا... اي طفل عيان يكشف وياخد علاجه و يلزم بيته لحد مايخف عشان ماينشرش اي عدوى فيروسيه.. دي نزله البرد معديه وهي فيروس اصلا
الوحيد اللي يقدر يفرق بين الالتهاب فيروس ولا بكتيريا هو طبيب الاطفال.. روحوا لدكتور تثقوا فيه او روحوا مستشفي قبل صرف اي دوا لأي طفل ارجوكم بلاش نغامر بصحه أطفالنا.. محدش قال نروح خاص روحوا مستشفي عام بس نروح ونفحص
واخيرا ربنا يحفظ أولادنا جميعا وياريت ماننشرش الذعر بين الناس من فئات غير متخصصه حرصا على سلامه الجميع لو سمحتواوانا بتكلم بشكل شخصي بناء على طلب كثير من أصدقاء الصفحه.. واكيد لو فيه اي وباء لا قدر الله كانت وزاره الصحه نوهت عنه.. دمتم سالمين انتم وأطفالكم💥💥💥
ده منشور من صفحتي الشخصية حبيت أشارك بيه هنا لكل اللي مش على صفحتي الشخصية .❤️❤️❤️

20/11/2025

نصيحه على الماشي.. الأدوار اللي بيتعب منها عيالنا اليومين دول معظمها فيروسيه..💥.بتاخد وقتها وبتخف.💥. يلتزموا الراحه والعلاج وعدم الاختلاط.. وبلاش💢 ناخد اي ادويه او مضادات بدون فحص الطبيب🙏🙏 دمتم سالمين انتم وأطفالكم
❤️❤️❤️

01/10/2025

من خمس دقائق بالضبط موقع القاهرة 24 أعلن عن غلق فصل بمدرسة الألسن الدولية بسقارة المريوطية نتيجة تفشي ڤيرس HFMD(متلازمه اليد والقدم والفم)

طبعا لقيت كل الناس بتتساءل عن الفيرس ده وأصابهم الفزع فحبيت فوراً اكتب لكم بوست توضيحي للمرض

المرض اسمه اليد والقدم والفم ، وبيكون بسبب عدوى ڤيروسية تنتشر بين الأطفال

كعادة أي ڤيرس لا يوجد له علاج إنما الأطباء بيوصفوا علاجات تخص رفع المناعة وعلاج الأعراض

الاعراض بتكون :

حمى / إعياء / إلتهاب بالحلق/ بثور تنتشر في تجويف الفم وعلى اللسان / طفح جلدي على راحة اليدين وباطن القدمين وقد يظهر طفح جلدي على الإليتين

الاعراض بتختفي خلال أيام إنما إذا كان الطفل ضعيف المناعة أو عمره اقل من ستة أشهر ، أو امتنع عن تناول الطعام يجب التوجه للطبيب فوراً .

الوقاية من المرض :

عدم الاختلاط مع الأشخاص المصابين
الابتعاد عن التلامس مع افرازات الشخص المصاب بشكل مباشر
غسل الأيدي جيدا جدا
التهوية الجيدة لأن رذاذ العطس أو الكحة معدي
تطهير الفصول والغرف المشتركة
الراحة بالمنزل عند الإصابة
تناول ألبان مبسترة أو سبق غليها وجبن مبستر لانها قد تسبب اعراض تتشابه مع مرض الحمى القلاعية في الحيوانات
منقول عن👇

دكتورة شيرين علي زكي ✍️

28/09/2025

😂😂😂

03/09/2025

👈👈تطعيم الانفلونزا الموسمية
🌸مصل الانفلوانزا
. Influvac 2025/2026

🤔 يعنى انا لو اخدت المصل ده مش هتجيلى انفلونزا؟
* المصل ضد الانفلونزا الفيروسية هيوفرلك 5 حاجات باذن الله :
1️⃣ حماية ٨٠٪ من الانفلونزا الفيروسية الموسمية.
2️⃣ بيقلل حدة الأعراض.
3️⃣ يقصر مدة الأعراض.
4️⃣ بيمنع المضاعفات.
5️⃣هيحمي الرئه بتاعتك جدا عشان ماتكونش ضعيفه وعرضه للإصابة بأي فيروس متحور

🤔 طيب هو مين اللى لازم يأخذه ؟؟
كلنا بلا استئناء لازم نأخذه ، و خصوصا اننا محتاجين مناعة قوية علشان نحصن نفسنا من اى دور انفلونزا ممكن يجيلنا
بس لو حبيت اوجه كلامى لناس بعينها :
1️⃣ الاطفال ثم الاطفال ثم الاطفال
و خصوصا ان المدارس علي الابواب .
2️⃣ مرضى حساسية الصدر
لإن دور الإنفلونزا والبرد من المثيرات اللي ممكن تدخله في ازمة تنفسية لا قدر الله.
3️⃣ مرضى الجيوب الانفية.
4️⃣ ذو المناعة الضعيفة ، اللى مع اى دور برد بيحصلهم مشاكل كتير.
5️⃣ كبار السن.
6️⃣ الحوامل بس يُفضل بعد الثلاثة اشهر الاولى.
7️⃣ المرضعات.

🤔 المفروض يتاخد إمتى ؟
يُفضل إعطاءه قبل دخول فصل الشتاء *اول ما يتوفر علي حسب توصيات منظمة الصحه العالمية* لعام ٢٠٢٥-٢٠٢٦
عشان مفعوله يبدأ يظهر عند بداية موسم البرد

ولا يُنصح بإعطاءه أثناء أدوار البرد .

🤔طيب ايه هى الجرعة ؟ وهل ينفع لكل الأعمار؟
1️⃣ ينفع لكل الاعمار من ٦ شهور
بياخذ المصل كله
بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر

2️⃣ 9 سنين فيما فوق
بياخذ المصل مرة واحدة فقط
🌸المصل يُعطى فى عضلة الكتف بعمق او تحت الجلد

وتأكد دائما ان الوقايه خير من العلاج✨

19/08/2025

👩‍👧‍👦✨ إزاي نربي أولادنا على الطاعة من غير عناد أو خوف؟

الطاعة مش معناها إن الطفل ينفذ أوامرنا غصب عنه، لكن إنه يتعلم يحترم القوانين ويستوعب أهمية الالتزام 👌

💡 خطوات عملية:
✅ كوني قدوة في الالتزام.
✅ امدحيه لما يسمع الكلام → الطاعة بالحب مش بالخوف.
✅ خلي القوانين بسيطة وواضحة.
✅ قدمي اختيارات بدل الأوامر (أحمر ولا أزرق؟).
✅ اثبتي في قراراتك.
✅ اشرحي له السبب وراء كل توجيه.
✅ تجنبي الصراخ والعقاب الشديد.

🌷 التربية الصحيحة بتخلق طفل مطيع عن اقتناع، واثق من نفسه، وعنده شخصية متوازنة.


دمتم سالمين انتم وأطفالكم