Farida Abd Elbary Psychotherapist

Farida Abd Elbary Psychotherapist Contact information, map and directions, contact form, opening hours, services, ratings, photos, videos and announcements from Farida Abd Elbary Psychotherapist, Mental Health Service, Hurghada.

مرحباً بكم في صفحة "فريدة عبد الباري | أخصائي نفسي إكلينيكي"

التخصص: علاج الاضطرابات النفسية مثل: الاكتئاب، القلق، واضطرابات الشخصية.

الخدمات: جلسات علاج نفسي فردى

الرسالة: نشر الوعي بالصحة النفسية وتقديم حلول بسيطة لتحسين جودة حياتك النفسية.

بتسمع كلمة "تعلّق"... بس مش عارف هو إحساسه عامل إزاي؟👇 التعلّق مش حب عادي…التعلّق هو إحساس إنك “محتاج” الشخص ده علشان تع...
18/04/2026

بتسمع كلمة "تعلّق"... بس مش عارف هو إحساسه عامل إزاي؟👇

التعلّق مش حب عادي…
التعلّق هو إحساس إنك “محتاج” الشخص ده علشان تعرف تكمل يومك.
هو إن مزاجك يبقى مربوط بردّه عليك،
ولو اتأخر… قلبك يقلق، وعقلك يفضل يفكر.
هو إنك تستحمل حاجات مش شبهك،
بس علشان ما تخسرهوش.

هو إنك تبقى عارف إن في حاجة غلط،
بس مش قادر تمشي.

التعلّق بيحسسك إنك ضعيف من جواك،
كأنك متعلق بحاجة لو وقعت… هتوقعك معاها.

وفي نفس الوقت…
بيديك لحظات حلوة قوي، تخليك تقول:
"يمكن يستاهل أستحمل شوية كمان."

بس الحقيقة؟
التعلّق بيخليك تنسى نفسك واحدة واحدة…
لحد ما تلاقي نفسك بقيت بتدور على حد يكملك،
بدل ما تكون إنت كامل بنفسك.

الحب الصحي بيخليك أقوى…
التعلّق بيخليك خايف.
والبوست الجاي… هيكون بداية التحرر.🎈










إزاى تعرف إنك بدأت تتعافى من الرفض؟مشاعر الرفض من أعمق المشاعر اللى ممكن يمر بيها أى إنسان…وغالبًا مش بتكون بسبب الموقف ...
12/04/2026

إزاى تعرف إنك بدأت تتعافى من الرفض؟
مشاعر الرفض من أعمق المشاعر اللى ممكن يمر بيها أى إنسان…
وغالبًا مش بتكون بسبب الموقف الحالى بس، لكن جذورها بترجع لتجارب قديمة خلت العقل يربط بين "عدم القبول" و"عدم القيمة".

لكن التعافى له علامات واضحة 👇
1. بتسمّى المواقف باسمها الحقيقى
مش كل حاجة بقت ليها تفسير شخصى مؤلم
عدم الرد = عدم رد
الانشغال = انشغال
مش = "أنا مش مهم" أو "أنا مرفوض"

2. بتفصل بين قيمتك وسلوك الآخرين
بقيت فاهم إن تصرفات غيرك بتعبر عنهم هما… مش عنك
اللى مش مهتم… ده اختياره هو، مش حكم على قيمتك

3. بطلت تجرى ورا القبول
مش بتحاول تثبت نفسك أو تضحي علشان حد يقبلك
بقيت بتسأل:
"هل المكان ده مناسب لى أصلاً؟"

4. عندك حدود واضحة
بتحترم نفسك لما حد يتجاهلك أو يقلل منك
مش بتبرر ولا بتضغط على نفسك علشان تكمّل

5. رد فعلك بقى أهدى
المواقف اللى كانت بتهزك… بقت بتوجعك بس مش بتكسرك
فيه مساحة بين الحدث ورد الفعل

6. بقى عندك وعى بمشاعرك بدل ما تتهرب منها
تقدر تقول: "أنا حاسس برفض دلوقتى"
بدل ما تدخل فى جلد ذات أو إنكار

7. بقيت تختار بدل ما تستحمل
مش بتقبل أى علاقة علشان بس متبقاش لوحدك
بقيت تختار اللى يشبهك ويقدّرك

الخلاصة:
التعافى من الرفض مش إنك تبطل تحس…
لكن إنك تبطل تفسّر كل حاجة على إنها "أنا مش كفاية"
وإنك تتحرك من مكان:
"أنا أستحق"… مش "أتمنى يتم قبولى" 🤍




#اكسبلور


الخوف ضيّع عليك فرص كتير؟👇 الخوف في حد ذاته مش مشكلة…بالعكس، هو استجابة طبيعية بيخلقها المخ لحمايتك من الخطر.لكن المشكلة...
09/04/2026

الخوف ضيّع عليك فرص كتير؟👇

الخوف في حد ذاته مش مشكلة…
بالعكس، هو استجابة طبيعية بيخلقها المخ لحمايتك من الخطر.

لكن المشكلة الحقيقية تبدأ لما الخوف يتحول من “إشارة تحذير” إلى “حاجز يمنعك تعيش”

في علم النفس، فيه فرق واضح بين:
الخوف الطبيعي: بيخليك تاخد بالك، تراجع خطواتك، وتحسب المخاطر.

الخوف غير الصحي: بيشلّك، يخليك تتجنب، وتأجل، وتضيع فرص ممكن تغيّر حياتك.

لما تلاقي نفسك بتفكر كتير وبتتحرك قليل…
أو بتأجل قرارات مهمة رغم إنك مستعد…
ده غالبًا مش وعي… ده خوف متنكر في شكل “حذر”.

طيب نعمل إيه؟
إزاي ندخل تجربة جديدة (شغل / مشروع / علاقة) من غير ما الخوف يسيطر؟

فيه 3 أدوات نفسية أساسية بتحميك:
1. حدودك
معرفة حدودك بتقلل القلق؛ لأنك عارف إيه المقبول وإيه المرفوض.
الشخص اللي معندوش حدود واضحة، بيخاف أكتر… لأنه حاسس إنه ممكن يُستنزف أو يُؤذى.

2. مبادئك
مبادئك هي البوصلة.
لما قراراتك طالعة من قيمك، حتى لو غلطت… هتتعلم مش هتنهار.
إنما لما تمشي عكس نفسك، الخوف بيزيد لأنك فقدت الأمان الداخلي.

3. مصلحتك
إنك تحط مصلحتك في الاعتبار مش أنانية…
الأنانية الحقيقية هي إنك تأذي غيرك.
لكن إنك تختار اللي يناسبك بدون ضرر للآخرين، ده نضج نفسي.

الخلاصة:
أنت مش محتاج تتخلص من الخوف…
أنت محتاج تفهمه وتتحرك “رغم وجوده”.
لأن الفرص مش بتضيع بسبب قلة الإمكانيات…
لكن بسبب قرار اتأجل لحد ما بقى متأخر.





#اكسبلور


إزاي يكون عندك قصة نجاح؟مش كل اللي نجحوا كانت طريقهم سهلة…ومش كل اللي فشلوا كانت الظروف ضدهم.في ناس بدأت من الصفر… بل من...
06/04/2026

إزاي يكون عندك قصة نجاح؟
مش كل اللي نجحوا كانت طريقهم سهلة…
ومش كل اللي فشلوا كانت الظروف ضدهم.
في ناس بدأت من الصفر… بل من تحت الصفر كمان،
طريق مليان خوف، شك، خسارات، ووحدة…
ومع ذلك كملوا.

وفي ناس تانية…
اتقدملهم كل حاجة على طبق من دهب: دعم، فلوس، فرص، بيئة مريحة…
وبرضه واقفين مكانهم… أو بيقعوا.

طب إيه الفرق؟
الفرق مش في الطريق…
الفرق في الرؤية.
الشخص الناجح بيشوف نفسه "مستحق" قبل ما يشوف النتيجة.
بيشوف إن التعب له معنى… وإن الطريق الوعر ده جزء من الحكاية مش نهايتها.

أما الشخص اللي واقف مكانه…
غالبًا شايف إنه "مش كفاية"
أو مستني الطريق يبقى سهل علشان يبدأ.

في علم النفس…
اللي بنسميه "الصورة الذاتية"
هي العدسة اللي بتشوف بيها نفسك والعالم.
لو شايف نفسك مش مستحق…
حتى الفرص هتخوفك، وهتشكك فيها، ويمكن تضيعها بإيدك

ولو شايف نفسك تستحق…
هتلاقي نفسك بتحاول، حتى وانت خايف
بتقوم، حتى بعد ما تقع
وبتخلق طريقك… حتى لو مفيش طريق.

قصة النجاح مش إنك توصل…
قصة النجاح إنك تصدق إنك تستحق توصل.
ويمكن دي أصعب خطوة…
بس أول خطوة حقيقية.

اسأل نفسك بصدق:
أنا شايف نفسي أستحق النجاح؟
ولا مستنيه ييجي دليل من بره علشان أصدق؟
لأن الحقيقة البسيطة…
إن مفيش حد هيديك الإحساس ده غيرك.




#اكسبلور


إيه أكتر حاجة ممكن تنقذ إنسان وهو بيغرق في أزمته… حل؟ ولا كلمة؟الحقيقة اللي أثبتتها الدراسات النفسية إن الدعم النفسي—حتى...
05/04/2026

إيه أكتر حاجة ممكن تنقذ إنسان وهو بيغرق في أزمته… حل؟ ولا كلمة؟

الحقيقة اللي أثبتتها الدراسات النفسية إن الدعم النفسي—حتى لو كان في صورة كلمة بسيطة صادقة—ممكن يغيّر تمامًا طريقة تعامل الإنسان مع أزمته.

من الناحية العلمية:
المخ وقت الضغط بيفرز هرمونات زي الكورتيزول (هرمون التوتر)، وده بيخلي التفكير مشوش وردود الفعل اندفاعية.
لكن لما الإنسان يحس إن في حد جنبه، بيسمعه ويدعمه، بيحصل العكس:
✔ يقل مستوى التوتر
✔ يزيد الإحساس بالأمان
✔ المخ يرجع يشتغل بشكل أهدى وأوضح

الأجمل بقى؟
إن مش بس اللي بيتلقى الدعم هو اللي بيتعافى… اللي بيقدّم الدعم كمان بيستفيد نفسيًا

لأن:
بيحس بقيمته وتأثيره
بيزيد عنده الشعور بالترابط والإنسانية
وده بيرفع من حالته النفسية بشكل ملحوظ
أحيانًا كلمة زي:
"أنا شايفك… سامعك… ومش لوحدك"
ممكن تكون أقوى من ألف حل.
الدعم مش رفاهية… ده احتياج نفسي أساسي.

قولّي بقى 👇
آخر مرة كلمة فرقت معاك كانت إمتى؟ 💛







الست بتنور مع مين؟👇 جرت العادة إننا نقول:الست بتنور في علاقة… وتنطفئ في علاقة.بس الحقيقة الأعمق؟إن النور ده مش صدفة… ولا...
05/04/2026

الست بتنور مع مين؟👇

جرت العادة إننا نقول:
الست بتنور في علاقة… وتنطفئ في علاقة.

بس الحقيقة الأعمق؟
إن النور ده مش صدفة… ولا مجرد "راجل صح".
في 3 حاجات لو دخلوا العلاقة… بيطفّوا نور أي ست، مهما كانت قوية من جوه:

1. التعلّق (Emotional Dependency)
التعلّق مش حب… التعلّق احتياج.
فرق كبير بين إني أحبك… وإني ماعرفش أعيش من غيرك.
لما الست بتتعلّق بشكل زائد:
بتفقد إحساسها بذاتها بعيد عن العلاقة
بتربط قيمتها بردود فعل الطرف التاني
بتبدأ تخاف تخسره أكتر ما تهتم بنفسها
علميًا، ده بيرتبط بـ نمط التعلّق القَلِق
واللي بيخلي الشخص دايمًا في حالة ترقّب، توتر، وسعي لإرضاء الآخر على حساب نفسه.
والنتيجة؟
نورها بيقل… لأنها بقت مستنية حد ينورها بدل ما تكون منورة بذاتها.

2. الخوف (Fear-Based Relationship)
الخوف بيكتم أي طاقة حياة.
لما الست تعيش في علاقة فيها:
خوف من الفقد
خوف من الرفض
خوف من التعبير عن نفسها
جسمها بيدخل في حالة تهديد مستمر
وده بيأثر على جهازها العصبي… يخليها:
تنسحب
تسكت
تمشي على أطراف صوابعها
النور محتاج أمان…
والخوف بيطفي أي مساحة أمان جواها.

3. التضحية الزائدة (Self-Sacrifice)
التضحية في حد ذاتها مش غلط…
لكن لما تتحول لأسلوب حياة… بتبقى استنزاف.
لما الست تدي:
وقتها
طاقتها
مشاعرها
من غير حدود… ومن غير ما تاخد مقابل صحي
بتدخل في حالة اسمها الاحتراق العاطفي.
وفجأة تلاقي نفسها:
فاضية
مرهقة
ومش قادرة تدي حتى لنفسها
النور بيحتاج توازن…
مش تضحية مستمرة لحد ما تختفي.

الخلاصة:
الست مش "بتنور" عشان حد…
هي أصلًا نور.

بس:
التعلّق... بيخلّيها تنسى نفسها
الخوف... بيكمّم صوتها
التضحية... بتمسح حدودها
ولما التلاتة يجتمعوا…
النور بيبدأ يختفي واحدة واحدة.




#اكسبلور


في عالم بيطلب مننا نتحمل في صمت…😶 في ستات اختارت تواجه 👑في رحلتي مع العلاج النفسي…قابلت ستات أقوياء، شجاعاترغم الألم…ورغ...
02/04/2026

في عالم بيطلب مننا نتحمل في صمت…😶
في ستات اختارت تواجه 👑

في رحلتي مع العلاج النفسي…
قابلت ستات أقوياء، شجاعات
رغم الألم…
ورغم صِغر السن أحيانًا
ورغم عُمق الصدمات
لكنهم كانوا قد الاختيار
وقد الطريق
اللي بيمشي فيه الصفوة…
المختارات لكسر دائرة الصدمة العابرة للأجيال 💛

ممتنة لكل إمرأة قررت تحارب علشان نفسها
وتختار السلام بدل الهروب
إنتِ مش بس بتتعافي…
إنتِ بتقودي 💫

Address

Hurghada

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Saturday 9am - 5pm
Sunday 9am - 5pm

Website

Alerts

Be the first to know and let us send you an email when Farida Abd Elbary Psychotherapist posts news and promotions. Your email address will not be used for any other purpose, and you can unsubscribe at any time.

Shortcuts

Share

Category