الهدى للتحاليل الطبية

26/10/2025

تقريبا معظم الشعب عنده جرثومة المعده وميعرفش
جرثومة المعده وكيفية علاجها والوقايه منها 🌹💮✌
س - إيه هى جرثومة المعدة ؟
- ج - دى عبارة عن بكتريا تدخل الجسم عن طريق الاكل والشرب وتفضل عايشة جوه القناة الهضمية بتاعتك ( المعده) بيسموها الميكروب الحلزونى او جرثومة المعدة ( H.pylori ) ...
س - هل منتشرة بين الناس ولا محدودة فى ناس معينة ؟
ج - منتشرة جدا بينا كلنا .. تخيل مثلا لو عددنا ٩٠ مليون فى ٦٠ مليون معرضين للإصابة بيها ( حوالي تلتين السكان ) ..
س - طيب هل تعمل قرحة مع كل الناس ؟
ج - لا غالبا مش بتعمل مشاكل مع كل الناس لكن الناس اللى عندهم مشكلة فى المعدة زى التهاب هتعملهم قرحة ...
س - طيب بتدخل الجسم ازاى ؟
ج - بتدخل مع الأكل والشرب ..
- الأكل اللى مش نضيف او اللى مش مطبوخ كويس يعنى ني شوية ولذلك بتيجي لمعظم الناس اللى بياكلوا من المطاعم خصوصا لو مطعم مش نضيف او الأكل مش مطبوخ كويس ...
- الشرب طبعا اللى مش نضيف وطبعا مصر المية بتاعتها مليانه بكتريا عشان نظام الصرف عندنا داخل مع الرى ومع الشرب ...
س - طيب دخلت خلاص ها وبعدين بتعمل ايه فى المعدة ؟
ج - ممكن تفضل سنين فى جسمك بدون مشاكل وطول الفترة دى واحدة واحدة تبدأ تهاجم بطانة المعدة والأمعاء وتعمل تآكل فيها زى جرح كده فلما المعدة بتاعتك تفرز حمض ال HCL اللى بيهضم الأكل ( اللي هو تقريبا بيكون زي ميه النار ...ده وصفه )يقوم يروح على المناطق المجروحة دى ويعمل قرحة معدة ...
س - طيب لو انا عندى قرحة نتيجة جرثومة معدة هحس بإيه ؟
ج - هتلاقى عندك ألم فى بطنك ومعدتك فاضية وانت جعان ولما تاكل الألم يخف شوية ويرجع يجى تانى بين الوجبات ..
- دايما عندك انتفاخات وغازات ..
- دايما عندك تكريع ...
- هتحس بغثيان وممكن ارتجاع ..
- وزنك هيقل فجأة بدون سبب ...
س - ايه العلامات اللى اخاف منها الخطيرة ؟
ج - لو فى دم فى الموضوع ..
- سواء دم فى البراز احمر او البراز لونه اسود ..
- او لو رجعت دم ..
- او لو الالم على طول مش بيروح او حاسس بتعب شديد وتوهان ..
س - طيب إزاى اتأكد ان عندى جرثومة المعدة ؟
ج - باالتحاليل اعمل تحليل H.pylori سواء فى الدم او البراز ..
او الطريقة التانية بالمنظار ..
س - طلعت موجوده عندى ايه العلاج ؟
س - غالبا العلاج بيكون ١٤ يوم
بتبدأ .. بالعلاج الثلاثى ..
اوميبرازول ٤٠ مجم حبة قبل الفطار وقبل العشاء
مترونيدازول ٥٠٠ مجم صباحا ومساءا بعد الاكل
كلارثرومايسين ٥٠٠ مجم صباحا ومساءا بعد الأكل
كمل ١٤ يوم بنفس الجرعات
بعد ١٤ يوم كمل على الاوميبرازول بس ..
💐🌸وفيه حبوب هيليكيور بردو لعلاج الجرثومه وممتازة
س - امتى اعمل تحليل اتأكد راحت ولا لأ ؟
ج - بعد شهر من العلاج ..
س - طيب هل فى ادوية بتأثر على نتيجة التحليل ؟
ج - ايوه المضاد الحيوى لو بتاخدوا وروحت عملت تحليل هيطلع سالب عشان كده قبل ماتروح لازم توقف المضاد الحيوى اسبوعين على الاقل قبل ماروح ...
س - إزاى احمى نفسى وولادى من جرثومة المعدة ؟
ج - النظافة ثم النظافة ثم النظافة ...
- لما تدخل الحمام اغسل ايدك كويس وانت خارج ..
- قبل ماتاكل اغسل ايدك كويس ...
- الاكل يستوى كويس بلاش أكل نى وبلاش اكل مطاعم ..
- بلاش تشربوا من مية الحنفية او اشترى فلتر فى بيتك ينقى الميه ..
- بلاش عصبية او ضغط عصبى او تدخين او خمرة ...
س - طب ايه الاكل اللى ياكله مريض جرثومة المعدة ؟
ج - الصبح حليب بالعسل او ميه بالعسل على الريق ..
- وجبتك يكون فيها خضروات وفواكة وحبوب كاملة ...
- بالليل عشاء خفيف فيه علبة زبادى ...
- بلاش تاكل كتير مرة واحدة وكل وجبات صغيرة اكتر من مرة ..
- بلاش فواكة حمضية زى الليمون واليوسفى والبرتقال ..
- بلاش مقليات بزيادة او اكل مسبك بزيادة وملان دهون ...
- بلاش بهارات او حراق بزيادة
- بلاش شاى او قهوة خصوصا علي معدة فاضية ...
- ملحوظة
# متنسوش الرجوع لمختص قبل البدء بالعلاج
دمتم بصحة وعافيه
🔬......نسألكم الدعاء........أخصائي تحاليل طبيه ..احمد حداد نوفل ٠١١٥٠٤١٤٣٨٦ / ٠١١٤٧٦٠٤٢٧٦

05/10/2025

لما بتعمل تحليل الجلوكوز الصائم وتلاقيه طبيعي، بتكون مرتاح ومطمن إنك بعيد عن السكر
لكن فيه قنبلة موقوتة اسمها مقاومة الأنسولين ممكن تكون شغالة، ومش هتكشفها غير بتحليل:

مستوى الأنسولين الصائم (Fasting Insulin Level).

ما هو دور الأنسولين الصائم؟
الأنسولين هو الهرمون المسؤول عن إدخال السكر من الدم للخلايا. في مرحلة مقاومة الأنسولين، الخلايا تقاوم عمل الأنسولين، فتضطر البنكرياس إلى إفراز كميات كبيرة جداً من الأنسولين لخفض السكر.
تحليل الأنسولين الصائم يقيس هذا المجهود الزائد.

امتى يكون التحليل إشارة إنذار؟
إذا وجدت أن:
* قيمة الجلوكوز الصائم طبيعية أو شبه طبيعية.
* لكن قيمة الأنسولين الصائم مرتفعة (أعلى من 10-15 µU/mL مثلاً).

هذا يعني أن جسمك يبذل مجهودًا مضاعفًا (إفراز أنسولين بكميات كبيرة) للحفاظ على مستوى السكر طبيعيًا. أنت الآن في مرحلة مقاومة الأنسولين، التي تسبق الإصابة بالسكري بسنين، وهي مرتبطة أيضاً بالسمنة ومتلازمة تكيس المبايض (PCOS).
السكر طبيعي؟ ده بفضل مجهود جبار من الأنسولين اللي لو تعب هتدخل في السكري مباشرة!

توضيح هام:
كيف تعرف نسبة المقاومة بالضبط؟
لا يكفي فقط قياس الأنسولين، بل يجب حسابه مع السكر الصائم باستخدام مؤشر اسمه HOMA-IR (Homeostatic Model Assessment for Insulin Resistance).
* HOMA-IR = (الجلوكوز الصائم × الأنسولين الصائم) / 405
* إذا كانت قيمة HOMA-IR أعلى من 2.5، فهذا يؤكد وجود مقاومة أنسولين ويجب البدء فوراً في تعديل نمط الحياة أو العلاج.
#..موقف ميگروباص جزيرة محمد ١ ش الحاج حسين غراب خلف الشيخ ناصر الموان أمام سوبر ماركت الاوائل٠١١٥٧٣٦٩٦٤٢/ ٠١١٥٠٤١٤٣٨٦
ترخيص وزارة الصحه والمعامل المركزية رقم ١٢٥٦٠
سجل ضريبي ٢٢٧-١٧٩-٢٨٩

01/10/2025

🌎 مع حملة أطمن وطمنهم 🌍 نظرا لكثرة شكوى أولياء أمور الأطفال بعدم التركيز والفهم الجيد واللى بيكون أهم سبب هو الٱنيميا مع بداية الدراسة قررنا💉💉💉 معمل الهدى 🌡️🧪🩸 بموقف ميكروباص جزيرة محمد بعمل خصم على صورة الدم الكاملة يصل إلى ٧٠ % 🤔وعمل صورة الدم الكاملة CBC فقط ب ٤٠ جنية😱 لٱطفالنا بالمدارس 🐯
الخصم سارى من اليوم إلى الجمعه ٣ /١٠ فقط على الأطفال العنوان / معمل الهدى موقف ميكروباص جزيرة محمد خلف الشيخ ناصر الموان ٱمام سوبر ماركت الٱوائل
ت / ٠١١٥٧٣٦٩٦٤٢

29/06/2025

#الفيريتين #مخزون الحديد #
نقص الفيريتين، والذي يمثل نقصًا في مخزون الحديد في الجسم، يمكن أن يسبب مجموعة متنوعة من الأعراض مثل التعب، ضيق التنفس، شحوب الجلد، تساقط الشعر، وربما زيادة الرغبة في تناول أشياء غير غذائية مثل الطباشير أو التراب. يمكن أن يؤدي نقص الفيريتين أيضًا إلى مشاكل في التركيز والذاكرة، وحتى مشاكل في القلب مثل تسارع ضربات القلب.
#أعراض نقص الفيريتين:
التعب والإرهاق: الشعور بالتعب المستمر والضعف العام.
ضيق التنفس: صعوبة في التنفس، خاصةً أثناء المجهود.
شحوب الجلد: قد يلاحظ شحوب في الجلد ولون أصفر باهت، خاصة في الأظافر والشفاه.
تساقط الشعر: فقدان الشعر بكميات كبيرة، وقد يكون جافًا ومتقصفًا.
صعوبة التركيز والنسيان: مشاكل في التركيز والذاكرة.
آلام في الرأس: صداع مزمن ودوار.
تسارع ضربات القلب: الشعور بضربات قلب سريعة أو غير منتظمة.
#أعراض أخرى: قد تشمل أيضًا ألمًا في الساقين، طنين الأذن، تغير لون الجلد، حساسية الأظافر، وحتى مشاكل نفسية مثل القلق والاكتئاب.
#علاج نقص الفيريتين:
1. تغيير النظام الغذائي:
تناول الأطعمة الغنية بالحديد مثل اللحوم الحمراء، الدواجن، الأسماك، البقوليات، والخضروات الورقية الداكنة مثل الجرجير..الخ.
2. مكملات الحديد:
قد يصف الطبيب مكملات الحديد لزيادة مخزون الحديد في الجسم.
3. علاج الأمراض المسببة:
إذا كان نقص الحديد ناتجًا عن حالة مرضية أخرى مثل النزيف أو أمراض الجهاز الهضمي، يجب معالجة هذه الحالة أيضًا.
4. فحوصات منتظمة:
يجب إجراء فحوصات منتظمة لمراقبة مستويات الحديد في الدم والتحقق من استجابة الجسم للعلاج.

29/05/2025

15/05/2025

حج فلان، 45 سنة، مريض سكري بقاله 10 سنين، كان دايمًا ملتزم بقياس السكر، وكل ما يلاقيه مضبوط كان بيطمن، ويقول:
"طالما السكر كويس، يبقى مفيش مشاكل تانية!

لحد ما في زيارة روتينية، الدكتور طلب منه تحليل:
Albumin/Creatinine Ratio (ACR)
الحج استغرب:
"هو أنا عندي مشكلة في الكلى؟ ده تحاليل البول دايمًا سليمة!"

🟡 رد الدكتور كان واضح:

"يا حج، تحليل الشريط مش كفاية!
في حاجة اسمها ميكروألبومينوريا (Microalbuminuria) ده عبارة عن تسريب وظهور كميات صغيرة من الالبيومين في البول ، بمستويات أعلى من الطبيعي، ولكنها أقل من أن تُكتشف باستخدام شرائط الفحص الروتينية (Dipstick)، مش بتبان في تحاليل البول العادية ،
ودي أول علامة على إن الكلى بدأت تتأثر من السكر!"
فبتكشف بداية اعتلال الكلى في مرضى السكر
diabetic nephropathy
وده ممكن نلحقه بدري ونمنع تدهوره

🟡 ليه الميكروألبومينوريا مهمة؟

أول علامة مبكرة على اعتلال الكلى السكري (diabetic nephropathy)
لو اكتشفناها بدري، ممكن نوقف تدهور الكلى
مؤشر خطر لأمراض القلب
مرتبطة بارتفاع الضغط وسوء التحكم في السكر

🟡 طيب إيه هو Albumin/Creatinine Ratio (ACR)؟

المؤسسة الوطنية للكلى (National Kidney Foundatio - NKF) تعتبر نسبة الألبومين إلى الكرياتينين في البول من أهم الفحوصات للكشف المبكر عن أمراض الكلى، خاصة في الأشخاص المعرضين للخطر مثل مرضى السكري وارتفاع ضغط الدم.

هو اختبار معملي يُستخدم لقياس كمية الألبومين (نوع من البروتين) في البول مقارنةً بنسبة الكرياتينين، وهو ناتج طبيعي من عمليات العضلات.
في عينة بول ( تاني عينة بول صباحية أو عينة عشوائية )

🟡 ليه بنستخدم الكرياتينين؟
لأن تركيز البول يختلف حسب شرب الماء، يتم تصحيح تركيز الألبومين بكمية الكرياتينين للحصول على نسبة دقيقة.

🟡طيب ليه بنعمل تحليل ال ACR لو عندنا eGFR؟

لأن Microalbuminuria بيكشف عن ضرر مبكر في الكلى قبل ما eGFR يتأثر ، ممكن eGFR يكون طبيعي لكن الزلال في البول بدأ يظهر، وده إنذار مبكر خصوصًا لمرضى السكر والضغط.

🟡 إمتى نعمل التحليل؟

النوع التاني من السكري: من يوم التشخيص
النوع الأول: بعد 5 سنين من التشخيص
لو التحليل طلع طبيعي: مرة كل سنة
لو فيه ميكروألبومين: المتابعة بتكون حسب الحالة، وغالبًا بتتكرر كل 3–6 شهور مع بدء علاج.

🟡 مين لازم يعمل التحليل؟

🌱أي مريض سكر (النوع الأول بعد 5 سنين من التشخيص، والنوع التاني من أول يوم)
🌱مرضى ضغط الدم المرتفع
🌱أي حد عنده تاريخ عائلي لأمراض الكلى أو القلب

💡👈ولكن أظهرت الأبحاث الحديثة أن أي مستوى من uACR يتجاوز المعدل المطلوب يُعتبر عامل خطر للمضاعفات. ولهذا، أصبح يُطلق على أي مستوى يتجاوز 30 ملجم/جم مصطلح "ألبومينوريا" فقط، بدلاً من تقسيمه إلى ميكرو وماكرو.

🟡 شوية ملاحظات مهمة:🧪🧪

✅ يمكن لأيّ من العوامل التالية أن يؤدي إلى نتيجة أعلى من الطبيعي:

وجود دم في البول
الحُمّى
ممارسة الكثير من التمارين الرياضية قبل التحليل مباشرة
أمراض كلى أخرى
الجفاف
عدوى في المسالك البولية
بعض الأدوية :
السلفوناميدات (Sulfonamides)
الأسبرين (Aspirin - Bufferin)
الإيبوبروفين (Ibuprofen - Advil)
فينازوبيريدين (Phenazopyridine - Pyridium

✅✅✅ لو نتيجة التحليل طلعت إيجابية⬅️ لازم نكرر التحليل على 3 عينات مختلفة خلال 3 إلى 6 شهور، ونعتبر التشخيص مؤكد لو 2 من 3 طلعوا إيجابيين.

🟡 واخيرا .. طب إيه اللي حصل مع حج فلان؟

بعد ما اكتشف بداية اعتلال كلى، بدأ علاج للضغط، ظبط السكر أكتر، واخد أدوية تحافظ على الكُلى.
يعني باختصار... الكشف المبكر أنقذ كليته!

مع تمنياتي لكم بدوام الصحة
أخصائى تحاليل طبية
أحمد عبد النعيم نوفل
دراسات عليا فى التحاليل الطبية
كلية الدراسات العليا جامعة بنى سويف

03/05/2025

طفل جاله دور سخونية 🤒.. أمه راحت بيه على أقرب صيدلية..
- اللي واقف في الصيدلية اداله حقنة مضاد حيوي عضل 💉 ،،، بعدها بفترة القدم سقط لتحت ومفيش أي تحكم فيها و لا حركة..
حصل شلل في العضلات القابضة للقدم 😱..

⚠️تحذير جدا هام وخطير ...
خلوا بالكوا و ركزوا كويس..

😡🛑 مفيش طفل أقل من ٣ سنين ياخد حقن عضلي في الإليا لو لازم ياخد حقن يبقى فى عضلة الفخذ الامامية، لأن الحقن فى عضلة الإليا قد يسبب إصابة في عصب الطرف السفلي الأساسي "sciatic nerve injury" ممكن تاخد سنة و نص عشان ترجع لوضعها الطبيعي، وكمان ممكن يأثر على عضلات القدم ووظيفتها طول عمره ..

😡🛑 السادة العاملين بالمجال الطبي مفيش طفل أقل من ٣ سنوات ياخد حقن عضلي في الإليا خاصة لو نحيف أو عنده سوء تغذية ..

😡🛑 السادة أولياء الأمور مفيش حاجة اسمها الولد يسخن أوديه الصيدلية ياخد حقنة ، في حاجة إسمها دكتور متخصص ترجعله و تستشيره. صحة ولادنا مش رخيصة.

شير وعرفي حبايبك

20/04/2025

مطلوب أنسه للعمل بمعمل الهدى بموقف جزيرة محمد

10/04/2025

مطلوب انسه للعمل بمعمل الهدى للتحاليل الطبيه ..الاستعلام بالمعمل
موقف ميكروباص جزيرة محمد خلف الشيخ ناصر الموان

18/02/2025

ملحوظة هامة جدا
لو أكثر من واحد فى عائلة واحدة جالة جلطة ومتكررة وبالأخص الاخوات وجب عليهم عمل تحليل
Thrombophilia Screeening
وذلك بيكون بسبب مشاكل جينية ...ويجب أخذ علاج سيولة مدى الحياة لعدم تكرار الجلطة
الصورة لجذب الانتباه

29/01/2025

ويحتوي الخس على كالسيوم فى الأوراق الداخليه له

24/01/2025

تعريف بالمرض : كسل_ الغدة_ الدرقية هو :

مرض يصيب الغدة الدرقية فتصبح غير قادرة على افراز الهرمون الذي يدخل كل الخلايا في الجسم لتنظيم التمثيل الغذائي ، وهذا يؤثر على الانسان من الناحية النفسية والعضوية ،

والغدة الدرقية موجودة في الجهة الامامية من الرقبة على شكل فراشة ،

وتعتبر هذة الغدة منظم لحرارة الجسم فاذا زاد افراز الهورمونات من الغدة اصبح هناك نشاط زائد ،

واذا كان هناك قصور في الافراز اصبح هناك كسل في الغدة الدرقية .

الاعراض :
🛑السمنة وزيادة الوزن المفاجيء .
🛑 الكسل والخمول والرغبة في النوم والنسيان .
🛑تورم في الرقبة واللسان والجفنين والقدمين واليدين والوجه .
🛑قلة القدرة على تحمل الجو البارد .
🛑قلة القدرة الجنسية .
🛑 خلل في الدورة الشهرية .
🛑 تساقط الشعر في الرأس والحاجبين وتقصف الاظافر .
🛑 جفاف وسماكة في الجلد وتنميل في الجلد .
🛑قلة التبول .
🛑ظهور افرازات حليب من الثدي .
🛑 ظهور لون برتقالي مصفر في اليدين .
🛑 ضعف العضلات .
🛑خفقان في القلب .
🛑زيادة نسبة الكوليسترول في الدم .
🛑دوار ودوخة قد تصل الى فقدان الوعي .
🛑 انخفاض في الضغط وانخفاض في النبض .
🛑 امساك مزمن .
🛑 فقدان الشهية .
🛑ط ظهور بثور صفراء في الجفنين .
🛑 تغير صوت المريض .
◼️ الاسباب :
التهاب في الغدة الدرقية .
اسباب مرضية وراثية .
التهاب مؤقت في الغدة الدرقية ناتج عن الولادة .
نقص مادة اليود في الجسم .
مرض هاشيموتو هو احد اسباب كسل الغدة الدرقية

❤️