https://www.facebook.com/110408921735665/

Dr Ahmed Abdelaziz pharmacy صيدلية د/ أحمد عبدالعزيز, تقاطع شارع رضا مع الخير و البركة في الشارع المقابل لهايد أوت كافيه, Ismailia (2026)

28/12/2025

متوفر الآن دوفالاك شراب و بأي كمية 💚

للتواصل: 012 10210960

العنوان📍: تقاطع الخير و البركة مع شارع رضا بجوار سوبر ماركت العدوي

27/12/2025

لكل عملائنا الكرام ♥️

رجاء شخصي لكل حد هيشرفنا بطلب أي اوردر من الصيدلية سواء دليفري او هينورنا في الصيدلية

يا ريت تحتفظوا بكيس الصيدلية و مترموهوش في الشارع لانه مكتوب عليه اسم من أسماء الله الحسني ( العزيز )

من باب و تعاونوا على البر و التقوى ♥️

17/08/2025

متوفر الآن
حقن ابيفاسي 💚

10/06/2025

كل عام و حضراتكم بخير ♥️

في عدد من فاعلين الخير تبرعوا بأدوية مجانية لغير المقتدرين ماديا

الأدوية متنوعة في منها المسكنات و الڤيتامينات و أدوية المعدة و الحساسية و النقرس و أدوية أخرى

الأدوية موجودة في الصيدلية كلها مجانية ما عليك غير انك تنورنا في الصيدلية تاخدها أو حتى تتصل بينا نبعتهالك

01210210960

* سبب كتابة البوست مش الشو و مش حابين نسيب الادوية عند جمعيات خيرية مثلا ممكن الدواء يتركن عندها فترة لحد ما صلاحيته تنتهي….احنا عايزين نضمن ان كل الدواء طلع ووصل للمستحقين و مفيش حاجة منه اتركنت عشان كدا كتبنا البوست لسهولة الانتشار و تعريف الناس

18/05/2025

هنتكلم النهاردة عن حاجة كلنا عارفينها الا و هي الاوميجا 3 بس اللي اغلب الناس متعرفهوش هي فوائدها الكبيرة جدا بخلاف موضوع تحسين الذاكرة

الاوميجا 3 هي عبارة عن دهون صحية ليها تأثير ايجابي على حاجات كتير جدا داخل جسم الانسان و للاسف الجسم لا ينتج منها كميات كافية عشان كدا لازم لازم نحصل عليها من مصدر خارجي زي الاكل او الفيتامينات و تنفع للاطفال و الكبار على حد سواء

- الاوميجا 3 زي ما كلنا عارفين هي بتحسن من الذاكرة و مش بس كدا لا هي بتحسن من صحة المخ عموما و الحالة النفسية كمان و دا لان اكتر مكانين هي بتترسب فيهم داخل الجسم هما المخ و العين

- اوميجا 3 مفيدة جدا للعين بتحافظ عليها من الارهاق و الجفاف

- هي حارق قوي جدا للدهون خصوصا الدهون الثلاثية و الكوليستيرول الضار فبالتالي يعني صحة شرايين افضل فبالتالي يعني صحة قلب افضل فتستخدم للوقاية من امراض القلب و تصلب الشرايين و تساعد على العلاج كمان و خفض نسبة الكوليستيرول الضار

- بعض الدراسات مؤخرا ربطت بين الاوميجا 3 و الوقاية من الاصابة بسرطان الثدي لدى السيدات خصوصا في السيدات اللي عامل الوراثة عندهم في العائلة عالي بالنسبة لسرطان الثدي و دا لاحتوائها على كميات كبيرة من ال ( lignans )

- اوميجا 3 هو مضاد للالتهابات بالتالي يدعم صحة المفاصل و العظام و بتحسن من مناعة الجسم

- طب موجودة فين الاوميجا 3 ؟ موجود بكميات كبيرة جدا في السمك خصوصا سمك السردين و السالمون و التونا و لكن هتقابلنا هنا مشكلة بقى ان انواع السمك دي فيها تركيزات عالية بردو من الزئبق و دا عنصر ممكن يسبب تسمم و مخاطر تانية

- ف الأصح و الأسلم انك متعتمدش على انواع السمك دي للحصول على اوميجا 3 يعني ممكن تاكل منها مرة واحدة بس في الاسبوع و تحصل على الاوميجا 3 عن طريق الفيتامينات الموجودة في الصيدليات و اللي بتبقى خالية و منقاه من الزئبق

لو حد حابب نتكلم عن حاجة معينة المرة الجاية يكتبلنا في الكومنتات ♥️

16/05/2025

موضوع النهاردة غريب شوية و يمكن اول مرة تبقى هتسمع المعلومات اللي بتتقال فيه بس هو يستحق المجهود اللي احنا عملناه في البحث عن المعلومات لانه في الحقيقة ( كنز )

كلامنا النهاردة عن حمض أميني بينتج بشكل طبيعي داخل جسم الانسان و اسمه ( الجلوتامين )

الجلوتامين هو اكثر الاحماض الامينية وفرة في جسم الانسان بنسبة تصل ل 60%

طيب فايدته ايه الجلوتامين دا بقى ؟ اتفضل عد معايا

1) اهم حاجة بيعملها هو انه بيدعم و يساعد و يحسن من صحة المعدة احسن من اي منتج تاني داخلي او خارجي
2) الجلوتامين هو اللي بيحافظ على توازن نسب ال ( microbiomes ) في المعدة ...و الميكروبيومز دول هما البكتريا النافعة و اللي بتساعد على هضم الاكل و كمان تصنيع بعض الفيتامينات و الاحماض الامينية و البروتينات.
3) بيساعد على زيادة كثافة الامعاء الدقيقة و ( لو متعرفش فالامعاء الدقيقة هي خط الدفاع التاني للجسم امام الامراض ) و بالتالي يرفع من كفاءة الجسم لمحاربة الامراض بمختلف انواعها فبالتالي يرفع المناعة
4) كمان بيساعد على تقليل الاتهابات في حالات تهيج المعدة الشديد او ارتجاع المرئ او التهاب القولون التقرحي

5) جبار جدا يا جماعة.... وجد العلماء انه بيحسن من الحالة النفسية و المزاجية لان المعدة مرتبطة بالمخ عن طريق ال (vagus nerve) العصب الحائر...فأي التهاب او مرض في المعدة او اختلال في توازن البكتريا النافعة ممكن يؤدي لتغيير الحالة المزاجية للأسوأ بل ممكن الموضوع يتطور لاكتئاب لو طول

6) لو بتنزل چيم...الجلوتامين لا يقل اهمية عن الكرياتين او البروتين سابلمنت اللي انت بتاخدهم...الجلوتامين بيدعم تطور العضلات بشكل كبير و كمان بيحسن من الrecovery

7) في 2015 العلماء عملوا دراسة على 33 شخص مصاب بالسمنة المفرطة و ادوهم جلوتامين لمدة 14 يوم و بعدها لاحظوا انخفاض كبير جدا في معدل السمنة المفرطة عندهم

8 ) الجلوتامين مع انه بيفرز طبيعي داخل الجسم الا اننا محتاجين ناخده من الطعام او من المكملات لانه معرض على طول للتكسير كل ما تزيد نسبة ال stress اللي بنتعرضلها...الجرعة الموصى بيها للجلوتامين هي 5 جرام من مرتين ل 3 مرات في اليوم على معدة فاضية...لك ان تتخيل ان 5 جرام جلوتامين دي موجودة في نص كيلو لحمة فعشان كدا مكملات الجلوتامين هي افضل و اوفر طريقة تحصل بيها على الجلوتامين

من الاخر الجلوتامين هو الحل السحري لكل حاجة تقريبا😂♥️

لو استفادت معلومة ادعمنا بلايك و فولو للبيدج ♥️

15/05/2025

تعالى نفهم مع بعض واحدة واحدة كدا ليه أدوية الاعصاب زي الميلجا و غيرها بيتقال عليها اسم ( بي كومبلكس أو بي 12 ) و هل هي فعلا مفيدة في علاج الام الاعصاب ولا لا و هل بتعالج حاجات تانية غير الام الاعصاب ولا لا

اهم حاجة بس اقرا لاخر البوست لان اهم حاجة هتتقال في الاخر

بتتسمى " ب كومبلكس " لانها بتتكون من مجموعة من الفيتامينات كلها بتبدأ بحرف ال ب و اللي هما ب1 و ب6 و ب7 و ب9 و ب12 و أشهرهم ب12 عشان كدا ممكن تلاقي حد بيقول عليها ب 12 بس

1) فيتامين ب1 دا اسمه ثيامين و هو بيدخل في عملية تحويل الاكل اللي احنا بناكله لطاقة فيديك باور تقدر تكمل بيه يومك لو مرهق او تعبان
2) فيتامين ب6 و اللي اسمه بيريدوكسين و دا بيحافظ على سلامة و صحة المخ و الجهاز العصبي و الجهاز المناعي و اللي بعض الدراسات ربطته بتحسين المزاج عن طريق انه بيحسن عموما من صحة المخ و الجهاز العصبي المركزي و كمان بيعالج بعض انواع الدوخة

3) فيتامين ب7 و اللي هو البيوتين و دا بيساعد الجسم على هضم الاكل بمختلف انواعه و كمان له تأثير كبير على صحة الاظافر و الشعر و البشرة و الاعصاب
4) فيتامين ب9 اللي بيتقال عليه فوليك اسيد و حدث ولا حرج عن فوايده المتعددة زي انه مسئول عن انتاج كرات الدم الحمراء فيتاخد مع فيتامين الحديد لعلاج الانيميا و كمان مسئول عن نمو الخلايا عشان كدا ضروري جدا الحوامل ياخدوه اثناء فترة الحمل
5) فيتامين ب 12 و دا البابا بتاعهم اللي أهميته بتكمن ان هو المسئول عن بناء جدار الخلية العصبية و بالتالي تقوية العصب نفسه و علاج التهابات الاعصاب

كل فيتامين لوحده له كم هائل من الاستخدامات...طب تخيل كل دول لو اجتمعوا في دواء واحد يا ترى هيعملوا ايه ؟

اولا كل فيتامين هيشتغل شغله عادي خالص كل واحد لوحده

و لكن بقى و الاهم من كل دا و ركز معايااااااا

ان العلماء وجدوا ان فيتامين ب6 و ب9 و ب12 لما يتاخدوا مع بعض في دواء واحد بيقللوا من ارتفاع حمض اميني في الجسم اسمه ( هوموسيستين homocysteine ) الحمض الاميني دا خطورته في ايه ؟ انه لما نسبته تزيد في الجسم بيبقى مرتبط بأمراض القلب زي الجلطات و تصلب الشرايين و الازمات القلبية

فالعلماء وجدوا ان الاشخاص اللي بيقى عندهم نقص في فيتامين ب6 و ب9 و ب12 ( و اللي بالمناسبة سهل جدا تعرف انت عندك نقص فيهم ولا لا ) بيبقوا اكثر عرضة لارتفاع نسبة الهوموسيستين في الجسم و بالتالي تزيد فرصهم في الاصابة بأمراض القلب

عشان كدا مهم جدا جدا جدا ناخد الادوية اللي بتحتوي على فيتامين بي كومبلكس و من رحمة ربنا بينا ان الفيتامينات دي بتدوب في المياه في جسمنا فالزيادة منها بتنزل مع البول يعني محدش ممكن يجيله تسمم منها الحمد لله

14/05/2025

ديرماتيك غسول ✅
كليو مرطب 💙

اشتري واحدة و احصلي على التانية مجانا 🤭♥️

==========================

📌 العنوان:

تقاطع الخير و البركة مع شارع رضا في الشارع المجاور لسوبر ماركت العدوي

للتواصل: 01/210/210/960 📞

يوجد خدمة توصيل منزلي خلال دقائق ⏱

14/05/2025

كل المنتجات اللي في الصورة دي عليها عرض اشتري قطعة و احصلي على التانية مجانا 🤭♥️

اختاري عرض الرول اون اللي يعجبك منهم ♥️

Bessline ✅
Infinity ✅
Azha ✅
Drakon ✅
Melatex ✅

13/05/2025

عمرك شوفتي المنتجين دول في صورة واحدة قبل كدا ؟ مظنش 🤭

لانك لأول مرة هتشتري واحد فيهم و تاخدي التاني هدية 🔥🔥

اشتري سيراڤي غسول و هتاخدي عليه ماليندا مرطب هدية 🤷🏻‍♂️

ازاي ؟ كداهوه 😂♥️

=================================

CeraVe, Foaming Facial Cleanser, For Normal to Oily Skin ✅

‎ سيرافي غسول للبشرة المختلطة العادية للدهنية

‎• لنوع البشرة المحير اللي مش لاقيين له غسول يناسبه 💦☁️

‎💦 غسول راااائع مضاد لتكون الحبوب وتراكم الدهون والأوساخ داخل مسام البشرة 💦

‎• مطور من قبل أطباء الجلدية 😻

‎• ينظف ويزيل الدهون من دون الإضرار بالحاجز الواقي للبشرة ☁️☁️

‎• معزز بـ ٢ سيراميدات أساسية، نياسيناميد وحمض الهيالورونيك 🤩

‎• مضاد للمعان 🌟🌟

‎• لطيف على البشرة ☺️

‎• غير منشف للبشرة 😍😍

‎مطور من قبل أطباء الجلدية بتركيبة فريدة من 3 سيراميدات أساسية -بحيث ينظف ويزيل الدهون من دون الإضرار بالحاجز الواقي للبشرة.

‎• الرغوة الناتجة تنعش وتنظف برفق ☁️🥰🥰

‎• لا يسبب البثور (لا يسد المسام أبدا) بل على العكس ينقي البشرة وينعشها.

‎• يساعد النياسيناميد على تهدئة البشرة لذلك إذا كانت لديك بشرة حساسة فهذا الغسول هو المناسب لكي 😻

‎• خالٍ من العطور لتفادي التهيج من العطور 🌟

‎مناسب للبشرات المختلطة للدهنية☺️

===========••••••••••••••

‏Malinda Cream 🌸✨
الحل المثالي لترطيب البشرة الدهنية والمختلطة!

✅ ترطيب يدوم حتى 48 ساعة بفضل Nano Hyaluronic Acid اللي يوصل الترطيب لأعمق طبقات الجلد.

✅ تفتيح وتهدئة البشرة مع Niacinamide اللي يقلل الالتهابات وينعّم المسام.

✅ يحتوي على أحماض AHAs وBHAs لإزالة خلايا الجلد
الميتة وتجديد البشرة.

خالٍ من العطور والكحول والبارابين، ومناسب حتى للبشرة الحساسة.
وكمان بيساعد في تقليل الحبوب البسيطة والمتوسطة 🌟.
بشرة ناعمة وصحية مع Malinda Cream 💧💙!

12/05/2025

حبايبنا الحلوين ركزوا معانا كويس اوي 💛

البوست هيفضل مفتوح عليه التعليقات لحد قبل الماتش بساعة يوم الجمعة ان شاء الله💛💙

اللي هيتوقع نتيجة الماتش المصيري الجاي للدراويس صح هيكسب معانا هدية قيمة جدا من الصيدلية 🔥🔥

و مش بس كدا لا هنختار كمان أربع أشخاص من الكومنتات عشوائي و هيفوزوا معانا بأربع جوايز 🔥🔥

التوقعات و الفوز بالجوائز في حالة فوز الاسماعيلي فقط لان لا بديل عن الفوز 💛💙

الشروط بسيطة خالص :
———————————
١) التوقع صحيح في حالة فوز الاسماعيلي فقط 💛💙
٢) تكون عامل لايك و فولو للصفحة ( مهم ) 💙
٣) تعمل شير للبوست عشان يوصل لاكبر عدد من الناس 💛

الله
الوطن
الدراويش 💛

11/05/2025

درجة الحرارة ٤١ في الضل و لسة مدخلناش في الصيف رسمي 😱😱

عشان كدا وفرنالكوا اقوى عرض للصيف و درجة الحرارة الصعبة دي 🥶🥶

انفنتي صن بلوك چل و عليه انفنتي غسول + انفنتي رول اون هدية 🔥🔥🔥🔥

يعني اشتري قطعة و احصلي على القطعتين التانيين مجانا 🔥🔥🔥

و كل دول بأقل من ٣٥٠ جنيه 😱🔥

احمي بشرتك و انقذي نفسك من حر الصيف ♥️

Dr Ahmed Abdelaziz pharmacy صيدلية د/ أحمد عبدالعزيز

28/12/2025

27/12/2025

17/08/2025

10/06/2025

18/05/2025

16/05/2025

15/05/2025

14/05/2025

14/05/2025

13/05/2025

12/05/2025

11/05/2025

Address

Telephone

Website

Alerts

Shortcuts

Share

Category