مركز السجاعي للعلاج الطبيعي

15/02/2026

لو فاكر إن الدايت يعني حرمان أو أكل ممل 😑
يبقى لسه مجربتش ملك البقوليات "الترمس"
اللي لازم يكون رفيقك في رحلة الوزن المثالي‼️....لأنه👇👇

✅️وحش البروتين⬅️ بينافس اللحوم في نسبة البروتين، يعني عضلات أقوى وحرق أسرع

✅️قاهر الجوع ⬅️الألياف اللي فيه بتخليكي تحسي بشبع "وهمي" لفترات طويلة

✅️صديق السكر⬅️مثالي جداً لو بتعاني من مقاومة الإنسولين أو تكيسات المبيض لأنه مش بيعلي السكر فجأة

​💡نصيحة
جربوا تعصروا عليه ليمون ورشة كمون، وابعدوا عن الملح الكتير عشان جسمك ميتعبش من تخزين المياه..

وبالهنا والشفا🥰🥰

12/02/2026

10/02/2026

إزاي تطبطب على قولونك؟ 🛋️✨
​بعد ما عرفنا إيه اللي "بيكهرب" القولون وبيزعل المخ الثاني، جه وقت الحل! إزاي تاكل وتشبع من غير ما تحس بـ "بالونة" في بطنك؟ 🎈🚫
​🥗 أكلات "صديقة" للقولون (دلع أمعاءك):
✅️البروتين الخفيف: سمك مشوي، صدور دجاج، أو بيض مسلوق.. أكل سهل الهضم ومبيعملش مجهود ولا "زحمة" في أمعائك 🍗🐟
✅️الزبادي والرايب: دول أبطال الـ Probiotics، اللي بيبنوا جيش من البكتيريا النافعة عشان يرجعوا التوازن لبطنك من تاني 🥛🦠
✅️الخضروات الهادية: الجزر، الكوسة المطبوخة، والخيار (المقشر).. أليافها ناعمة ومريحة جداً🥕🥒
✅️الفواكه الآمنة: الموز، الفراولة، الكيوي، والبرتقال.. سكرها خفيف ومش بتتخمر بسرعة🍓🥝

​☕ المشروبات "السحرية" (صيدلية طبيعية):
1️⃣النعناع: ملك الاسترخاء لعضلات القولون المنقبضة🌿
2️⃣الينسون والشمر: أقوى طارد طبيعي للغازات ومريح للنفخة ✨
3️⃣الزنجبيل: "صديق الهضم" الأول، بيقلل الالتهاب وبيسرع حركة المعدة 🫚

​💡 نصائح ذهبية لراحة يومية⬇️
​1️⃣ قاعدة الـ 5 وجبات:
كل وجبات صغيرة على مدار اليوم عشان متضغطش على القولون مرة واحدة وتعمله "صدمة" 🍽️
2️⃣ المضغ البطيء:
امضغ الأكل لحد ما يبقى زي العصير في بقك.. ريح معدتك في الهضم، وهي تريحك في الإخراج
3️⃣ شرب الميه:
هي "الزيت" اللي بيمشي المكنة، أساسية جداً عشان تحمي نفسك من الإمساك💧
4️⃣ كن طبيب نفسك:
القولون "بصمة"، اللي بيتعب غيرك ممكن يريحك. ابدأ لاحظ أكلك وسجل في نوتة صغيرة إيه الأكلات اللي ريحت أمعاءك وإيه اللي قلقتها، عشان تعمل "كتالوج" خاص بيك📝🔍

​من الآخر كده القولون محتاج "دلع"🥰 مش حرمان.. اسمع لجسمك واختار اللي يريحه😊

08/02/2026

كلنا عارفين إن الشتا يعني سحلب، والدفا مبيكملش من غير الكوباية الكريمي دي. بس السؤال اللي بيحيرنا كل شتا: لو شربته، هبوظ الدايت؟ 🧐

​الحقيقة هي إن السحلب "مظلوم".. المشكلة مش فيه، المشكلة في "الإضافات" اللي بنحطها عليه.
​📊 الحسبة ماشية إزاي؟
🔸️كوباية سحلب "عادية" (لبن كامل دسم + سكر كتير + مكسرات): ممكن تدخل في 300 سعر حراري (يعني وجبة فطار كاملة في كوباية!)
🔸️كوباية سحلب "ذكية" (بالطريقة الصحية): مش هتعدي الـ 100 سعر حراري

​🛠️ إزاي نعمل "سحلب دايت" يدفينا من غير تأنيب ضمير؟
​بدل ما نمنع السحلب، نغير "التوليفة" بتاعته👇
🥛اللبن⬅️ استبدل اللبن كامل الدسم بلبن (خالي الدسم) أو لبن (لوز/جوز هند) لو عايزة سعرات أقل بكتير
🍬التحلية⬅️ودع السكر الأبيض واستخدم ستيفيا أو أي سكر دايت، وممكن رشة قرفة بتدي طعم مسكر طبيعي
👌القوام⬅️قلل كمية بودرة السحلب واستمتع بقوام أخف شوية بس أضمن بكتير لمستوى الإنسولين.
⚘️التزيين⬅️ بلاش جوز هند وزبيب كتير..رشة قرفة أو حبتين لوز كفاية جدًا.
​⚠️ مين لازم ياخد باله؟
​لو بتعمل Keto أو Low Carb، للأسف السحلب مش هيكون أنسب حاجة ليكم... البديل الأفضل هيكون كاكاو خام

​💡أفضل وقت نشرب فيه السحلب هو بعد وجبة فيها بروتين وألياف، عشان نحافظ على ثبات سكر الدم ومنحسش بالجوع بعدها بساعة..

​📌 الدايت مش حرمان، هو "إدارة" للي بنشربه وبناكله...
استمتع بشتاك.. بس بذكاء! 🤍

05/02/2026

السمسم "كنز" صغير جداً في الحجم، بس مفعوله وتأثيره على الصحة جبار! لو فاكر إن مكانه بس فوق رغيف العيش أو في الطحينة، فالمعلومات دي هتغير رأيك تماماً😉

​🦴 أقوى من اللبن للعظام!
تخيل إن معلقتين كبار من السمسم فيهم كمية كالسيوم تفوق اللي موجودة في كوباية لبن! لو عاوز تحمي نفسك من هشاشة العظام وتقوي أسنانك، السمسم هو الحل الطبيعي الأسرع

​❤️ صديق القلب والشرايين
السمسم غني بـ الدهون الصحية (الأوميجا 6) ومواد اسمها "سيسامين"، ودول دورهم إنهم يقللوا الكوليسترول الضار في الدم ويحموا الشرايين من التصلب

🩸توازن الهرمونات
​للسيدات، السمسم بيحتوي على "فيتواستروجينات" طبيعية بتساعد في توازن الهرمونات، وبتقلل من أعراض انقطاع الطمث أو آلام الدورة الشهرية.

​💇🏻‍♂️ سر المظهر الصحي (بشرة وشعر)
1️⃣للشعر: بيحفز الدورة الدموية في الفروة ويقلل التساقط.
2️⃣للبشرة: غني بـ فيتامين E وزنك، ودول بيحافظوا على مرونة الجلد ويحموه من علامات التقدم في السن.

​💡 إزاي نستفيد منه صح؟
✅️التحميص الخفيف⬅️ بلاش تحرقه، تحميص بسيط بيطلع الزيوت الطيارة ويسهل امتصاص المعادن.
✅️المضغ الجيد⬅️ لازم يمضغ كويس عشان جسمك يمتص اللي جواه، أو اطحنه وضيفه على السلطة، الزبادي، أو الشوفان
✅️زيت السمسم ⬅️مساج بسيط بزيت السمسم الدافي على مفاصلك بيقلل الالتهابات بشكل ملحوظ.

​⚠️ ناخد بالنا برغم فوايد السمسم الجبارة ، الا انه عالي السعرات (المعلقة الكبيرة فيها حوالي 50 سعرة)، فخلينا نعتدل في استخدامه (معلقة لـ 2 في اليوم كفاية جداً)😉

03/02/2026

تخيل إن حوالي 90% من هرمون السعادة (السيروتونين) مش بيتفرز في مخك‼️.. لكنه بيتفرز في أمعائك! 😱
القولون مش مجرد عضو للهضم ...ده جهاز عصبي متكامل مربوط بمخك بـ "واير" مباشر.. عشان كده بنسميه "المخ الثاني" 🧠⚡️

​القولون العصبي مش مجرد "وجع بطن" 😫
لما بنقول "قولون عصبي".. إحنا بنوصف حالة من اللخبطة في التواصل بين مخك اللي فوق ومخك اللي في بطنك. أول ما تتوتر، القولون يشد.. ولما القولون يلتهب، مودك يتغير وتحس بخمول وقلق📉😔

​❌ طيب إيه اللي "بيكهرب" القولون ده وبيخليه يقلب علينا؟
😡عادات مستفزة
الأكل بسرعة وبلع الهوا... وشرب الكافيين (قهوة وشاي) على معدة فاضية. 🏁
​😴 لخبطة النوم
القولون له "ساعة بيولوجية" زي مخك بالظبط... السهر وعدم انتظام النوم بيعمل إرباك لحركة الأمعاء، وبيقلل من قدرة القولون إنه ينظف نفسه، فتبدأ تحس بالثقل والانتفاخ من أول ما تصحى 🥱
​🍎 فخ الفواكه "الصحية"
مش كل الفاكهة أصحاب! أنواع زي (التفاح، المانجو، والبطيخ) فيها سكر فركتوز عالي بيتخمر وبيدخلك في دوامة غازات💨
​🍟 المقليات والدهون
الدهون التقيلة بتبطئ الهضم وتخلي الأكل "يركن" في الأمعاء، وده بيخلي البكتيريا تطلع غازات أكتر بكتير من الطبيعي🍗
​
​💡مهم جدا تعرف انه قولونك بيسمع لكل كلمة بتفكر فيها، وبيتأثر بكل ساعة نوم بتضيع منك.. هو مش بس بيهضم أكل، هو "بيترجم" أسلوب حياتك📝

​⌛️ في البوست الجاي، هنقولكم إيه هي "الروشتة الغذائية" اللي تطبطب على مخك الثاني وتريحه تماماً من الانتفاخ والوجع.. استعدوا! ✨

31/01/2026

لو فاكر إن "الحلبسة" مجرد مشروب!!! ففايتك كتير...
الحمص ده عبارة عن سوبر فود (Superfood) حقيقي مستخبي في كوباية، وبدل ما نعتبره "سناك" عادي، هو في الحقيقة وجبة متكاملة لو عرفنا نستخدمه صح🥣

​💎 ليه الحمص "كنز" في نظامك الغذائي؟
✔️شبع لساعات: بفضل ميكس (الألياف + البروتين النباتي) اللي بيخليك مش محتاج تلقط في الأكل كل شوية
✔️صديق السكر: كربوهيدرات معقدة ...يعني طاقة هادية من غير "سبايك" 📈في الأنسولين
✔️منجم معادن: حديد وزنك وماغنسيوم (يعني مناعة وشعر وصحة أعصاب)

​🥗 حمص الشام والدايت (المعادلة الصعبة)
​عشان تستفيد منه من غير ما وزنك يزيد، ركز في النقط دي👇👇
1️⃣لو بتعمل دايت متوازن ⬅️هو اختيار عبقري كسناك مشبع وسط اليوم
2️⃣لو عندك مقاومة إنسولين أو تكيسات⬅️ الحمص مسموح جداً، بس السر في "الكمية"
⚠️ (نص كوباية كفاية جداً، ويفضل قبلها تكون واكل بروتين)
3️⃣ممنوع في الكيتو⬅️للأسف الحمص عالي الكربوهيدرات فمش هيناسب نظام الكيتو

​🍋 إزاي تشرب كوباية حمص "مثالية"؟

​نيجي للمفيد بقى😉 عشان تاخد الفايدة من غير أضرار (انتفاخ أو أملاح)
👌التحضير: لازم يتنقع فترة كافية ويتسلق كويس جداً
👌التتبيلة السحرية: كتر كمون (عشان الهضم)، ولمون (عشان يزود امتصاص الفوايد)، ورشة شطة (لتحفيز الحرق)
👌ابعد عن: الصلصة المعلبة الجاهزة أو النكهات الصناعية زي المرقة (مليانة صوديوم)
​
​❄️الشتا بيحب الأكل... بس الذكاء إننا نختار الأكل اللي "يدفينا ويشبعنا" من غير ما يزودنا ✅
​قولولنا.. بتحبوا حمص الشام "مشطشط" ولا بالليمون أكتر؟ 🌶️🍋

28/01/2026

الهوت شوكليت 🍫☕️مش مجرد مشروب دافي
ده كنز صحي بس لو اتعمل صح 👇

🔹 كاكاو خام = مضادات أكسدة عالية جدًا
يساعد في تقليل الالتهابات، محاربة الإجهاد التأكسدي ودعم المناعة
🔹 يحسن المزاج ويقاوم الاكتئاب
الكاكاو بيحفز إفراز السيروتونين والدوبامين
يعني مزاج أهدى ونفسية أحسن بدون سكر مضر
🔹 يدعم صحة القلب والمخ
يساعد على تحسين تدفق الدم وتقوية التركيز
🔹 بديل صحي للحلويات
يسد الرغبة في السكر من غير ما يدمر الدايت

🔥 طريقة عمل هوت شوكليت صحي 100%
المكونات🍴
🔹️كوب لبن (قليل الدسم أو نباتي)
🔹️1 ملعقة صغيرة كاكاو خام غير محلى
🔹️محلي طبيعي حسب نظامك
(ستيفيا / عسل خام / تمر مطحون)
🔹️رشة قرفة أو زنجبيل
🔹️رشة ملح (سر توازن النكهات والطعم 👀)

الخطوات 👇👇
1️⃣ نسخن اللبن
2️⃣ نضيف الكاكاو ونقلب كويس جدًا
3️⃣ نحلي بالمحلي الطبيعي
4️⃣ نضيف القرفة ورشة الملح وممكن نزود حاجة بسيطة من خلاصة النعناع أو الفلفل الحار..انت ومزاجك بقى😉
5️⃣ اشربوه سخن واستمتعوا بإحساس الدفا الحقيقي 🔥

⚠️ مهم جدًا⬇️
الهوت شوكليت الصحي
❌ من غير كريمة
❌ من غير شوكولاتة جاهزة
❌ من غير سكر أبيض

🌸🌸وقتها هتكون كل رشفة من احلى هوت شوكليت = صحة + طاقة + راحة + سعادة

25/01/2026

يعني إيه روماتويد؟ 🤔
ببساطة، هو "تمرد" من جهاز المناعة؛ بدل ما يحميك، بيبدأ يهاجم مفاصلك... لو سبناه من غير سيطرة، مش بس بيوجع المفاصل، ده ممكن يتعب القلب والعيون كمان.

​🚩 علامات بتقولك "خلي بالك"
1️⃣وجع وتورم في الإيد، الركبة، أو الرسغ.
2️⃣ تيبس بيستمر أكتر من ساعة أول ما تصحى.
3️⃣إرهاق مستمر تحس إن طاقتك مخلصانة من أقل مجهود.
4️⃣سخونية خفيفة وفقدان شهية مفاجئ.

​🥗 هل الأكل بيعالج الروماتويد؟
​بكل صراحة: الأكل مش بديل للدواء.. لكنه "سلاحك السري"! 💪
النظام الغذائي الصح بيقدر👇👇
🔹️يطفي نار الالتهاب في جسمك.
🔹️يقلل عدد نوبات الألم وقوتها.
🔹️يخلي حركتك أخف وأحسن.

​✅ قائمة "صديقة المفاصل"
🐟 أوميجا 3: (سلمون، تونة، سردين) "زيت محرك" طبيعي لمفاصلك.
🫒 دهون ذكية: زيت زيتون بكر، أفوكادو، وبذور الكتان.
🥦 مضادات أكسدة: بروكلي، توت، رمان، وورقيات خضراء.
✨ بهارات ذهبية: الكركم والزنجبيل (صيدلية طبيعية ضد الالتهاب).

​❌ قائمة "أعداء المفاصل" (ابعد عنها):
🍭 السكر الأبيض والحلويات (وقود الالتهاب).
🥐 الدقيق الأبيض والمخبوزات.
🍟 المقليات والزيوت المهدرجة.
🥩 اللحوم المصنعة والمشروبات الغازية.

​🎀نصيحتنا ليكم
🔹️وزنك هو عدوك الأول: كل كيلو زيادة بيضغط على مفاصلك، نزول الوزن نص العلاج.
🔹️المكملات مش فيتامينات عشوائية: (أوميجا 3، فيتامين D، كالسيوم) لازم تتاخد بعد تحاليل وتحت إشراف طبيبك.

🔹️الحركة بركة: مش لازم جيم قاسي، تمشية خفيفة يومياً بتحافظ على مرونة مفاصلك.

​صحتك بتبدأ من طبقك.. اهتم بجسمك هيشيلك! ❤️

24/01/2026

لو بتحس إنك ماشي ببطارية 5% طول اليوم.. فالمشكلة مش في كسلك، المشكلة ممكن تكون في 'أكسجين' جسمك!"

عمرك سألت نفسك ليه بنهج من أقل مجهود؟ أو ليه التركيز بيبقى في ذمة الله؟ 🧠
لو بتعاني من الشكوى دي فغالبا كده ​حكايتنا النهاردة معاك هنبدأها من الأنيميا (Anemia) أو فقر الدم
ببساطة، جسمك فيه "تاكسي" صغير اسمه خلايا الدم الحمراء، وظيفتها تشيل الأكسجين من الرئة وتلف بيه على كل أعضاء جسمك عشان تديهم طاقة

الأنيميا معناها إيه؟
معناها إن التاكسيات دي عددها قليل، أو "السواق" اللي جواها (الهيموجلوبين) مش قادر يشيل الأكسجين كويس
🙀النتيجة؟
جسمك بيتحول لوضع "توفير الطاقة" (Power Saving Mode)⬅️يعني
✅️القلب بيدق بسرعة عشان يلحق يوزع أكسجين.
✅️المخ بيفصل فبننسى وبندوخ.
✅️العضلات بتتعب من أقل حركة.

​الأنيميا مش نوع واحد (نقص حديد بس)، دي أنواع وأسباب كتير، وعلاجها مش دايماً "حقنة حديد" وخلاص‼️
🌸التغذية الصح هي المحرك الأساسي للتعافي.
​⚠️استنونا في البوست الجاي😊 هنكشف فيه عن "العلامات الخفية" اللي جسمك بيحاول يقولك بيها إن عندك أنيميا وانت مش واخد بالك! 🚩

#الأنيميا

21/01/2026

بتحب ريحة التراب المبلول؟ أو عندك رغبة غريبة إنك تقرقش مكعبات تلج طول اليوم؟ الموضوع مش مجرد 'عادة'.. دي حالة طبية اسمها PICA!"
​
◼️في البوست اللي فات عرفنا إن الأنيميا بتقلل شحن بطاريتك، بس الأغرب بقى إنها ممكن تغير "شهيتك" تماماً!

​◼️إيه هي الـ Pica؟
هي حالة بتخلي الشخص يشتهي حاجات مفيش فيها أي قيمة غذائية، وغالباً بتحصل لما مخزون الحديد يقل جداً في الجسم
المخ بيبدأ يبعت إشارات غريبة عشان يحاول يعوض النقص ده، فبتلاقي نفسك بتنجذب لـ
🌸التلج (Pagophagia)⬅️ودي أشهر علامة لنقص الحديد، الرغبة في قرقشة التلج باستمرار.
🌸التراب أو الطين⬅️ بنشوفها كتير في الأطفال وممكن تحصل للكبار برضه.
🌸المناديل، الورق، أو فحم!
🌸ريحة المنظفات، البنزين، أو دهان الحوائط ⬅️الانجذاب الزايد للروائح النفاذة دي.

​✅️ليه ده بيحصل؟
الأبحاث بتقول إن نقص الحديد بيأثر على مراكز معينة في المخ... وقرقشة التلج مثلاً بتزود تدفق الدم للمخ.. فبتخلي مريض الأنيميا يحس إنه "فايق" شوية من حالة الخمول والهمدان اللي هو فيها.

⚠️ فلو بتمر بالحالة دي، بلاش "تطنش" أو تعتبرها حركة عادية خصوصا لو استمرت حوالي شهر ‼️
ده كارت أحمر🚩 من جسمك بيقولك⬇️⬇️
"مخزون الحديد عندي فضي.. اطلب مساعدة!"

​⚘️استنونا في البوست الجاي عشان هنعرف "الأعراض الصامتة" اللي بتبان على شعرك، ضوافرك، وحتى شكل لسانك!

​😊وقولنا بصراحة.. إيه أغرب حاجة نفسك راحت لها قبل كده؟

#الأنيميا