24/03/2018
💢 لو عندك عيادة او بتشتغل برايفت يبقى البوست دا لازم تقراة
علشان تكون سبب فـ علاج مش سبب فـ نقل عدوى ..
🤚 اعرف نوع الاوتوكلاف في المكان اللي انت شغال فيه..
🔸ودا ازاى من خلال >> #جوجل بيسهل كل حاجة..
🔸 اسم الموديل بيكون مكتوب عالجهاز..
🔸 نسأل جوجل هيقولنا ده classs ايه..
🤔 ليه؟
🧐 فيه ٣ كلاسس للاوتوكلاف ( B - S - N )
✔ الاجهزة المتاحة لدكتور الاسنان هى N , B طبعا
🔹الـ N رخيص وهو المنتشر فى الـ 80% من العيادات
🔹 والـ B غالى شويتين ومش موجود فى كل العيادات
🔷 بس المفروض في طب الأسنان..
نستخدم كلاس B
ليه برضه؟
عشان هو الوحيد اللي يقدر يعقم الادوات اللي جوا باكتس
وهو الوحيد اللي يقدر يعقم الحاجات المجوفة
زي ايه؟
زي #الكونترا وأي حاجة ليها مفصل - زي #الفورسبس
وهو انا محتاج الكونترا تتعقم من جوا ليه؟
بالرغم من ان جسم الكونترا من بره هو اللي بيلمس الميوكوزا بتاعت المريض
ولكن هي بتبقى contaminatedd من جوا
ازاي؟
كلنا شفنا حقن قبل كده
جرب املى الحقنة
وفضيها
بعد ماتخلص دوس هتلاقيها بتسحب لجوا شوية
نفس الحكاية في الكونترا..
بتطلع هوا..
اول مابتقف فيه جزء بيتشفط لجوا..
ده بيخليها تتلوث من جوا وتحتاج تعقيم من جوا زي مامحتاجة من بره
مش مقتنع؟
👌 هو ده نفس السبب اللي مايخليكمش نستخدم سرنجة الirrigation لأكتر من عيان ونغير الneedlee بتاعتها وخلاص
وهو نفس السبب اللي مايخلكش تستخدم نص كربولة البنج اللي ساعات بتتبقى من عيان على عيان تاني
فيه جزء بيتشفط جوا في الاخر
من الآخر..
🤚 انت دكتور.. يعني هناحاسب عاللي بتعمله في العيانين..
لو انت معندكش معلومه عن حاجه متسبهاش و تطنش
ف النت ماخلاش فيه حجة لحد.. اي حاجة ممكن تعرفها
اذا على علم..
ف ربنا يرحمنا برحمته
اللي بيقول الكونترا مش لازم تتعقم وكفاة ديسإنفكشن من برا..
لا..
دي لازم تتعقم وبكلاس B كمان
واللي بيقول اي اوتوكلاف وخلاص..
لا..
فيه بياخد ادوات من غير باكت وفيه مابيعقمش كل الادوات..
انت دكتور .. انت مسئول
العيانين أمانة كبيرة
✔ اذا كلاس N هو الوحيد المتاح قدامي
يبقى اعقم الادوات من غير باكت
وبعدها اشيلهم بجلوفز واحطهم ف باكت واقفل عليهم
بالنسبة للكونترا..
حلها الوحيد ان بعد الشغل تشغلها في الهوا كده شوية
بعدها تعقمها في الجهاز بس من غير باكت برضه
العيب ان عمر الكونترا هيقل
هتحتاج تغير الكارتردج بصورة اكبر
💠 فضلا وليس امرا كن سبب فى علاج وليس سبب فى مرض
اعمل تاج لدكترة الاسنان وكن سبب فى منع عدوى
Mohamed Gad
