17/04/2025
ابني لابس نضارة جديده… بس ليه بقى بيحرك راسه بشكل غريب كده؟!
لو انت كمان لاحظت الحركة دي على ابنك، تعالى أقولك السر ورا التصرف اللي يمكن يبان غريب… بس هو طبيعي جدًا!
من يومين، أم كانت بتحكيلي بحيرة:
"ابني أول ما لبس النضارة، بقيت ألاقيه لما يحب يبص على حاجة جنبه، يحرك رقبته كلها، مش بس عينه… هو كده طبيعي؟"
سؤالها كان في محله، وده موقف بيحصل مع كل طفل تقريبًا بيبدأ يلبس نضارة لأول مرة.
بص يا سيدي…
في فرق كبير بين الرؤية بعين الطفل من غير نضارة، والرؤية من خلال عدسات النظارة.
لو حابب يبص على حاجة ناحية اليمين وهو من غير نضارة؟ سهل… بيحرك عينه بس.
إنما وهو لابسها؟ لازم يحرك وشه كله للناحية دي!
ليه؟ لأن العدسة ليها نقطة معينة هي اللي العين بتشوف من خلالها أوضح، فبيضطر يحرك وشه والنضارة معاه علشان يوصل للرؤية الصح.
وهنا بييجي دورنا…
نفهمهم، نطمنهم، ونعلمهم إزاي يتعودوا، من غير توتر أو استعجال.
علشان في الآخر، إحنا بنحافظ على نعمة كبيرة…
قوللنا في الكومنتات، إيه أكتر مواقف قابلتوها لما ولادكم بدأوا يلبسوا نظارات؟
واحنا هنجاوب ونفيدكم بالمعلومة الصح.
