دار الايمان للنقاهه وعلاج الادمان بالاسماعيلية

03/04/2026

خداع النفس

-انا أعرف ناس عملت علاقات غير شرعيه ومضربتش😱.
-انا بقعد مع ضريبه😈 اه بس مبنفتحش كلام في ضرب وهما بيخافو عليه جدا 😉.‎
-عادي اغلط واخوض التجربه عشان اتعلم سيبني اجرب ؛‎😆.
-الشيخ خالد زقزوقه قال🔞💧 انها حلال مش حرام 😃.
-العلاقه دي صحيه👫 ده تعارف بس مش اكتر انما مش هاءذيها💏🙈.
-مشاركه الإيجابيات🌝 مع المشرف والسلبيات🌚 مع دائره الثقه.
-التحفظات❎ اللى انا شايف 💩انها مش هتأذينى.وأرفض التحدث عن مشاكلى أو أنكر وجودها.
-الاريكا 💊ده انا باخده عشان العلاقه الجنسيه مش عشان اعمل دماغ👹.
-انا اه بنزل حفلات🎆 بس بشرب ريد بول🍶 بس واستمتع😃.
-لما تعمل مدتي ابقي اعمل زيي مدتي تسمحلي(جلابييه)👕.
-ممكن اعمل مصلحه ✖بس افضل مبطل زي ما انا في وسط الزماله .
-لا انا معنديش مشكله مع الحته دي مش بتاءثر عليه سلبي 👿.
-فيها ايه لما أعمل زيهم فى ناس كتير مبطلة ب (خ ١٢٣ )بس‎😎.
-هوا انا هبقي يمين ✅في كل حاجه مفيش حد ملاك👻.
-ده مرض انا غير مسؤل عن مرضي😃 .
-انا كدة بقيت تمام والتعافى هيجى لوحده😅.
-هحضر اجتماع كل شهر عشان خاطر شغلى.👅🔙.
-انا مبحضرش اجتماعات عشان شغلي🔋،الاولويات اتغيرت في حياتي مفيش وقت🕦🤣.
-هوا البرنامج هيأكل🍜 عيالي انا محتاج اركز في شغلي اكتر وافكني شويه من الاجتماعات ولو في حاجه هشارك😅.
-فوق يا متعافي قبل ما تلاقي نفسك رايح مكسور تحتفل ب ٢٤ ساعه وتقول يا ريتنى💪.او ممكن متلحقش تقول😱

(اللهم)
امنحني السكينة لأتقبل الأشياء التي لا أستطيع تغييرها والشجاعة لتغييّر الأشياء التي أستطيع تغييرهاوالحكمة لمعرفة الفرق بينهما.

29/03/2026

التعافي رحله مستمره ..
1 الاعتراف بالمشكلة ..2 الايمان بقوه اعظم...3 التسليم لإراده الله ..4 البحث عن الذات ..5 الاعتراف بالاخطاء ..6 الاستعداد للتغيير ..7 طلب المساعده ..8 قائمه الاضرار ..9 تعويض الاشخاص ..10 محاسبه النفس ..11 الصلاه والتامل 12اليقظه الروحانيه ....💪

28/03/2026

23/03/2026

⚠️ السكة دي آخرتها "موت مفاجئ"..
فوق قبل ما تضيع!
​عارف يعني إيه تبقى فاكر إنك بتدور على "دماغ" أعلى أو "توفير"، وتلاقي نفسك في لحظة بتتحاسب؟ الكلام ده بجد، ومش تخويف وخلاص.. ده واقع بنشوفه كل يوم بيخطف شباب زي الورد.
​الخلطة القاتلة: (قطرات العين + الآيس أو الهيروين)
في ناس بتحط قطرات زي (أوفتا.....، مدر....، مدر....) على المخدرات عشان "تزود المفعول".. بس الحقيقة إنك بتعمل "كوكتيل إعدام" لنفسك.
​ليه الخلطة دي انتحار رسمي؟ 🛑
​القطرة دي معمولة للعين "استعمال ظاهري"، لما بتتحقن في الدم بتعمل كوارث:
●​جلطات فورية: دمك بيتجلط في ثانية، والسكتة القلبية أو الدماغية بتيجي قبل ما تلحق تشيل السرنجة من إيدك!
●​فشل كلوي وكبدي: أجهزتك بتتحرق حرفياً لأنها مش مجهزة تتعامل مع الكيماويات دي بتركيز عالي.
●​تدمير الأعصاب: تشنجات وهلاوس ممكن تقلب معاك بمرض نفسي دائم أو عاهة مستديمة.
●​بتر الأطراف: الأوعية الدموية بتتدمر وبتعمل التهابات وصديد، والحل الوحيد وقتها بيكون "البتر".
​"يا صاحبي.. مفيش "مخدر" يستاهل إنك تنهي حياتك عشانه، أو تعيش اللي فاضل من عمرك مشلول أو عاجز."
​رسالة من القلب.. ❤️
​إحنا عارفين إن طريق التعافي مش سهل، وعارفين إنك ممكن تكون تعبان، بس والله لسه فيه أمل. الموت مش حل، والهروب بالسموم دي آخره وجع قلب ليك ولأهلك.
​المعرفة أول خطوة في العلاج.. لو تعرف حد بيعمل كدة، انصحه، فوقه، انقذ حياته.

18/03/2026

😡😡😡