https://www.facebook.com/355349164542976/

Dr Eman Al shafey -د ايمان الشافعي, Ismailia (2025)

09/09/2025

انا د ايمان الشافعي اخصائية تغذية ومهتمة بصحة المرأة والهرمونات 🙏 جهزتلك دليل شامل ومتكامل عن تكيس المبايض .. خطوة بخطوة حياتك هتتغير من اول البشرة المزاج .. الاكل والشرب .. المكملات كل ده واكثر 🤍 ابعتي مسج واحصلي على دليلك فورا 🙏

07/09/2025

للاسف احنا غرقانين في معلومات غلط عن التكيس .. ومحدش بيدفع التمن غيرنا ‼️
التكيس مالوش علاج نهائي… لكن أعراضه ممكن تتحسن ١٠٠٪ لو فهمتي جسمك صح.”

أنا د/ إيمان الشافعي – أخصائية التغذية العلاجية – ومع تعاون افضل أطباء النساء جهزتلك دليلك الشامل للتعامل مع التكيس…

دليل عملي هيخليك فاهمة نفسك، قادرة تسيطري على الأعراض،
وتحسي إنك مش لوحدك 💙

📌 جوا الدليل هتلاقي:
• شرح مبسط إيه هو التكيس وليه بيحصل.
• الأكل اللي يظبط هرموناتك والأكل اللي يزود مشكلتك.
• خطط وجبات وأفكار سهلة ليومك.
• التمارين اللي بتفرق فعلًا.
• المكملات والأدوية وإمتى تبقي محتاجة دكتور.
• نصايح للنوم والتوتر ونمط الحياة.
• قصص لبنات زيك… عشان تحسي إنك مش وحدك.
• تشيك ليست وأدوات تطبيقية تخليكي ماشية بخطوات واضحة.

💌 الدليل معمول مخصوص لكل بنت بتسأل: “أبدأ منين؟
ابعتي مسج بـ ( تكيس ) ويلا غيري وافهمي حياتك 🙏

30/08/2025

Part 1

من تجاربي مع بطلاتي عرفت معلومات معلوطة كتير عن تكيس المبايض..بيحط كل بنت وام في دايرة مفرغة من الالم والاحباط
استني الفترة الحاية معلومات كتير وخطوات اكتر تساعدك تعيشي حياة طبيعية ١٠٠ ٪؜
د ايمان الشافعي اخصائية التغذية العلاجية ♥️

29/08/2025

دي بعض افكار اللانش بوكس بمناسبة المدارس اللي عالايواب ♥️🙏
كلمة لكل ام تغذية الاطفال صعبة اتعلمت ده من شغلي وتجربتي الشخصية كأم ..اوقات كتير اللانش بوكس بيرجع زي ماهو واو بتاكل منه صنف واحد .. كل ده طبيعي حتى لو في نوع اكل هي مش بتاكله مع الوقت ولما تكبر هتاكله 🙏
ولكن في كل مرة بتحضري اللانش بوكس اتاكدي ان في صنف واخد عالاقل طفلك هياكله

دول مجرد افكار تقدري تعدلي عليها بما يتناسب مع اطفالك ♥️
البوست ده inspired by
د حلا طه ود لانا عبدالله ♥️🙏

أخصائية التغذية د ايمان الشافعي

26/08/2025

الحياة صعبة بلاش تصعبوها على نفسك اكثر .. الحياة ماليانة خيرات واختيارات استمتعوا بيها ♥️🙏
د ايمان الشافعي

26/08/2025

طفلك مغلبك في الاكل .. يبقى الفتيامينات شئ اساسي مش مجرد اختيار ‼️
لو عايزة تعرفي الجرعات والانواع الافضل ابعتي مسج وهنرد عليكي
د ايمان الشافعي

25/08/2025

لو عندك “جين السمنة”… ما تصدقش إنه حكم مؤبد!
كتير بيفكروا إن جين FTO معناه “خلاص أنا محكوم عليّ أكون تخين طول عمري”.
لكن الحقيقة مختلفة… الجين ده بيتأثر بنمط حياتك أكتر ما تتخيل.
💡 العلم بيأكد إن حتى أصحاب “نسخة الخطر” من الجين قدروا يخسوا أسرع من غيرهم لما غيروا نظامهم الغذائي وعاداتهم اليومية.
✅ ركز على البروتين.
✅ قلل الدهون المشبعة.
✅ اتحرك كل يوم ولو 20 دقيقة.
✅ نام كويس وابعد عن التوتر.
✨ الرسالة ببساطة: جين السمنة مش قدرك… هو تحدي تقدر تغلبه!
👀 شارك البوست مع أي حد بيقولك: “أنا مليش حل عشان وراثة”.

انا د ايمان الشافعي مهتمة بالسمنة والصحة بشكل عام ..يهمني تعيش في جسد صحي اكثر من شكل مثالي 🙏
لا تتردوا اسألوا وافهموا جسمكم ♥️🤍

20/08/2025

هنا ترتيب الخبز من الافضل للاسوء لصحتك
وافتكري الفكرة مش في النوع على قد الكمية
العيش البلدي (المصري كامل الدسم/القمح الكامل)
• الأفضل للصحة لأنه معمول بدقيق أقل تكرير.
• غني بالألياف (٣–٤ جم/رغيف)، يساعد على الشبع والهضم.
• فيه بروتين معقول (٦–٧ جم).
• سعراته معتدلة (≈٢٢٠–٢٤٠/رغيف ٨٠ جم).
الأنسب للتحكم في الوزن لو التزمت بالكمية.

⸻

الخبز الشامي/العربي
• غالبًا معمول بدقيق أبيض لكن فيه ألياف أكتر من التوست.
• سعراته أعلى شوية (٢٥٠–٢٦٠/رغيف متوسط).
• بيشبع أكتر من التوست لكن أقل من البلدي.
خيار وسط لكن مش الأفضل.

⸻

راب الشوفان/التورتيلا
• شكلها “دايت” لكن الحقيقة إنها تقيلة في السعرات (١٥٠–٢٠٠/واحدة).
• فيها ألياف (٤–٥ جم) وسهلة الاستخدام (ساندوتش واحد).
• المشكلة إنها صغيرة وما بتشبعش زي رغيف بلدي.
كويسة في التنويع، لكن محتاجة وعي بالكميات.

⸻

التوست البني
• بيدّيك نفس السعرات تقريبًا زي الأبيض (≈٨٠ كالوري/شريحة).
• الفرق الحقيقي في الألياف (٢–٤ جم للشريحة).
• أبطأ في رفع السكر في الدم شوية من الأبيض.
أفضل من الأبيض، لكن مش “سوبر دايت”.

⸻

التوست الأبيض
• أقلهم صحة.
• سعراته زي البني تقريبًا لكن أليافه ضعيفة جدًا ( الشامي > راب الشوفان/تورتيلا > التوست البني > التوست الأبيض
#د ايمان الشافعي
أخصائي التغذية العلاجية
الترتيب معتمد على كمية الالياف 🙏🙏

17/08/2025

دي المكملات اللي بناخدها 🙏👇
• إينوزيتول (Inositol): بينظم سكر الدم، يظبط التستوستيرون، ويقلل الشراهة والتعب.
• زنك + ساو بالميتو (Zinc + Saw Palmetto): بيساعد على توازن الهرمونات ويقلل عدم انتظام الدورة، حب الشباب، الشعر الزايد، وتساقط الشعر.
• ماغنيسيوم (Magnesium): للهضم أحسن، نوم أريح، ومود أهدى.
• فيتامين د (Vitamin D): بيرفع المود ويساعد على انتظام التبويض.
• أوميجا 3 (Omega-3): بيقلل الالتهابات، يحسّن الصداع، وجع المفاصل، ومشاكل البشرة.
• أشواجاندا + روديولا (Ashwagandha + Rhodiola): بتهدي التوتر والقلق وبتساعد على نوم أحسن.

لازم أكد ان لازم استشارة طبيبك قبل ما تاخدي اي مكملات
لو عندك اعراض تكيسات ومحتاجة مساعدة ابعتي رسالة وهنرد عليكي فورا 🙏♥️

16/06/2025

الصورتين دول لنفس البنت.
الفرق الوحيد؟ إنها وقفت دوا واحد بس: الكورتيزون! 😱

ناس كتير بتسألني:
“ليه وزني زاد فجأة؟”
“وشي بيورم!”
“بطني وظهري بقوا عاملين كده ليه؟”

خليني أوضحلكم:

الكورتيزون – خصوصًا لما بيتاخد بجرعات كبيرة أو لفترات طويلة – بيعمل حاجات كتير في الجسم:
🔹 بيخزن مياه
🔹 بيزود الشهية
🔹 بيقلل الكتلة العضلية
🔹 بيغير توزيع الدهون (بطن، ضهر تحت الرقبة، Moon Face)
🔹 وبيأثر على امتصاص الجسم للمغذيات

لكن في خطوات نقدر نعملها عشان نقلل تأثيراته:

✅ نظبط عدد السعرات (Calories)
✅ نعتمد على دايت غني بالبروتين وقليل النشويات
✅ نزود الألياف عشان نقلل الإحساس بالجوع
✅ نقلل الملح والأكل المصنع
✅ نزود مصادر البوتاسيوم (زي الملوخية، السبانخ، الموز، المشمش…)
✅ نهتم بالكالسيوم (جبنة قريش، سردين، سالمون…)
✅ نقلل الدهون المشبعة عشان الكوليسترول
✅ ونخلي مصدر النشويات خضار وفاكهة بس

طيب… السؤال اللي دايمًا بيتكرر:

“بعد ما أوقف كورتيزون، جسمي هيرجع لطبيعته إمتى؟”
🕓 من 6 شهور لسنة، بشرط إن أكلك يكون متظبط.

⚠️ ملحوظة: الكلام ده عن الناس اللي أخدت كورتيزون بجرعات علاجية كبيرة ولفترات طويلة.
لكن اللي أخده لأسبوع أو أسبوعين بس؟ غالبًا مش هيأثر على وزنك
أنا د. إيمان الشافعي، أخصائية تغذية علاجية
هساعدك توصلي لوزن مثالي صحي، من غير حرمان ولا دوخة.
تابعيني عشان كل يوم هتلاقي معلومة تغيّرلك طريقتك مع الأكل💪✨

15/06/2025

بتحبي تضيفي فوم أو صوص كراميل على القهوة؟ تعالي نحسبها سوا 👀

الناس كتير فاكرة إن القهوة ملهاش سعرات، وده فعلاً صحيح لو سادة…
لكن أول ما نضيف شوية حاجات بسيطة زي:

✅ فوم الحليب (الرغوة اللي فوق):
لو معمول من حليب كامل الدسم، ممكن يزود حوالي 20–25 سعر حراري
ولو من حليب خالي الدسم، بيكون حوالي 10–15 سعر حراري بس.

✅ صوص الكراميل:
ملعقة صغيرة واحدة فيها من 45 لـ 60 سعر حراري!
ولو الكوب فيه ملعقتين؟ كده ضفنا حوالي 120 سعر حراري من غير ما نحس 😅

يعني كوب قهوة “شكله بريء” ممكن يوصل لـ 150–300 سعر حراري بسهولة جدًا!

🎯 لو بتراقبي وزنك أو بتعدّي سعراتك، خدي بالك من الإضافات دي… لأنها ممكن تكون السبب ورا ثبات الوزن رغم إن أكلك “شكله قليل”.

أنا د. إيمان الشافعي، أخصائية تغذية علاجية
هساعدك توصلي لوزن مثالي صحي، من غير حرمان ولا دوخة.
تابعيني عشان كل يوم هتلاقي معلومة تغيّرلك طريقتك مع الأكل💪✨

Dr Eman Al shafey -د ايمان الشافعي

09/09/2025

07/09/2025

30/08/2025

29/08/2025

26/08/2025

26/08/2025

25/08/2025

20/08/2025

17/08/2025

16/06/2025

15/06/2025

Address

Telephone

Website

Alerts

Shortcuts

Share

Category