طبيبة أطفال- دكتورة فاطمة عبداللاه

23/07/2023

السلام عليكم
ان شاء الله هنستكمل معاكم اهم المواضيع اللى تخص الاطفال والأمراض الشائعه وطرق العلاج والوقايه ايه اكتر المواضيع اللى تحبوا نبدا بيها
وتهم اغلب الأمهات أنها تعرفها

07/12/2021

مصل الانفلونزا الموسميه

12/04/2021

كل عام وانتم بخير
مبارك عليكم الشهر
أعاده الله عليكم بالخير واليمن والبركات

06/02/2021

****اسئله شائعه عن التسنين:
1-يا دكتوره امتى طفلى ممكن يبتدى يسنن ؟
التسنين ممكن يبتدى فى اى وقت بدايه من ٦ شهور لسنه ده فى اغلب الاطفال وفى اطفال ممكن تبتدى قبل كده وفى اطفال ممكن تسنن بعد السنه مافيش مشكله خالص

2_ايه الاعراض اللى ممكن تحصل لطفلى اعرف انه بيسنن؟
هتلاقيه بيعيط كتير ومتعصب وصوابعه فى بقه اغلب الوقت
زياده كميه اللعاب ...ارتفاع طفيف فى درجه الحراره...شهيته للاكل ممكن تقل شويه
بس خلى بالك لو درجه حرارته ارتفعت ل ٣٨ درجه او ابتدى يجيله اسهال او رشح لازم نستشير طبيب لمعرفه سبب ارتفاع درجه الحراره والتسنين مش بيكون سببها

3_ازاى اساعد طفلى انه يعدى المرحله ديه ؟
ممكن ندلك الاجزاء المؤلمه من اللثه بلطف بعد غسل اليدين
استخدام اشياء بلاستيكيه ومطاطه مخصصه للتسنين
مممنوع استخدام الجل الموضعى اللى فيه مخدر لان ليه اعراض جانبيه .

4-ازاى احافظ على اسنان طفلى من التسوس:
التقليل من تناول الاطعمه المسكره وتناول خضار وفاكهه بانتظام
استخدام معجون اطفال مناسب لعمر الطفل يحتوى على فلورايد مع ظهور اول سنه للطفل
ممنوع استخدام الببرونه اثناء النوم وفترات طويله
يفضل انه يشرب العصير بالملعقه والكوبايه والافضل ندخله العصير بعد سنه .
زياره طبيب الاسنان قبل عمر سنه .

ودمتم سالمين

15/10/2020

مصل الانفلونزا الموسميه
هو عباره عن فيروسات انفلونزا ميته أو موهنه ، يتم حقنها لشخص ما ، فيؤدي ذلك الي تكوين اجسام مضاده تستطيع مقاومه فيروس الانفلونزا في حاله حدوث عدوي فعليه بعد الحقن بالمصل ، و المصل لا يؤدي الي حدوث عدوي لأن المصل كما ذكرت عباره عن فيروس ميت .
لماذا يسمي موسمي ؟؟
لأنه يتغير تركيبه من عام الي عام حسب تكوين الفيروس الاكثر انتشار في ذلك العام و ذلك بناءا علي ابحاث و اختبارات و توصيات منظمه الصحه العالميه ، حيث ان الفيروس يختلف عن البكتريا فيما يطرأ عليه من تغيرات شديده في تركيبه من فتره الي اخري.
هل يجب اعطاء المصل للجميع ؟؟
لا ، لا يجب اعطاؤه الا للفئه الاكثر استهداف للعدوي ، و الاكثر توقعا لحدوث مضاعفات شديده نتيجه الاصابه بعدوي الانفلونزا و هم
مرضي السده الرئويه المزمنه
مرضي حساسيه الصدر
مرضي التليف الرئوي
مرضي القلب المزمن
مرضي السكر و خصوصا الغير منتظم
السيدات الحوامل
الاطفال بشرط ان يتعدي 6 اشهر
ما هي موانع استعماله؟؟
الحساسيه ضد بروتين البيض
في حاله استعمال اي تطعيم خلال فتره اقل من شهر
في حاله حدوث عدوي او ارتفاع بدرجه الحراره
لا يعطي اكثر من مره خلال العام
حدوث اعراض حساسيه شديده بسبب المصل مسبقا
الآثار الجانبيه ؟؟
الاكثر شيوعا هو ارتفاع طفيف بدرجه الحراره

14/08/2020

معلومات كاملة عن حساسية الالبان عند الاطفال👇👇
هنعرف بالتفصيل الفرق بين حساسية الحليب وحساسية اللاكتوزحساسية الالبان من اكثر امراض الاطفال 👨‍👩‍👧‍👧التى عليها خلاف فى التشخيص و العلاج 🌷🌷🌷

مع أطيب التمنيات لأطفالنا بتمام الصحه والعافيه
د/ فاطمة
❤️❤️❤️

معلومات كاملة عن حساسية الالبان عند الاطفال بالتفصيل الفرق بين حساسية الحليب وحساسية اللاكتوزحساسية الالبان من اكثر امراض الاطفال التى عليها خلاف فى التشخيص ...

05/08/2020

هنتكلم النهارده عن الفرق بين حساسيه الالبان وعدم القدره على تحمل اللاكتوز
الحقيقه فى لبس كبير عند كتير من الناس بين الاتنين و النهارده حابه انى اوضح لحضراتكم الفرق بين الاتنين وايه الأخطر فيهم....

اولاحساسيه الالبان :

وبيحصل فيها ان جهاز المناعه للطفل بيهاجم البروتين اللى موجود فالحليب عند تناوله وبيبدا الجسم انه يكون اجسام مضاده للبروتين وده بيسبب رد فعل تحسسي من الجسم فالجهاز الهضمى او التنفسي او الجلد بيظهر على هيئه اسهال او ترجيع او ضيق فالتنفس ...صفير او ازيز فالصدر ...كحه ...طفح جلدى او حكه

مهم جدا الامهات تعرف مكونات اللبن اللى بتعمل الحساسيه وهى بروتين الكازين ومصل الحليب اللى هو الجزء السايل من اللبن وباكد على الامهات اللى اطفالهم عندهم حساسيه البان يتاكدوا ان المنتجات اللى اطفالهم بيتناولوها ما بتحتويش على احد البروتينات ديه فلازم نقرا الملصقات الموجوده على المنتجات الغذائية كويس جدا قبل ما الطفل يتناولها .
والنوع ده الحقيقه مالوش علاج بس بنحاول فيه نمنع الطفل او الام اللى بترضع من اللبن او منتجاته ونديله بدايل للبن وفيتاميناته واهمها الكالسيوم...

ثانيا عدم القدره على تحمل الحليب او اللاكتوز:

وديه بتختلف تماما عن حساسيه الالبان وبيكون فيها الجسم فيه نقص للانزيم المسؤل عن هضم سكر اللاكتوز ....
اعراضه بتكون اخف كتير من حساسيه اللبن وبتبقي عباره عن مغص او غثيان او اسهال او انتفاخ بعد تناول الحليب او منتجاته .
علاجه ...فالاطفال الرضع ممكن ندى الطفل نوع من الالبان الخاليه او قليله اللاكتوز اسبوعين لغايه مالاعراض تتحسن ونرجع نديله لبن تانى

ايه الاخطر حساسيه الحليب ام عدم القدره على تحمل الحليب:
حساسيه اللبن اخطر كتير من عدم القدره على تحمل اللبن او اللاكتوز وممكن لقدر الله فى بعض الحالات تسبب اعراض تنفسيه حاده .
عشان كده علاجه اننا نمنع تناول الحليب ومنتجاته عكس النوع التانى اللى هو عدم القدره على تحمل اللاكتوز ممكن ندى الطفل كميات قليله من اللبن او منتجاته دون حدوث اعراض ....

شكرا ودمتم سالمين ....

30/07/2020

28/07/2020

ما هي أسباب نحافة وقلة وزن الاطفال ؟

تعرفوا على الاسباب وطرق العلاج

27/07/2020

السلام عليكم
هنتكلم النهارده فى حاله جاتلى العياده
الام جايه بتشتكى ان ابنها عنده ٤ سنين وبيجيله قرح بشكل مستمر فى لسانه فكانت عايزه تعرف ايه اسبابها ...وليه بتتكرر عنده ...علاجها ...ازاى تمنع انها تحصله تانى

تعالوا نتكلم شويه عن قرح اللسان
تقرحات اللسان فالاطفال بتظهر على شكل مناطق حمرا عاللسان او حوالين اللسان .
وفى منها نوعين :

#النوع الاول بتكون قرح غير مؤلمه الطفل مش بيشتكى من وجع او الم اثناء الاكل وديه بتختفى بسرعه وسببها بيكون نقص فى فيتامين ب ١٢ او حمض الفوليك او الحديد وبتتعالج عن طريق تعويض الطفل من النقص فالعناصر ديه

#النوع التانى وهى القرح المؤلمه الطفل بيشتكى من وجود الم اثناء الاكل خاصه الاطعمه الحاره او الساخنه او الحامضيه
وديه سببها ممكن يكون التوتر العصبي او القلق او بعض الامراض الوراثيه او مشاكل فالجهاز الهضمى مهم فى النوع ده من القرح لو بتتكرر بشكل مستمر نستبعد اى مشاكل وراثيه او مشاكل فالجهاز الهضمى
ممكن كمان يكون سببها التهابات فطريه او فيروسيه وديه لازم تتعالج كويس .

العلاج :
بنعتمد فيه على علاج الحاجه اللى عامله القرحه
لو نقص فى فيتامين ب١٢ او الحديد او الزنك بنعوض الطفل بالعناصر ديه .
لو التهابات فطريه بندى مراهم مضاده للفطريات .
ممكن نستخدم مرهم زى ليدوكايين مخدر بيقلل الالم.

طرق الوقايه :
*بنحافظ دايما على صحه فم الطفل ولسانه ونراقب اى تغيرات فيهم
*تنظيف الاسنان عالاقل مرتين يوميا ونختار فرشاه مناسبه ومعجون مناسب للاطفال ما يسببش حساسيه
*زياره طبيب الاسنان مره كل ٦ شهور
*لو بنستخدم غسول للفم نبعد عن اى حاجه فيها كحول خاصه الاطفال اللى عندهم تحسس .