مركز شفا - Shifa

08/01/2024

مساء الخير 🥰
الفتره لي عدت كنا مواقفين
ف رجعنا تاني ورجعنا بي كل لي يحتاجه طفلك سواء جلسات تغذيه علاج طبيعي و جلسات تخاطب و تعديل سلوك وتنميه مهارات و كمان مش ناسين كل لي حابب ياخد كورسات ف تخاطب وتعديل سلوك و تربيه خاصه وتنميه المهارات مع اقوي واشطر متخصصين فى المجال
وكمان متوفر من دلوقتي جلسات تخاطب و تغذيه وتربيه خاصه و تعديل سلوك و تنميه مهارات اون لاين اول شهر كمان فورفري
وملحوظه كل ثلاث شهور بيكون ف تقيم للحالة ومدي استجبتها
كل ده متوفر عندنا احنا بس
مركز شفا - Shifa

Administrator :.

Aml Tawfik

07/11/2023

تضامنا مع شعب غزة العظيم وبالنيابه عن كل أطفال مصر
والعالم العربي - نصلي لكل شهداء غزة وندعو الله ان يفك حصار اهالينا في فلسطين - وان يقتص الله من المعتدي عليهم .

مركز《شفا》لتأهيل الأطفال والتغذية العلاجية
يقدم خدمات مجانا online وغير بشكل متكامل مجانى لأهالي المتضررين..

19/10/2023

🤝🤝

18/10/2023

17/10/2023

اكتر من ٢٠ ألف ... 😲
دا عدد الجمل السلبية و الانتقادات اللى بيسمعها طفل عنده " اضطراب تشتت الانتباه و فرط الحركة" اكتر من باقي الاطفال اللي في سنه قبل ما يوصل عمره ١٢سنه..
يعني مش كفاية عنده مشكلة ، المزعج اكتر هو "اللوم" اللي بيسمعه دايما علشان عنده المشكلة دي.
دا بيولِّد عند الطفل ما يسمي بـــ"Rejection Sensitive Dysphoria" او حساسية #الرفض ..
انه بيكبر و هو دايما قلقان انه ممكن يتم رفضه او #انتقاده
فى كل كلمة او تصرف بيعمله بيشوف الرفض فى عين الاخرين حتي لو مش بينتقدوه ..
هو خلاص بقي حاسس دايما انه مرفوض ..😞
حساسية الرفض دي بتخلي الطفل اما :
- يتجنب اى موقف اجتماعية
- او يعمل تصرفات مبالغ فيها علشان ينال حب و رضا #الاخرين
واكيد انت دلوقت متخيل قد ايه دا ممكن يأثر بشكل سلبي على علاقاته الاجتماعية فى الطفولة و فى المستقبل .
فيه اعراض لو موجوده ممكن تبقي #مؤشر ان الطفل بقي عنده حساسية شديدة من الرفض :
🍄 ضعف الثقة بالنفس
🍄 انفعال و هياج شديد مع اي نصيحة او توجية
🍄 بيغضب بسرعة و يهدأ بسرعة
🍄 تجنب المواقف الاجتماعية
🍄 خناقات متكررة مع أهله فى البيت
🍄 تكرار كلمة "معرفش" او "مقدرش"
🍄 أداء اكاديمي متذبذب احيانا شاطر و احيانا مفيش تركيز
🍄 بعض الاطفال ممكن يفكر يأذي نفسه
اضطراب ال ، اضطراب حقيقي و محتاج تدخل علاجي يساعد الطفل ذهنيا و نفسيا
٩٩% من المراهقين اللى عندهم " اضطراب تشتت الانتباه و فرط الحركة" قالوا انه اصعب شيء فى حياتهم انهم حاسين دايما بالانتقاد فى عين الاخرين.
الطفل محتاج نساعده و نعالجه .. مش #نلومه او نلوم نفسنا او نسمح حتي للاخرين يلومونا ..
و اساليب #العلاج المتعددة سمحت لنا باختيار الانسب للطفل و لنا .. علشان يكبر و هو واثق في نفسه.

👈 مركز 《شفا》 👨‍⚕️مهمتنا نقدم أفضل الخدمات للأطفال وأسرهم 🤞على أعلى مستوى تحت إشراف نخبة من المعالجين النفسيين والأخصائيين المتميزين فى المجال.💪بإستخدام برامج علاجية متقدمة لكل حالة وبيتم وضعها والإشراف عليها بشكل مستمر.🧐

🔸️وبنقدم جلسات وورش إرشاء أسري للأمهات والآباء عشان نساعدهم في التعامل مع أولادهم لتخطي أي مشكلات نفسية بتواجههم.🤷‍♂️

📌شرفونا بإرسال الاستفسارات .

17/10/2023

☆بمناسبة العام الدراسي♤

المصطلح الطويل دا Didaskaleinophobia
مشتق من كلمتين بالاتينية .. "Didasko" و معناها تدريس و "Phobos" و معناها الخوف الشديد.

علي بعضها تعني "الخوف من المدرسة"

دي مشاعر قلق بتخلي الطفل يحاول انه يتهرب من المدرسة فيقول انه تعبان او سخن او بطنه بتوجعه عشان ميروحش مدرسته.

مش ادعاء ولا تمثيل .
خوفه الشديد ممكن يظهر فى هيئة اعراض نفسجسميه .. فيوصف لك صداع او آلام متكرره ، خاصة وهو بينام قبل يوم المدرسة .

ملهاش سن معين و مش علشان هو لسه صغير
فوبيا المدرسة ممكن تيجي لطالب جامعي و ممكن اعراضها تطول اذا متعالجتش بشكل مناسب.

فوبيا المدرسة مش نادرة ومعدل انتشارها يصل ل 5% من الاطفال.

بس كل الاطفال ممكن تقلق بشكل طبيعي و ترفض تروح المدرسة
فعلشان نقول ان دا اضطراب قلق هتلاقي :
🍄 خوف شديد قبل يوم المدرسة
🍄 صعوبة فى النوم و كوابيس
🍄 قيء او آلام او صداع قبل يوم المدرسة
🍄 نوبات غضب او تعلق شديد بالاباء
🍄 تراجع بالاداء الدراسي
لو دققت شويه فى حياه الطفل احيانا هتلاقي اسباب ساعدت ان مشاعر الخوف دي تسيطر عليه , منها :
🍄 قلق الطفل من الاداء الدراسي فيما يسمي بــ Performance Anxiety
بسبب التركيز الاداء الاكاديمي او انه بيعاني من صعوبات بالتعلم .
🍄 التعرض لأزمات نفسية في الاسرة مثل وفاة شخص مقرب ،او انفصال او الاب فقد وظيفته ... اى متغير كبير فى حياة الاسرة
🍄 تغيير المدرسة ممكن كمان يسبب رفض للمدرسة الجديدة لانه مش قادر يتأقلم علي التغيير و اكتساب اصدقاء جداد والتعامل بنظام مختلف عن الي اتعود عليه
🍄 ممكن يكون سبب محدد بالطفل ، زي قلقه ان حد بيتنمر عليه او بيهدده او بيتعرض له لفظيا او جسديا او قلقه على احد افراد اسرته .
و ايه الحل ...
🍄 اولا لازم يكون فيه تواصل سليم بينك وبينه بدون اتهامات ، مينفعش اقوله بطل دلع ، انت جبان ، او انزله بالعافية وهو رافض او بيبكي و منهار كدة بفقده ثقته فيا ، لكن اسأليه عن حقيقة مشاعره وسبب رفضه لان مممكن جدا تطلعي باجابات تعرفك فين المشكلة وتساعد علي الحل
🍄 متحاوليش تتكلمي بعقلانية لان الخوف ممكن يكون ملوش مبرر عقلاني .. وضحي انك هتساعديه و هتكوني جنبه .
🍄 راجعي طبيب الاطفال لان ممكن فعلا يبقى عنده سبب عضوي بيسبب الصداع او القيء فعلا .
🍄 تواصلي مع طاقم التدريس بالمدرسة لبحث الاسباب.
🍄 ابحثي عن حليف فى المدرسة .. مدرس او مختص ، ابنك يلجأ له لو حس بخوف شديد و يحتويه و يكون مصدر امان.
🍄 ادمجيه بأنشطة اجتماعية خارج نطاق المدرسة.
🍄 احجزي كشف طبي لتقييم قدرته على التركيز و الانتباه لان الارهاق الذهني او صعوبات التعلم ممكن تكون سبب اساسي لتهربه من المدرسة.
🍄 خدي خطوات تدريجية بسيطة .. ممكن النهاردة يروح المدرسة معاكي لمدة ساعتين بس .
🍄 ابعدي الطفل عن وسائل الترفية في الايام اللى مش هيروح فيها المدرسة.
🍄 كافئيه و خلي المدرسة تكافئه على ابسط الانجازات فى البداية.

لو الاعراض متكرره يبقي الطفل فعلا بيعاني و محتاج مساعدة متخصصة سواء علاج دوائي او تاهيلي علشان يتخطي الحاجز النفسي دا
تواصلي المركز و عرفيه ان فيه دكتور هيساعدكم و ان الامر بسيط و خوفه هيختفي بسرعه .

متنسيش اتكلمي بثقة قدامه .. هو بيستمد أمانه منك ....

ولكل مامى بتعانى مركز 《شفا》 بيقدملك خدمات مميزة لطفلك على ايدي امهر المتخصصين..🤝

17/10/2023

اضطراب تشتت الانتباه .. 🤯
العلاج المبكر بيدي فرصة للطفل يستغل امكانياته بأحسن صورة علشان يكبر و صحته النفسية بخير ✌️

16/10/2023

ادراك طفلك بحواسه وأجزاء جسمه مهم جداً , مهم ان الطفل يعرف يستخدم كل حاسه من الحواس الخمسه اللي عنده في ايه زي اللمس ✋ والشم 👃 والتذوق 👅 والسمع 👂والبصر 👁️
ومعرفة فين حدود جسمه لو طفلك بيرمي نفسه على الأرض أو مش حاسس بالخطر اللي حواليه , وانه يعرف يفرق بين الملمس الناعم والخشن للأشياء اللي حواليه , وكمان تنمية الانتباه والإدراك عنده 🧠
كل ده بيعرفه من خلال جلسات التكامل الحسي اللي بنقدمهاله في المركز🤝

14/10/2023

لو سمعت قبل كده جمله " ابنك محتاج يعمل دايت " 👇

☆مركز《شفا》بيأكد على أهمية التغذية للأطفال، وتحديداً أبطالنا أطفال التوحد والمتلازمات. 🫷

☆قسم التغذية بمركز《شفا》بيقدم خطه علاج لأطفال فرط الحركة👌
☆لازم نبقي عارفين ان في بعض الانواع من الاطعمة بتسبب ان الطفل يكون hyperactive و كثير الحركة و التشتت الذهني و بالتالي درجة الاستيعاب عنده تكون أقل 🤌
شرفونا بأسئلة حضراتكم.

09/10/2023

ابنك مُميز بإختلافه ومحتاج ينمي مهاراته ويتواصل مع العالم بطريقة مُريحة له.✨

في مركز “شفا” بنقدملك برامج الرعاية النهارية اللي بتضم جلسات تأهيل مُختلفة على حسب مستوى ابنك هتساعده فى تطوير وفهم كل جوانبه الشخصية، الإدراكية، والحركية.👌🏻

برنامج الرعاية النهارية بينقسم لقسمين:

الأول⬅️لو ابنك بيعاني من أي إضطرابات سلوكية أو متلازمات بيساعده المتخصصين على مدار اليوم على رعاية الذات وتعديل السلوك بجانب جلسات:

-التخاطب الفردية والجماعية.

-جلسات تنمية مهارات فردية وجماعية.

أما الثاني ⬅️ لو ابنك مش بيعاني من أي مشاكل نمائية وبتواجهه مشاكل سلوكية أو فى مهارات التواصل واللغة، بنساعده بشكل مخصص له بجلسات:

-تخاطب وتنمية مهارات فردية.

-جلسات صعوبة تعلم وتعديل سلوك.

◀️البرنامج مدته 5 ساعات يوميًا من الأحد للخميس.

تواصلي معانا واحجزي ميعاد لتحديد مستوى ابنك وتقييمه علشان نختار له البرنامج المُناسب من الرعاية النهارية مع متخصصين شفا.🧡

#شفا

02/10/2023

امتى يعتبر الطفل متأخر ف الكلام❗⁉️

🔵لو عنده سنه:
ولسه مش عارف يشاور او يعمل اى اشارة او ايماءة بجسمه او ايدة
زى انه ميعملش مثلا (باى)

🟢سنه و 6شهور:
عنده صعوبه فى تقليد الاصوات وتنفيذ الاوامر اللفظيه البسيطه

🟡سنتين:
هنا بيكون الموضوع اوضح اننا نحدد مشكله تأخر الكلام لما الطفل يكمل سنتين ونص وفيما فوق بتكون الاعراض واضحة زى
🔵صعوبه فى نطق الكلمات او الجمل
ممكن نلاحظة انه بيقلد الكلام اللى بيسمعه فقط
🟢صعوبه فى التعبير عن حاجته اليوميه باستخدام اللغه والكلام المنطوق
🟡صعوبه فى تنفيذ التعليمات والاوامر البسيطه
🟠وجود صوت خشن او نبرة غير معتاده

اسباب تاخر الكلام⁉️
بتختلف الاسباب بإختلاف العمر/الوضع الصحى/ الحاله الوراثيه
وكمان العوامل التربويه والبيئيه بتأثر على تأخر الكلام عند الاطفال

لو اتكلمنا عن الموضوع من الناحيه الطبيه هنلاقى
🔵وجود مشكله فى تكوين سقف الحلق
🟢قصر طول رابط اللسان
🟡خلل فى منطقه الكلام الموجوده فى المخ /الدماغ
🟠مشاكل فى السمع

ومن الناحيه الاجتماعيه والنفسيه
🔵النوع : تأخر الكلام عند الذكور اعلى منه عند الاناث
🟢مشاكل خاصة بتأخر النمو عند الطفل
🟡عوامل نفسيه لتعرض الطفل لصدمه نفسيه
🟠قله التفاعل والحديث مع الطفل فى صغره
🔵تدليل الطفل بشكل مبالغ

🟩فالحل لو المشكله طبيه فبيتم علاجها
🟦اجتماعيه /نفسيه فى جلسات التخاطب وتنميه المهارات هى الحل الامثل

28/09/2023

رسالة إلى كل أسرة ربنا رزقها بطفل #توحد 👇

ممكن تكون كسبت شقاء في الدنيا .. بس انت فعلاً كسبت الآخرة
شغلك مع ابنك صدقة جارية ليك في الدنيا ❤️

مركز《شفا》 قرر يعمل حملة توعية لكل الأسر مجاناً من خلال سلسلة فيديوهات تخص أمراض النطق والكلام، وجلسات العلاج الطبيعى ومساعادتها فى تحسن حالة الطفل، بالإضافة إلى الشغل الأكاديمي مع الحالة للوصول لأفضل مرحلة مع الطفل، على يد أفضل المتخصصين..

انتظرونا كل أسبوع...