مركز الدكتور مصطفى على غازى للعلاج الطبيعى ورسم الأعصاب

24/12/2025

ما تتنمرش على الطخين
عشان مع الوقت هيخس…
وتنمرك هيفضل في دماغه ومش هينساهولك 😅

وما تتنمرش على الرفيع
عشان مع الوقت هيتخن…
وبرضه مش هينسالك كلامك الوحش 😏

اومال اتنمر على مين 🤨🤣 👇

19/12/2025

معاناة النصيحة 🤦‍♂️

🟢 (أنا):
🔵 (هو):

🔵: عايز دكتور متخصص في كذا
🟢: حاضر، روح للدكتور فلان، راجل ثقة ومحترم وشاطر 👍

—
تاني يوم (تليفون أو رسالة)
🔵: ما تشوفلي معاد قريب عنده
🟢: حاضر

—
تالت يوم (تليفون أو رسالة) 📞
🔵: ده السكرتيرة اللي عنده أسلوبها وحش، ياريت يمشيها 😒
🟢: حاضر 😐

🔵: عندي بنت محترمة والله بنت ناس كويسين تنفع تشتغل معاه
🟢: حاضر، هأبلغه

—
بعد ساعتين ⏳
🔵: الدوا اللي كاتبهولي ده كويس؟
🟢: آه ممتاز 👍
🔵: طب النوع التاني آخده مرتين زي ما هو كاتب ولا إيه رأيك؟
🟢: خد العلاج زي ما الدكتور كاتبهولك

—بعد شويتين:
🔵: بقولك إيه، العلاج تعب معدتي، ما تكلمه يغيرهولي؟ 🫤
🟢: ما هو كاتبلك حاجة للمعدة أهو
🔵: أصلّي مش باحب علاج المعدة

—كمان ساعتين
🔵: التحاليل اللي طلبها مني، شوف كده كويسة؟
🟢: آه كويسة
🔵: يعني أنا مش عندي ميكروب؟
🟢: لا، مش عندك
🔵: أومال في المعمل قالولي عندك ميكروب ليه؟ 🙄

🟢: ارجع لدكتورك
(اللي أنا اتهببت ونصحته يكشف عنده من الأول) 🤦‍♂️

—
🔵: طيب…
🔵: أصل علاجه ما جابش نتيجة، وواحد قالي دا أنا كشفت لأبويا عنده وكتبله علاج وكان هيم،وته، ولحقناه بحقنة من الصيدلية بسرعة، لولا الحاج فلان لحقه بيها كان هيروح مننا 🤨

—
🟢: خلاص ما تروحلوش
🔵: أومال أروح لمين؟
🟢: استنى أسألك بقى 😔🫤🤕

—
🟢: حسبي اللَّـه ونعم الوكيل 😡🤲

13/12/2025

🧞‍♂️ المارد: اطلب واتمنّى 🫡
👨‍⚕️ الدكتور: أتمنّى مرافق المريض 🙏

❌ ما يشخّصش
❌ ما يعالجش
❌ ما يفتيش
❌ ما يوزنش
❌ ما يقيسش الضغط
❌ ما يقولش: العملية بتفشل 😤
❌ ما يحكيش قصته المرضية من سنة ٩٥ 🧓
❌ وما يقولش: «أنا شوفت حالة شبهها» 🤦‍♂️

🧞‍♂️ المارد: 👇😶

09/12/2025

06/12/2025

تشرّفتُ بدعوتي للمشاركة في المؤتمر السابع « #تحدّي_الإعاقة»
برعاية مشتركة من وزارة الصحة والنقابة العامة للعلاج الطبيعي.
شكرًا لشركة Future Medical وللدكتور حازم عطية على الدعوة الكريمة.
وخالص تمنياتي بمزيدٍ من التقدّم والنجاح.

05/12/2025

أفَةُ الموبايلِ. ام آفة الجيل
لاحظت في السنوات الأخيرة قِلَّةَ أدب متناهية من جيل الموبايلات.
مواقف:
أكون بأتكلم مع مريض، فألاقى بنته أو ابنه فاتحًا الكاميرا يُصور "خِلْسَة".

أقف معطيًا ظهري لأهل المريضِ وأنا بأكشف عليه، فألتفت فجأة فألاقى اللى بيصور .
إيه يا بني أو يا بنتي؟ مالكم كدا 😡

عندي مرآةٌ في حجرة الكشف عليها فازَتان ورد ديكور،
تلاقى البنت اللى دخلت كشف مع أمها تقوم و"هوب" تطلع الموبايل وعايزه تتصور الصورة المعتادة بتاعتهم بلا إذن—وكيف أذنُ لها أصلًا؟
جرى إيه يا بنتي؟😏

والعجيب: تسجيل المكالمات، وأخذ المشورة الطبية، وضرب آراء الأطباء بعضها ببعض ، وعايز يسمعك مكالمته مع الدكتور الاخر والواتس اللى بينهم ،
حاجة في منتهى القرف، طريقةٌ يفعلُها بعضُ اللِّئامِ الذين يضرون أنفسَهم ولابد.

ويظل المتفزلك يتفزلك ويتلائم لحد مايموت .

إحنا مش كويسين،
وبنزداد قِلةَ أدب،
ولا عارفين حقَّنا ولا حتى حقوقَ غيرنا.

قال ﷺ «إذا حدث الرجل الحديث ثم التفت فهي أمانة»

الصورة AI للتوضيح .

03/12/2025

هو ايه فى حياتك 100%
علشان صحتك تبقى 100%

02/12/2025

الزوجة الحنينة رزق

24/11/2025

مليووووون مبروك! 🎉

الفائز الأوّل: وقد كتب المثال كاملًا… 200 جنيه 🏆

الفائز الثاني: شرح بسيط ووصل للفكرة… 100 جنيه 👏

سيتم التواصل معكم حالا ..
ألف مبروك للجميع، وبالتوفيق في المسابقات الجاية ✨

24/11/2025