صيدلية البرقي El-Barky Pharmacy

30/11/2025

السؤال اليومي
وخصوصا في الشتاء
شربت كام لتر ماء النهارده
#اوعك تنسي
( وجعلنا من الماء كل شئ حي)

30/11/2025

لما الصيدليه تقولك اطلع علي المستشفي او علي دكتور متخصص يبقي تحترم قراره
هو مش عاوز يفرهدك
لكن هو شايف حاجات انت مش شايفها.
ومماطلتك هتدفع تمنها لكن للاسف من صحتك
#اللهم اشف مرضانا
#اللهم استعملنا ولاتستبدلنا

02/11/2025

17/05/2025

اخواتنا اللي بيستعدوا لاداء فريضة الحج
متنساش ان استخدام العطور والروائح
من محظورات الاحرام وان فيه منتجات مخصصه للمحرم اسال المرشد معاك هيدلك.

تقبل الله حجكم وعملكم
ولاتنسونا من صالح دعائكم
#خير ايام الدنيا قاطبة

16/05/2025

الا تفسيره ايه دا يادكتور
اقرا انت بقي وا بقي ارجع عرفني

16/05/2025

متنساش نصيبك من السوائل والاملاح
في درجات الحراره المرتفعه للوقايه من ضربات الشمس
لكل ١٥-٢٠ كيلو لتر ماء

صباحكم جميل

14/05/2025

المدام اللي بتشكي من الحشرات
في شعر اولادها
العيب مش عندك
بصي علي اصحاب اولادك
القمل حشره تنتقل عن طريق العدوي من شخص مصاب
عاوزه تعالجيها وتقضي عليها
يبقي بالروتين اللي بننصحك بيه

13/05/2025

ياغالي متجيبش حاجه من علي النت
وتجي للدكتور تقوله هات لي دي

تعبان اكشف وعلي حسب حالتك الدكتور هيوصف لك

مش عاوز تكشف الصيدلي هيساعدك
بناء علي حالتك

لكن شغل البصمجه ماينفعش
واكم من حاله جابت من ع النت وفي الاخر طلع نصب

24/04/2025

حضرتك مريض سكر قديم او جديد
وبيشكي من ضبابه (اوشبوره) علي حد وصفه
لازم تتابع مع د. رمد ياغالي
كدا فيه مياه زرقاء علي عينه
ولازم تتسحب

08/04/2025

مرض اليد والرجل والفم

مرض فيروسي يسبب بثور حول الفم وفي اليد وفي الرجل
وممكن منطقة الحوض

ينتقل عن طريق التلامس المباشر مع الخص المصاب

اعراضه ارتفاع درجة الحراره
بثور كما بالصوره
فقدان الشهيه

تظهر الاعراض بعد الاصابه ب٣ ايام
وينتهي تلقائيا بعد ٧ ايام

الاطفال عرضه للاصابه اكثر من غيرهم

الدور منتشر الايام دي ياريت ناخد بالنا