What are the opening hours?

Monday 8am - 5pm Tuesday 8am - 5pm Wednesday 9am - 5pm Thursday 9am - 5pm Friday 12am - 5pm Saturday 8am - 5pm Sunday 8am - 5pm

https://www.facebook.com/1470398803181735/

Kids Clinic عيادة طب الأطفال, Kafr al-Dawar (2026)

23/04/2025

رجعنالكم بأقوي وأفضل محتوي يخص صحة طفلك ويحميه من جميع الأمراض ... انتظرونا

22/04/2025

تقلب الطقس بين الحار والبارد أو العكس، مع تغيير فصول السنة، يؤثر على صحة الرضع والأطفال، وبتزيد في هذه الفترات من العام الإصابة بنزلات البرد والحساسية ومشاكل العين وجفاف البشرة... حافظوا علي ولادكم ربنا يبارك فيهم ويحفظهم من كل شر

06/08/2022

هل تعلم معلومات عامة قصيرة للأطفال، أطفال اليوم هم جيل المستقبل، لهذا يجب أن نهتم بإدخال المعلومات الصحيحة إلى أطفالنا في مرحلة مبكرة من العمر، لأنها تستمر في أذهانهم العمر كله

19/10/2019

—————————
كثير من الأمهات إنتابهم حاله من القلق والفزع خاصه مع إنتشار التطرق في الحديث عن مرض الإلتهاب السحائي لذلك سوف نتحدث اليوم عن مرض الإلتهاب السحائي بشكل مبسط :

ماهو الالتهاب السحائي⁉️
هو عدوي بكتيريه أو فيروسيه (الالتهاب السحائي البكتيري )
يصيب الأغشية المحيطة بالمخ والنخاع الشوكي
⬅️ينتشر في فصل الشتاء خاصه في الأماكن المزدحمة مثل المدارس، الأماكن سيئه التهويه

هل الإلتهاب السحائي مٌعدي❓
ينتقل المرض إلى الاطفال عن طريق التعرض لرذاذ شخص مصاب أثناء السعال أو العطس أو التقبيل ، ولكنه لا ينتقل عن طريق الهواء

ماهو السن الاكثر عرضه للإصابه بالالتهاب_السحائي❓
الأطفال حتي سن الخامسة هم الأكثر عرضه للإصابه بالعدوي بينما يكون البالغين حاملين للڤيروس دون ظهور الأعراض المرضيه

ماهي أعراض الإلتهاب السحائي عند لاطفال❓
▪حراره مرتفعة تصل إليّ ٤٠درجه مئوية
▪ألم الرأس
▪عدم إحتمال رؤيه الضوء
▪إسهال
▪فقدان الشهيه
▪تيبس الرقبه
▪طفح جلدي
▪زكام وسعال
▪خمول
▪ تشنجات
⬅️يجب التوجه فورا إليّ الطبيب 👨🏼‍⚕️في حاله ظهورالاعراض السابقة لا قدر الله علي طفلك

ماهي طريقه الوقايه من الإلتهاب_السحائي❓
✅أخذ التطعيم الإجباري للأطفال في المدارس والأطفال دون سن المدرسه يتم أخذ التطعيم عند الطبيب الخاص بالطفل
✅ينصح بأخذ التطعيم إبتداءًا من الشهر الثاني بعد الولاده وتستمر الجرعات التنشيطيه حتي عمر ١٨ عام
خاصه إذا كان الطفل يعاني من مشاكل صحيه أو معرض للسفر إليّ بلدان تكثر فيها العدوي بالإلتهاب السحائي
✅الإهتمام بالنظافه الشخصيه وغسل أيدي الطفل جيدا قبل الأكل
✅تجنب الأماكن المزدحمة والأماكن سيئه التهويه

هل يمكن الشفاء من الإلتهاب_السحائي❓
يمكن أن يشفي الطفل تماما إذا تم تشخيص المرض مبكرا.

04/08/2019

كل يوم معلومه تهمك🤓🤓
👆خلي بالك.. التبول اللاإرادي عند الأطفال
يُعرّف التبول اللاإرداي أو السلس البوليّ عند الأطفال بخروج البول بشكلٍ لاإردايّ خلال النهار أو أثناء النوم، بعد مرحلة تعلّم استخدام التواليت، ومن الجدير بالذكر أنّ الأطفال يتعلّمون السيطرة على المثانة في المرحلة العمريّة بين سنّ السنتين والأربع سنوات، وتُعدّ مشكلة التبول اللاإرادي من المشاكل الشائعة عند الأطفال في المرحلة العمريّة بين سنّ الرابعة والسابعة، حيثُ أظهرت الدراسات إصابة ما يقارب 20% من الأطفال في سنّ الخامسة بمشكلة التبول اللاإردايّ، و10% من الأطفال في سنّ السابعة من العمر، وتجدر الإشارة إلى أنّ معظم حالات التبول اللاإردايّ لا تكون بسبب مشاكل مرضيّة في أحد الأعضاء، وتزول مع تقدم الطفل في العُمُر دون الحاجة للعلاج، ويمكن مراجعة الطبيب للتأكد من عدم وجود مشكلة صحيّة تؤدي إلى إصابة الطفل بالتبول اللاإردايّ، ويجدر بالأهل الصبر وتفهّم حالة طفلهم، وذلك من أجل حل هذه المشكلة.

أسباب التبول اللاإرادي عند الأطفال
تُعدّ مشكلة التبول اللاإرداي خلال النهار أكثر شيوعاً عند الإناث، بينما يكون التبول اللاإردايّ أثناء النوم أكثر شيوعاً عند الأطفال الذكور، ولم يتمّ إلى الآن تحديد المسبّب الرئيسيّ لمشكلة التبول اللاإردايّ، والتي تحدث دون وجود مشكلة صحيّة كما ذكرنا سابقاً، ولكن تجدر الإشارة إلى أنّ نسبة إصابة الأطفال بالتبول اللاإردايّ تزداد في حال معاناة أحد الوالدين من هذه المشكلة الصحيّة في مرحلة طفولته، وذلك بنسبة تصل إلى 45%، ممّا يدلّ على وجود رابط بين الوراثة والإصابة بالتبول اللاإردايّ، ومن الأسباب التي قد تؤدي إلى الإصابة بالتبول اللاإردايّ عند الأطفال ما يأتي:
فرط إنتاج البول.
المعاناة من الإمساك.
المعاناة من أحد مشاكل النمو.
الإصابة بمرض السكريّ.
حبس البول بشكل إرادي من قبل الطفل.
الإصابة بالعدوى في أحد أجزاء الجهاز البوليّ.
المعاناة من أحد التشوهات الخلَقيّة، مثل تضيّق الإحليل وانسداد مجرى البول.
عدم استجابة الدماغ لبعض الإشارات الفسيولوجيّة الطبيعيّة التي تصدر عن المثانة.
المعاناة من أحد المشاكل العصبيّة، مثل الإصابة بتشقّق العمود الفقريّ، أو أحد التشوهات العصبيّة الخلَقيّة الأخرى.
الإصابة بما يُعرَف بالجزر المثاني الحالبي ويمثل حالة مرضيّة تؤدي إلى ارتجاع البول من المثانة إلى الكلى.
الإصابة باضطراب نقص الانتباه مع فرط النشاط.
المعاناة من انقطاع النفس الانسداديّ النوميّ والذي يؤدي إلى انقطاع النفس أثناء النوم.

أعراض الإصابة بالتبول اللاإرادي عند الأطفال
يُعتبر خروج البول بشكلٍ غير مقصود من الأعراض الرئيسيّة للإصابة بالتبول اللاإراديّ، ويؤدي ذلك إلى ملاحظة وجود بول على الملابس الداخليّة للأطفال، أو على السرير، وفيما يتعلق بالأعراض التي قد تظهر في حال وجود مشكلة صحيّة أخرى تؤدي إلى التبول اللاإراديّ في النهار، مثل:
التبول أكثر من ثماني مرات في اليوم الواحد.
عدم إفراغ المثانة بشكلٍ كامل عند استخدام التواليت للتبول. انخفاض عدد مرات الدخول إلى الحمام وتفريغ المثانة، إلى ما يتراوح بين 2-3 مرات يوميّا، حيث إنّ عدد مرات التبول الطبيعيّة في اليوم الواحد لدى الأطفال يتراوح بين 4-7 مرات.
ملاحظة قيام الطفل ببعض الحركات غير الاعتياديّة، مثل التشنّج أو الارتباك، والقرفصاء، وضمّ القدمين، وذلك لتجنّب خروج البول بشكل لاإراديّ.

أمّا بالنسبة للتبول اللاإرادي الليليّ فيُعدّ من المشاكل الشائعة لدى الأطفال، ولا يكون مصحوباً بأيّ مشاكل صحيّة في الغالب، خاصةً في حال كان من المشاكل الشائعة بين أفراد العائلة في الصِغَر، ومن الأعراض التي قد تدلّ على وجود مشكلة صحيّة تؤدي إلى حدوث التبول اللاإرادي الليليّ: التبول على الفراش أثناء النوم بين 2-3 مرات في الأسبوع الواحد لمدّة تزيد عن ثلاثة أشهر متتالية.
التبول على الفراش أثناء النوم بشكلٍ يوميّ.
عودة مشكلة التبول اللاإراديّ بعد انقطاعها لمدّة دامت ما يقارب الستة أشهر.
مراجعة الطبيب في حال الخوف من مشكلة التبول اللاإراديّ أو تسببها في الإحراج للأم أو الطفل، يمكن مراجعة الطبيب للتأكد من عدم وجود مشكلة صحيّة، أو للتأكد من أنّ المشكلة طبيعيّة في عمر الطفل، وتوجد بعض الحالات الأخرى التي تستدعي مراجعة الطبيب أيضاً، ومنها :
ضعف الجهاز البوليّ لدى الطفل، وخروج البول على شكل قطرات، ممّا قد يدلّ على وجود مشكلة خلَقيّة في الجهاز البوليّ.
بدء حدوث مشكلة التبول اللاإرادي في النهار بعد اقتصارها على الليل أثناء النوم فقط.
ملاحظة شخير الطفل أثناء النوم في الليل.
استمرار مشكلة التبول اللاإراديّ أثناء النوم بعد بلوغ سنّ السابعة أو أكثر من العُمُر.
ظهور أعراض الإصابة بعدوى في الجهاز البوليّ، وتجدر الإشارة إلى ضرورة مراجعة الطبيب على الفور في حال ملاحظة هذه الأعراض على الطفل خلال مدّة لا تزيد عن 24 ساعة، وذلك لتجنّب حدوث المضاعفات الصحيّة الخطيرة،
وفيما يلي بيان لبعض الأعراض التي قد تظهر على الطفل في حال إصابته بعدوى في الجهاز البولي:
كثرة التبول.
الإصابة بالحمّى دون وجود سبب واضح لذلك.
إصابة الطفل بالأرق والارتباك.
بكاء الطفل أثناء التبوّل.
الشعور بألم أسفل البطن أو الظهر.
الشعور بألم أو حرقة أثناء التبول.
خروج بول ذو لون غامق، أو غائم، أو خروج دم مع البول. ملاحظة خروج رائحة كريهة مع البول.
الرغبة الشديدة بالتبوّل، مع خروج كميّات قليلة فقط من البول أثناء التبوّل.

صحتكم تهمنا

18/07/2019

كل يوم معلومه تهمك🤓🤓

👆خلي بالك..

١- الطفل لو جاع بعد ما يتولد و مامته تعبانه و مش قادرة ترضعُه :-

❌ الغلط :
إديله ٥ سم جلوكوز أو رضعة أعشاب لحد لما أمه تفوق ⁦... و كده كده اللبن مش هاينزل غير في اليوم الثالث..

⁦✔️⁩ الصح :
نساعد الأم و نحطه على صدرها لإن الحركة دي نفسها بتزود إفراز اللبن... لإن اللبن و القنوات اللبنيه بيكتمل تكوينها في ث*ي الأم من الأسبوع ال ٣٥ في الحمل و مش محتاج غير تحفيز فقط ...
و الكمية اللي بتنزل للطفل كافية تشبعه لإن معدِته صغيره و يعادل حجمها حجم البيضة البلدي الصغيرة .... زائد إن أول لبن بينزل من ث*ي الأم ( السرسوب ) على الرغم من إنه لونه خفيف و زي الماء إلا إنه بيحتوي على كمية عالية من البروتين و الأجسام المضادة اللي بتحمي الطفل لفترة طويلة ضد الميكروبات و الجراثيم اللي هايقابلها على كوكبنا الجميل 😊 ...و الأم لو مش قادرة خالص نحضر للطفل ٣٠ مل لبن صناعي و نديه بالمعلقة أو بالسرنجة علشان ما يتعودش على الببرونة و يسيب ث*ي الأم ...

٢- الطفل لو جاتله الصفراء بعد الولادة :-

❌ الغلط :-
حطيه تحت لمبه نيون و إديله ميه بسكر علشان الصفراء تروح .

⁦✔️⁩ الصح :-
اللمبة النيون و لا ليها أي لازمة و لا تَمُت للعلاج الضوئي اللي الطفل بيتعرض ليه في الحضانة بِِصِلَة .... و الميه بسكر بتعمل عسر هضم و بتزود الصفراء ..... طيب نعمل إيه ؟؟!!
نِطلع بالطفل على أقرب دكتور نقيس عنده الصفراء بالذات لو ظهرت في أول يوم بعد الولادة .... و حسب النسبة و حالة الطفل الدكتور هايحدد هتعملوا إيه ....لو رجعكوا البيت و قالكوا دي صفراء فيسيولوجيه و نتابع يبقى تهتموا برضاعة الطفل كويس جداً لإنها أول علاج للصفراء الفيسيولوجية و تاني حاجه ممكن تعرضوا الطفل لضوء الشمس وقت الشروق و وقت الغروب لإن في الوقتين دول بيبقى في موجات ضوئية مشابهه للي موجودة في العلاج الضوئي اللي في الحضانات ...

٣- الطفل عنده فتق سُرِّي :-

❌ الغلط :-
أربطي بطنه بحزام السُرة أو أقولك هاتي جنيه معدن و اربطيه برباط على الفتق علشان يروح .

⁦✔️⁩الصح :-
الفتق السري موجود في نسبة مش قليلة من المواليد و سببه ضعف جدار البطن و مع الوقت في مُعظم الحالات مع نمو الطفل و ازدياد عضلات البطن قوة بيروح لوحده بدون أي تدخل مهما كان كبير .... و رباط السرة من فضلك فكيه و ارميه و الجنيه حطيه في الحصالة
يمكن ينفعك في يوم من الأيام 😄
و لو حسيتي إن الفتق جامد شوية أو لونه مغير و دا بيحصل قليل أوي ياريت تستشيري دكتور جراحة ...

٤- حفلة السُبوع :-

❌ الغلط :-
هاتوا الغربال نغربل الواد خلليه يجمد كده ...و دق يا هون و إسمع كلام أبوك و ما تسمعش كلام عمك ...( للأسف لسه بيحصل الكلام دا و كتير )

⁦✔️⁩ الصح:-
هزة الغربال ممكن تسبب نزيف في المخ فوريا و تخللي الطفل يعاني من إعاقة ذهنية و عصبية و عضلية طول عمره ...ف بلاش الغربال و بلاش السبوع أساساً التوفير حلو و إحنا في أيام ما يعلم بيها إلا ربنا 😄

٥- الكالسيوم :-

❌ الغلط :-
إديه من أول ما يتولد علشان يشد نفسه بدري و يمشي و يسنن بدري ...

⁦✔️⁩ الصح :-
مش بندي الكالسيوم من غير تحليل .... مش بندي الكالسيوم من غير تحليل .... مش بندي الكالسيوم من غير تحليل ... أقول كمان و الا كفاية 😄
ليه كل دا ؟؟!!
لإن الكالسيوم عمال على بطال و من بدري بيؤذي الكلى و ممكن يكون حصوات في مجرى بول الطفل و يدخلنا في متاهات لا طاقة لنا بها ...
طيب نعمل إيه ؟؟!!
ندي فيتامين د من اول الولادة ٤ نقط و لغاية سنة و دا كفاية مع الرضاعة و الأكل بعد كده لنمو الطفل و تطوره العضلي ... الطفل متأخر نروح للدكتور و نعمل التحاليل و الفحوصات اللازمة و نشوف إيه السبب ..
و بالمرة الحديد ممكن نبدأه من الشهر الرابع كجرعة وقائية بالذات لو الطفل بيرضع طبيعي و مع بداية الأكل لو الطفل بياكل و بيرضع كويس ممكن نستغنى عن الحديد خالص ...

٦- الأكل :-

❌ الغلط :-
إبدأي أكلي بدري علشان وزنه يزيد و يربرب كده ...

⁦✔️⁩ الصح :-
في علامات بتقولنا الطفل جاهز ياكل و الا لأ زي مثلاً إنه يصلب رأسه .. يتابع الناس و هي بتاكل و لعابه ينزل وقت ما يشوف الأكل ... و العلامات دي بنشوفها من الشهر الرابع للسادس و حتى لو شفتيها و بدأتي تأكلي لازم تعرفي إن مرحلة ما قبل السنة اللي بيزود الوزن زيادة صحيه هي الرضاعة و الأساسي في غذاء الطفل هو الرضاعة ... و الغرض من الأكل ما هو فقط إلا تجربة الأصناف علشان نشوف تقبله ليها و عنده منها حساسية و الا لأ .

٧- الماء :-

❌ الغلط :-
شربيه ميه الدنيا حر حرام عليكي ...

⁦✔️⁩ الصح :-
شُرب الماء بيبدأ من عمر ٦ شهور و الطفل بيوصله عن طريق الرضاعة سواء طبيعي أو صناعي إحتياجاته الكاملة من الماء ..

ليه مش قبل ٦ شهور ؟؟!!

علشان بطنه ما تتملاش على الفاضي و يشبع و بالتالي تضيع عليه رضعات مغذية و وزنه يقل و كمان علشان الكلى ما تتعبش ...
و لو لازم أوي و نفسك تشربيه ماء أو هتستخدمي أعشاب علشان الإنتفاخ يبقى من الشهر التاني و مش أكتر من ٦٠ مل في اليوم و بدون سكر أو عسل ...

تحياتي
د/محمود الغرباوي
صحتكم تهمنا

12/07/2019

كل يوم معلومه تهمك🤓🤓

👆خلي بالك.. التسنين ..و مشاكله ...و عذابه للأم و الطفل

مبدأيا برضه لازم نأكد علي ان التسنين مسألة فسيولوچية طبيعية بتحصل لكل الأطفال ...مفيش حاجة مطلوبة من الأمهات اكتر من انهم يخففوا علي الطفل ألمه و يبقوا فاهمين ايه الطبيعي و امتي نقلق

الطفل بيبدأ يطلع سنته الأولي في عمر من ٤_٧ شهور
اول سنة بتطلع هم السنتين الوسطانيين في الفك السفلي ..غالبا بعد كده بقية الأسنان بتطلع بترتيب معين بس مش شرط ..الضرس الأول في الأربع أركان حوالي عند عمر سنة ...الأنياب تقريبا عند سنة و نص و الضرس التاني في أركان الفم الأربعة قرب السنتين ده الشائع ...

لكن طبيا ممكن جدا التسنين يتأخر في البداية لغاية سن سنة. . و بالتالي حانزود علي كل الأوقات اللي فوق دي ست شهور ..و دايما نفتكر ان ده معدل بين الأطفال مش ضروري طفلنا يمشي عليه بالمسطرة ...ممكن يطلع حاجة قبل حاجة طبيعي

ممكن كمان الأسنان في بداية ظهورها تبقي معووجة شوية و تتعدل مع الوقت

أعراض التسنين ....................
رغم ان اول سنة ممكن تتأخر لغاية سنة الا ان أعراض التسنين ممكن تبدأ من اول ٣-٤ شهور ..في صورة عضعضة لأي حاجة حتي ايده و صوابعه ....زيادة افراز اللعاب ( الطفل بيريل ) ...و طبعا ألم التسنين ...اللي كل الأمهات عارفاه 😃
الألم ده ممكن يخلي الطفل رافض الأكل تماما و متعلق بالرضاعة بس بعدما كان بدأ ياكل

هل ممكن يصاحب التسنين ارتفاع في درجة الحرارة ؟
ممكن نص درجة ...لكن حرارة أعلي من ٣٨ يبقي فيه سبب تاني غير التسنين .

هل يصاحب التسنين اسهال او رشح ؟
المفروض لأ ..لكن ممكن يكون وقت التسنين مناعة الطفل بتنخفض شوية و ده بيخليه يتأثر بالميكروبات أسرع في الفترة دي ..

طيب نعمل ايه للطفل في وقت التسنين عشان نخفف الألم ؟
١- احسن و اسلم حاجة هي العضاضات المطاطية اللي ممكن تتحط في التلاجة و نديها للطفل يعض فيها و ده بيسكن الألم و بيريحه .
٢- ممكن لو مش قادر ياكل نأكله حاجات ساقعة نسبيا زي التفاح المسلوق بعد ما نحطه شوية في التلاجة
٣- لو الطفل كان فعلا متألم و بيعيط كتير مفيش مانع نستخدم مسكن بالفم زي الباراسيتامول بجرعة مناسبة لسنه و وزنه ..مرة أو مرتين في اليوم بالذات في الأيام اللي بيزيد فيها الألم قبل ظهور الأنياب و الضروس .

جل تسكين الألم اللي كان شايع استخدامه في فترة من الفترات اللي بيحتوي علي مخدر موضعي ..هيئة الدواء و الغذاء الأمريكية FDA منعت استعماله للأطفال مؤخرا ..بسبب افراط بعض الأمهات في استخدامه و بلع الأطفال لكمية كبيرة منه و ده ممكن يؤدي لعدم انتظام ضربات القلب أو حدوث بعض التشنجات ..يفضل نبعد عنه

أخيرا هل طفلنا محتاج جرعة زايدة من ڤيتامين د أو الكالسيوم في وقت التسنين ؟
المفروض حسب توصيات منظمة الصحة العالمية ان الأطفال من عمر يوم يفضل ياخدوا ڤيتامين د بجرعته الوقائية لأنهم مش بيتعرضوا للشمس بشكل كاف وقائية يعني الجرعة اللي بتحافظ علي تركيزه في الجسم و يفضلوا ياخدوه لغاية سن سنة ....لو التسنين اتأخر عن سنة بنعمل تحاليل من ضمنها قياس نسبة الكالسيوم في الدم
و الطفل ساعتها ممكن ياخد جرعة علاجية من ڤيتامين د لفترة محددة و قد يحتاج كمان انه ياخد كالسيوم لو نسبة الكالسيوم قليلة ( يعني الكالسيوم مش روتين للطفل ) ....

التسنين فعلا مرحلة بتبقي صعبة الي حد ما علي الطفل و الأم ...رجاء ناخدها بهدوء و نفهم ان طفلنا محتاج حنان و طمأنة اكتر من الأدوية و حايمر بيها بسلام ان شاء الله ......

تحياتي
دكتور
محمود الغرباوي
أخصائي الاطفال و حديثي الولاده
بمستشفي فوزي معاذ للاطفال
ماجستير الاطفال جامعة الازهر
دبلوم الصحة العامة جامعة الاسكندرية
د.زمالة مصرية في طب الاطفال

المواعيد
يومياً من ٢ - ١٠ مساءاً عدا الخميس والجمعة
خورشيد اول شارع السوق اعلي صيدلية عزب نوبار
الحجر والاستعلام 📞 ٠١٢٧٠٩١٧٩٨٥ - ٠١٢١٢٠٠٤٢٦٦

صحتك تهمنا

04/07/2019

كل يوم معلومه تهمك🤓🤓

👆خلي بالك.. فيه حاجة مهمة ..تخص الأمهات الجداد والاهل ..عشان بس لاحظت أن فيه ناس ميعرفوش المعلومة دي..
هتكلم عن العينة اللي بتتاخد من كعب القدم في الوحدات الصحية للاطفال حديثي الولادة..
العينة دي بتتاخد في الفترة مابين اليوم التالت لليوم السابع..و اغلب الناس عارفة انها عينة لتحليل الغدة الدرقية..
مؤخرا العينة دي ( تحديدا من نوفمبر ٢٠١٥ ) بقت كمان تشمل تحليل تاني لتشخيص مرض من أمراض التمثيل الغذائي وهو تحليل نسبة الفينيل الانين في الدم...المرض ده احنا بنسميه اختصارا (PKU ) لو لم يتم تشخيصه مبكرا بيكبر الطفل و بيبقي متأخر في الفهم و الحركة و الكلام ..ده غير أعراض تانية زي التشنجات و غيرها.
علاجه أن الطفل يمشي علي لبن خاص و يمشي كمان علي حمية قليلة البروتين..
و لأن التشخيص المبكر بيفرق اوي ..و بيخلي الطفل (مع اتباعه تعليمات العلاج و اللبن و الحمية الخاصة) طبيعي تماما بدون اي اعراض تأخر أو تشنجات أو غيرها، عشان كدة وزارة الصحة ضمت مرض التمثيل الغذائي لبرنامج المسح القومي..
في الوحدة الصحية ،بعد سحب عينة كعب القدم علي ورقة النشاف،بياخدوا رقم الاب أو الأم ،ولو طلع التحليل عالي بيكلموهم مرة تانية لتكرار التحليل و لو طلع عالي للمرة التانية بيسحبوا عينة وريدية تأكيدية ترسل الي المعمل المركزي في القاهرة..لو طلعت إيجابية للمرة التالتة، بيتحول لمركز الارشاد الوراثي كحالة إيجابية تحتاج لصرف اللبن الخاص و متابعة من أطباء المركز للمريض عشان الكمية المطلوبة من اللبن و كمان تحديد الحمية الخاصة..

طيب ليه بكتب البوست ده🤔🤔؟

عشان فيه حالات بتطلع إيجابية لمرض التمثيل الغذائي و لما المعمل المشترك يبلغ الوحدة الصحية بذلك و يتم تبليغ أهل الطفل،احيانا الأهل بيفتكروا تحليل الغدة الدرقية هو اللي فيه المشكلة، و هنا بيحصل الخلط!
الأهل بيعيدوا تحليل الغده الدرقيه تاني في معمل برة يطلع سليم..ف ينبسطوا و يقولوا تحاليل الوزارة دي أي كلام و ميسألوش تاني!
دي بتبقي مشكلة كبيرة، عشان الطفل عنده مرض ال PKU لكن الغدة الدرقية سليمة! و أي تأخير في علاج المرض ده بيأثر علي نمو الطفل و درجة ذكائه و بيسبب علي المدي الطويل التخلف العقلي!

تحياتي
د/محمود الغرباوي

صحتك تهمنا

01/07/2019

كل يوم معلومه تهمك🤓🤓

👆خلي بالك.. توجيهات لتغذية الأطفال من سن الولادة حتى سن سنة واحدة
من الولادة حتى سن ستة أشهر
الرضاعة هي التغذية الطبيعية والأكثر ملاءمة لاحتياجات الطفل.
نوصي بالرضاعة بدون أية مكملات غذائية أو سوائل، حتى سن ستة أشهر.
حليب الأم يلبي بصورة عامة الاحتياجات الغذائية للطفل الآخذ بالنمو حتى سن ستة أشهر.
الطفل الذي لا يرضع أو يرضع بشكل جزئي يتلقى تركيبات غذاء أطفال غنية بالحديد.
يجب الحرص على قواعد تحضير تركيبات غذاء الأطفال مع الحفاظ على قواعد النظافة الصحية والسلامة.
نوصي بالبدء بإطعام الطفل بطعام صلب (مكمل) بسن 6 أشهر. لا نوصي بذلك قبل سن 4 أشهر.
بين سن 4 اشهر حتى 6 أشهر يمكن البدء بإطعام الطفل بطعام صلب (مكمل)، فقط بعد أن يظهر الطفل علامات استعداد (انظر لاحقاً) وبكميات صغيرة جداً.

علامات استعداد الطفل لأكل الطعام الصلب
يمكنه الجلوس مع دعم.
رأس مستقر وثابت.
يظهر الفضول والاستعداد للأكل مع تقريب الطعام إلى فمه.
ينجح بنقل الطعام في فمه من جهة لأخرى.
يقرب إلى فمه يديه وأغراضاً مختلفة.

إضافة غذاء صلب (مكمل): متى، كيف، ماذا وكم نعطي الطفل؟
وقت الوجبة يتم كشف الطفل وبشكل تدريجي لغذاء جديد بموازاة تغذيته بحليب الأم أو بتركيبات غذاء الأطفال.
البداية بكمية صغيرة من الطعام بواسطة ملعقة مخصصة للأطفال وزيادة الكمية بشكل تدريجي حتى تصل إلى وجبة.
نسيج الغذاء – مطحون، مهروس، بدون أية كتل.
الانتقال إلى نسيج أصلب يتم بشكل تدريجي، بموجب قدرات الطفل على المضغ والابتلاع.
يمكن إعطاء الطفل من الأغذية المتنوعة التي تتناولها العائلة.

من سن ستة اشهر فصاعداً
نوصي بمواصلة الرضاعة.
يجب إضافة أغذية من لائحة طعام العائلة لتكملة الاحتياجات الغذائية للطفل الآخذ بالنمو والتطور.
من المهم أن تختاروا، كمأكولات أولى، أغذية غنية بالحديد، مثل: لحم البقر، الحبش وغيرها، الأسماك، البقوليات، "حبوب الأطفال" الغنية بالحديد.
يجب دمج خضار وفواكه غنية بفيتامين C.
بيض – يمكن البدء من سن ستة أشهر.
منتجات الألبان مثل: الأجبان، اللبن واليوغرت غير المحلاة يمكنها أن تشكل مكملاً غذائياً صلباً للطفل لكن بكميات صغيرة وكجزء من الوجبة.
حليب الأبقار المبستر 3% يُعطى للطفل فقط بعد سن سنة (ممنوع اعطاء الطفل حليب 1% قبل سن سنتين).
أسماك – وزارة الصحة توصي كافة السكان، بما في ذلك الأطفال باستهلاك الاسماك وبتنويع أنواع الأسماك في لائحة الطعام. لا داعي لتحديد استهلاك الأسماك في صفوف السكان بشكل عام وفي صفوف الأطفال بشكل خاص وإنما يجب الحفاظ على تغذية متنوع ومتوازنة (معلومات إضافية وتوصيات بشان استهلاك الأسماك). يجب الحرص على نزع العظام الصغيرة من لحم الأسماك أو على طحن الأسماك بشكل جيد.
من المحبذ كشف الطفل لأغذية تحوي دقيق الحنطة قبل سن سبعة اشهر، نوصي بدمج ذلك مع الرضاعة.
قبيل سن السنة نوصي بإعطاء وجبتين إلى ثلاث وجبات يومية من لائحة طعام العائلة بالإضافة إلى الرضاعة/تركيبات غذاء الأطفال.
ممنوع إعطاء الطفل العسل قبل سن السنة.
توجيهات عامة
من المهم احترام تفضيلات الطفل، ممنوع إرغامه على إنهاء الوجبة وممنوع إطعامه بالقوة!
نوصي أن تقدموا إلى الطفل المأكولات المتبعة في العائلة بموجب الثقافة والتقاليد العائلية.
نوصي بتشجيع الأكل سوية مع بقية أفراد العائلة حول مائدة الطعام.
من المهم السماح للطفل بأن يأكل بواسطة أصابعه العشر(وهي نظيفة)، ملعقة، كوب وطبق والامتناع قدر الإمكان عن استعمال القناني.
من المهم تقليص إضافة الملح أو مساحيق الحساء والامتناع عن الاستهلاك المفرط للأغذية الغنية بالصوديوم مثل النقارش المالحة.
نوصي بتقليل استهلاك الأغذية الصناعية الجاهزة.

الشرب
الطفل لا يحتاج إلى إضافة الماء حتى سن ستة أشهر، طالما كان غذاؤه الرئيسي هو حليب الأم أو تركيبات غذاء الأطفال.
في سن ستة أشهر، مع الانتقال إلى وجبات متنوعة، يجب إضافة ماء الشرب. يمكن جعل الطفل يعتاد مسبقاً على الشرب من الكوب.
حتى سن سنة، يجب غلي جميع أنواع المياه، بما في ذلك المياه المعدنية، المياه من القناني، المياه من العبوات وماء الحنفية (ممنوع استعمال ماء من حنفية الماء الساخن).
من المهم إعطاء الطفل الماء بدرجة حرارة الغرفة.
نوصي بالامتناع عن تناول المشروبات المحلاة بالسكر، مثل شاي الأطفال، الشاي الأخضر، الشاي العادي، عصائر الفواكه، العصائر والمشروبات الغازية. وذلك من أجل تقليص خطر تسوس الأسنان وعدم جعل الطفل يعتاد على المذاق الحلو.
بما أنه لا توجد معلومات كاملة بخصوص سلامة استعمال تركيبات، خلطات ونقائع النباتات، يجب الامتناع عن استعمالها في صفوف الأطفال.
مشروبات الصويا، حليب الأرز وحليب اللوز غير موصى بها للطفل وهي لا تحل مكان الرضاعة أو تركيبات غذاء الأطفال.

الحذر!
ممنوع تسخين غذاء الأطفال بواسطة الميكروويف. التسخين لا يتم بشكل موحد ومتجانس ومن شأنه التسبب بحروق في فم الطفل.
يجب الامتناع عن تناول المأكولات التي من شأنها التسبب بحالات اختناق في صفوف الرضع والأطفال.
الفواكه والخضار الصلبة – يجب تقطيعها إلى قطع صغيرة جدا، هرسها، برشها أو طحنها.
مأكولات مستديرة مثل العنب والنقانق – يجب تقطيعها طولياً ومن ثم تقطيعها إلى قطع صغيرة.
• يجب الامتناع عن إعطاء المكسرات إلى الأطفال وهم دون سن خمس سنوات.

المكملات الغذائية
فيتامين D منذ الولادة حتى سن سنة لتكملة احتياجات الطفل.
الحديد من سن أربعة أشهر حتى سن 18 شهراً لمنع فقر الدم.
يجب الحرص على إعطاء المكملات الغذائية في كل يوم.

تحياتي
د/محمود الغرباوي
اخصائي اطفال وحديثي ولادة
للاجابه ع جميع اسفساراتكم علي
صفحتنا او واتس 01065406581

صحتكم تهمنا

01/07/2019

كل يوم معلومه تهمك🤓🤓

👆خلي بالك.. تقريبا نصف العالم يعاني من نقص فيتامين د بسبب أن مصادر فيتامين د غير متوفرة إلا في القليل من الأطعمة و نسبة كبيرة من الاشخاص لا يتعرضون الى اشعة الشمس المهمة في تصنيع فيتامين د في الجسم بسبب الانشغال او وجودهم في دول لا ترى الشمس بكثرة.

لون البشرة مهم ايضا في نسبة فيتامين د في الجسم، حيث وجد أن اصحاب البشرة الداكنة لديهم انخفاض في مستوى فيتامين د.

نقص فيتامين د هو انخفاض مستويات فيتامين د في الدم عن معدله الطبيعي (20-50 نانوغرام/مل) المُتسبب في ترقق العظام و تشوه شكلها، وفي حين يعتمد الشخص البالغ على تناول المصادر الغذائية لفيتامين د ، كالحليب، الألبان والأسماك الدهنية كالسلمون الا ان التعرض المباشر لأشعة الشمس وفي أوقات مُحددة يُسهم في الحد من نقص الفيتامين.

فيتامين د3 هو الفيتامين الهام للكثير من عمليات الجسم و الأهم في امتصاص الكالسيوم و الحفاظ على صحة العظام.

اعراض نقص فيتامين د
صعوبة التفكير بوضوح و التركيز بالأمور
الالم الشديد في العظام مثل الم الصدر ولكن إذا صاحبه ضيق التنفس يجب استشارة الطبيب فورا
ضعف و الم العضلات
الم المفاصل
تكرار كسور العظام
لين العظام
تساقط الشعر الشديد
تعب غير مبرر
تأخر الطفل في المشي وجلوسه لفترات طويلة هي من اعراض نقص فيتامين د عند الاطفال.
يؤثر نقص فيتامين د على الصحة الجنسية والانتصاب
ضيق التنفس من الاعراض النادرة لنقص فيتامين د
ارتبط نقص فيتامين د في الحساسية، الربو، التفاعلات التحسسية والاكزيما.
علامات نقص فيتامين د على العضلات العظام و المفاصل
فيتامين د يساعد في الوقاية من كسور العظام عند الاشخاص المعرضين للاصابة بهشاشة العظام.
وفي حالة نقص فيتامين د اول ما يعاني منه المصاب هو اعراض نقص فيتامين د الشديد الخاصة بالعظام والعضلات.
أثبتت دراسة أن نقص فيتامين د شائع عند مرضى التهاب المفاصل ويسبب أيضاً نقص فيتامين د طقطقة المفاصل
يعاني الاشخاص الذين لديهم نقص فيتامين د من الم الظهر
اعراض نقص فيتامين د النفسيه والاعصاب
التعب والارهاق، الضعف العام والإعياء
الاكتئاب
القلق والخوف واحيانا نوبات الهلع
الضعف الجنسي
الأرق
سوء المزاج
عدم التركيز
ضعف الذاكرة
الارتباك
الدوخة، حيث أظهرت دراسة وجود علاقة بين علاج نقص فيتامين د والتقليل من الدوخة عند بعض المرضى وعدم الاتزان
وخز او تنميل في الجسم احيانا في منطقة الارداف او المؤخرة
يؤثر نقص فيتامين د على الأعصاب وجهاز المناعة ايضاً لاعتباره عامل في الاصابة بمرض الالزهايمر، الباركنسون، التصلب المتعدد
دراسة أيضاً أجريت على مرضى الوسواس القهري وجدت أن انخفاض فيتامين د يزيد من اعراض الوسواس القهري وقد يكون نقص فيتامين د من احد اسباب الوسواس القهري.
هل نقص فيتامين د يسبب زيادة الوزن
نقص فيتامين د يسبب صعوبة نزول الوزن
الأشخاص الذين يعانون من السمنة يصابون بنقص فيتامين د ولكن تناول فيتامين د لرفع مستوى فيتامين د في الجسم لا يسبب في انقاص الوزن للوصول الى النحافة.
كل 10% زيادة عن الوزن الطبيعي حسب مؤشر كتلة الجسم (يمكنك تجربتها) يسبب في نزول فيتامين د عن الحد الطبيعي بنسبة 4.2%.
اعراض نقص فيتامين د على الجلد
الحساسية
الاكزيما
البقع البيضاء على الوجه
الهالات السوداء
اعراض نقص الكالسيوم وفيتامين د
الكساح
لين العظام او ترقق العظام
ارتفاع هرمون الغدد جارات الدرقية
ارتفاع الضغط
هشاشة العظام و انخفاض كثافة العظم
الم العضلات
الامساك
الم العظام
الصداع
الم الفك
رفة الجفن او العين
نقص فيتامين د والهضم
لاحظ الأطباء أن مرضى نقص فيتامين د يعانون من انتفاخ البطن مثل مرضى كرون والقولون العصبي خاصة أنهم يعانون من مشاكل في امتصاص بعض العناصر من الطعام الذي يتناولوه.

تحياتي
دكتور
محمود الغرباوي
اخصائي اطفال وحديثي ولادة
بمستشفي فوزي معاذ للاطفال

تليفون العياده 01270917985
للاستفسار علي صفحتنا او واتس 01065406581

صحتكم تهمنا

26/06/2019

كل يوم معلومه تهمك🤓🤓

👆خلي بالك ... الديدان عند الاطفال ... من اكتر المشاكل اللي بتقابلنا

يا دكتور العيال مبتكبرش وصغيرين ووزنهم قليل ..... وغلبت معاهم فواتح شهيه وعلاج ومفيش فايده ... طيب عملتي تحليل براز ?? شفتي الديدان ?? انا تعبت من الديدان يا دكتور مبتروحش ابدا من عند الولد ... دي مرافقاه اكتر من صحابه 😭😭😭😭😭...

خلي بالك بالنسبه لاي طفل دلوقتي في مدرسه او حضانه اكيد هيجيله ديدان كذا مره في السنه 👿👿 ... ايه يا دكتور 😱😱😱 يعني اقعد الواد من المدرسه ولا ايه ??لا طبعا يا ستي اصبري ... هيروح عادي وهيلعب وكل حاجه بس اسمعي الكلمتين اللي هقولهوملك 🎩🎩🎩...

طيب ركزي معايا وتعالي اقولك الاول ايه هي اعراض الديدان ??
- اول حاجه المغص المتكرر 😖😖 اه يا بطني ...
- ان الواد ميكبرش ووزنه ميزدش او يخس 😪😪 ...
- الهرش وقلة النوم والاحساس بالرغبه في الهرش من عند فتحة الشرج وبالذات بالليل🙅🙅 ...
- طفل يكون عنده انيميا ومبتتحسنش رغم انه بياخد علاج ومفيش فايده 🐤🐤🐤...
- اننا نشوف الديدان بعنينا طبعا 🐛🐛🐛...
- الصداااع .. ايه يا دكتور معقوله الديدان تعمل صداع 😱😱 اه طبعا تخيلي ..
- وكمان الديدان تخلي الواد ياكل كتير وميبانش عليه ويخلص اكل البيت كله ويخرب الميزانيه يا سنيه 💵💵💵 ...
- الشعور بالجوع السريع 😨😨😨.. وهو جوع كاذب اول ما ياكل لقمتين يشبع ....
- الامساك تخيلوا ?? ومكن كمان الديدان تعمل اسهال 😷😷...
- وكمان الهمدان 🐇🐇🐇 .. لما تحسي ان ابنك همدان ومعندوش حيل يلعب ...
- واخيرا النقطه اللي كل المصريين مستنينها سيلان الريق او زياده اللعاب 🎉🎉🎉.... بس مش كل الديدان بتعمل سيلان لعاب....
- ومش لازم كل الاعراض دي تكون موجوده وممكن عرض واحد بس منهم او اتنين علشان نكون فاهمين ...

كل دي اعراض يا دكتور هو الموضوع كبير اوي كده وخطير ولا ايه ؟؟ 😭😭😭😭 ... ولا خطير ولا حاجه خليني اقولك بس ازاي تحافظي علي ابنك علشان ميجيلوش ديدان ... خدي عندك ... استني يا دكتور مش تقولي الاول دي بتيجي ازاي 👂👂👂?? عندك حق اقولك بتيجي ازاي ..

الديدان بويضاتها بتنزل في البراز وبتكون موجوده حوالين الشرج ولو هرش من تحت ايديه بتكون مليانه بمئات البويضات🐣🐣🐣🐣 اللي بينشرها في كل حته في البيت وكل حاجه يمسكها .... واي حد يلمس ايد الطفل او اي حاجه الطفل لمسها البويضات تلزق في ايده ولو أكل حاجه او حط ايده في بقه من غير ما يغسلها تجيله الديدان علطول ... هااار اسوح ... ده كده يبقي وباء يا دكتور 😱😱😱.... اه فعلا هو وباء علشان كده نادرا ما طفل ينفد منه في المدارس او من تجمعات الاطفال .. مش بس كده ممكن بعض الديدان تتتقل عن طريق شرب ميه ملوثه🍶🍶 ... او اكل ملوث وبالذات الخضروات والفواكه 🍑🍓🍐🍋🍎... او عن طريق لبن ملوث 🍼🍼... او لمس مع حيوانات مصابه بالديدان دي ..

طب قول بسرعه اعمل ايه علشان احمي ابني منها 😨😨😨😨???? انا قلقت اوي يا دكتور ..... متقلقيش هقولك علطول اهو :

1- عودي طفلك يغسل اديه بالصابون قبل اي اكل وبعده ..

2- طبعا غسل الايدين بالصابون 🏊🏊🏊بعد البراز او لما ييجي من المدرسه او من اللعب بره البيت ...

3- غسيل الخضراوات والفواكه كويس جدا وياريت ننقعها في خل ربع ساعه 🍐🍋🍎🍐...

4- عودي نفسك تعملي تحليل براز لابنك بانتظام كل 6 شهور او سنه علي الاقل ... لان كتير جدا بيكون الطفل عنده ديدان بس مش باينلها اعراض اوي ويخس تدريجيا من غير ما ناخد بالنا 👀👀👀

5- منشربش ميه منعرفش مصدرها ... وعدم شرب الميه المتخزنه في خزانات 🤗🤗🤗..

6- قص ضوافر اطفالك بانتظام ومتخليهاش تطول .. وتجنب عاده قرقضة الضوافر ✂✂✂...

7- غيريله الملابس الداخليه بانتظام وبالذات البنات ... وحمي الواد وبلاش تخليها كل عيد مره 🚿🚿🚿😂😂😂😂

8- غيري الملايات ومفارش السراير وبلاش تسيبيها بالشهور 😭😭😭....

9- شمسي اللبس كويس بعد الغسيل وياريت تغسلي السجاجيد و تشمسي المراتب والمخدات والبطاطين كل فتره... ☀☀☀☀

كل ده يا دكتور طيب قولي بقي يا دكتور نعالج الديدان ازاي ... ولا اقولك هي شغلانه انا ادي العيال مضادات ديدان هنخسر ايه يعني ...ماشي يا ست الدكتوره 🔫😭 بس الموضوع مش سهل كده ومكنش خد غلب ...

1- الموضوع محتاج تحليل براز ✔✔✔ علشان نعرف نوع الديدان لان لكل نوع ديدان دوا فعال جدا معاها ... لكن ممكن ندي مضادات ديدان عامه لو الاعراض جامده اوي لحد ما تطلع النتيجه ...💥💣💥

2- وارد ان يكون في ديدان وتحليل البراز يطلع سليم .. لان حته البراز اللي اتاخدت في التحليل مكنش فيها ديدان بالصدفه ... بس لو في اعراض ممكن ندي جرعه مضادات ديدان عامه حتي لو تحليل البراز سليم مفيش مشكله وممكن نعمل تحليل براز 3 مرات ورا بعض علشان نحاول نطلع الديدان في التحليل علشان نعرف نوعها بالظبط ايه وندي الدوا الخاص بيه... وممكن نكرر جرعه الديدان تاني بعد اسبوع📆📆📆

3- في الديدان الدبوسيه ودي اللي معظم الاطفال بتتعدي بيها بندي جرعه دوا لكل افراد الاسره .... ايه يا دكتور لكله كله ?? اه كله حتي الاب والام وكل اللي بيعيشوا في مكان واحد لان الديدان دي معديه جدا وغالبا الكبار بيكون عندهم بس مبتاثرش فيهم ومش بيبان عليهم اي اعراض لكن الصغير الضعيف هو اكتر واحد يتاثر .. ✌✌✌

4- في اول يوم علاج كله يقص ضوافره ونغير ملايات ومفارش البيت كله 😳😳😳.. ايه يا دكتور البيت كله ?? دي شغلانه صعبه يا دكتور 💣💣💣... معلش بقه كله في سبيل العيال يهون 👱👱👱

وكده باذن الله تعيشوا من غير ديدان ... وفي سلام وامان ... ✔✔🤗🤗🤗

يارب نكون قدرنا نفيدكم قدر المستطاع
تحياتي
د/محمود الغرباوي
للرد علي استفساراتكم علي صفحتنا
او واتس علي 01065406581

صحتكم تهمنا

24/06/2019

كل يوم معلومه تهمك 🤓🤓

👆خلي بالك... أولاً العياط مالوش عقاب يعني مينفعش تزعلي منه انه بيعيط ، العقاب ع الخطأ بس والتصرف السليم مع العياط هو التجاهل مهما كان المكان والناس اللي حواليكي .

يعني يعيط سيبيه يعيط ولا تقولي بس ولا تحاولي تراضيه ولا تسهيه ف حاجه تانيه ولا تقوليله هزعل منك ولا كده عينك هتوجعك

مفيش اي كومنت ولما يخلص عياط متلمهوش ع العياط ولا نقولي انا زعلانه انك عيط.. العياط دا تعبير عن الشعور مش خطأ

2-الموبايلات والتاب والتلفزيون ساعه ف اليوم مقسومه علي مرتين لان دا بيأثر ع التركيز مهما كانت الاستفاده .

3- ممنوع الاطفال تنام ف نفس الاوضه مع الاب والام بعد سنه

4-قبل الخروج لازم يكون فيه اتفاق على اللي هيحصل دا هيقلل المشاكل يعني احنا رايحيين كارفور انهارده هنجيب حاجات للبيت وانت هتجيب حاجه واحده وهنلعب لعبتين بس ..

لو وافق اوك اعترض يبقى خلاص مش هنخرج واللي اتفقنا عليه مش هيتغير مهما حصل

5-الطفل لو عمل حاجه غلط قدام حد مينفعش توجه قدام الناس بتاخده ع جنب او ف اوضه تانيه وتعرفه غلطه ولو غلط ف حد برضه متزعقلوش قدام الناس ع جنب وتوجهه وبعدين تطلعه يعتذر.

6-ممنوع يدخولوا الحمام معانا او يشوفوا الام والاب اثناء تغيير الهدووم

7-متعمليش حساب لاي حد ع حساب ولادك قالتلي لو وسط مول وسط اهلك ف تاكسي اي حاجه تعملي الصح

بغض النظر عن الناس متقوليش هسكته مثلا باي حاجه عشان الناس .. الصح يتعمل تحت اي ظرف

8-متخليش ولادك مكتفيين 100%مش كل حاجه عندهم مش كل حاجه عاوزنها يجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها

9-ممنوع ياخدوا اي لعبه من عند حد وهما نازلين وممنوع تدي اي لعبه من لعبهم لحد حتى لو بموافقتهم لانهم بعد كده هيشوفوا ان عادي ياخدوا من عند حد طلاما الناس بتاخد منهم.

10-لازم وهما بيلعبوا يعرفوا ان في مكسب وخساره ولو رفضوا متلعبيش معاهم او وقفي اللعب.

11-لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه انه هيلعب مع الضيوف باللعب ولو رفض يبقى خلاص متلعبش وهما هيلعبوا لوحدهم

12-بالنسبه للشيبسي والبيبسي مهما هتمنعيه وهو صغير مسيره لما يكبر هيطلب ياكله او يشربه

الحل لما هيطلب كده او لو هو بيحبهم اصلا يبقى نتفق انه مره واحده ف الاسبوع لينا وليه مينفعش احنا ناكل ونشرب قدامه ونقوله انت لا هي مره واحده ف الاسبوع بس

13-الكلمه اللي تتقال تتنفذ ممكن تديله مهله ينفذها بس لازم تتنفذ يعني مثلا لم اللعب قال لا اقول تاني لم اللعب لو قال لا طب انا هعد من 1 ل 5 تكون لمتها لو متلمتش تحرميه من حاجه معينه بيحبهااا

وتخلقى عقاب وهمي انت معملتهاش طيب خلاص مش هنعمل سوا الكيك اللي كنا هنعملها سوا انهارده

14-مينفعش نقول هقول لبابا لما يجي وبابا هيزعق قالتلي دا غلط جدا انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا

يارب تعم الفايده ع الجميع ونكسب جيل صحيح واعي قادر يفيد نفسه ويفيد الناس

Kids Clinic عيادة طب الأطفال

23/04/2025

22/04/2025

06/08/2022

19/10/2019

04/08/2019

18/07/2019

12/07/2019

04/07/2019

01/07/2019

01/07/2019

26/06/2019

24/06/2019

Address

Opening Hours

Telephone

Website

Alerts

Contact The Practice

Shortcuts

Share

Category

Monday	8am - 5pm
Tuesday	8am - 5pm
Wednesday	9am - 5pm
Thursday	9am - 5pm
Friday	12am - 5pm
Saturday	8am - 5pm
Sunday	8am - 5pm