د . مها الجوهري أخصائي طب الأطفال والتغذية العلاجيه

26/08/2025

07/08/2025

من حوالي أسبوع دخل عليا العيادة ولد جميل عنده ١٤ سنه عنده سوء تغذيه طوله ووزنه متأثرين وعصبي جدا بيجز علي سنانه مش متقبل اي كلام مش عاوز يسمع بينفخ ويتعصب علي اي كلمه رافض يبصلي ويهبد علي مكانه وكل ما اطلب منه حاجه رافضها
وانا باخد الهيستوري من الأم لاحظت انها شكوي متكررة منه وأنه عنيد ومش بيسمع كلامها عكس اخوه ..مش بياكل عكس اخوه ..وكل حاجه بتقولها عنه لازم تقول عكس اخوه

قولتلها لا خالص انا متاكده أنه ولد جميل وشاطر وهيسمع كلامي وطلبت من الأم أنها تقعد معايا لوحدنا شويه واتكلمت معاها أن المشكله مش في الولد المشكله فيكي وفي اخوه بطلي تقولي كلام سلبي ليه عشان هيعند معاكي اكتر واكتر بطلي تقارني بينه وبين اخوه لأن ده مش تحفيز ده هيخليه اسوء وقولي كلام إيجابي وحلو ومدح واحضنيه واسمعيه وهتلاقي فرق كبير

وقد كان ❤️❤️❤️

النهاردة دخل عليا هادي لطيف بيضحك مبتسم عمل كل اللي قولته وكل اللي بقوله بيقولي حاضر وكأنه اتبدل لطفل تاني حتي مع الام والبيت ❤️❤️ والحمدلله زايد في الوزن 💪🏼❤️

الموضوع ده للأسف بشوفه كتير جدا في العيادة وبيكون سبب مهم جدا لسوء التغذيه عند الطفل ولما بنحل العامل النفسي مشاكلنا كلها بتتحل 🙂🙂

عشان كده من فضلكم
بلاش مقارنات
بلاش تهدوا ولادكم
بلاش كلام سلبي
الولاد محتاجين اهتمام فبيعندوا معاكم لما مش بيلقوه
شجعوهم وقولوا كلام حلو وإيجابي واحضنوهم كتير هتحسوا بفرق كبير

وربنا يحفظ أولادنا جميعا يارب العالمين ❤️❤️

17/07/2025

سجده السكره من اقرب حالاتي لقلبي ❤️❤️ واكثرهم لماضه 😂 واكتر واحده بتتفاوض معايا كام حاجه حلوه اما بتيجي ملتزمه 😂❤️

وزننا كان زايد شويه بس الحمدلله مع تعديل السلوك الغذائي والالتزام بالنظام الغذائي الصحي مقاستنا قلت كتير ووزننا 💪🏼💪🏼قرب الطبيعي

ربنا يبارك فيها ويحفظها ويبارك في مامتها ويخليهالها ❤️

03/07/2025

كيان ❤️
بنوته جميله من حالات العياده جاتلي عندها سنه ونص وزنها ثابت من سن السنه علي ٨ كيلو وده عمل سوء تغذيه مزمن دخلها في قصر قامه
الحمدلله بدأنا رحلتنا سوا وعالجنا المشاكل الصحيه وحطينا نظام غذائي متوازن مناسب ليها والحمدلله رب العالمين النهاردة وصلنا الطول والوزن الطبيعين لسنها علي منحني النمو ❤️❤️
كل ده مكنتش هعرف أوصله من غير دعم الام وصبرها معايا لحد ما عدينا المشكله سوا 💪🏼💪🏼
شكرا يا ندا علي كلامك الجميل وربنا يباركلك في كيان ويفرحك بيها يارب العالمين ❤️❤️💪🏼

01/07/2025

رغوده السكره في حفله تخرجها من الحضانة ❤️ بعتتلي الصور عشان انزلهالها معايا والفيديو العسل بتاعها في اول كومنت ❤️❤️
حاله من حالاتي الجميله اللي بحبها جدا والحمدلله وزننا وطولنا قرب الطبيعي ولسه مكملين سوا ❤️💪🏼
ربنا يحفظك ويبارك فيكي يا احلي رغوده ❤️❤️

15/05/2025

"تغذية الطفل مش بس أكل... دي أسلوب حياة!" ❤️💪🏼

يسعدني أشارككم بحصولي على شهادة عن
" Life style medicine and food as a medicine course "
From
American Board of Lifestyle Medicine – ABLM

"أساسيات الطب النمطي والغذاء كدواء" من البورد الامريكي لطب نمط الحياة

واللي بتمثل خطوة مهمة في رحلتي لتقديم رعاية شاملة ومبنية على العلم الحديث لأطفالنا ❤️❤️

من خلال هذا التخصص، بقدر أساعد الطفل مش بس في تنظيم أكله، لكن كمان في تحسين نومه، نشاطه، مناعته، ومزاجه، وكل ده من خلال أسلوب حياة صحي وغذاء مناسب لكل حالة.

في عيادتنا، هدفنا مش بس علاج، لكن بناء نمط حياة صحي ومستدام لطفلك من البداية ❤️💪🏼

اللهم علما بما ينفعنا وانفعنا بما علمتنا ❤️❤️

30/04/2025

"الأم... جيش ابنها الأول ضد التحرش" ❤️💪🏼

في اللحظة اللي الطفل لسه مش بيعرف يعبر أو يدافع عن نفسه،
ربنا رزقه بأم... تكون له درع وسيف، حصن وأمان.

الأم الواعية هي خط الدفاع الأول ضد التحرش.
هي اللي بتعلّمه إن جسمه ليه حدود،
إنه مينفعش حد يلمسه من غير إذنه،
وإنه لما يحس بأي خوف أو قلق... يلجأ لها، يحكي، وميسكتش.

التربية الوقائية مش رفاهية...
دي حماية حقيقية بتبدأ من البيت، ومن حضن الأم اللي بتسمع وبتطمن وبتوعي وتفهم أن الخطر ممكن يكون من القريب قبل البعيد 😐

رسالة لكل أم:
انتي جيش ابنك الأول، ما تستنيش المعركة علشان تجهزيه.
ابدأي من دلوقتي... بالحب، بالوعي، وبالثقة. ❤️❤️

رسالة لأم ياسين : شكرا ..انتي بطله ❤️💪🏼💪🏼

18/04/2025

هل طفلك بيعاني من زيادة وزن ملحوظة؟! 🤔

بياكل كتير بس دايمًا جعان؟! 🤦🏼‍♀️

بيركز بصعوبة أو دايمًا مجهد؟! 🥲

ممكن تكون دي علامات مقاومة الإنسولين!

◼️ يعني إيه مقاومة الإنسولين؟

👈🏼👈🏼الجسم بيفرز إنسولين عشان ينظّم السكر في الدم، لكن في بعض الأطفال الخلايا مش بتستجيب ليه كويس، فالجسم يفرز كميات أكتر، وده ممكن يسبب:

▫️زيادة الوزن (خصوصًا في منطقة البطن)

▫️نهم للأكل خصوصًا السكريات

▫️تعب وخمول

▫️تصبغات غامقة في الرقبة أو تحت الإبط

◼️ لو لاحظتي العلامات دي على طفلك، لازم تتصرفي بدري!
التشخيص المبكر والتغذية السليمة بيمنعوا تطور الحالة للسكري من النوع التاني. 🥲

في العيادة بنقدم خطط غذائية علاجية مناسبة لكل طفل، بدون حرمان، بنحبب الطفل في الأكل الصحي ونساعده يحافظ على نشاطه وحيويته 💪🏼❤️

🌹🌹عيادة د.مها فتحي الجوهري 🌹🌹

أخصائي طب الأطفال وحديثي الولادة
أخصائئ التغذية العلاجية للأطفال والمراهقين

▫️العنوان 👈🏼👈🏼 ش عتريس تقاطع شارع الخشب برج سيداروس الدور الثاني

▫️للحجز والاستعلام 👈🏼👈🏼 01211685108

28/02/2025

كل سنه وانتم طيبين وبخير جميعا
رمضان كريم ❤️

16/01/2025

تقي ❤️❤️ ...بنوتي الجميلة ❤️

عرفتها من ساعه ولادتها من اول ما كانت معانا في الحضانه شهور وبعد ما خرجت بالسلامه كان عندها مشاكل عملت لها نقص حاد في النمو وزنها وطولها كان وزن وطول طفل لسه مولود وهي عندها ٥ شهور 😓
كان عندنا مشكله تانيه أننا لازم نتعامل بأنبوبه تغذيه (رايل) فقط وبدأنا سوا الرحله 💪🏼💪🏼🤩
ظبطنا الرضاعه لحد الشهر السادس ..
عملنا نظام لدخول الاكل بالتدريج مع حساب السعرات مع حالتها لحد ما وصلنا السنه ..
كملنا بنظام غذائي صحي متوازن محسوب السعرات عشان نصلح النمو بتاعنا ...
والحمدلله بفضل ربنا وصبر وتعاون كبير جدا من الأهل اللي فعلا بذلوا معاها مجهود كبير 💪🏼💪🏼💪🏼
الحمدلله اتحسنا جدا وقربنا من النسب الطبيعيه للوزن والطول ❤️

ربنا يبارك في تقي ويحفظها ويبارك في أهلها ويفرحهم بيها دايما ❤️ ❤️ ويعينهم علي الطريق الطويل يارب 🙏🏼🙏🏼

10/12/2024

عشان نعدي الفترة دي بسلام 🤧😷👌
الوقاية خير من العلاج لازم نهتم بالتغذيه الصحية🍲🥘🍖
⚠️متوزانه ومتكاملة تحمي أطفالنا الغنية بالفيتامينات
والمعادن لرفع المناعه ✅✅

🚫بلاش نتأخر يعني لو طفل بيكح
لازم نكشف عليه بلاش نجيب علاج ونجرب
وندي مضادات حيوية عمال ع بطال
او نكرر روشته أو رسائل الواتس
ابني بيكح اجيبله ايه ؟؟؟؟؟🤔

🚫لو طفل بيكح نبعده عن اخواته
بلاش ننزله حضانه أو مدرسه سامعه يا ست الكل 📢📣
عشان العدوي متزدش وعشان ميعديش غيره ..

🚫 حديثي الولادة والأطفال أقل من ٦ شهور🤱🤱 اكثر عرضه
لعدوي الجهاز التنفسي فبلاش نتأخر عنهم
طفل مبيرضعش كحه بدأت تظهر لازم كشف علطول .🤒🤧

🚫 لو طفل عنده حساسيه صدر أو حساسية انف لازم يكمل علي العلاج الوقائي ومينفعش نوقفه خالص الفترة دي .🤧

لازم نطول بالنا الفترة دي مزعجه حرارة عاليه بتطول ادوار الكحه بتتحسن خلال اسبوعين فنكمل علي العلاج ومنوقفش الا بعد استشارة الطبيب المعالج .🧑‍⚕️🧑‍⚕️

🚫خافض الحرارة ينفع سيتال أو بروفين في الطفل اللي عنده حساسيه صدر أو نزله شعبيه بلاش دولفين أو أمثاله .🙅

🚫 لما تكلمي طبيبك ويقولك لازم تكشفي ومتتاخريش 🧑‍⚕️🤷
ربنا يعديها🤲 ويحفظ ولادنا 👦👧
إبعتلنا رسالة 💌 علي البيدج 📥 لأي استفسار .
العنوان :
🏠 كفر الزيات تقاطع ش عتريس مع ش الخشب برج سيداروس الدور التاني.

⏪ للحجز والاستفسار واتس
📲01211685108

08/12/2024

قال رسول الله صلى الله عليه و سلم
⚜️مثل المؤمنين في توادهم و تراحمهم و تعاطفهم مثل الجسد؛ إذا اشتكى منه عضو تداعى له سائر الجسد بالسّهر والحمّىّّ⚜️

بروتوكول طبي جديد مع مؤسسة حصان للرعاية الإجتماعية لأن تكافلنا رحمة
بخصم ع الكشف 👍✅
وحالات مجانية بعد التحقق من الحالة👌✅
تم بحمد الله وفضله الإتفاق🤝 مع
👩‍⚕️الدكتورة / مها فتحي الجوهري
د . مها الجوهري أخصائي طب الأطفال والتغذية العلاجيه
أخصائي
✍️ طب الأطفال وحديثي الولادة .
✍️التغذيه العلاجية والمراهقين.
✍️ تغذية السكر والأمراض المزمنة .
✍️علاج السمنة والنحافة وسوء التغذية .

🏠 العنوان : ش عتريس تقاطع مع ش الخشب برج سيداروس
الدور التاني

بيتم التواصل مع المؤسسة وتحويل الحالات للعيادة بوصل تحويل للحالة من خلال .
⏬⏬⏬
مؤسسة حصان للرعاية الإجتماعية
المشهرة والمرخصه برقم ٢٣٤٥ بتاريخ ٢٠٢٤/٥/١٤
المؤسسة تقبل التبرعات العينيه والنقدية بإيصالات
إستلام معتمدة
خلال فودافون كاش وإنستاباي📲. 01002348524
لأي إستفسار ممكن تتواصل مع المؤسسة إبعتلنا رسائل ع البيدج
📥 أوواتس 📲01011117858
والتواصل مباشرة مع
الحاجة/ هناء محمد عبد العزيز حصان 👌
🔸مقر المؤسسة
كفرالزيات مشروع ناصر خلف صيدليه عتمان