Hazem helal Clinic

04/04/2026

؟؟

04/04/2026

👶: "يا ماما… هو أنا عملت إيه عشان أكره خالتي؟" 🤔
👩: "ماتسلميش عليها عشان ما قالتليش مبروك الفستان من ٣ سنين!" 🙄
👶: "طب وأنا ذنبي إيه؟! أنا مالي يا جماعةاا" 😂

🚫 يا جماعة… إبعدوا ولادكم عن خلافاتكم وعِدَاوتكم مع القرايب 👨‍👩‍👧‍👦.
إنتي زعلانة من مرات أخوكي؟ تمام… بس إبنك مالوش ذنب إنه يدخل في الماتش ده ⚽.
إنت متضايق من ابن عمك؟ خليك إنت والزعل… ابنك مش محتاج يبقى جمهور 🏟️.

الأولاد عايزين يكبروا بقلوب بيضا 🕊️… مش يلاقوا نفسهم قاعدين في لستة حظر من صغرهم 😂.
سيبوهم على فطرتهم، يحبوا اللي يحبهم بجد ♥️، ويبعدوا عن اللي بيُمثل الحب 🎭… من غير ما نلقنهم كره مجاني!

🙋‍♂️ شارك في الخير وإعمل شييييييير


د.حازم هلال
استشاري طب الأطفال
للتواصل ٠٤٠٢٥٢٢٧٧٧

04/04/2026

سمعت ابنى بيقول ألفاظ خارجه مع أصحابه😱😱😱

جملة مرعبة بيقولها الامهات دلوقتى لبعض
خصوصا اللى اولادهم فى سن مراهقه وما قبل المراهقه🧏‍♂️🧏‍♂️🧏‍♂️

أحب أقولك ياماما ان السن دا
عالم مقفول له اسراره وخفاياه
ما تعرفش تدخله غير الام الشاطرة الذكية المتفاهمه الحازمه 🙋🏻‍♀️🙋🏻‍♀️🙋🏻‍♀️

طبعا لو من البدايه بتسمعى كلامنا
ومتابعه صفحتنا ماكنتيش هتوصلى للنقطة دى وكان زمانك داخل عالم ابنك المراهق 👨👨👨

ولكن نعتبر انك جديدة فى صفحتنا 😁😁

تعالى اقولك هنعمل ايه
المفاجأة ان الاولاد فى السن دا غالبا بيستخدموا الالفاظ دى بشكل عادى وتلقائى وحتى مش مدركين بذائتها 😒😒😒

مش مطلوب منك غير التجاهل التام فى اول كام مرة بتسمعى دا🫣🫣🫣🫣

مش هنعاقب
مش هنهدد اننا هنقول للأب او لأى حد كبير🥸🥸

هكلم ابنى واعرفه ان المؤمن ليس بفاحش ولا بذئ وماينفعش يقول الكلام دا
لان الكلام الوحش بيقل من هيبة اللى بيقوله وبيجرأ اصحابه عليه وعلى باباه ومامته
واكيد مش هتحب ان حد يشتم باباك ولا مامتك حتى لو بالهزار🤷‍♀️🤷‍♀️

وطبعا مش محتاج اقولك
ان لازم تكون البيئة المحيطة مش بتستخدم الالفاظ دى ولا تكون مألوفه لأذن الطفل 🧏‍♂️🧏‍♂️

وأوعى تعاقبيه فى السن دا بالضرب او الاهانه
لان دا هيأثر بالسلب على نفسيته🤨🤨

وخليكى دايما فاكرة
ان صحة ابنك النفسية لا تقل أهمية عن صحته الجسدية🌹🌹🌹

د.حازم هلال
استشاري طب الاطفال
للتواصل ٠٤٠٢٥٢٢٧٧٧

04/04/2026

🎯 "أنا أبوك يعني أنا صح؟!"

👨‍👦 - "اسمع كلامي وخلاص... أنا أبوك!"
👦 - "بس يا بابا… أنا كنت بس عايز أقول رأيي…"
👨‍🦰 *- "هو فيه رأي وانت معايا؟!"
❌ "أنا صح عشان أنا الأكبر!"

💔 الحوار ده بيتكرر فـ بيوت كتير
وفي كل مرة بيحصل، بيكسر في نفس الولد حتة صغيرة
وبيزرع في قلبه إحساس إن رأيه ملوش تمن…
وإن وجوده نفسه مالوش معنى غير إنه يسمع الكلام بس، حتى لو مش فاهم هو ليه!

🤷‍♂️ بس هو ليه الأب بيقول كده؟

لأن للأسف في ثقافتنا…
👨 الأب هو الكبير → يعني الصح
👦 الإبن هو الصغير → يعني لازم يسمع ويتنفّذ
من غير نقاش… من غير توضيح… من غير "ليه؟"

بس اللي محدش بيقوله:

✅ الكبير مش دايمًا على حق
✅ والصغير مش دايمًا غلط
✅ والصوت العالي مش هو اللي بيكسب…
✅ اللي بيكسب هو اللي بيفهم ويُفهّم 👂💬

📌 مش معنى إنك "أب" إنك ما تغلطش

لكن الفرق إنك لو غلطت…
وقلت: "آسف يا ابني، كنت متعصب"
الولد عمره ما هينسى اللحظة دي
وهتعلمه الرجولة الحقيقية 👏

🙋‍♂️ الأولاد مش روبوتات!

ابنك ليه دماغ
ليه إحساس
ليه رأي
ليه شخصية

ولما تعامله على إنه آلة بتنّفذ أوامر…
أنت مش بس بتفقده ثقته فيك
أنت بتفقده ثقته في نفسه كمان 😞

🤝 طب نعمل إيه؟

1️⃣ اسمعه… حتى لو رأيه بسيط
2️⃣ ناقشه… حتى لو شايف إنه غلطان
3️⃣ أوضح له… من غير عصبية
4️⃣ لما تغلط… اعتذر، علّمه بالإعتراف مش بالتعنيف
5️⃣ افتكر دايمًا:
اللي يتربى على الخوف… مش هيعرف يواجه الدنيا
لكن
اللي يتربى على الحوار… هيعرف يواجه أي حاجة بقلب جامد 💪💪💪

👨‍🦰 "أنا أبوك… وعايز أكون قدوتك مش قاضيك"
👦 "وأنا ابنك… وعايز أحس إني مسموع مش مدفون جوا كلمة: اسمع بس!"

🙋‍♂️ شارك في الخير وإعمل شييييييير


د.حازم هلال
استشاري طب الأطفال
للتواصل ٠٤٠٢٥٢٢٧٧٧

04/04/2026

على أد لحافك مد رجيلك

كلمة زمان قالوها فى الامثال
ومعناها كبير وعميق
النهاردة الاولاد اصبح عندهم تطلعات رهيبة نتيجة الانفتاح والانترنت والموبايل اللى لازق فى ايدهم طول اليوم

طب ودا معناه ايه ؟
معناه ان ابنى بيشوف حاجات كتير بتحرك غريزته للشرا والاقتناء
عايز .. عايز … عايز .. عايز

وطبعا احنا فى زمن الأباء من كتر الشغل لتلبية الاحتياجات مابقوش يقعدوا يسمعوا ولادهم
فالولد طول اليوم يطلب من الأم
والاب والام بيعافروا🥲

احب اقولكم مهما عافرتوا ومهما حققتوا للولاد مطالبهم
مش هتعرفوا تغطوا كل الاحتياجات و دى سنة ربنا فى الارض

اوعوا تفكروا انكم لما بتجيبوا لولادكم كل حاجه يبقى ولادكم هيطلعوا قنوعين و راضين
بالعكس دا هيتعلم ان عادى اخد كل حاجة وبأى طريقه
واتشقلب بقا يابابا ونفذ طلباتى
زى ماانت متعود تعمل

ارجوكم ربوا فى ولادكم القناعه 👌
من خلال تخفيض سقف طموحاتهم
وتوجيههم للادخار وعدم النظر للى مش فى ايدينا والاكتفاء بالموجود والسعى لتحقيق المرغوب
والشعور بالرحمة ناحية بابا وماما الشقيانين❣️❣️❣️
و زى ما قلنا الطفل مش هيتعلم دا بالكلام والتلقين
دا هيتعلمه بالقدوة والتقليد

وماتنسوش صحة ابنك النفسية لا تقل أهمية عن صحته الجسديه🌹🌹

د.حازم هلال
استشاري طب الأطفال
للتواصل ٠٤٠٢٥٢٢٧٧٧

04/04/2026

أنواع الآباء وتأثيرهم على نفسية الطفل 👨‍👧‍👦❤️

وجود الأب في حياة الطفل حاجة كبيرة جدًا… لكن الحقيقة إن مش كل أب موجود بيكون تأثيره إيجابي!
في آباء وجودهم أمان وسند 💪… وفي آباء وجودهم ممكن يسبب جرح نفسي كبير للطفل 😔.

تعالوا نشوف أشهر أنواع الآباء وتأثيرهم على أولادهم 👇

📌 الأب القاسي 😡
ده الأب اللي دايمًا أسلوبه صراخ وعقاب وتوبيخ… مافيش حوار ولا احتواء، أهم حاجة عنده إن الطفل "يسمع الكلام وبس".

🔴 تأثيره على الطفل:
• الطفل يعيش في خوف دايم 😰
• ثقته بنفسه تقل جدًا 😔
• ممكن يطلع شخصية ضعيفة وخاضعة… أو يتحول لشخص قاسي وعنيف زي اللي اتربى عليه 💔

📌 الأب السلبي 😶
موجود في البيت… لكن وجوده زي عدمه!
لا بيتكلم مع أولاده، ولا بيسأل عنهم، ولا يشاركهم حياتهم.

🔴 تأثيره على الطفل:
• الطفل يحس إنه غير مهم 😞
• ممكن يدور على الاهتمام بره البيت 👥
• يكبر من غير قدوة يتعلم منها الصح والغلط 🤷‍♂️

📌 الأب المهمل 🙄
ده مستوى أعلى من الإهمال…
أب مايعرفش أي حاجة عن أولاده: لا دراستهم، ولا أصحابهم، ولا حتى اهتماماتهم.

🔴 تأثيره على الطفل:
• إحساس قوي بعدم القيمة 😔
• مشاكل في تقدير الذات 💔
• ممكن يلجأ لسلوكيات غلط أو عزلة علشان يعوض الإهمال ده ⚠️

📌 الأب اللي بيعامل الأم بشكل سيء 😤
الأب اللي يهين الأم أو يصرخ عليها قدام الأولاد…
البيت هنا بيتحول لمدرسة يتعلموا فيها العنف للأسف.

🔴 تأثيره على الطفل:
• الولد ممكن يتعلم إن العنف مع الستات حاجة عادية ❌
• البنت تكبر فاكرة إن العلاقات فيها إهانة وخوف 😞
• الأطفال غالبًا يعانوا في علاقاتهم لما يكبروا 💔

📌 الأب المدمن 🚬🍺
الأب اللي عايش في عالم تاني بسبب الإدمان…
مش قادر يكون حاضر نفسيًا أو جسديًا لأولاده.

🔴 تأثيره على الطفل:
• فقدان الإحساس بالأمان 😟
• عدم الثقة في الكبار والعالم 🌍
• مشاكل نفسية زي القلق أو الاكتئاب 💔

🌟 طيب هل كل الأنواع سلبية؟ أكيد لأ!

📌 الأب المثالي ❤️
الأب اللي بيجمع بين الحنان والحزم…
بيحب أولاده ويهتم بيهم وفي نفس الوقت بيكون قدوة ليهم.

🔴 تأثيره على الطفل:
• إحساس بالأمان والثقة 🤍
• قدرة على اتخاذ قرارات صح ✔️
• تقدير ذات عالي وشخصية متزنة 💪

📌 الأب الصديق 🤝
الأب اللي قريب من أولاده جدًا… يلعب معاهم ويشاركهم حياتهم.

🔴 تأثيره على الطفل:
• إحساس بالحب والحرية ❤️
• لكن أحيانًا ممكن يحصل خلط بين الصداقة والسلطة الأبوية ⚖️

📌 الأب الحكيم 🧠
ده الأب اللي بيقدم نصيحة في وقتها… ويوجه أولاده بهدوء وخبرة.

🔴 تأثيره على الطفل:
• إحساس بالاطمئنان 🫶
• تعلم اتخاذ قرارات مبنية على التفكير والخبرة ✔️

📌 الأب المتقلب المزاج 😤🙂
يوم طيب جدًا… ويوم تاني عصبي أو بعيد!

🔴 تأثيره على الطفل:
• توتر وقلق مستمر 😰
• صعوبة في فهم مشاعر الآخرين أو بناء علاقات مستقرة 💔

📌 الأب المفرط في الحماية 🛑
الأب اللي خايف على أولاده زيادة عن اللزوم…
بيتحكم في كل تفاصيل حياتهم.

🔴 تأثيره على الطفل:
• ضعف الاعتماد على النفس 😕
• صعوبة في اتخاذ القرارات لوحده 🧍‍♂️

📌 الأب المتفهم 🌿❤️
ده الأب اللي بيسمع قبل ما يحكم… ويتكلم مع أولاده باحترام.

✔️ تأثيره على الطفل:
• الطفل يحس إنه مسموع ومقدر 🤍
• يتعلم يعبر عن مشاعره بشكل صحي 🧠
• يطلع شخصية مستقلة ومتوازنة 💪

✨ الخلاصة:
الأب مش بس شخص موجود في البيت…
الأب أمان، وقدوة، وتربية، وذاكرة هتعيش مع الطفل طول عمره.

كلمة حلوة منك ممكن تبني شخصية 💙
وكلمة قاسية ممكن تسيب جرح سنين 😔

👨‍👧‍👦
يا ترى إنت شايف نفسك أقرب لأنهي نوع من الآباء؟
وايه النوع اللي نفسك تبقى عليه علشان أولادك؟ ❤️

02/04/2026

النظرة دي ل الطفل البكري .اللي جاله نونو جديد.إكتبولنا في التعليقات النظره دي بتقول إيه 🤣

02/04/2026

💬 اللي بيني وبينك 💞

اللي بيني وبينك يا ابني مش مجرد أكل وشُرب ونوم 🍼
ده بينا رحلة عمر كاملة… مليانة تعب 😮‍💨 وسهر 😴 ودموع 😢 وضحك 😂 ورضا ❤️‍🔥

بينا أول صرخة ليك وأنا ببكي من الفرحة 😭👶
وأول مرة وقعت وأنا قلبي طار 💔
وقلتلك "قوم يا حبيبي مفيش حاجة" وأنا اللي كنت بتوجع مكانك 🤕💞
بينا أول مرة دخلت المدرسة وإيدي بتترعش وأنا بسيبك عند الباب 🎒💔
وبينا ليالي كنت فيها سخن🤒 وأنا مش قادرة أنام، حاطة إيدي على جبينك كل شوية 🌙🤲

فاكر لما كنت بتخاف من الحقنة؟ 💉
وأنا بضحك عشان أطمنك 😊
بس أول ما دخلت الأوضة ورا الباب… بكيت أكتر منك 😢
كنت بسهر على وجعك وأنا نفسي مريضة 🤧
وبضحّي براحة يومي عشان ضحكتك اللي بتنسيني تعب سنين 😌❤️

علمتك تقول "شكراً" 🙏 و"الحمد لله" 🤍
وعلمتك إن الرجولة مش بالصوت العالي 🚫
الرجولة في الاحترام 🙌
في الرحمة 💫
في قلبك اللي يخاف على الناس 💪💖
وعلمتك إن الغلط مش عيب، العيب إننا منصلحوش 💭

كبرت يا ابني 👨‍🦱
وبدأت أشوف فيك راجل أنا فخورة بيه 💫
بقيت أشوفك ماسك زمام حياتك 🧭
بس جوه كل دا… لسه شايفة الطفل اللي كان بيستخبى في حضني وقت الزعل 🤍👩‍👦

فاكر لما كنت بلبسك الجاكيت قبل ما تنزل؟ 🧥
دلوقتي إنت اللي بتقولي “خدي بالك من البرد يا ماما” ❄️
فاكر لما كنت أنا بجهزلك الفطار؟ 🍳
بقيت أنت اللي بتقولي “كلي الأول يا ماما وبعدين أكل” 🥺🍞
فاكر لما كنت بوصّيك متتأخرش؟ ⏰
بقيت أنت اللي بتتصل بي وتقول “وصلتِ البيت؟” 📞

كنت أنا اللي بدعيلك قبل ما تنام 🌙🤲
دلوقتي بصحى على صوتك بتقولي “قومي صلي يا ماما” 🕋✨
كنت أنا السند 🧍‍♀️، بقيت أنت الضهر 💪
كنت أنا اللي بخاف عليك 💔، بقيت أنت اللي بتحاوطني بخوفك عليا 🤍

ولما بشوفك ماسك إيدي وأنا بمشي ببطء 🚶‍♀️🤝
بفتكر كل مرة كنت بمشي بيك في الشارع وإنت بتتعلم تمشي 🚼👣
سبحان مَن بدّل الحال بحنية… مش بواجب 🫶💞

اللي بيني وبينك يا ابني مش مجرد تربية ولا رد جميل 💌
ده حكاية عمر مكتوبة بالحب والتعب والدعاء ✨📖
أنا زرعت فيك الرحمة 🌱، وإنت دلوقتي بتسقيني منها كل يوم 💧
أنا ربيتك على الأدب 👑، وإنت دلوقتي بتربيني على الصبر والرضا ❤️

ومهما كبرت يا حبيبي 💕
هفضل أشوف فيك طفلي اللي كنت بشيله على كتافي 👩‍👦
وهتفضل تشوف فيا أمك اللي علمتك معنى الحُب الحقيقي 💞🌹

د.حازم هلال
استشاري طب الأطفال

02/04/2026

👧💧 "بنتك لسه صغيرة… بس نظافتها مسؤولية كبيرة!"

الموضوع حساس؟ آه
بس مهم؟ جدًا!
وميييين غير الأم… تقدر تكون أقرب وأحن قلب على بنتها؟ 👩‍👧💗

في أمهات كتير بتكسف تتكلم عن نظافة منطقة البكيني لبنتها الصغيرة
لكن الحقيقة؟
🧼 الإهمال في المنطقة دي ممكن يسبب مشاكل كتير… وملهاش دعوة بالعمر!

🎀 يعني إيه منطقة حساسة؟
يعني منطقة لازم تتغسل كويس
ويفضل تتنشف بعدها
ما ينفعش تفضل مبلولة بالساعات
ولا تفضل في البامبرز طول اليوم
ولا تلبس لبس ضيق أو غير قطني!

👶💢 أهم المشاكل اللي بتحصل بسبب قلة العناية:

– التهابات 👈 احمرار، حكة، ووجع
– رائحة مش لطيفة 👃
– إفرازات أو التهابات مهبلية 👀
– جفاف أو التسلخات
– واللي أخطر… إن الطفلة تبقى متضايقة ومش عارفة تعبر! 😢

👩‍👧‍👦🧴 طيب كأم أعمل إيه؟

🔹 علميها من وهي صغيرة إن دي منطقة خاصة بيها
🔹 غيري البامبرز باستمرار، ومتستنيش لحد ما "تتملي"
🔹 في سن التدريب عالنظافة، خليها تتعود تغسل المكان بعد الحمام
🔹 استخدمي مياه دافية، ومناديل قطنية ناعمة
🔹 بلاش صابون فيه عطور قوية أو مواد كيميائية
🔹 أهم حاجة: التنشيف كويس جدًا بفوطة قطن 👙
🔹 اللبس الداخلي لازم يكون قطني ومريح وبتغيره يوميًا

👩 الأم مش بس مسؤولة عن الأكل والنوم
لكن كمان عن تعليم بنتها إنها تهتم بجسمها، وتحبه، وتحافظ عليه

💬 والبداية؟ من كلمة بسيطة:
"المنطقة دي خاصة بيكي… ونظافتها بتحميكي" 💖

🧠 معلومة مهمه:

❌ مش لازم تكون البنت في سن البلوغ علشان يحصل التهابات
✅ النظافة من أول يوم… بتفرق طول العمر

📢 علمي بنتك تحب نفسها، وتحميها من غير خوف ولا كسوف
إنتي أكتر حد يقدر يوصل لها المعلومة بحنية 💞

🙋‍♂️ شارك في الخير واعمل شييييييير


د.حازم هلال
استشاري طب الأطفال
للتواصل ٠٤٠٢٥٢٢٧٧٧

02/04/2026

👩‍🦰 الأم:
"يا حبيبتي، إنتي كبرتي وبقيتي داخلة على مرحلة جديدة اسمها البلوغ. دي مرحلة طبيعية ربنا خلقها لكل البنات، وبتخليكي تنتقلي من الطفولة للأنوثة."

👧 البنت (بتردد):
"يعني إيه يا ماما؟ هيحصللي إيه؟"

👩‍🦰 الأم:
"هتلاقي جسمك بيتغير: طولك هيزيد، صوتك أهدى، ويبدأ يظهر شعر خفيف في بعض الأماكن. وأهم حاجة هتجيلك حاجة اسمها الدورة الشهرية، يعني دم بينزل كل شهر. وده طبيعي جدًا، معناه إنك بقيتي أنثى كاملة."

👧 البنت (بقلق):
"طب وده مش حاجة تخوف؟"

👩‍🦰 الأم (مبتسمة وبتطبطب عليها):
"خالص يا روحي، كل البنات بيعدّوا بده. المهم تعرفي إزاي تتعاملي معاه صح."

🟢 الطهارة والعبادة

👩‍🦰 الأم:
"وقت الدورة مش بتصلي ولا تصومي، وده حكم ربنا. وأول ما تخلص لازم تعملي حاجة اسمها غُسل الطهارة عشان ترجعي لطهارتك وتصلي."

👧 البنت:
"طب إزاي أعمل الغسل ده؟"

👩‍🦰 الأم (بتشرح خطوة خطوة):
"اسمعي يا حبيبتي:

1️⃣ تنوي في قلبك إنك بتغتسلي للطهارة.
2️⃣ تغسلي إيديك.
3️⃣ تغسلي الأماكن الخاصة كويس من أي آثار للدم.
4️⃣ تعملي وضوء كامل زي وضوء الصلاة (ممكن تأجلي غسل رجلك للآخر لو المكان مش نظيف).
5️⃣ تغسلي راسك ٣ مرات وتتأكدي إن المية وصلت لجذور الشعر. ولو شعرك مضففر مش لازم تفكيه.
6️⃣ تغسلي جسمك كله: تبدأي باليمين ثم الشمال.
7️⃣ في الآخر تغسلي رجلك لو ما غسلتيهاش في الأول.

وبكده تبقي طاهرة ومستعدة للعبادة."

🟢 النظافة الشخصية

👩‍🦰 الأم:
"خلال الدورة لازم:

تغيري الفوطة الصحية كل ٣–٤ ساعات.

تغسلي الأماكن الخاصة بمية بس من قدام لورا.

تلبسي ملابس داخلية قطنية نظيفة.

ما تسيبيش ريحة أو إهمال عشان النظافة جزء من إيمانك."

🟢 الحياء وحفظ النفس

👩‍🦰 الأم:
"افتكري دايمًا إن جسمك أمانة. ما تكشفيهوش لحد غير جوزك في المستقبل. ولو شفتي صور أو فيديوهات مش كويسة، بسرعة اقفليها… دي بتأثر على قلبك وعقلك وتبعدك عن ربنا."

👧 البنت (مطمئنة):
"طب لو مش فاهمة حاجة أو محتاجة مساعدة؟"

👩‍🦰 الأم (بحب وحنان):
"أنا معاكي في كل خطوة. اسأليني في أي وقت. الأنوثة مش بس شكل… الأنوثة الحقيقية أدب وحياء ونظافة وقرب من ربنا."

👧 البنت (مبتسمة):
"شكرًا يا ماما… دلوقتي فهمت وهعرف أتعامل."

🙋‍♂️ شارك في الخير وإعمل شييييييير


د.حازم هلال
استشاري طب الأطفال
للتواصل ٠٤٠٢٥٢٢٧٧٧

02/04/2026

02/04/2026

تحياتي لكل من إتخذ هذا القرار 👏👏👏👏👏👏👏
( اللي موافقني يعلق ب صح 👍 )

💥حظر عمل السيدات في الخارج في الاعمال التالية 👇👇👇

جميع الاعمال التي تكون داخل منزل صاحب العمل ( العمالة المنزلية ) أو من في حكمهم وعلى سبيل المثال لا الحصر ( رعاية منزلية - طاهية - مديرة او مدبرة منزل - مساعدةشخصية - ممرضة منزلية ) أو ما يمثلهم . جميع الاعمال داخل المقاهي والكافيهات مثل ( ساقية - نادل - مقدم مشروبات و مأكولات بالكافيهات و عامل كونتر مأكولات و مشروبات بالكافيهات وغيرها من المهن المماثلة