Hazem helal Clinic

09/09/2025

لو الدكتور حازم ليه موقف بالخير مع طفلك فكرنا بيه

09/09/2025

🎭 "مش كل وجعة تجري تمسحيها… ساعات لازم تسيبه يقع علشان يعرف يقوم!"

👩‍🦰: يا مامااااااااااااااااه الحقينيييييييييييييي!
👩: في إيه يا باكينام ؟ إنتي بتولدي؟
👩‍🦰: لأ ده "سيف" وقع واتعور ف كوعه!!! دم نقطة بس يا اختي، بس قلبه اتكسر 😭
👩: يا حبيبتي 😐 يعني وقع؟ ماشي…
عللميه إزاي يركز بعد كده وهو بيجري!

👩‍🦰: بس أنا قلبي مبيستحملش 😩 كل ما يتألم بحس إني لازم ألحقه قبل ما يعيّط حتى!
👩: وده غلط يا باكينام يا أختي والله !
إنتي مش درع بشري…
إنتي بوصلة 🔍
يعني دورك مش تمنعي السقوط… دورك تعلّميه يقوم لوحده 🧍‍♂️

👶: ماماااااااااااااااا… في واحد قاللي في المدرسة: وِشّك شبه البطاطساية 🥔!
👩‍🦰: إنت فين وأنا جاية أمسك رقبتهم واحد واحد!
👩: هوبااا! لأ كده كتير…
ما ينفعش نطلع جيل بيتعصب أول ما يتقاله حاجة!
علميه يرد… مش يعيّط!
علميه يفكّر… مش يستخبى!

👩‍🦰: طب وامتى أساعده؟
👩: لما يطلب…
بس مش قبل ما يحاول!
خليه يجوع شوية علشان يقدّر اللقمة 🍽️
خليه يلبس لوحده، حتى لو التيشيرت طالع من الضهر 🙃
خليه يكتب الواجب، حتى لو الخط عامل زي رجل الكتكوت 🐥 ونازل يشرب من البحر🤣🤣

👶: مامااااااااا… زعلان!
عشان محمد خد القلم بتاعي!
👩‍🦰: أنا هاجي بكرة المدرسة وأخلّي المدير يحقق معاهم!
👩: لأ يا روحي، ما تعملوش كده
ده مش جريمة… ده موقف
علميه يقول "القلم قلمي"
علميه يطالب بحقه… مش يدوّر ع الحد اللي ياخدهوله

🧠 التربية الصح؟ مش دايمًا تبقي في المشهد
ساعات الغياب بيعلم أكتر من الوجود
وساعات الوجع بيعلّم أكتر من كل الشرح

💬 قوليله: – مش دايمًا هعرف أساعدك
– مش كل حاجة هتكون على مزاجك
– مش كل الناس طيبين
– بس إنت تقدر، وتفهم، وتحل
علشان تكون إنسان بجد 💪

🙋‍♂️ شارك في الخير وإعمل شييييييير


د.حازم هلال
استشاري طب الأطفال
للتواصل ٠٤٠٢٥٢٢٧٧٧

09/09/2025

🙋‍♂️🙋‍♂️ قبل دخول المدارس حللوا صوره دم لولادكم ومخزون حديد وبول وبراز

09/09/2025

لو عايزه طفل ناجح بيعتمد على نفسه خلليه يعمل أي حاجة يقدر يعملها لوحده من غير مساعدتك

09/09/2025

💥 "ماما… أنا مش هاذاكر، أنا عايز أبقى كريستيانو!" ⚽🤷‍♂️

👦: "يا ماما أنا قررت مستقبلي خلاص… أنا هبقى لعيب كورة مشهور وهشتريلك ڤيلا في مارينا!"
👩‍🦰: "جميل يا روحي… بس اشتريلي كمان عصبية ضغط وسكر مع الڤيلا بقى بما إنك مش ناوي تذاكر!" 😂

🎓📚 هو اللعب حلو… بس الدراسة أحلى وأأمن!

يا ابني الكورة حلوة أوي ماشي
بس مش كل اللي بيحب الكورة بقى محمد صلاح!
فيه ٧٠ مليون بيشوطوا في الحواري…
و٥ بس اللي طلعوا عالمحطات 🤷‍♀️🚉

🧠 المدرسة مش ضد حلمك يا قلب ماما!

بالعكس…
👩‍🏫 بتعلمك تفكر
📏 بتعلمك تنظم وقتك
🧮 بتخلي دماغك مترتبة
💬 وبتعلمك تتكلم وتتعامل… علشان لو بقى عندك مؤتمر صحفي تقول كلمتين عدلين 😂

⚠️ طب لو أهملت الدراسة؟

مش هتعرف تكتب اسمك لو اتشهرت 😅✍️

مش هتعرف تدير فلوسك لو كسبت 💸

ومش هتعرف تتكلم مع جمهورك لو بقت ليك جماهير 🎤

وهتبقى دايمًا معتمد على غيرك… حتى في أقل الحاجات 😞

👟 يا كابتن… محمد صلاح نفسه كان بيذاكر

ودخل معهد الرياضة

واتعلم إن الكورة لو وقفت… حياته مش هتقف

لأن العلم بيكملك… حتى لو الشهرة خدتك

✅ الحل؟

🏫 ذاكر يا نجم… وخد الكورة على جنب
📅 نظم وقتك: شوية للمدرسة، شوية للتمرين
💡 خلي عندك خطة A (كورة) وخطة B (علم)… عشان لو واحدة وقعت، التانية تشيلك

👩‍🦰 "يا ابني… مفيش مانع تبقى محمد صلاح، بس مش تبقى صلاح من غير محمد!" 😅

🙋‍♂️ شارك في الخير وإعمل شييييييير


د.حازم هلال
استشاري طب الأطفال
للتواصل ٠٤٠٢٥٢٢٧٧٧

09/09/2025

09/09/2025

🧠💔 "إوعي تربي في بيتك ضيف مش ابن!"

يعني إيه؟ يعني متربي عالكيف… مابيتحمّسش غير لما يتزنق… ويا سلام لو عنده "ماما سيرفس" شغالة ٢٤ ساعة!

👶 كل مرة تعمل حاجة مكانه، بتقول له بالعربي كده:

"إنت مش محتاج تتعب… إحنا هنخدمك يا باشا"
وده مش حب… ده تخريب بالتدليل!

❌ بيغير هدومه ويرميهم على الأرض؟

وانتِ تجيبيهم وتغسليهم
❌ بياكل ويشرب ويسيب الصحون وراه؟
عادي… ماما ورايا
❌ بيصحى من النوم يسيب السرير متبهدل؟
"يا ماما السرير مش بيترتب لوحده بردو ؟" 😒
❌ ما بيذاكرش، وما بيعملش حاجة في البيت؟
بس حافظ فيديوهات تيك توك أكتر من اسمه!
❌ كل يوم مش عاجبه الأكل… مش عاجبه اللبس… الجو حر…
وعاوز كل حاجة على مزاجه! 🙄

ونيجي نسأل نفسنا:

ليه الجيل الجديد مش بيستحمل؟ ليه أناني؟ ليه عايز كل حاجة جاهزة؟

عشان ببساطة:
إحنا اللي نسينا نعلّمه يبقى مسؤول، مش مدلّع

👀 ده مش "طفل ناعم" ولا "ابن مودرن"

ده طالع: 🧟 "ضيف ف البيت"
💣 "عبء على اللي حواليه"
💔 "زوج مستقبلًا هيدور على ماما مش شريكة"
😤 "شخصية ضعيفة أول ما الدنيا تديله قلمين… ينهار"

👏 لازم يعرف من وهو صغير:

السرير اللي بينام عليه… هو اللي يرتّبه

الطبق اللي بيأكل فيه… هو اللي يغسله

الهدوم اللي بيرميها… يرجع يلمّها

البيت مش أوتيل… وهو مش نزيل

التربية مش تأكيل وتنويم…

دي بناء إنسان 🧱

▪️ إنسان بيعتمد على نفسه
▪️ بيشاركك… بيحس بمجهودك
▪️ عنده دم… وعنده مسؤولية
▪️ يعرف يشيل نفسه بدل ما يكون عبء طول عمره!

🎯 ابنك يقدر يساعدك… مش صغير

▪️ ممكن يكنس أوضته
▪️ يرتب شنطته
▪️ يشاركك في المطبخ
▪️ يقول شكراً وأسف من نفسه
▪️ ويحترم الكبير والصغير 👏

لو معودتوش النهارده… هتشتكي منه بكرة 😔

مش هيفضل صغير… بس ممكن يفضل "أناني ومعاق عاطفيًا"
ووقتها، لا الحب هيكفي… ولا الندم هيرجع اللي فات!

🙋‍♂️ شارك في الخير وإعمل شييييييير


د.حازم هلال
استشاري طب الأطفال
للتواصل ٠٤٠٢٥٢٢٧٧٧

09/09/2025

على أد لحافك مد رجيلك

كلمة زمان قالوها فى الامثال
ومعناها كبير وعميق
النهاردة الاولاد اصبح عندهم تطلعات رهيبة نتيجة الانفتاح والانترنت والموبايل اللى لازق فى ايدهم طول اليوم

طب ودا معناه ايه ؟
معناه ان ابنى بيشوف حاجات كتير بتحرك غريزته للشرا والاقتناء
عايز .. عايز … عايز .. عايز

وطبعا احنا فى زمن الأباء من كتر الشغل لتلبية الاحتياجات مابقوش يقعدوا يسمعوا ولادهم
فالولد طول اليوم يطلب من الأم
والاب والام بيعافروا🥲

احب اقولكم مهما عافرتوا ومهما حققتوا للولاد مطالبهم
مش هتعرفوا تغطوا كل الاحتياجات و دى سنة ربنا فى الارض

اوعوا تفكروا انكم لما بتجيبوا لولادكم كل حاجه يبقى ولادكم هيطلعوا قنوعين و راضين
بالعكس دا هيتعلم ان عادى اخد كل حاجة وبأى طريقه
واتشقلب بقا يابابا ونفذ طلباتى
زى ماانت متعود تعمل

ارجوكم ربوا فى ولادكم القناعه 👌
من خلال تخفيض سقف طموحاتهم
وتوجيههم للادخار وعدم النظر للى مش فى ايدينا والاكتفاء بالموجود والسعى لتحقيق المرغوب
والشعور بالرحمة ناحية بابا وماما الشقيانين❣️❣️❣️
و زى ما قلنا الطفل مش هيتعلم دا بالكلام والتلقين
دا هيتعلمه بالقدوة والتقليد

وماتنسوش صحة ابنك النفسية لا تقل أهمية عن صحته الجسديه🌹🌹

د.حازم هلال
استشاري طب الأطفال
للتواصل ٠٤٠٢٥٢٢٧٧٧

09/09/2025

بُصي يا ست الكل 👩‍🍼، موضوع الريالة (سقوط اللعاب من بُق الطفل) 👶💧 بيقلق أمهات كتير، بس خليني أشرحلك:

👶 إمتى الريالة تبقى عادي؟

في السنة الأولى خصوصًا مع التسنين 🦷، الطفل بيبدأ يسيل لعاب كتير وده طبيعي جدًا.

لما الطفل يكون لسه ما اتعلمش يبلع كويس أو عضلات الفم لسه بتتقوى.

ساعات كمان بتزيد لما الطفل يكون مركز قوي في اللعب 🧸 أو مجهد.

🚨 إمتى نقلق؟

لو الريالة مستمرة بشكل ملحوظ بعد سنتين - 3 سنين، أو معاها:

صعوبة في البلع 🥣

مشاكل في النُطق أو تأخر كلام 🗣️

التهابات حوالين الفم بشكل متكرر 🩹

أو الطفل مش قادر يقفل بُقه كويس 😮

ساعتها محتاجين نراجع دكتور أطفال أو أنف وأذن عشان نستبعد مشاكل زي:

تضخم لوز أو لحمية 👃

ضعف عضلات الفم واللسان 👅

أو مشاكل في الأعصاب (نادرًا).

💡 نصايح للأم:

اهتمي إن الطفل يقعد راسه مرفوعة وقت الأكل 🪑.

شجعيه على مضغ أكل مناسب لعمره 🥕🍞، ده بيقوي عضلات الفم.

دربي طفلك يمسح بُقه أو يستخدم فوطة صغيرة 🧻.

لو عنده تسنين، استخدمي عضاضه مناسبه 🪀.

🙋‍♂️ شارك في الخير وإعمل شييييييير


استشاري طب الأطفال
للتواصل ٠٤٠٢٥٢٢٧٧٧

09/09/2025

👶✍️ مذكرات طفل غلبان لأمه العزيزة

يا ست ماما… عندي كذا سؤال كدا محيرني، ومش لاقي إجابة غير عندك 😎👇

🌸 ١- موضوع البودرة والبرفانات
إيه يا ماما حفلة العطور اللي عاملاها عليا دي؟!
أنا أصلاً بريحة اللبن 🍼 ريحتي تجنن من غير إضافات.
البودرة ممكن تجيبلي حساسية 💔 والبرفانات بتخلي مناخيري مش عارف أشم ريحتك 😭
يعني بالله عليكي كفاية شاور وهدوم نضيفة، والباقي أنا مسيطر 😌👌

🖐️ ٢- موضوع إيدي في بُقي
ليه بتشيليها يا ست الكل؟! 🤨
ده أنا باستخدم بقي علشان أستكشف العالم…
إيدي، رجلي، اللعبة… كله لازم يعدي جوة 🐥
متقلقيش، إنتي بس أبعدي الحاجات الصغيرة اللي ممكن تخليني أشرق…
ولو بعد ٣ سنين لسه ماسك صوابعي… ساعتها يبقى ندور على حل مع بعض 🕵️‍♀️

💅 ٣- قصة الأظافر
هو إنتي ناسية إن ضوافري بتجري أسرع من الضوافر بتاعتكم؟ 🏃‍♂️💨
إسبوع عندك = ٣ أيام عندي!
قصّيلي يا ماما… عشان وشي بقى مرسوم عليه خرائط من كتر الهبش 😅

🤱 ٤- القرص والعض واللسع وإنتي بترضعيني
متزعليش مني 🙈
أنا كدا بقولك: "بحبك يا أمي" ❤️
مافيش لغة تانية عندي أعبّر بيها. استحملي شوية وهتفهميني.

🌙 ٥- ليه بس كل الجيران يعرفوا إني بسهر؟!
يعني لازم أطلع فضايح العيلة؟ 🤨
أنا أصلاً نازل من بطنك مش عارف الليل من النهار 🤷‍♂️
جسمي لسه ما بينظمش هرمونات النوم… وده بيتظبط مع الشهر السادس.
إنتي ساعديني: ظلمة بالليل، هدوء… وأنا هنام زي الباشا 👑

📚 ٦- القصة المصورة
لما بخبط على الصفحات وانتي تقفلي الكتاب متضايقة 😢… أنا فاكر الصور دي لعب عايز أمسكها!
استحملي حماسي شوية 🙃… مع الوقت هفهم إن دي رسومات مش لعب.

🤤🦴 ٧- موضوع الريالة والطقطقة
ليه بتعلني أسراري للعيلة كلها يا ماما؟!
أنا بريل علشان جسمي لسه مش بيعرف يبلع اللعاب كله.
والطقطقة؟ دي أوتار بتتزحلق على بعضها… طبيعي أوي.
ماتخافييش… الخوف بس لو مفصل الفخذ هو اللي بيطقطق. ساعتها بلاش خالتو سوسو وعم فرحات… نروح لدكتور عظام أطفال على طول 🏥.

---

✨ الخاتمة:
يا ست ماما الغالية… أنا مش شقاوة ولا وجع دماغ،
أنا مشروع إنسان صغير بيتشكل بإيدك 💕
فاستحملي أسئلتي الكتير… ومتشتكيش كتير… عشان برستيجي بقى في الأرض 😎

🙋‍♂️ شارك في الخير وإعمل شييييييير


د.حازم هلال
استشاري طب الأطفال
للتواصل ٠٤٠٢٥٢٢٧٧٧

09/09/2025

لو لعبت مع إبنك باستمرار وقربت إبنك منك بكدا حيبقي ناجح وسعيد في المستقبل

09/09/2025

👶💥 ابنك قلب البيت كل يوم؟!
بيفتح الإدراج… ويقفلها على صوابعه 😱
يكسر الطبق… ويسقف لنفسه 👏😂
يولع النور… ويطفيه ١٠٠ مرة لحد ما انتِ نفسك تنوري وتطفي معاه 💡🙄
يدخل التلاجة يقعد جوه كأنه بيتصور فوتوسيشن 🧊📸
ويغيّر برنامج الغسالة… تطلع الهدوم مقاس Barbie بدل مقاسه هو 🧺👗

وفي الآخر يقعد يضحك 😂🤣… كأن ماعملش حاجة!

أحلفلك بالله… 👀 ابنك مش "مخرب" زي ما بتقولي، ولا جاي من كوكب تاني 👽
هو طبيعي جدًا… وبيمر بمرحلة اسمها مرحلة الاستكشاف 🎯
من سنة ونص لـ ٤ سنين… عقله بيقول:
"هو إيه ده؟ يلا نعرف 🧐"
"لو رميت الكوباية… هتتكسر ولا هتطير زي الطيارة؟ ✈️😂"
"لو فتحت الدرج… فيه إيه جواه؟ ممكن ألقى كنز؟ 💎"

المشكلة مش فيه… المشكلة فينا إحنا 😅
إحنا اللي شايفين إن البيت أهم من عقله! 🏠💔
نقعد نزعل على طبق اتكسر… وننسى إن اللي بيتبني دلوقتي جواه أهم من ١٠٠ طقم صيني 🤦‍♀️

🎯 الحل مش إنك تقعدي تزعيقي ٢٤ ساعة:
"بلاش يا واد!"
"حرام عليك!"
"انت شقي!"

لأ… هو محتاج:
1️⃣ بيئة آمنة 🛡️ → يعني شيلي الحاجات اللي ممكن تضرّه، مش تمنعيه يتحرك.
2️⃣ حاجات يكتشف بيها → مكعبات 🧩، ألوان 🎨، أو حتى معالق ومصافي مطبخ بلاستيك 🍴😂
3️⃣ أب وأم عندهم صبر ودماغ رايقة… أو على الأقل كوباية نيسكافيه زيادة ☕😅

💡 كل مرة بتزعقي من غير ما تشرحي → بتكسري فيه حتة فضول كان ممكن تخليه عبقري بكرة 🧠💥
وكل مرة بتقولي "عشان كده وخلاص" → بتعلميه إن السؤال غلط… مع إن السؤال هو اللي بيعمل علماء 🚀

إفتكري 👇
ابنك النهاردة "مخرب" 😂
بس بكرة يا إما يطلع مبدع شاطر 🏆
يا إما طفل اتقمع وطلّع عقدة 😔

فالخيار في إيدك يا ماما… إما:
👩‍👦 مستكشف صغير…
ولا 👶 متهم بريء بيتحاكم عشان كباية وقعت!

وخليكي عارفة 👏:
التربية مش "اعمل كده وما تعملش كده" ❌
التربية إنك تعيشي مع ابنك التجربة 💕
وتكوني أنتِ الأمان اللي من خلاله يكتشف الحياة 🌍✨

🙋‍♂️ شارك في الخير وإعمل شييييييير

د.حازم هلال
استشاري طب الأطفال
للتواصل ٠٤٠٢٥٢٢٧٧٧