24/05/2026
زي النهارده من سنتين هجريا كنت والحمد لله لسه واصل مكه عشان اقضي فريضه الحج بعد رحله جميله شوفت فيها كتير مع اهلي وأصحابي اللي كنا مسافرين سوا واللي كانوا موجودين هناك قعدت هناك حوالي اسبوع كل يوم عشت فيه احداث بعمر كامل من حلاوتها وتعبها واحداث مع ناس اعرفها واحداث مع ناس مش اعرفها ومغامرات وحاجات جميله افضل عمري كله افتكر فيها واحكي عنها حكايات متخلصش كانت اجمل رحله مع اجمل واغلي ناس عندي ومن النهارده لحد العيد هحكيلكم ع مواقف طريفه حصلت هناك
اول موقف واحنا مسافرين أنا والمدام أنا راكب عربيتي ومسافر بيها وعمي هيقابلني عند بيته ف مدينه نصر وهسيب العربيه عنده عشان هو يوصلنا بعربيته المطار وكنا لابسين ابيض ف ابيض أنا وهي وماشيين قابلنا ست وبنتها ع الطريق وقفتلهم يركبوا فبسالوا رايحين ع فين قولتلها ع مكه🕋🕋 قالوا طب خدونا معاكم انشالله تخطفونا وقعدوا يدعولنا ونضحك سوا لحد مانزلوا روحنا المطار كنا جعانين فبكلم زميلي معايا بيقولي ف مطعم كباب وكفته جميل وقعد يشرحلي عنه وانا مفكره جوا المطار وادور عليه الناس تقولي مفيش الاسم ده هنا وانا مصمم اكل منه مش لقيته رجعت اقوله دورت عليه كتير مش لقيته قعد يضحك ويقولي يا عم مش هنا دا بره وف الاخر كلت جبنه وفينو 🤣🤣🤣
والمره الجايه أحكيلكم يوم جده قبل ما ندخل مكه
