19/05/2024
منشن و شير لصاحبتك اللي بشرتها دهنية او مختلطة مايلة للدهنية
كيفية الإعتناء بالبشرة الدهنية
أول حاجة خالص، دي اكتر بشرة بتحتاج تستشيري فيها دكتور جلدية خصوصا لو عندك حب شباب كتير و ممكن يسببلك اثر حفر في الوش nudelar acne
، الإعتناء اليومي وقاية من المشاكل الكتير ليها، و ممكن يقللها، بس لو حالتك صعبة و الحبوب بقت بارزة و لونها احمر او ليها رؤوس بيضا
لازم تستشيري دكتور جلدية و مش هتندمي.لأنه يقدر يشيل الحبوب من اول جلسة
و بعدين يتابع معاكي بجلسات فراكشينال او تنضيف كيماوي و يقدر يضيعلك 80% من المشاكل اللي في وشك في اول جلسة و ماعتقدش الجلسة هتكلفك كتير.
فالموضوع يستاهل، استثمري في بشرتك أحسن ما تستثمري في مكياج... لأن جمالك الطبيعي هو الأهم..
البشرة الصحية هي اللي بنعمل توازن فيها ما بين الزيت و المية و الحساسية
1) أول حاجة لازم تعرفيها، انه الغسول اليومي،
حاجة أساسية للعناية بالبشرة الدهنية، لازم تغسلي وشك مرة الصبح و مرة بالليل قبل ماتنامي
أي غسول هتشتريه ممكن يتراوح ما بين gentle cleanser لو بشرتك بتنشف بسرعة ، او صابون طبي، او غسول خاص بالبشرة الدهنية
. بس لازم تعرفي ان معظم انواع الغسول القوي ممكن يجي بأثر عكسي و انه ينشف بشرتك تماما من الزيوت الطبيعية، و دي حاجة لازم نتفاداها،
بأنك تتعرضي علي دكتور الجلدية يختار لك المناسب
تستخدمي الكريم المرطب من نفس البراند علشان يوازنوا بعض.
حاولي تبعدي تماما عن استخدام اي طرق " كاشطة" للجلد اثناء التنضيف، زي فرش التنضيف خشنة، الحجر او الليف الخشن.. لأنه ممكن يسبب أثر عكسي في انه يزيح كل الدهون فيهيج الغدد انها تفرز دهون أكتر..
2) حاولي تجيبي سكرب خفيف تستخدميه مرتين في الأسبوع، و مرة كل اسبوعين مع حمام بخار كون ان بشرتك بتطلع دهون، ده ممكن يسبب زيادة في خلايا الجلد الميت عن أنواع البشرات التانية
، و بالتالي بيؤدي الى ظهور البثور، الحبوب، الرؤوس البيضا، الرؤوس السودا بسبب تكوم التراب و قفل المسام.
3) بالنسبة للرؤوس السودا،
حاولي تجيبي من الصيدليات .. Nose-stripsماسك صيني خاص بالمناخير بيبقى في الغالب كوري او صيني مستورد و بيبقى قطعة من القماش اللي عليها جل خاص بتحطيها على المناخير بعد السكرب و البخار و تسيبيها ربع ساعة و بعدين تشيليها و في الغالب بتتخلص من الرؤوس السودا بشكل فوري
و لكن بترجع تطلع تاني حسب اهتمامك ببشرتك و نضافتها.
فلابد من تنضيف البشرة بشكل دوري عالاقل شهريا في العيادات الخاصة بالجلدية أو المراكز الطبية
4) البشرة الدهنية بتحتاج ماسكات مقشرة PEEL OFF MASKS
باستمرار عالاقل كل اسبوعين
5) ممكن تجربي تستخدمي وصفات منزلية للمحافظة على رطوبة البشرة الدهنية بعد الماسكات المقشرة، او اسبوع و اسبوع..
من الماسكات المنزلية: اهرسي نص (بابايا) مع نصف ليمونة و حطيها على وشك ربع ساعة و بعدين اغسلي وشك
- قشري تفاحة طازة و قطعيها شرايح و بعدين اهرسيها و زودي عليها معلقتين عسل، و قلبيهم لغاية ما يعملوا عجينة، و سيبيها على وشك ربع ساعةو بعدين اشطفيها بماية دافية، ده هيقلل اللمعان، يشد البشرة و المسام و يرطب بشكل طبيعي.
6) استخدمي تونر خالي من الكحول بشكل يومي علشان يسيطر على الدهنية، اول ما تصحي و قبل ما تنامي.. مية الورد ممكن تستخدم كتونر طبيعي لأنها خالية من اي مواد ممكن تهيج البشرة.
7) إياكي تفتكري ان علشان بشرتك دهنية يبقى ماينفعش تحطيلها مرطبات، لأنك لما بتشيلي من بشرتك المرطبات تماما بتهيجي الغدد انها تفرز زيوت أكتر، حاولي تشتري مرطب خاص مش تقيل و يكون water based
ممكن تعتمدي على لوشن خاص بالبشرة الدهنية،
و لازم كمان تجيبي كريم ليلي خاص بالبشرة الدهنية علشان يحافظ على رطوبة بشرتك و يغذيها اثناء النوم
و مكتوب عليه oil-free, non-comedogenic,
8) استخدمي دايما كريم حماية من الشمس صن بلوك ، و جيبي خاص بالبشرة الدهنية و يكون gel-based
لأن عدم استخدامه هيؤدي لأضرار اكبر و هي تغير في اللون من جزء لجزء في بشرتك، النمش، و البقع البني.
