Dr Mariam Refat Nutritionist

20/04/2024

لو عاوز تتأكد من أصابتك بمقاومه الإنسولين أو لا ، التحليل الدقيق هو HOMA IR و fasting insulin
بجانب أعراض مقاومه الإنسولين👌👌
مينفعش تعتمد علي تحليل سكر بس سواء صائم أو سكر عشوائي👌👌

12/04/2024

خلاص اتعالجت من ادمان القهوه في رمضان😊
أنا تاني يوم العيد الصبح😂😂👇🏻👇🏻

10/04/2024

كل عام وأنتم بخير ❤️😍
عيدكم مبارك 😍

21/03/2024

دايت رمضان الخاص بيا لاكتر من 3 سنين وحقيقي هيغير شكل جسمك في وقت قصير
هتلاقي كل التفاصيل عن دايت الفطار والسحور واذاي تعمل الدايت بتاعك في رمضان
متنسوش اللايك والشير عشان الكل يستفيد 😍🥰
رمضان كريم🌙
#رمضان #رمضان2024 🌙 🌙

14/03/2024

رمضان شهر التغيير❤️
شاركونا بأهدافكم خلال الشهر سواء في العباده ، المذاكره أو الدايت والعادات الصحيه❤️👇

12/03/2024

أين عشاق القهوه😍😂
مصدعين تاني يوم والا لا طمنوني😅😂
كل سنه وانتم طيبين❤️❤️

11/03/2024

عشان رمضان شهر الكرم عملنا عرض الكرم لشهر رمضان متابعه شهر كامل اونلاين بسعر مفاجئه للتفاصيل ابعتلنا علي رسائل الصفحه أو علي رقم 01030825625

08/03/2024

كل سنه وانتم طيبين❤️
عاملين ايه، اتأخرت عليكم بسبب الإمتحانات😅
علشان كده انتظروا مفاجأة رمضان 😍🥳❤️
كمان اقترحوا علينا المواضيع اللي عاوزين نتكلم فيها في رمضان👇

13/02/2024

تعرف أن اسوأ حاجه تعملها في نظامك الغذائي انك تاخد كل حاجه low fat او قليله أو منزوع الدسم ،الدهون مفيدة جدا جدا ومسؤلة عن الهرمونات وتنظيم مستويات السكر في الدم والشبع لفترة أطول .
الدهون الصحية هي أفضل مصدر للطاقه لجسمنا
ده غير أن المنتجات المنزوعة الدسم بينضاف ليها سكر واضافات بكميات كبيرة عشان يبقي طعمها مقبول .😅
أمثلة الدهون الصحيه ،
زيت الزيتون
الزبده الحيواني أو السمنه البلدي🧈،،المكسرات🥜
الأڨوكادو 🥑🥑،صفار البيض 🥚🍳
الأسماك الدهنيه زي السلمون والسردين 👍👍

11/02/2024

07/02/2024

النجاح في الحياه ليس فقط المحاولة ولكن عن طريق استمرار المحاولات ،ونفس الحال في الدايت ..
الإستمرار في محاولتك في الحفاظ علي صحتك و وزنك ده شيئ إيجابي جدا 👏👏يعني مهما بوظت أو بطلت ارجع حاول تاني ،الحياه عباره عن سلسه محاولات وكلنا بنقع بس الشاطر اللي يقوم يكمل ويحاول تاني ..
حتي لو بتقع وتقوم في اليوم عشر مرات أكيد هتوصل لهدفك😍💪💪💪

04/02/2024

أذاكر للإمتحان اللي ورايا ❌❌
أصور محتوي جديد❌❌
أتفرج علي قصه حبهم ✅✅✅😂😂😂

04/02/2024

لو بيحصلك 👇👇
انتفاخ وغازات أو اسهال وألام في البطن لما تشرب لبن ، كده عندك عدم تحمل لاكتوز وجسمك بيعاني من خلل في الإنزيم اللي بيكسر سكر اللبن وهو الاكتيز انزيم ولازم تبطل تشرب لبن 🤦‍♂️
تقدر تستبدل اللبن بحليب جوز الهند أو اللوز 👌

30/01/2024

تعليقا علي ترند الوصفات الصحيه الجميله اللي بتتعمل في البيت 😍 نركز في نقطه مهمه جدا👌
الوصفات المحلاه بالتمر أو دبس التمر أو العسل الأبيض لا تناسب مريض السكر أو مقاومه الأنسولين أو تكيسات المبيض❌❌👌
نستبدله بسكر استيڤيا أو المونك فروت👌✅✅

28/01/2024

قبل ما نبوظ الدايت اسمع الڤيديو ده ✋ليه أكل المطاعم أحلي من أكل البيت ؟ السر وراء أكل المحلات وازاي بتدمر صحتنا🤔

20/01/2024

https://youtu.be/OQJBmKni81M?si=ZLIG6UTYRQggaM-h
🤗🤗❤️

09/01/2024

الحل النهائي لمشكلة الأنيميا ونقص مخزون الحديد
#الدايت

04/01/2024

غيرت ايه في نظام اكلك2023 وفرق معاك؟🤗
تعالوا نستفيد من بعض❤️

01/01/2024

تعالوا نرتب أهداف للسنه الجديده ❤️👌
التغيير صعب ، علينا كلنا مش لوحدك،
علشان كده التدرج مطلوب 👌
حط قدامك هدف واحد في اسبوع 💪❤️
١-انك تأخر فطارك شويه 👌
٢-قلل عيش وزر ونشويات وفاكهه
٣-امنع سناكس بين الوجبات👌
٤-حاول تخلص أكلك بدري💪
٥- تظبيط النوم ،خاصه بالليل علشان نقلل هرمون الكورتيزون👍

28/12/2023

لو عاوز تعمل خطوه واحده بس في أكلك تخليك تخس وبطنك تنزل 👌
هي انك تشيل السناكس بين الوجبات والتزم بالوجبتين أو ٣ اللي بتاخدهم نشيل سناكس حتي لو تفاحه او بسكوته👌💪

20/12/2023

من أكتر الأسباب اللي بتخليك مش راضي عن أكلك وحاسس إنه مش كفايه وعاوز تأكل حجات كتير هي :
إنك متعود تمسك الفون أو مشغول بالفيلم أو المسلسل وانت بتاكل ودي عاده ناس كتير بتعملها🤔
هتخلص طبقك ومش هتفتكر كنت بتاكل ايه اصلا، 🤦‍♂️
ركز في الأكل علشان شكل الأكل مهم جدا في رضانا عنه واحمد ربنا علي نعمه❤️
وافتكر إن العين بتاكل الأول💪

19/12/2023

لو بتاخد خضروات والياف كتير في أكلك علشان تشبع في الدايت مهم جدا تهتم بشرب الماء علشان تتجنب خطر الإمساك 👌
ومتنساش نصيحتي قشر كل حاجه ينفع نشيل قشرها وبكده نكون أسهل في الهضم ونبعد عن الإمساك💪❤️

16/12/2023

بما أننا في الشتاء وادوار البرد بتكون كتير والمناعة بتضعف
احمي نفسك وكل أطفال البيت باستخدام جرعه من فيتامين د
ولو عايز تعرف دور فيتامين د في المناعه وتخسيس الدهون
شوف الفيديو
ولو عندك الأعراض دي
👈 تعب وإرهاق مستمر فقدان في الطاقه
👈 اكتئاب
👈 تساقط في الشعر
👈 مناعتك قليله وكل شويه يحصلك عدوي
👈 الحرق عندك ضعيف وعامل دايت لكن النتيجة مش مُرضيه بالنسبه ليك
تأكد انك عندك نقص ڤيتامين د،
في اول كومنت هتلاقي كل التفاصيل الي محتاج تعرفها عن فيتامين د والحريات المناسبه لكل سن

06/12/2023

في الفيديو ده هنعرف كل حاجه عن جهاز Inbody
👈انواع اجهزه الانبودي
👈الخطوات الي لازم اعملها قبل القياس عشان اطلع ادق نتيجه
👈الحاجات الي بتاثر علي نتيجه الانبودي

02/12/2023

خمس خطرات لذياده الوزن بطريقه صحيه
#الدايت

22/11/2023

vitamin D فيتامين د
أعراض نقص فيتامين د D
👈 تعب وإرهاق مستمر فقدان في الطاقه
👈 اكتئاب
👈 تساقط في الشعر
👈 مناعتك قليله وكل شويه يحصلك عدوي
👈 الحرق عندك ضعيف وعامل دايت لكن النتيجة مش مُرضيه بالنسبه ليك
كل دي أعراض لنقص ڤيتامين د،
تعالوا نتعرف انهارده علي اهميه ڤيتامين د والدور المهم لفيتامين د في علاج مقاومه الأنسولين وتخسيس دهون البطن
وإزاي نعرف أننا بنعاني من نقص ڤيتامين د
علاج نقص فيتامين د
ايه المصادر الطبيعيه لڤيتامين د
ولو هناخده مكملات إيه الجرعه المناسبه لينا و ناخدها امتي بالظبط👍

18/11/2023

هرمون الشبع ( Leptin hormone ) بيساعد علي انقاص الوزن
اذاي استفيد منه في الدايت وعلاقته بهرمون الجوع ( ghrelin hormone )
اذاي ابطل اكل
وليه فيه شعور بالجوع مستمر
هنتكلم في الفيديو عن الهرمونين Leptin hormone وghrelin hormone اذا احافظ علي نسبتهم في جسمي مظبوطه
وعلاقتهم بتظبيط الاكل والنزول في الوزن
#الدايت

15/11/2023

النوم ليه تأثير علي كل جوانب حياتنا , بيأثر علي حالتنا النفسيه خلال اليوم ومعدلات التركيز و الاستيعابز وهرمونات كتير في جسمنا
والأرق او مشاكل النوم ليها تأثير كبير جدا علي معدلات الحرق عندنا
والشهيه
في الفيديو ده تاثير الارق وقله النوم علي صحتنا الجسديه والذهنيه
ده غير تأثيره علي افراز الهرمونات اللي بتأثر علي معدلات الحرق والشهيه وحساسيه الخلايا للجلوكوز
وعلاقه النوم بالهرمونات
زي هرمون الانسولين
وهرمون النمو
الكورتيزول
وهرمونات الشبع والجوع
تعالوا نتعرف سوا ازاي الأرق بيأثر علي افراز الهرمونات دي
وازاي ده ممكن يساعدنا ننجح الدايت بتاعنا او لا

14/11/2023

هو فيه علاقه بين النوم والدايت ؟🤔🤔
طب تعرف ان فيه علاقه قويه بين عدم الانتظام في النوم ومقاومة الانسولين .🤨
استنو فيديو جديد عن اهميه النوم وعلاقته بالدايت ❤️🌟

13/11/2023

نظام الوجبة الواحده OMAD هل بيخسس فعلا ؟