د. هالة رجب - DR.Hala Ragab أخصائية الصحة النفسية

18/01/2026

عدي الترم الاول بكل ما فيه من تعب او قلق وضغط عصبي عليكي وعلى ابنك او بنتك ننسي اللي فات حضرتك
ايا كانت النتيجه لان اكيد كنتي عارفه انه هايواجه صعوبات سواء كانت قراءة او كتابه او حساب

لازم يبدأ مهارات مع الأكاديمي والا بيستمر الوضع ويزداد مع السنوات بزياده صعوبه المناهج
من غير تنمية المهارات مفيش اي تقدم أكاديمي بيحصل

11/01/2026

الطفل اللي عنده صعوبات في الإملاء المشكلة عنده مش “حفظ كلمات” وبس، لكن خلل في شوية مهارات أساسية لازم نشتغل عليها بالتدريج 👌

الاملاء مش ماده تتحفظ

الإملاء = مهارات سمعية + بصرية + لغوية + انتباه

🔹 لو اشتغلنا على السبب → التحسن بيبقى واضح ومستمر
احجز مكان ابنك ومتاح الاون لابن
للتواصل واتساب
00201556768265

11/01/2026

11/01/2026

في اولياء امور بيفتحو نفسي للشغل والله ❤️
من كتر ما بشوف حماسهم وانبسطاهم وهما في السيشن الاونلاين مع اطفالهم ومستمتعين 😍
ماشاء الله بجد 🙈

10/01/2026

يخلط بين الأرقام المتقاربة (6/9 –
2/3)
لا يلاحظ إشارات (+ − × ÷)
ينسى خانة الآحاد أو العشرات

مثال:

345
+ 27

قد يكتبها:

345
+27

فيطلع الناتج غلط

مشاكل في المسائل اللفظية

اكي عرفتوا باتكلم عن ايه تابعوا المنشورالقادم مهم

10/01/2026

الطفل اللي عنده قصور في مهارة (الشكل والأرضية) بيعاني من صعوبات إدراكية بصرية، وده ينعكس بشكل واضح على القراءة والكتابة والتعلّم عمومًا.

لازم كل ام تفهم مشكلة ابنها كويس علشان تقدر تساعده

تابع الكومنتات لو مهتم
#صعوبات٠تعلم
#صعوبات٠قراءة
#صعوبات٠كتابة

10/01/2026

الطفل لا ينسى ابدا كيف كانت معاملة أهله له

08/01/2026

🔹 ليه مفيش طريقة واحدة لعلاج ضعف التركيز؟

لأن كل طفل مختلف عن التاني 👶✨
وفيه عوامل كتير بتأثر على التركيز، زي:
🔸 عمر الطفل
🔸 قدراته الذهنية
🔸 حالته النفسية
🔸 البيئة اللي حواليه
🔸 هل عنده فرط حركة ولا لأ

عشان كده
📌 مفيش برنامج واحد ينفع مع كل الأطفال
📌 ومفيش حل سريع أو جاهز

العلاج الصح بيبدأ بـ:
✅ تقييم دقيق لحالة الطفل
✅ معرفة سبب ضعف التركيز
✅ اختيار أسلوب مناسب لشخصيته وقدراته

طفل يتحسن بالألعاب
طفل يحتاج روتين واضح
طفل يستجيب للتعزيز
وطفل محتاج شغل تدريجي وبسيط

التركيز مهارة… وبتختلف من طفل لطفل
وعشان كده الخطة لازم تكون مصممة خصيصًا لكل طفل 💙

للحجز والاستفسار من داخل او خارج مصر

واتساب 00201556768265

Online Clinic متاح اون لاين حجز
تقييمات
استشارات
مقاييس
جلسات

#تنميةمهارات
#صعوبات٠تعلم

08/01/2026

07/01/2026

👇 👇🔥

❌ أنواع صعوبات الحساب… مش لعب ولا استهتار

مش كل غلط في الحساب يبقى كسل
ولا كل درجة وحشة تبقى فشل

في أطفال بتعاني من صعوبات حقيقية، منها:

🔴 مش فاهم يعني إيه رقم
الرقم بالنسباله شكل مالوش معنى.

🔴 لخبطة في العدّ والترتيب
يعدّ صح مرة، ويغلط عشر مرات.

🔴 شلل قدّام العمليات الحسابية
جمع، طرح، ضرب، قسمة… عقلُه يقف.

🔴 مش عارف يفرّق بين الرموز

− × ÷ كله واحد.

🔴 تايه في المسائل الكلامية
يقرا السؤال… ومش عارف يبدأ منين.

🔴 بينسى القواعد في ثواني
مش لأنه مهمل، لكن لأنه مش ثابت في دماغه.

⚠️ دي مش مشاكل درجات
دي معاناة يومية
والضغط والزعيق بيكسّر أكتر ما بيصلّح

افهموا قبل ما تحكموا
لأن اللي بيتظلم في الحساب… طفل

07/01/2026

الفيديو اللي انتشر ده مش دلع بنت خالص زي ما ناس علقت علبها على التيك توك ده مش للترند ولا محتوى تافه

ده مراية بتعكس واقع ناس كتير عايشينه كل يوم… في صمت

اللي شوفناه اسمه اضطراب ديسلكسيا
وغالبًا بييجي معاه اضطرابات نطق أو لغة.

🧠 يعني إيه ديسلكسيا؟
الديسلكسيا مش ضعف ذكاء، ومش قلة تركيز،ومش «لو ركزت شوية هتبقى تمام».
هي اضطراب عصبي في طريقة معالجة اللغة بيخلي:
*القراءة متعبة
*النطق أبطأ أو غير واضح
*ترتيب الكلام صعب
*الكلمة تبقى في الدماغ… بس مش راضية تطلع
والأهم:
📌 صاحبها فاهم كل حاجة.
🎤 خلّيك مكانه لحظة…
تخيّل إنك:
١-عارف الإجابة بس مش قادر تقولها بسرعة
٢-كل مرة تتكلم حد يقاطعك أو يضحك
٣-تحس إنك تحت اختبار طول الوقت
٤-وتطلع متهم إنك بتستعبط أو بتدور على اهتمام
اللي بيبان ضعف…
هو في الحقيقة مجهود مضاعف.
👧 طيب يعني إيه أطفال دمج؟
أطفال الدمج هم أطفال:
✔ عندهم صعوبات تعلم
✔ أو اضطرابات نطق ولغة
✔ أو فروق عصبية
لكن يقدروا يتعلموا في المدارس العادية
لو اتوفر لهم فهم ودعم حقيقي.
الدمج مش شفقة…
الدمج احترام للاختلاف.
⚠️ المشكلة فين؟
المشكلة مش في الاضطراب،
المشكلة في:
❌ السخرية
❌ التنمّر
❌ الأحكام السريعة
❌ تصوير الناس كأنهم مادة للضحك
كلمة واحدة ممكن:
تهز ثقة
تكسر روح
تخلّي شخص يكره صوته وشكله وكلامه
🤍 رسالتنا ليك
قبل ما تضحك…
قبل ما تكتب تعليق ساخر…
اسأل نفسك:
لو ده كان ابنك أو بنتك… كنت هتعمل إيه؟
الوعي مش إنك تعرف اسم الاضطراب،
الوعي إنك تتعامل بإنسانية.
لو عندك طفل أو شاب بيعاني من صعوبات تعلم أو نطق،
التقييم النفسي والتأهيل المبكر بيفرقوا جدًا.
سعى موجودة علشان الدعم… مش الحكم 🌱

اتمنى نكون فهمنا.. وعلى الجانب الاخر اتمنى كل ام تعلم ابنها ان في اطفال هتكون مختلفه عنك لكن ده مش معناه انهم اقل ازرعي فبه قبمة الرحمة والانسانيه
#لاللتنمر
#الديسلكسيا