21/07/2025
كل سنة و حضراتكم طيبين
اكتر سؤال بنتسأله دلوقت
يا دكتور انا ينفع اروح المصيف ؟؟
طيب ينفع انزل المية ؟
______
فيه مشاكل في الحمل بتمنع من نزول البحر عموما و دي حاجات لازم نخلي بالنا منها كويس
هنقول 16توصية مهمة
__________________
نخلي بالنا للسباحة :-
1- Indoor
الافضل بالنسبالنا الاماكن المغطاة عشان نقلل overheating و تعرض الحامل لاشعة الشمس المباشرة
2- بلاش استحضار روح ابو هيف
يعني السباحة لو حبت تنزل البحر متزدش عن نص ساعة في اليوم .. و متحاولش تكتم نفسها و تتنفس تحت المية و اني اغرق و الكلام ده
No Diving or jumping
3- تشرب علي قد متقدر علي الاقل 2 لتر قبل نزول المية خاصة الساعتين قبل نزول المية عشان نحافظ علي الجسم من الجفاف ... نتجنب نزول البحر من 9 صباحا و حتي 6 مساءا
4- علي قد ما نقدر لو هتروح البحر يبقا تسافر الاماكن القريبة منها عشان Exhaustion & DVT >> فعشان خاطرنا بلاش الاماكن البعيدة و السفر اكتر من 4 ساعات .. و الا هتلبس شراب دوالي طول مدة الرحلة و تنزل من العربية كل فترة و تتحرك و شرب سوايل كتيرة للخوف من حدوث جلطات لقدر الله
5- نخلي بالنا من slippery area .. و نلعد عن السيراميك اللي بيكون في البول لانة ممكن يزحلق و يسبب fractures
6- عوامة بطة 😊 أيوة بجد
shades, flippers or floating لان ممكن يحصلها cramps مفاجءة
7- كل ساعتين sunscreen
مهم لان جسم الحامل بيكون sensitive & highly reactive to sun
8- سناكس علي الاقل نص ساعة قبل نزول البحر ( بسكويت - سندوتش - قاكهة - عصير - لبن )
9- بلاش cold water .. لانة بيسبب contraction & hypothermia >>> فلازم تكون درجة حرارة المية قريبة من حرارة الجسم ..
10- مستحيل انها في اي وقت من الاوقات تكون لوحدها ... لازم يكون معاها حد كبير و فاهم و يقدر يتصرف او يتواصل او يطلب مساعدة
11- بلاش crowded pools
الاماكن المزدحمة عموما نتفاداها ... لانها ممكن تتخبط بدون قصد و كمان انتشار العدوي
12- clorinated pools افضل لانها بتقلل water born infection
و في كل الاحوال لازم يكون shower بعد البحر مباشرة
و نحاول بقدر الامكان ان المية متلمش الوجة او الشفايف
13- لو فيه عندها atopy او حساسية يفضل اننا نحذرها من لدغات القناديل و ننصح بالملابس القطنية و في حدوث اي اصابات لازم التواصل مع اقرب مستشفي
14- بعض الدراسات اثبتت ان السباحة في البحر ممكن تعرض المريضة لانفجار بجيب المياة او حدوث الام ولادة مبكرة ..
15- بلاش اكوابارك ... بلاش اي العاب مائية ..
١٦ سوايل ثم سوايل ثم سويل
